ديوان الشاعر .. ناصـر بن فـهـاد ..

[حمد ولد أبو حمد]

السلام عليكم ورحمة الله وبركاته ،،


حياكم الله في ديوان الشاعر ناصر بن فهاد


قصيدة: هاجس الشعر ..



يا هاجس الشعر وقف يوم هبت شمال = نبغا من الشاذليه مد فنجالها
والوف قلبي ليا بان الخلل فالرجال = واشيب عين المراجل قلوا أرجالها
قل السنع والرجال اللي تعَد الجبال = لكن وين الذي يرقا على أجبالها
ماجور ياللي ترقًب في حقوق الخيال = جاتك ترا الغره اللي يصطفق جالها
يا راكب الحره أسمع دام ذالليل طال = هات الأصيله لفاك اليوم خيالها
بعض العرب كم وضعنا وسط عينه خلال = وآخر غرسنا بوسط الكبد سلالها
اللي بوضح النقا يمشي ووضعه عدال =ماهو كما اللي تدس الراس وشحالها
الشمس دايم ترا ماهي سوات الظلال = أقولها يوم وقتي أيه قد قالها
الطيب يا نفس تال الوقت يانفس مال = قلوا هله بعد جا للأرض زلزالها
من مد مدة وفا ما يرتجي لريال = يشبع ضيوفه ولا هو يكنز أموالها
ياللي تعرف الفنون ولاتعرف القتال = السيف لأهل الظفر والعز منزالها
اللي يبا العز يتعب مع رجال الفعال = اللي لهم بالمعارك ندر أفعالها
من طال ذروة سنام العز قيل أله طال = ماهو كما اللي يشد أن جاه نزالها
راع الذلول الكفيفه لاعمام وخوال = ماهو كما اللي جمال أعقيل جمالها
من سالف الوقت نشرب من بطون الدلال = فنجال ضيفن وكيف وسيف حنالها
لا دق ناقوس حرب أنجيك فزعه عجال = شوباش روس الرجال الأرض تنخالها
لو كل رجلٍ بأسمه ماتسمى كمال = الكامل الله ولا غيره له أكمالها
يا وقت وشعاد عان البعض يتبع ضلال = القلب يمشي عماوي والقدم مالها
الشعر وهبه من الله ننطقه بأرتجال = مضمونه النصح والأرشاد بأجزالها
الشعر ساسه أدب ماهو بتال الليال = الحق يسعد رجال وبعض علالها
وخلاف ذا يا وصوف الحسن عين الغزال = مالوم بعض العرب لاحفي مرسالها
انكان ما يسترك يمنا كريم السبال =والله يحرم علي ألشمغ وأعقالها




ناصر بن فهاد

[حمد ولد أبو حمد]

قصيدة: الله ثم حب الوطن ثم حب من قاد العتاد



بديت بأسم اللي رفع سبعن بسط سبعن شداد = الواحد المعبود يا شجعان والمخرج ملي
من عمري اللي فات ما أنقض عهودي والمراد = جاني طلب من عند ربعن لثقايل تحملي
أكتب سفر ولا فقر ولا لوالد يا جواد = ولا بقصه حب صارت فالزمان الأولي
الحب عندي له حقوق أموثقه مابه عناد = أمشي على نهج النبي وأحفظ حقوق الحمبلي
من عام الأول والركايب عايفه حمل الشداد = من بعد ما لدت عيون الناقه لعين اجملي
الحب مثل الشجره اللي تثمر بوقت الحصاد = لا صارت بوسط الحديقه والمزارع يعملي
الحب له أربع شروطن لاعناد ! ولا جهاد != عفه وحشمه مع وصل مع صاحب الوجه الحلي
في شرع ربي والشهود أثنين وأسعاد العباد = في شرع ربي دايمن والحب ماهو يخملي
تال الزمن والحب صاير من بياض أليا سواد = أهل الجهل حاسوا أصول الحب وأسمع ما يلي
واحد يوصف في بنات الخلق يحسبها سداد = وآخر يغني في حظيظ الشعر يالله الولي
العامري مجنون ليلا راح مع بيض الجياد = والكل يشهد بأن حبه عف ما هو غربلي
أن جيتها صوب الحقايق والوثايق لي وكاد = هرج الحقيقه حق والبرهان في يدًي وألي
الله ثم حب الوطن ثم حب من قاد العتاد = هاذي ثلاثه في فوادي قبل لـظًـنا يا علي
حب الوطن يجري فدمي لو نغرب بالفواد = أفديه في روحي وسيفي للمعادي يقتلي
عقب صبين بالحرايب لا يقود ولا يقاد = يشرد ليا دقت جراس الحرب والظرب أصملي

واختامها صلوا عدد ماهبت أهبوب البراد = على النبي الهاشمي عد الرعد والله ولي



ناصر بن فهاد

[أبـوبـدر]

الفارس النشمي



سلام مني لرجال أهل العلوم الطيبات = أهل الوفا وأهل السطر ساس الظفر ستر الخويً
بعد السلام أنشد عن أحوال الأداره والرعات = جعل الولي يحمى هل الطلات والذكر القويً
ياسيفي البتار يا سقم العدى قل اللهات = حامي حما يوم الذيابه بالمراقيب أتعويً
كم شيخ قومن راح من بين الجنايز والرفات = وكم ناحت الورقا ولا معها مع العالم سويً
وكم صاح صايح يجتلد لابانت الهيا زتات = يزهم لربعه يوم شين الوقت ما فيه أضعويً
ياطالب الدرس أستمع جتك العلوم الوافيات =أخذ الحكم من راس ابن فهاد دامك مهتويً
الشعر تاريخ العرب ماهو بحكين بالبنات = وماهو على ماقيل في شين النوايا منتويً
الفارس النشمي على الميقاف له شف وطرات = وله غايتن وسط الحشا ماصار فيها منزويً
ياحافي الأقدام في دربك ترا رجم وحصات = وأنته على ماقيل خايب جعل علمك ينطويً
قالوا رجال العرف وأغرابن يقلد للقطات = وأخلف لمشيه ما معه صحه ولاهو مرتويً
وش حد نفسه يارجال العرف مانام السبات = طيرالشأم طيرن على ماقيل راسه منكويً
النشمي اللي بالمواقف سد ما هاب الممات = في سيف مع شلفا ورمح وساعده ما يلتويً
النشمي اللي يلطم الطاغي ولاهاب الطغات = يحكم بحكم الله والله عادلن فردن قويً
وختامها صلوا على المختار أمقيم الصلات = وعداد ما نسمع لصوت الرعد وأصوات الدويً





ناصر بن فهاد

[أبـوبـدر]

السيل جارف



ياللي تناظر للمحيط ومحيطه=البحر يجهل به ترا كل سباح
السيل جارف والغبب هي غويطه=مالك على شف المداغيش مرواح
لاتزعل أحرارن فهرج الصقيطه=بعض السوالف تخفس أرقام وأرباح
أرجوك قلي ليه جبت الشطيطه=لوكان مالي فيك شرهات ومزاح
أول علومك كلبوها نشيطه=واليوم هذا بانت علومك شحاح
يشبهك وسط النبت ياهيه طيطه=لافود منكم لا ولا فيكم أرواح
حنا رجال الدار وأصل السليطه=حنا حمينا نجد من كل منزاح
ياهيه ياللي عيطكم زاد عيطه=حذرا تشكك في صناديد وأفلاح
الله وهبني ما أدور قريطه=لي ثقل وسط الكون والعقل مرتاح
أنقل لـــحـرن نــــادرن فالبسيطه=ماهو من التفريخ أو جير ياصاح
جبر الثنادي سلطتن لسليطه=مغتر قصير الساق والأسم وضاح
نزرن على صيده ترا فيه حيطه=ما ينقلونه غــيـــر قانين الأرماح
ياللي تشق الثوب منته تخيطه=من غيض في صدرك تبا طمس الأصحاح
أسمي موثق عان فوق الخريطه= وأنته تخفا جبن ماتحمل سلاح
ياللي يرجع بالمعاني شريطه= دايم عيونك ترقب البرق لا لاح
ياللي تناظر للمحيط ومحيطه= البحر يغرق به ترا كل سباح


ناصر بن فهاد

[أبـوبـدر]

سر ياقلم


سر يا قلم وأبدع من اللي تعسر=وأنحت بصدر سهيل جزلات الأشعار
أمس العصر ذيــك القصايد تفسر=واليوم بـطـنـت المعاني عــن الجار
مــن بـعـد مــا شــفـت القناين تكسر=واوجد روحي من توجد على الثار
وجد الشجاع اللي به الجيش يجسر=أمسا وفي صدره تواقد كــما النار
الفعل سهـل و دوم مـــا هـــو بيعسر=مير الخطا مــن جملة الناس معيار
ياطــيــر شــوفـك بالسما عـــاد له سـر=والكل يجهل فــي مـقــادير الأقدار
الـــــــرزق عــنــــد الله والله يــســر=وأكــرم عــبـاده والي الخلق جبار
مــن هـــو يجيب الــدر ماراح يخسر=ومن هو يجيب المر ذوقته أمرار
ومـــن هــو فعوله بالـرذايل تحسر=يـنـدم على حاله وله راس مكار
نــوبـــن يــجــي بالشر نوبن ميسر=نوبن يزين ونوب بالهرج دوار
الــعــــاذل الــمــغــبـون لا بد يكسر=ولا بد ما نــكـــوي لغاربه ألا غـار
بالـمــيــســم الحامي نجيله ونفسر=نفسر سـواعــدنا وللـبحر عبار
ياللي تــســـر الــفـعــل لا بد تنسر=لا بد ما تــطـــغـي عــلـى كل معمار
واللي كفوفه بيض مـاهـــو يوسر=فــعــله تــعــلا للعلا عالي الكار
سر ياقلم وأنحت مـــن اللي تعسر=وأنحت بصدر سهيل جزلات الأشعار




