طلبتكم ..جاوبوني.. عن الخبرة التربويه

[غربة قلب]

السلام عليكم ورحمة الله وبركاته

حياكم الله اخواني اعضاء منتديات سدير بعد طول انقطاع عنكم لظروف الدراسة

بسألكم وجاوبوني الله لا يحرمكم الاجر..
انا تخرجت هالسنه من التربيةالخاصه من جامعه الملك سعود
وطبعاً مثل ما تعرفون العمه الله لا يهينها صكت بيبانها بوجهنا قبل لا نتخرج بأسبوعين في 21/6 (اقصد الخدمة المدنية :threaten:) وهذا الظلم معروف عنها في كل سنه للبنات

ما اطول عليكم بالسالفه..
انا قدمت على احد المراكز الخاصه لتأهيل المعاقين بوظيفة معلمة وقبلوني
واليوم اول يوم دومت فيه عندهم
وانا ما حدني عليهم الا اني ابي الخبرة التربوية ولا الاهليات ما يحد عليهم الا .. لكترة مشاكلهم وغثاهم وكرفهم وقلة مردودهم..

المهم .. وانا اوقع العقد معهم اليوم قريت في اعلى الصفحة .. اسم المركز وانه ماخذ ترخيص من وزارة الشؤون الاجتماعية ..
عاد قلت بسأل كود القى احد يرد علي ..
هل اذا اشتغلت عندهم سنه بوظيفة معلمة تكون الخبرة اللي يعطونني اياها (تربوية) او لا ..
لاني ودي اكمل الماستر في -جامعة سعود- وهم مشترطين لتخصص التربية الخاصة (خبرة تربوية ع الاقل سنتين)
افيدوني وردو علي
والله ماحد عندي بعد الله اسأله الا انتم
الله يرحم والديكم..

[||زخـآت المـطـر ||]

الله يسهل عليك امرك .. وان شاء الله يفيدونك الاخوان والاخوات ..

[فهد المنيع]

والله ما أدري هي تحسب كخبرة في التعليم أو لا لكن ممكن تتصلين على الخدمة المدنية وتسألينهم يمكن يفيدونك . او ترسلين ايميل على موقعهم .

وبالتوفيق

[حـــور]

حبيبتي إتصلي على الخدمة المدنية وهم بيفيدونك أكثر
بالتوفيق يآآآآرب