ناصر بن فهاد

[أبـوبـدر]

الله يحمى خليج العز


عسى الله يحمى دار صقر الجزيره = ويحمى خليج العز من كل خناس
تجدد لك البيعه حشودٍ غفيره = على سنة المعصوم سابح وغطاس
بعد أمر سامي والمواقف خطيره = يرد العدو بالخزيً يعلن للأفلاس
مليك السطر والعز ربي نصيره = على جمع أبن رافض على جمع عباس
وألا دقت الأجراس ثارة ذخيره = تجيك الرجال اللي على قب الأفراس
تسوق العمار ولا تبيح السريره = ولضًد سم وللأصحايب نوماس
على أظهورهن كم جيش يحسم مصيره = بحد الصقيل وراس مخلاب قرناس
ترى البيت حاميه الولي ماش غيره = زمان أبرهه أكبر دليلٌ مع الناس
أقوله وسيفي مغمدٍ في جفيره = وألا دقت الساعه أسله ولاباس
أنا من رجالٍ مجدهم كل ديره = يفج الجبال وماكره طيب الساس
من آلاد عازم لاطمين المغيره = زمانٍ مضى يشهد وتشهد به أجناس
وردنا زلال البير بعد العسيره = وبعض العرب يمشي مع الخد عساس
هنا واجبي أسبح لجمه غزيره = مادامي هنا ماجود والوضع حساس
أعد العتاد وساحة الحرب خيره = أدافع عن أبلادي الى قبض الأنفاس
وأندك الروافض يالوجيه السفيره = ونغزى ديار الفرس وأندك الأنجاس
وتمت وبيت الهرج سيرته سيره = وحرف الشعر عندي من الدر والماس
أنا ناصر الفهاد في كل غيره = عن الدار آقف وأحتمي وأرفع الراس
عسى الله يحمى دار صقر الجزيره = ويحمى خليج العز من كل خناس
وصل الله وسلم عداد المطيره = على المصطفى أشرف شريفٍ من الناس



ناصر بن فهاد

[أبـوبـدر]

خبر عاجل


تصافق بوسط الراس تسعين بركان = ووسطه تواقد ياحمم ياسعيره
على اللي يضيع ولاش ثبت له أوطان = خبيثن ومخبث والفتاوي مثيره
حلالاه ياقظبتك ياهيه الآان = قسم لتركك عبره وسيرتك سيره
سيوف النشامه شامخه عبر الأزمان = وسيف الخباثه باينن من جفيره
خبر عاجل الليله موجه لأيران = والى كل من يخبث ويرسل سفيره
خلقنا الولي وارسل لنا خير الأديان = وأرسل رسوله يهدي ألكل ديره
رعا الله من يرعا لشعبه بالأحسان = ومن يؤمن أبيوم القيامه يجيره
بتال الزمن جانا من الشرق بهتان = وذي حالة أهل الفرس من غير غيره
أياليت يرجع وقت عثمان عفان = ووقت الصحابه والفعول الشهيره
وأياليت يرجع عمر في كل ميدان = وسيفه يقص أعناق عباد نيره
وأياليت يرجع ذاك أبو بكر ماهان = خليل النبي بالكهف يتبع مسيره
وأياليت يرجع ذاك أبن أبي سفيان = تهون المشاكل دوم تصبح صغيره
وأياليت يرجع وقت بالسيف شامان = يوم الفرس ولا الروم تبكي كسيره
بأسم الكريم اللي خلق أنسن وجان = عدد ما لنفس الطيب عكس الشريره
أنا طالبك يامروين كل عطشان = ياشافي علل وسط النفوس العثيره
ياجالي ظلام الليل مغني الفقران = ياغالب جيوش أبليس من دون حيره
بأمرك تعز الدين بأيمان شجعان = بأمرك سيوف الدين دايم شطيره
بأمرك تذل اللي خبيثن وخوان = بأمرك تهد جبال مابه عسيره
انا طالبك يالله يالله شيئان = تجمد دما أهل النفوس الحقيره
ومن سب لأصحاب النبي دون غفران = قلوبن على درب الخبائث خبيره
ومن سب أم المؤمنين أيه شيطان = عساهم بوسط الدرك الأسفل مريره
وتخزي عدا الأسلام لو كان من كان = وقولوا عسا آمين نسمع مصيره
وصلوا على المختار من نسل عدنان = عدد ما ينوض البرق عد المطيره
عسا دعوت المؤمن مجابه بأمران = ختام القصيده مسك يخلط عبيره




ناصر بن فهاد

[أبـوبـدر]

النوايا واضحه
مصر الشقيقه



مع ضلام الليل ولا على وضح النهار = دقة الأجراس والحرب شبة نارها
بعد ما غسلوا دماغ الفتى علمٍ جهار = أفزعوا لثوًره اللي بدا أعمارها
ذا خطا , وأعداء مصر الشقيقه لدمار = جعل غزوا الفكر لاما يعد أسوارها
أفرحي يالناصريه !! بعد جلي الستار = العرب مستهدف أصغارها وأكبارها
بعد بغداد العزيزه تشتة وأنهيار = وينها الأمجاد ؟؟ والدار وين أحرارها ؟؟
الفلك معروف , والوقت دوره,, وأستدار = من يذوق الحلو بكره يذوق أمرارها
ماتدوم العافيه , والتحمل بأقتدار = ما يكلف ربي النفس فوق أصرارها
وش يدخل بوشهر !!! بالعرب !!! زال الغبار = ويش يفرق فاتح اليد؟؟ عن تجارها؟؟
النوايا واضحه ,, كنها رد أعتبار = موجز النشرات دايم يزيد أخطارها
ياعرب أصحوا ترا خان دار الخير جار = سجل التاريخ ,,وقعه ونحن أنصارها
السيوف الحدب تبقى على خط ومسار = تبتر أرقاب العدا,, في يمين أبرارها
الله أنه يرحم أحوالنا في كل دار = ويجمع أصفوف العرب مع توحد دارها
التفكك ناتجه دائماً ضَر وضِرار = يجعل أعداء العروبه تلد أنضارها
أهتفوا بأسم العروبه بعد مالدم فار = كلنا درع العروبه ونبقى أجدارها
وكلنا بأمر الولي مرخصينٍ للعمار = دون بيت الله حنا نعد أخطارها



ناصر بن فهاد

[أبـوبـدر]

حروف الشعر



ياحروف الشعر ولا ياهماليل المخيله = يالأصايل أصهلي مدام تو الرعد دنه
وأجمحي عز وشموخٍ كل صبح وكل ليله = وألفحي في ساحة الميدان والغير أيعدنه
زال وقت أمجابه العربان فسيوفٍ صقيله = جاك وقت أمجامل الأصحاب والخاسر وطنه
خبروا أصحابنا والنار لاتصل الفتيله = جيت أحذر بعض ناسٍ فالمواقف والله أنه
يارجال الدين وأهل العلم ورموز الفضيله = أرشدوا جمع العيال اللي مع الغنوه تغنه
كل رجالٌ حكيمٍ كلمته تتلا دليله = يابنات الفكر يوم الفكر أضروفه حدنه
يم قيس أبن الملوح كنيته مجنون ليله = في دروب الحب روح لاش شك ولاش ضنه
عامريه سالبه عقله وفي عينه جميله = زينها نادر وغصن الموز فالريح أيتثنه
نظرةٌ من عينها تشفي من أجروحٌ عليله = مبسمٌ دم الغزال أيقاربه فاللون كنه
والجدايل سود كن الليل جزءٌ من جديله = في حجاجه حد سيف وفي رموشه رمح هنه
ياوصوف الحسن فالبكره وفي بنت الكحيله = في جمال الريم ليله فيه منك وفيك منه
من يلوم ابن الملوح حب ليله وش حصيله = من يلومه والله أنه فالمحبه ماتهنه
والله أن الحب نعمه لاحصل خل وخليله = تثمر الشجره ومن عذب السواقي يرتونه
لي حبيبٌ ويش عبله ويش ليله والجليله = نور خده نور شمس الصبح ربي محسننه
لو نضرله قيس عاف العامريه والقبيله = كان شد اللجام خيل الحرب لدياره تعنه
بنت شيخٌ كاسب الطالات بفعولٌ جليله = مكرم أضيوفه ويكرم صاحبه من دون منه
الصعاب أليا مشها تنثنيله تنثنيله = عين ذيب وكف سبع وللمراجل ساقهنه
بوصف المجمول والغايه تبررها وسيله = عنق ريم وعين شيهانٍ شموخه يدفعنه
مبسمٌ معسول لونه بالكرز نادر بجيله = الفراش أمع الزهور أمع النسيم أيداعبنه
يارحيق الزهر يوم الدرب ماتوه دليله = أحمد الله آخر العنقود في زينه فتنه
بالمواصل جازيني وأجزي الوصل أبمثيله = في سخاء وفي رخاء وفي سعاده واصلنه
واوجود العاذل اللي زاد مع وقته غليله = وجد فارس من جواده طاح وأخواته يرنه




ناصر بن فهاد

[أبـوبـدر]

البارحه واليوم




البارحه واليوم والزور والناس =واللي جهل باب الأدب في نطاقه
تال الزمن ماشفت في حمر الأطعاس = غير الجفاف ولاش نبنةٍ وباقه
أحدٍ يحلل في فصيلات وأجناس = وأحدن يورخ من خياله حماقه
وأحدٍ يعد الحق والبعض محتاس = واللي مشى بالطيب ياطيب ساقه
من منطلق واقع وأنا حر قرناس = أضحك على اللي ضحكته لي شفاقه
ياصاح أخذ الحق من راس لراس = صاحبك حافظلك حقوق الصداقه
نور القمر ياصاح جلاي الأعماس = يوم الجدي وأسهيل مابه علاقه
أحدٍ غبش بالفعل ماجاب الأدناس = واللي سرا عقله ترا به أعاقه
أشويًخ اللي قد شدا بأرض مكناس = ماله ومال الناس صحً و لياقه
فعل الردا ياتيك من نسل الأنجاس = ولا رجال العز طيب ولباقه
بعض العرب يكذب وطباخ للفاس = في وسط صدره قد رميت التفاقه
أهل الوفا والطيب ماتعرف الياس = وأهل القلوب العمي جهل وطفاقه
لاكبرت القاله وفي قوة الباس = نارد حياض الموت فعل وطلاقه
حنا حمينا نجد من كل قباس = قولٍ عليه أثبوت مابه لفاقه
أنشد هل التاريخ في كل قرطاس = أهل الحقايق في سمين ودقاقه
اللي ترد العلم والحق نبراس = لأهل الظفر والعز نحكم وثاقه
وصلاة ربي عد ما سار عساس = على شفيع الخلق منج الغراقه





ناصر بن فهاد

[أبـوبـدر]

يا أمة الأسلام



في وسط راسي تصطفق كل حزًا = أمواج جزل الشعر والفكر فزًاز
فزت عقيد القوم لامن تعزًا = يضرب بسيفن للمعادين خزًاز
هرجي موضح بالحشا ما توزًا = هرج الحقيقه حق لو كان غزًاز
تال الزمن عيني عن النوم جزًا = سبت فعول الناس ذالكون هزًاز
اللي يمزمز بالحلا ماتخزًا = يوم الفعايل سود وأبليس وزًاز
واللي أكل لحم اليتامه بغزًا = ماخاف رب الكون لرسل دزًاز
واللي ظلم بخته عن الخير شزًا = الموت بعض الوقت لناس رزًاز
جيش العدل للضد دايم يهزًا = يرعب جموع الظلم مافيه لزًاز
يالفارس المغوار وينك موزًا = أظهر وذا وقتك وبالنفس حزًاز
والطلًق لامن ثار له دوم نزًا = ينخر عظم ينحر معادي وبزًاز
الجيش زاهب ماش شين عجزًا = جيشن يسوق العمر للموت كزًاز
يا أمة الأسلام للنفس عزًا = ذودوا عن حماكم ترا الله عزًاز
يا أمة الأسلام بالصدر أزًا = قصيدتن عصما على قاف أزًاز
يا أمة الأسلام كافي تهزًا = أما نعيش أبعز أو موتة أعزًاز



ناصر بن فهاد

[أبـوبـدر]

خبروا نور عيني


يا شعاع الصباح ,,, وياهبوب النسيم = خبروا !!!! نور عيني ,,, لا يطول الغياب
صابرٍ بأمر ربي ,, الكريم ,, الحليم = كل ما طال صبري !! زاد جرح العذاب!!!
بين قلب المحب !! وبين عقلٍ سليم!! = حرب ياقوها !! ما بين ظرسٍ ,, وناب
كل ماقلت أزوره ؟؟ ردني فالصميم !! = سلم أبويه ,, وجدي ,, آه كبر المصاب !!
عين تهنى بعينه ,, عين تذرف حميم !! = أحد يحرم من المعشوق ,, وأحدٍ يجاب!!
فرحت الناس لودامت !! ودام النعيم !!! = لا قسى الوقت تهجر !!! وأيغشاها ضباب !!!
المحبه لها نغمه ؟؟ فراقٌ أليم = يرجف القلب بعده !!!! مثل رعد السحاب
مشكله لاوقع بالحب ؟؟ رجلٍ حكيم = تل قلبه ؟؟؟ ذريف الطول منه أستصاب !!!
أكحل العين ,, والمجدول ليلٍ عتيم = ظامي البطن ,, عارم صدر ,, فيه العجاب !!!
نور خده كما البراق ,, في وسط ديم = مبسمه !!! مثل دم الظبي وسط الكتاب
فرحتي !!! كان طلع الحر من شان ريم ,, = صيرميٍ ,, قطامي .. ما طلع لسراب
فرحتي !!! دون شوفه مثل فرحة يتيم ؟؟؟ = كل ليلٌ يهل الدمع ؟؟؟ وأيفك باب !!!!!
من قرا بيت شعرٍ ؟؟؟ من بيوت الحشيم ,,, = يجرد السيف ؟؟؟ يوم الركب فوقه زهاب ,,,
خبروا !!! من فقلبي !!! والحنايا مقيم ,,, = خبروا !!!! نور عيني لايطول الغياب ,,,,


ناصر بن فهاد

[أبـوبـدر]

عين الوحش

يالله ياللي لعفوك حافظين أكتابك المنزلا = ترضا علينا وتعفوا من خطا مابان مخراجها
لي عاشقه يارجال العرف نبع الحب نبع الحلا = رمز البختري ورمز المسك حد السيف بحجاجها
الجادل اللي وصوف الحسن فيها دايم أمكملا = عين الوحش والخدود البيض منها ينور أسراجها
الجادل اللي بها عين الظبي والعنق ريم الفلا = مبسم حمر والسنون البيض لولي نادر انتاجها
والليل وسط الجدايل مرعبن للخلق محدن سلا = بنت الرجال الشجيعه والظفر لا بانت أفواجها
الجادل اللي لها وسط الحشا نبع الوفا والغلا = كم ليلتن متعب أقدامي لها ماجاني أحراجها
كله على شان شوف اللي زهت بالغنج در الملا = ياعود موزن ليا هب الهوا مالت على ساجها
الزين منها ترا ما خوذ هي ساسه وألها الولا = والحمد لله ترا دايم معي والوصل منهاجها
لي عاشقه يارجال العرف نبع الحب نبع الحلا = رمز البختري ورمز المسك حد السيف بحجاجها
يالله ياللي لعفوك حافظين أكتابك المنزلا = ترضا علينا وتعفوا من خطا مابان مخراجها



ناصر بن فهاد

[أبـوبـدر]

الى من يهمه الأمر



ثار فكري,, وألي مقصود من دون غآيه = كيف ؟ بعض البدو!!! يجهل بسلم البدآوه !!!
يا زمان الغرابه !! تايه ؟؟ الطيب تآيه = في توال الليال ؟؟ الطيب ماله حلآوه !!!
شفت بين الحرار الشقر ؟؟؟ رمز وكنآيه !!! = أخلف أخطاه !! والتقليد مثله علآوه !!!
البلا ؟؟ كان ورث الطيب !! ما أله رآيه ! = بالحكي والمنافق ,,, ماش طيب ونقآوه ,,,
هيه ياللي !!! علومك زيف ! وأسمك دعآيه !! = خبر اللي ؟؟ وصل نجران ! صبر وهدآوه ,,,
والله أني دمحة أخطاء ؟؟ كثر البرآيه ,,, = مير لابده أوضع حد ؟ لجل الشقآوه !!!
أنت تخبر !! علوم آباك ولا كذآيه ؟ = يوم ناروا !! مع الفلوات !! بحثاً لمآوه !!!
مابهم ؟ من يرد القوم وأخذ الروآيه ,,, = والله أن الرجال ؟؟ أتبين وقت القسآوه ,,,
شاهد الوقت !!! عند الكل عد الحكآيه ,,, = مع أدله ,,, وقول أرجال نبع الضرآوه ,,,
راعي الحق ؟؟ عده ما تهمه ضحآيه !!! = لاحضر !!! نرت أمن الدار يا أبن آوه !!!
باقي الطبع ! والتطبيع !! مبدا نهآيه !!! = لو يدوم الرخاء ,,, السيف مابه رخآوه ,,,
قاصد الحج !!! لاينسى صدوق النوآيه ؟؟؟ = النوايا تكف الفعل !! والصدق خآوه ,,,
والله أن الظفر أرضي ,,, وعزي سمآيه ,,, = يكفي أني ,,, سليل أحرار ما تنتسآوه ,,,
حاشمين الصديق ,,, ولاطمين العدآيه ,,, = مكرمين الضيوف ,,, أبظيق ولا رهآوه ,,,
الله اللي غنانا ,,, في جزيل العطآيه ,,,, = ما ندور ؟؟ مع العربان كف الغنآوه ,,,







ناصر بن فهاد

[أبـوبـدر]

هذا ترا شفي



نبدي بداية خير لأهل العلاما= اليوم جن الشعر صدر وورد
صافي صفا من صفوة أهل الشهاما= راقي ويرقا فالجزيل المفرد
بالجزل نبدع والنياما نياما = نبغا نسريها بعلمن موكد
فيًلي تنقد للقصايد علاما= هاك القصيده ماش حرفن ينقد
ألكم ترا عندي بيوتن طخاما= دايم وبعض الناس بالنقد يسعد
جتكم قصيده للمعادي خزاما= ماهي سوات الهزل ولا المجعد
جيت الربوع وشفت نبت الخزاما= والزهر الأصفر كاسي الريع والخد
لامن وصلت أهل النفوس الحشاما= ياقاف سلملي على طيب الجد
الصاحب اللي ما مشا بالعداما= حرن سليل أحرار والمجد للمجد
ياماحلات خوة رجالن نشاما= بعد الفجر والطير ضارن على الهد
بعد الصلاه وبعد جلي الظلاما= يازين شوف الحر بالطرد يصعد
حرن ينومس عالين بالمقاما = عند الرجال اللي على الطيب توفد
أشقر قصير الساق جبر العظاما= منخر وسيعن وأقطم المنسر الحد
عنقن طويل وعين تقدح زعاما= والمخلب اللي كنه السيف لضد
راسه كما الفنجال والعمر عاما= نادر ترا بالسوق ماهو يورد
لامن رقا للخرب مامن ملاما= بطاش وأفعاله ترا ما تعدد
يضرب لحم والخرب ماله سلاما= عوق الحباري صارمن صلصلن شد
قاطع على صيده ولامن قاما= عسر الحباري سهل بالقرب والبعد
هاذا ترا شفي وجاك الكلاما= ياللي تنقد في بيوتي ترا سد
يللي تفك الرمز أفهم فهاما= الأسم في خمسة بيوتن مشيد
تمت وصلوا عد مالطير حاما= على نبين هاشمي أسمه أحمد




ناصر بن فهاد

[أبـوبـدر]

لامن سريت بليل

يانفس ياللي بالوفا دوم مرباك = وياقلب لي حكين أذا صرت داله
يالفارس النشمي عسا الله يحماك = لامن غدى بالوقت ضيم وجهاله
ويحماك ربي من عدى هي تحداك = لامن غدت بقعا على الطيب عاله
ويحماك رب الكون دايم من عداك = لامن فقد شيخ المراجل عياله
لامن سريت بليل والحب سراك = أعرف بأنك منتهي لا محاله
لا تقول ان الزين للخير وداك = أنظر لحالك كيف للهم حاله
أنظر لنفسك وأنظر لكف يمناك = هاذي يمين الخير وأهل البساله
أترك أمور الحب وأتعب على خطاك = وأتعب على كسب العلا والشكاله
لاتقول عماني وجدي آنذاك = أفعالهم ألهم وفعلك لحاله
الرجل يظهر في فعايله فتاك = ولا الردي صيته يقطع حباله
أقولها واطلب من الله يحماك = لامن غدى بالوقت ضيم وجهاله




ناصر بن فهاد

[أبـوبـدر]

يا شاعر المليون

يا شاعر المليون ماهي أناقه = الشعر فكره مع مراسيل وحقوق
أهديلكم مني من الشعر باقه = باقة غلا والشرع حرم ترا البوق
البارحه كثروا علينا طفاقه = بانت بتال الوقت والطيب مفروق
مالي ومال الناس مابه علاقه = مير البلا من هرجهم هرج مطفوق
هذا أله عامين هرجه لباقه = ومن بعد ذلك بانت علوم وفتوق
وهذا أله عامين بالطيب ساقه = ومن بعد ذلك سبة الغل مسيوق
وهذا أله كم عام يكنز زراقه = يجمع رصيد ويهرج بهرج مرموق
وهذا بوسط الدار والحب طاقه = يشعل نسيج الفكر والدم محروق
وهذا ألم عامين حب وعشاقه = مرهف أحساسين وبالحب معشوق
وهذا أله كم عام يجني صداقه = والفعل فعل الطيب كالمزن وبروق
الجزل في راسي يزيد أصطفاقه = أمواج جزل الشعر والكل له ذوق
ماجيت أدور بالتغزل أعاقه = ربعة رجال الطيب ماتقبل السوق
الطير في كفي وحاكم وثاقه = والطير راكد وافي الفعل موثوق
أشقر وسيع العين أفجح بساقه = أقطم عريض الصدر للخرب هو عوق
صافي ظهر نادر بصدره براقه = والعنق عاتق مخلبه دوم ممروق
وهذا أله كم عام جناي ناقه = ومن بعد ذلك عاف لزمل والنوق
وهذا أله كم عام صح ولياقه = لكن أنا لاقمت ماني بمسبوق
الله مع اللي يحتمي لرفاقه =رجلن وسيف الدين بالكف مرفوق
بيت الثعل يسهل عليك أختراقه = وبيت الأسد مقفل ولاهو بمخروق
كلن يميز في لسانه مذاقه = وكلن شهر واحد يبي شمس وشروق
بعض العرب للحكي فيه أستراقه = يسمع ويحكي والأصل ذاك مسروق
وبعض العرب معنا وسبك وطلاقه = والبعض الآخر بأهزل الحكي مطلوق
وبعض العرب باب الأدب هو نطاقه = حرفه حكم والحق ياصاح منطوق
جيتك وانا مشفق عليكم شفاقه = شاعر وطن ماني بشاعر غلا شوق
يا شاعر القطرين جتك التفاقه = تنخر عظم والطلًق بالصدر متفوق
يا شاعر المليون ماهي حماقه = العود صرح والولد ذاك مصعوق


ناصر بن فهاد

[أبـوبـدر]

نقد الصقاقير منقود



ياصاحبي نقد الصقاقير منقود = هاذي حقيقه وأن بغيت أستشاره
أنشد رجال العرف والعد مورود = أهل القنا وأهل السيوف الشطاره
لاقام واحدهم على الطيب ماجود = عز ومعزه فوق راس المناره
لو كان تال الوقت فالناس مقرود = ينقل لطيره مير نقله خساره
خله على كيفه وخلك مع الجود = مع النشاما بالمواقيف غاره
هذا يشب النار وأيقهوي العود = وهذا مع الشجعان عالي وقاره
وهذا يشيل الطير والطير بارود = يقدح لشوف الصيد قاطع قراره
وهذا طليق حجاج والذكر محمود = رجلن وفي بالدين حامي لداره
وهذا ترا رفقه ووارد له أعدود = وارد عدود المجد رداد ثاره
ياما حلا خوة زحازيح ياسعود = ساس المعزه والظفر والسطاره
في خايعن قفرن عن الناس ممدود = يازين شوف الحر فوق الحباره
حرن مع الشجعان ضاري على الفود = أفجح عريض الصدر عينه شراره
حامي على صيده عن الكل مفرود = نادر ولا له فالمواقيف عاره
هذا كلامي يوم للهرج مردود = قلته وصغت الشعر دوم بجداره
أكبر بيوتي بالشعر نايفن طود = وأصغر بيوتي شامخن تقل قاره
صلو عدد ما ذعذع الغرب والنود = على النبي الهاشمي بجهاره



ناصر بن فهاد

[أبـوبـدر]

ياهيه

ياهيه ياللي بالرسايل تحكًا = الحكي من شاشه خمال وسماجه
هذا كلام الصدق ما فيه فكًا = يوم انت جرحك عاجزن عن علاجه
عندي دوا من هو على الطيب دكًا = وعندي دوا من جاب هرج الخواجه
اهل الردى بالطيب دايم تشكًا = وأهل الوفا تمضي وتعرف نتاجه
يامسجل النكات والأسم نكًا = ما أله لا لابه ولا أله حاجه
أخلف على أهلك كريمن مزكًا = الواحد المعبود منشي زراجه
لوتسمحولي طال صبري ودكًا = دك الجبال وعارفن في خراجه
العهد مبرم دون ختمن وصكًا = أقدار مكتوبه عدل مع عواجه
في دار قرطاج المسمى تبكًا = وفي دار فارس بعد ضيقه فراجه
عيشته يا هل العرف عيشته ضنكًا = ماهو تهزأ واقع الشخص داجه
شخصن عمى قلب وحقودن وسكًا = هافي ولد هافي وطافي سراجه
في دار ابن أسعود والشرع ذكًا = ذكا غراب الشئم وأهل الزجاجه
المرجله ماهي بنمن وعكًا = وماهي بدربن سهل تنهج نهاجه
المرجله حشمه وشيمه تشكًا = أتشك في كف السطر معه تاجه
المرجله بحرن غزيرن نهكًا = المرجله درب النشاما هجاجه
المرجله باب الظفر مايصكًا = المرجله ماهي ردى أو زناجه
ساس الغبا ذاك الغبي لا تذكًا =وغدن حثل والطيب يجهل نساجه
ياهيه تك الحبل يا هيه تكًا = تكه وشد رحال لا جاك فاجه
جتك القصيده والصدر قاف أكًا = رد الجواب انكان تقوى تواجه
تمت وصلوا عد من زار مكًا = على النبي الشافعي بالمواجه





ناصر بن فهاد

[أبـوبـدر]

يالله يالمنان



يالله يالمنان يا فارج الظيق = تفرج هموم المؤمن أنجاك ظايق
يا منزل الأنعام ومبلل الريق = ياعالم أبجعبة صدورن غلايق
يالرافع الباسط على أمرك أنفيق = ياخالق الأنسان بأحسن خلايق
يالله أنا بحماك والرزق توفيق = بأمرك نسير ونقتسم للفرايق
تكفيني أبجاهك من أهل التلافيق = اللي لهم بالكذب درب وطرايق
وتكفيني أبجاهك نمايم وتزريق = وتكفيني شر اللي عيونه توايق
وتكفيني اللي للملا حب تفريق = وتكفيني اللي حب شب الحرايق
وتكفيني اللي غرق الحق تغريق = ظالم وحكمه لاش عدل وحقايق
وتكفيني اللي للملا دوم تصفيق = أسمه منافق دوم لزور سايق
وتكفيني اللي سوق الغش تسويق = تاجر بغش الناس لايق وفايق
وتكفيني اللي لذمم حط تعليق = من دون ذمه عاش والراس رايق
وياللي تشوف البيت قبله وتشريق = سلام مني وأخذ صك ووثايق
ماني من اللي فتق الشعر تفتيق = ناسن هداها الله كذب وزرايق
شاعر وأعتق صافي الشعر تعتيق = وأمشي على نهج النبي دون عايق
وأختامها مثل الرعود وتباريق = من قبل جف الريق والذكر لايق
أشهد بأن الله هو جالي الظيق = الواحد وأرسل نجومن شرايق
وصلوا عدد ما بان للحق توثيق = على النبي أشرف شريف الخلايق




ناصر بن فهاد

[أبـوبـدر]

جموع الجهل



أبتلينا في جموع الجهل والأميه = زمرتن ربي تعافيني ولا تبلاني
كم معادي نلطمه بالسيف والجنبيه = وكم معادي نلطمه في كلمة الأحساني
يوم أبو زيد الهلالي حاجته مقضيه = جاله ذياب ابن غانم يشهد الميداني
ثورت أهل الجهل ماهي ثورتن قوميه = يازمان وألف ليله داين ودياني
ويا صواديف الزمان ودافع السلبيه = مالقينا فالعرب رجلن فصيح لساني
النجم عالي وكل الخلق له مرئيه = والجبل لولا محله وين ياحوراني
أجرد الجنحان ياطير السعد والنيه = أنكس ألصيد الحباري ثور يابركاني
قاطع الخد القفر لاذي ولامن ذيه = ما نشد عن هرجة أهل القيل بالأزماني
القفا من عادة أهل الذل والسفليه = والمواجه عادة أهل العز يا سلماني
قد كوينا قلبك اللي من وفاه السيه = ياغليم خابرينك ناقت عريماني
ياجموع الجهل ياشمعات يامطفيه = من يكذب فالدعاوي جاب لنقصاني
من قتل مسلم ترا واجب يسوق الديه = ومن مشا بالدين مايحكي كما برماني
ومن سرا فالليل في طاقاته الشمسيه = النجم فوقه وله موقعه لا ماهاني
شفت في تال الزمن لسلعه الصينيه = كاثره وسط البلد والغش بالأثماني
وشفت في ماض الزمن لطاقه الذريه = دكت جبالن مريمه دكت الياباني
وشفت في عينك ياهتلر خطتن حربيه= تبغي العالم ولاكن ماش يالألماني
كم شجاعن في فواده كلمتن مخفيه = أن نطقها يانشاما يسقط العلماني
واهني اللي قصد في جملتن شعريه = يحسبنه من تنبأ أو أبن حمداني
واهني اللي جهل فاللهجه العبريه = يحسبن العود مثل اللول والمرجاني
واهني اللي علم فالخطه الخمسيه = من خيار القسم قسمه وأنشد الشجعاني
أحمد الله يوم شفت المزنه الشتويه = حن رجال الدين مانمشي ورا الشيطاني
ياوجيه الخير ذيك القصه المنسيه = وش جرا وش ما جرا في قصر ذالسلطاني
يارجال العرف يوم حروفنا مقريه = من نقض بيتن مبطن يحتزم بالعاني
راكب اللي بالسما فخطوطها الجويه = كيف حالك بعد ذاك السجن والسجاني
يوم تقرا ما تعرف أرموزها السريه = ياعسا بعد التعب مايحزن الغرماني
يابروق الصيف ولا المزنه الصيفيه = لاش فيكم خير يأهل الزور والبهتاني
ذي بيوتي مقفله مع طابع الرمزيه = والعلوم الوافيه هي ذخر للعرباني



ناصر بن فهاد

[أبـوبـدر]

فمان الله


فمان الله يا أول حبيب وآخر العنقود = فمان الله يانبع الحلا والمسك والكادي
فمان الله يا حرب الغرام وثوًر البارود = فمان الله ياعشرة سنينن لأبن فهادي
على نهج النبي سرنا ولا حاسد ولامحسود = على القمه خطانا ماش لاسهلن ولاوادي
أنا ياصاحبي مأتبع خطا المقفي ولو مفقود = ألي دربي وأنا حافظ جميع أمجاد الأجدادي
ألا يابو عيون وساع من نظره يفز العود = ويرجع لشباب وكلمته يالله يا هادي
على درب الوفا سرنا ووثقنا كثير أعهود = وبعض الناس وسط الدار سردادي ومردادي
ألا شفت القمر وسط الشهر تطري علوم الجود = يذكرني حظور الغالي اللي ساكن أفوادي
فمان الله يامن له كرات الدم دوم أشهود = فمان الله يانسل الوفا يانسل الأجوادي



ناصر بن فهاد

[أبـوبـدر]

خبرناك يا مفتي




ألا ياكريم الجاه والعمر رايح = بذكرك ترا صدري يجيه أنشراحي
بوسط البلد ياصاح ما جيت سايح = أللي قصر فالحله وأللي برق لاحي
رأينا بوسط الدار خمسة ذبايح = بها سل عن وجه النشاما تزاحي
ألا يا زبون العز لا صرت رايح = ودربك عسير أزهل دروب المراحي
ألا يا عريب الجد ماهي مدايح = ترا بان من حكيك كثير الجراحي
تقول أنت ما أجامل جميع القرايح = تغثرب لشربك ما تعرف القراحي
خبرناك يا مفتي كثير النصايح = حكيم ورزين ولا تعرف الصياحي
ألا يا زهر والعطر فالجو فايح = وذاك النحل يجذبه نفح الرياحي
خلايا الفكر وأنزيم بأنزيم سايح = وياطير ياطير السعد والفلاحي
ياكم داجوا الشجعان ذيك البطايح = لهم فالمعارك سيف عز ورماحي
وحنا على درب النشاما فلايح = وفي حجة الأسلام نذبح أضاحي
ياذيب المسمى وأنت فالرجم نايح = تنوح وعليك أديون فوق النياحي
ألا يا محلل والمعاني شرايح = وتركيبها يشرح جميع النواحي
وألا ياكريم الجاه والعمر رايح = بذكرك ترا صدري يجيه أنشراحي
وصلوا عدد ما صاح فالأرض صايح = على المصطفى مُرسل بدين السماحي


ناصر بن فهاد

[أبـوبـدر]

ذباحت الشيخ حنا


الليل طرف وأنا عندي بيوت القصيد = والحكم لله كريم الجاه رب العباد
مجنون ليلا جروحه كل يومن تزيد = والناس تدريبها والنار ترث رماد
من عام الأول وبعض الناس هرجه يحيد = يفخر ولاهو ترا فارس ولا بن عباد
ماني مسميك يا عنتر هارون الرشيد = يا أسمر الوجه في كفيك دايم قياد
بالدين ألك عندنا حشمه وقدرك جويد = وأنجيتنا فالمراجل ياهلا فالبعاد
وأنكنت تخطي علانا خذ كلامن وكيد = والله لتعلن قبيلتكم بيارق حداد
ما قولها من فراغ أقولها لك وأعيد = وأزهم ربوعك وأنا ناصر حفيد الفهاد
اللي يصاحب رجال الدين رايه سديد = واللي مع أهل الجهل معروف دايم يباد
أشوف واحد يطبل زيد ولا عبيد = والمشكله ناس تمشي دوم من غير زاد
الله يرحمك يا خالد حفيد الوليد = يوم المعارك سيوف الهند دايم حداد
عقب صبين جهل في ضرب ذاك الحديد = والبندق اللي تثور أتبيد ذاك العتاد
ياكم شيخن توفا يا بو عبدالمجيد = وياكم شيخن منوخ غصب ياويش عاد
أنشد هل السوده وتلقا علومن تفيد = وأنشد جميع القبايل كان عندك عناد
من رد جيش العدا يوم المضارب شديد = ذباحت الشيخ حنا يوم وقت الهجاد
ومن هم على الضد نار وزايده فالوقيد = تلقا لنا فالقمم عرش وفعول ومجاد
من ماضي الوقت حنا بأمر رب العبيد = نمضي ونحكم بشرع الله والحكم ساد
يامل من هو سيوفه مثل خضر الجريد = لا خير فيها ولا منها يعز الجهاد
ما جيت أسبب فتن هرجي مؤرخ وأكيد = وما قول قاصر فكل الناس طيب وجواد
دن الرعد وأرزم أبراسي جزيل القصيد = ورموز سبعه وثامنها خفا كل غاد
وأختامها صلوا لشًافع بيوم الوعيد = أعداد رجف الرعد وأعداد نفح البراد






ناصر بن فهاد

[أبـوبـدر]

من يعرف أسهيل اليماني



من يعرف أسهيل اليماني يقله = ناصر هنا يأسهيل لا تامن السيل
ماعاد فيها حط ولا تشله = لكن فسرلي دعاوي هل الفيل
بعض العرب شوفه كما شوف عله = والبعض الآخر حـيً شوفه على الخيل
أقرب هنا يأسهيل والسيف سله = وقت اللقا حان وبعد ماش تبديل
البارحه كلن بنا أله فله = من دون صك البنيً كله ترا زيل
والقصر شيًد مير ما شفت ظله = يلعنك يا قصرن على القال والقيل
بيتن بلا سيسان كلن يمله = والحق دونه سيف مافيه تظليل
يأسهيل من بين النجوم المطله = لك موقعك وأنغبت وأنبنت يأسهيل
أقفت ترا الجوزا ولصيف هله = وأقبل سموم الصيف صوله وتجويل
يوم البوارح كل دربن ندله = لو كبرت الدعوه ولو جات تدبيل
بأمر الولي والعقد نقوا نحله = ربن كريمن له من الخلق تبجيل
يأسهيل من يدًيه دايم مشله = جعل الولي يمحيه من جيل لي جيل
أتل العهد لاقالوا فلان يالله = تعفوا وغفر لو ذنوبه كما النيل
يا حامي المختار من كل زله = يا جازي المؤمن بجنات وأنخيل
تحسن ختام العمر يالله يالله = وتكفي عذاب القبر ياجالي الليل




ناصر بن فهاد

[أبـوبـدر]

من يترك لوجه الولي أمرً ترا عايضه




من بعد ما شفنا بروق الخير دايم نايضه = في وسط راسي تصطفق أمواج ويدن الرعدً
أمواج جزل الشعر وسط الراس دايم هايضه = الشعر تاريخ العرب والسيف دايم منجردً
من عام الأول والبيار المحل صارت فايضه = ماهي قراح وألا زلال وغثربوها للأبدً
من يترك لوجه الولي أمرن ترا الله عايضه = في خير عنها يارجال العرف وأخذوا مستندً
من يترك لذات الحسن دايم ولوهي رايضه = خوفن من الله يبشر أبجنات ماهو منقردً
والحاكم اللي بالعدل حكمه وضده غايضه = في ظل ربي يوم لا ظلن لغيره وأعتمدً
والثالثه معروفتن يأصحابنا هي حايضه = حضت على خير الفعل والدين بشر بالسعدً
ياكيف في تال الزمن نسمع دياكه بايضه ؟ = يالله تخارجنا من صدوف الزمن نعم السندً
ياطيب منهم للحرايب والملاقا خايضه = في سيف مع شلفا ورمح وأقدح أقدح يا زندً
من يترك لذات الحسن دايم ولوهي رايضه = خوفن من الله يبشر أبجنات ماهو منقردً
والحاكم اللي بالعدل حكمه وضده غايضه = في ظل ربي يوم لا ظلن لغيره وأعتمدً
والثالثه معروفتن يأصحابنا هي حايضه = حضت على خير الفعل والدين بشر بالسعدً
من بعد ما شفنا بروق الخير دايم نايضه = في وسط راسي تصطفق أمواج ويدن الرعدً





ناصر بن فهاد

[أبـوبـدر]

واقع الأمه


أيه ياوقت الشقا والضيم مع سم الأفاعي = من لقاله حاجةٍ يشبع لنفسه من طمعها
ودعوا شط العرب يوم الظفر والعز ضاعي = يوم شفت الفرس تروي منه ما أحدٍ منعها
الله أكبر يازماني ويش باقي مايذاعي = المحطه ذاعة الأخبار والغازي بدعها
قالوا أن الحرب لتحرير لجموع الجياعي = لتطور والنهوض أبشعب ماوقته نفعها
ذي سياسة فرًق سدً والخبث مايشرا يباعي = الهدف وضع القواعد ثم حماية من تبعها
بعد ذالك أخذ نفط الدار من غير الصراعي = واقع الأمه مرير اللي حصدها من زرعها
وين خالد بن وليد ووين جيشٍ مايصاعي = وينها الأفعال والأمجاد وين اللي صنعها
التباهي بالفعول الماضيه مافيه داعي = دام مابه فعل حاضر والحجاره من صدعها
أيه ياوقتٍ نعيشه بالتخاذل والخداعي = ذي حقيقة واقع الأمه بسبة من قمعها
مجتمع واعي ولاكن للخطر ماهو بواعي = يوم غزو الفكر غازي للبلاد ومجتمعها
الهدف مسح العوايد والغياره بالشجاعي = قلة النخوه ولاكن من سحبها مادفعها
من يراعي شعب داره بالوفا للعز ساعي = ذي قصيده من سمعها يخبر اللي ماسمعها
كل ليلٍ مظلمٍ يقفيه صبحٍ له شعاعي =حكمة المولى بحكمه للخلايق هو شرعها
يالله المعبود ياوال الخلايق جيت داعي = أطلبك رحمتك يوم النفس ما يطفي ولعها
تجمع أصفوف العرب وقت الهجوم ولدفاعي = وتخزي الملحد ومن سب الصحابه لارفعها


ناصر بن فهاد

[أبـوبـدر]

من البارح


مــن الـبـارح تـواقــد فـي فوادي مثل وقــد النار = وأقرب دلة الرسلان والـمـعــنـا عـلى بينه
عسفت أمن المهار مهار ما يعسف لها المهار = وجينا شجعان الـعــرب طليب الــحــق ياوينه
سئلنا صاحبن غالي عن اللي صار وشهو صار = ورا ميثاق هـــرج الـطـيـــب أخـلـفـتـم ميادينه
يقولون الرجال أهــل الـــوفــا للغش دوم أضرار = وأقول الحق واضح دوم لو ضاعت براهينه
والا يــبــــن الرجال اللي تـــرد الجيش يامغوار = والا يبن السعود الحق واضح في عناوينه
عــــدو الـحـق شــيــد بـيـتـه المبني بـــلا أعمار = العيب في بيت العرب وله محتل وندينه
لــيــا غصنا البحور أنظهر اللولو مـــــن المحار = والدره اللي وسط قاع البحر من مثامينه
وصلنا من ديار الشرق شجب وحجب وأستنكار = واذا للكبش تسمين(ن) ترا لسيف تسنينه
نــســيــر وناخذ الـعـبـره مــن الخافي مع الأقدار = وأحاول أكشف الموضوع والمنضور يازينه
رمـيـــت الـسـهـــم لجل الشهم قافــن ماهو ابوار = أهيب كل نقاد(ن) عــلــى قافي وتحسينه
رحــــيـــق الــــزهـر يعشقه النحل والنحل له عبار = يحاول ياصله والدار تنظر في نصب عينه
أنا نسل الرجال اللي تــســــود الـجـيش بالأخطار = يعقدون الــعــقـد والـعـقًـــد والعقاد ممسينه
وأنا من طيب راسي جـــدت فتل الشعر يا شعار = وجيبو شاعر المعنا ولا ينقض مضامينه
لاصارت صامله شوف الــفــعـايل ثابته وأعصار = برب البيت واثق في فعول الرجل بأسنينه
أكيف شعرن يــهــول عــقـــول الـكــل والأبصار = أوضح فيه بكر الشعر وأنسق تلاوينه
بذرت البذر ياللي تحصد البذره مــــن الأشجار = نبات الخير يأهل الخيل عددنا أغاصينه


ناصر بن فهاد

[أبـوبـدر]

يابو عيون وساع



يقول من هو في بحور الشعر غاطس وسباح= ينقا درر يادر من هو تمنا ماخذاكا
ياللي تغيب ولا عرفنا سبب غيبتك يا صاح= مدري تغلا أو تناسا حبيبن ما نساكا
العام الأول كان بيني وبينك هرج ومزاح= كانت سوالفنا جميله وما تبعد خطاكا
كنا ولايف والمحبه لها عطرن وفواح= من بعدكم تدمع عيون القصايد ثم تباكا
ترزح جيوش البعد والوصل وسط القلب مجتاح= في شهر مارس يوم سبعه عدانا هي عداكا
يابو عيون وساع والكحل تحت العين ما ساح= والنور وسط الخد بالكون ما نلقا سواكا
ياغنج يارعبوب ياللي لباب السعد مفتاح= مالك ومال البعد ياغايتي ربي هداكا
الحب له خمسة شروطن بعدها تجني أرباح= عفه وحشمه مع وصل مع كراما مع غلاكا
هلت مزون الصيف والبرق وسط المزن ما لاح= والخير مامن خير يومن تجازينا جفاكا
ياطير لامن جيت دار الحبيبه وأنت مرتاح = أسلم وسلملي على راعي الثوب المحاكا
يقول من هو في بحور الشعر غاطس وسباح= ينقا درر يادر من هو تمنا ماخذاكا



ناصر بن فهاد

[أبـوبـدر]

قال الرجل



قال الرجل كل نشمي قايد(ن) للجنود = والمـــعـــضـــلات الشــدايـد لجلها صاملين
حن هل الصامله لاشبت بكل عـــود = لا صـــيًـحن البياضا نـعـتـــزي شـــايشين
أندوس كل الملا نحمي لكل الحدود = وشــرعـنا ديـن الأسلام ونـــحـــب الأمين
حنا عيال البدر وعيال شايب وعود = نرسي على مرسا فعل الطيـب والغانمين
وصيتنا كالجبال الشامخات السنود = الــــنــايــفـــات الـــقـويه صيتنا ما يهين
وأقول أنا أبنهم وأرفع براسي وأسود = وأجــود فــي مــدح جــدانــي وذم الغبين
أفعالنا تنذكر فـي كــل وقــت ونـذود = على وسام الـمــراجــل والــشــهامه تبين
ويــاطـــيـــر رف ولاتــرف بــركـود = أجرد جناحك في طرد الـخـرب لا تستهين
وأظرب بصايدك راس الخرب جعلك تفود = وغــدنا من حلال الصيد وأطــيــب سمين
في رحلة القنص حنا نجتمع كالورود = في نص أحلا شــهــر والـخـــد ربع وزين
مع طيبين السوالف طيبين الجدود = أحكاهم ومزحهم طـيـب وربـــع(ن) وفين
لاقام يحكي أحدهم والجماعه حشود = كـــل الـــربــع مـعـه في قوله سليم ويقين
مافيهم اللي يــدس العلم ولا جحود = ننطق بأصل الحقايق لو بها الموت شين
حنا أهـــل لشجاعه ما بنا كم شرود = رجال حرب ونبين بين حـيــن(ن) وحين
وأن صاح صايح نرد القوم حنا أسود = نصمل أبــوجه كــل الــنــاس والــعـابثين
لاصمٌلة صامله فــي حربنا مانعـــود = نكسرجموع الــعـــداوه والله اللـــي يعين
كم عان ربي لرسله هو كريم(ن)ودود = أنَــصـــر مـحـمد فــي بــدر روع الكافرين
وختامها عد مانسنس هوا الغرب نود = وأعداد ماســار فوق الأرض مــا ســايرين
وعداد من طاف فرضه والنفل والشهود = صــلاة ربـــي على أطــهــر بــشــر فالسنين


ناصر بن فهاد

[أبـوبـدر]

عشرين الشهر




في يوم عشري الشهر فكري أشتات = مدري علامي يابحر فاللمحاني
والله ثــم والله والله لحظات = أشـكــي لــرب الـبـيـت عـالــم بشاني
وأقول يالله الولي أعـف ما فات = يارب طالبك بـلـيـال(ن) حساني
رد البحر ثم قال ياناصر الفات = خله يولي وأفطن ليوم هاني
يناصر ألك أعوام غايب بآهات = فضفض همومك وأعتبرني أواني
قلت أبتدي بأسم الولي قبل لذات = هاذا الزمان الشين صابه جناني
ياللي تحسبني أفضفض بكلمات = أنا همومي حملها باللمحاني
ماتظهر همومي على كيف سرات = بـل تظهر لرب السما يا معاني
أنت البحر أنصيه لا جتبي آاهات = وأرقب سواحل شطه اللي تغاني
وأسمع صدى النسناس عاتي وشتات = وأضحك وترتاح المحاني بكياني
والشعر فيني ينحت بكل منحات = ويقول خذ وصف الجمايل غواني
عين(ن) كما الليل أسود(ن) ترعب الآات = رمش مضليها كما الجيش جاني
والخد الأبيض كنه الور بوقات = ساعة بزوغ الفجر والضلم داني
في يوم عشرين الشهر والظهر فات = كنا ندردش في حكاو الزماني
أنا وغالي والغلا جارح اللهات = وأحلى سوالف قلتها في لساني
يوم أني قلت أني أحبك وهيهات = ينور عيني أول ونور ثاني
والله من شفتك وأنا شاطب الفات = وأفتح معاك أنته جديد الحناني
وأطلب يارب الملا تمحو أوقات = كل الحزن والضلم والجرح فاني
في يوم عشرين الشهر كلي أشتات = مدري علامي يا بحر فاللمحاني


ناصر بن فهاد

[أبـوبـدر]

ماعليها نقاش




(هذاك) شخصٍ ظريف (ولاعليها نقاش)= يبدي لرايه خفى !! وتقابله شاشته
أما يجي للعرب ؟؟ أيبين مثل الفلاش ,,, = ولا بلاش اللكاعه ! بين طماشته
أحدٍ يصدر ذهب ,,, وأحدٍ يصدر قماش = وأحدٍ على الفال !!!! مير الناس غشاشته
وأحدٍ يعرف السنع ,,, فالطيب والعز عاش = وأحدٍ سلوم البدو والجود ما حاشته!!!
أحدٍ بوضعه سليم ,,, ودوم للأنتعاش = وأحدٍ يلج العرب ؟؟؟ في صوت خرخاشته
ماجور ,,, ياللي طريح الحب وسط الفراش = فاجعك !! أمرٌ مضى ؟؟ والناس فتاشته
واحر قلبك ,,, من الأحباب والطلق طاش = أسمه بعينك !! وكف الزين نقاشته ,,
ماعاد توقف نزيف الجرح ؟؟ لفات شاش = ياكود ؟؟ كف الحبيًب تبري أن طاشته
السبع بالدار عاش ,,, ولا يدور عراش = شامخ ,,, وذل القدر ؟؟ النفس ما عاشته
ياللي جسدكم ؟؟ يجي ويروح !!! والجاش ماش = لاتجعلون الزفر ؟؟؟ بالطيب ممشاشته
وياللي حصرت الفكاهه ؟؟؟ بين كم من قراش !!! = مثلك ؟؟؟ يدور مع الأيام خراشته
وأقول ,,, وأنضم سبايك من ذهب بأنتعاش = وكلٌ على كبر حجمه ؟؟؟ خاط دشداشته
ياصاح ,,, أسلم وردك ؟؟؟ يرتويه العطاش = وقت اللقى ؟؟؟ فالرجال أتبين شوباشته

[أبـوبـدر]

بعنوان



(( حـي الكتاب ))


صــلـوا على النبي

سببها أرسل لي أحد الأخوان العزيزيين
هذه الأبيات على الوتساب فلمى قرأتهم رديت عليه في كم بيت
يقول :






أحدٍ تضيفه لجل تاخذ وتعطيه = وحدٍ ليا ضفناه, يا ثقل دمًه
وأحدٍ ليامن غاب ودك تناديه = وحدٍ ليامن غاب ماشلت همًه
وأحدٍ ليامن ضاق وشلون ترضيه = وحدٍ يضيق ولاشكى لأبن عمًه
وأحدٍ مع الأيام تبقى مواريه = في ذمتي منساه ياناس ذمًه




فرديت عليه في هذه الأبيات



حي الكتاب اللي لفاني وراعيه = يمً .. الحيا والجود في كل يمًه
حي الصديق اللي نضيفه أياديه = سمً .. الردا والبخل يا ناس سمًه
أحدٍ ليامن غاب يتعبك طاريه = دمً .. النشاما كلها دون دمًه
وأحدٍ هقى فينا وصابة هقاويه = صمً .. الجبال , الريح ماهز صمًه
وأحدٍ يجي ويروح والنوم جافيه = همً .. العرب فرحه ,, فرح همً همًه
وأحدٍ بدرب الطيب متعب خطاويه = زمً .. العلا بالصدر ,, والعز زمًه
فياللي سمى بالزين والزين ساميه = تمً .. الوصال ,, ومنبع الحب تمًه
زينه مع العربان محدٍ يماريه = ثمً .. الغضى واللول في وسط ثمًه
وياتل قلبي , تل رجل ألعزاويه = ضمً .. الحدب بالكف ,, والسيف ضمًه
أيتله اللي ناوي الحرب حاديه = أمً ..العوا صوته غزا كل أمًه

[أبـوبـدر]

بعنوان


(( قم يا نديب الحق ))





قم يانديب الحق ياطلق الحجاج = وأفتح صناديق الكنوز المغلقه
من باب مدخلها ليا باب الخراج = ميزان عدلٌ للعلوم المرهقه
لاظاق صدر الحر ياريح العجاج = يشهر الى القمه ولاجته أغلقه
أحدٍ بعد موته يضوي له سراج = وحدٍ مثل موته حياته محرقه
وأحدٍ مثل هداج ياعين الزراج = يروي كبودٌ ضامياتٍ مشفقه
لاترمي العالم وبيتك من زجاج = حكمه وتبقى للعقول المشرقه
أحدٍ شرابه عذب وأحدٍ له هماج = وحدٍ شرابه دم كتفه وأصدقه
وش عاد باقي دام مافيها سياج = بين الخوي وبين لحمك وش بقه
المشكله لاوقعت بين أمتزاج = قول العلوم الصح ولا الملفقه
اللي نكر دمه رباله بأنعواج = يبقى ضعيف النفس كلً يفهقه
واللي وصل دمه على الدين أنتهاج = يبقا بعزه والله اللي يرزقه
قال المثل شخصي مع أخوي أزدواج = على أبن عمي وضد التفرقه
وأنا وأبن عمي على الغير أحتجاج = ضد الغراب ولا عليهم أرفقه
يالله يا جاعل بعد ضيق أنفراج = ياناصر المؤمن وجاعل به ثقه
تجعل لنا من باب يسرك أبتهاج = وتجعل لنا بالحق قولٍ ننطقه

[ناصر بن فهاد]

بعنوان

((سود الله وجه أبن حافظ ))


صــلـوا على النبي




قصة الثوره على معمر وحكام الظلاله = من ضمير الشعب يوم الظلم سايد فالبلادي
مثل أبن حسني وأبن زين العباد اللي جراله = يمهل الله كل ظالم ثم يبشر بالهجادي
يارجال الدين وأصحاب الفضيله والعداله = أضربوا في سيف عنق الظالم اللي به عنادي
قاد جيشه ضد شعبه مير للجولان داله !! = يقتل الرضع ويعدم من يخالف حكم غادي
لاداينه في ربوعه في صلاة العيد حاله !!! = مايجيدون الصلاه !! ومن سواد أليا سوادي
الخساسه وسط دمه والفعول أكبر دلاله = يطلب أمن الشرق عونه في جنود وفي عتادي
سود الله وجه أبن حافظ ومن قام وسعاله = وبيض الله وجه من يقدح زناده للجهادي
في نهار العيد كم مسلم يعزا في عياله ؟ = وكم هنوفٍ يُتِمةً وأخوانها في وسط وادي ؟
يالله أنك تفزع ألشعبٍ يُضحى في رجاله = يرفض الذله وشاف الضيم قبل الأضطهادي
يالله أنك تُذَلل الطاغوت وأمره لامحاله = بين كاف ونون أمرك ياسميع وياجوادي
أرفعوا يامسلمين أكفوكم لله نساله = وأطلبوه النصر من عنده ومدوا للأيادي
يخجل الله أن يُردَ العبد خايب لالجاله = قالها ختم الرسل المصطفى بين العبادي

[ناصر بن فهاد]

بسم الله الرحمن الرحيم
السلام عليكم ورحمة الله وبركاته


أليكم هذه القصيده التي تعبر عن نفسها

بعنوان


((يا هبوب الريح ))


صــلـوا على النبي







هيض أفكار القصايد ما تركته = من غلٍ وسط الحشى والقلب ذايب
لي زمانٍ غايبٍ عن من عشقته = عل قلبي في فعوله دوم صايب
ياهبوب الريح خوذي ما نسجته = يم دارٍ من سكنها دوم طايب
وصلي أشواقنا يم من حسبته = بلسمٍ لي وألجروحي ياهبايب
علميه أن الغلا لا ما شطبته = وعلميه أجروحنا دونه عطايب
وعلميه أن زاد وقتي مانكبته = لو يشيب الراس وأتزيد النشايب
وعلميه الصعب من شانه غلبته = وعلميه الصبر مفتاح الغرايب
وعلميه الطيب ماعمري حجبته = عن رفيقي والردي بالطيب خايب
ذاك والله لو نصاني ماكسبته = مكسبي بيعته ملعون الصلايب
فرحته ضخ الحقد في كل نبته = حسد في دمه وورثه غل رايب
لوتظاهر بالوفى , النفس كبته = طبعها لوزان من ضمن العجايب
صاحبي مديت فنجال وشربته = أتحدا والتحدي راس نايب
عقب اللي فالملاقا ماظلمته = هرج سبع , وقل فعل ,وحظر غايب
هيه ياللي دون حقه ماهضمته = ركز أفكارك وجمع فالسبايب
وهيه ياللي سر صحبك ماكتمته = والله أنك مفلسٍ وصل القرايب
ياهبوب الريح خوذي ما نسجته = يم دارٍ من سكنها دوم طايب






وسلامتكم وان شالله تنال على أعجابكم

[ناصر بن فهاد]

بعنوان
كل الشعب سلطان

صلوا على النبي





يالله يا حافض لنا القران = يامن تغفر لعبدك السيًه
يا ناصر المؤمن على الشيطان = رحمتك يا من تعلم النيًه
رحمتك يامروي ضمى العطشان = ياحافض الدار الخليجيًه
يامُهلكٍ فرعون يامنان = تغفر لسلطان وتجازيًه
في جنة الفردوس يارحمان = مديتلك يالله يديًه
الفاجعه تدمع لها الأعيان = والناس ماموره ومنهيًه
مرحوم يا سلطان يا حوران = مرحوم تبقى سيرتك حيًه
رمز الكرم والطيب والإحسان = تشهد لك الدار العربيًه
من أطرف العالم لغرب ايران = نهضة ثقافة غير عاديًه
كم صيرمي دونك وكم أحصان = عزتك يا ذخر السعوديًه
عاش المليك وعاشة الأوطان = وعاش الخليج بشرع سنيًه
أمخططات الناقص الجربان = ترجع على راسه وعكسيًه
الله يعز الدين بالشجعان = جند الوطن لطامت الهيًه
درع الخليج أمنومس الصدقان = لاصار جار الدار كالحيًه
تشهد له البحرين والعدوان = مخًزيًةً بالفعل مخزيًه
لامات سلطان الشعب سلطان = درعٍ لابو متعب وجنبيًه
عاش المليك وعاشت الأوطان = وعاش الخليج بشرع سنيًه

[ناصر بن فهاد]

بعنوان
يا بو حمد

صلوا على النبي




يابو حمد والقلب لزين شفقان = أيتل من بين الضلوع المحاديب
تل الوحش للحوم باغي وندمان = يوم أشبكوه وصار صيده مكاسيب
من بعد كان الصيد غايه ونيشان = واليوم فوق الدس ربطه وتهذيب
أقطم نزر مغتر وله كف مالان = أفجح قصير الساق عدل المناكيب
لافرعوبه تقدح العين نيران = تقدح سطر ماهي سوات الرعابيب
والراس لون الشاش والساس برهان = والفعل في شرواه ما يجحد الطيب
يابو حمد والطير له قدرن وشان = عند الرجال اللي تعرف المواجيب
لطامت العايل ولدار ضيفان = ولضيف عز وللمعزه معازيب
للحق سيف العدل في كل ميزان = ماهم أهل لفه ودوره وتكذيب
من صاحب الطيب رقى كل ميدان = في قمة المجد أعتلى فالأصاحيب
ومن صاحب الباير به الناس بلشان = أيًلام لو يشفي دواء الأطابيب
نبقى نقول الحق والله رحمان = واللي ظلم يهلك وله سو تعذيب

[ناصر بن فهاد]

بعنوان
هيًض أبن فهاد

صلوا على النبي




هيض أبن فهاد وضعك يالخليج اليعًربي = أتقابلك سبعة دول سته على نور الهدا
وأخرى على الظلمه تسير ومثل سم العقًربي = تنظر إلى أم القرا لكنً مابه أي جدا
من دونها جمع النشاما وراثين الأجًربي = في أمر ربي حاميين البيت من كل العدا
المسلمين اللي عليهم فالمثايل مضًربي = عمرٌ وخالد بن وليد وكم سيفٍ يشهدا
أتفهموا يأصحابنا واليوم مابه مشًربي = أتغلغلوا وسط البلد أصاحبهم ساس الردا
ساس الخَبَثً والحقد والتوحيد ماله مقًربي = في دينهم ياللي تبصر شرك واضح له مدا
عاده لهم قتل القتيل وخلف جثمه تكًربي = بيرق حداده أسودٍ والقلب فيم أسودا
لعل من قلبه يشوف وفكر عقله يطًربي = يحفظ رساله من صدوق الود والسيف أجردا
يادارنا حنا فدائك كان صاح المحًربي = أندك خشم المعتدي والروح من دونك فدا
أصحابنا شجعان ماتبحث لدرب المهًربي = حنا عرب والعرب تغلي بالشجاعه وأتهدا
وضعك بدا حساس يا من لصنايع تُعًربي = مشرك وعاقبًة الولي سلط عليك الملحدا
وأختم عدد من سبًحوا فالذكر وقت المُغًربي = صلاة ربي لنبي الختم مفتاح الهدا








ناصر بن فهاد

[ناصر بن فهاد]

بعنوان
العز والنوماس
مهداه الى شاعر الجيلين : الشاعر القدير سعد البطيان العازمي

بمناسبة زيارتي له في الغاط وما وجدته من حفاوه وترحيب وكرم وفاضة القريحه في هذه الأبيات ,,,,,

صلوا على النبي








العز والنوماس من ماض العصور = لأهل الكرم والطيب والسيف الشطير
لامن نشدة الوقت عن وكر الصقور = فالقمه العليا وكلٍ به خبير
يتعب رجال الطيب مدك ياجسور = يامن تعز الضيف وتشور الشوير
أحترة أشبه كيف مدري فالسطور = يادرع جمبي لاغدى وقتي عسير
يالاطم العيال في طيش الصدور = ياعز ربعك من كبير ومن صغير
وشلون مفخر وأنت رايه للفخور = بيرق يشيله كل نشمي مايحير
سعد البطيان وسعد في كل دور = من نسل قومٌ مابهم رجلٌ عثير
آلاد عازم جارهم لا مايجور = الوقت فيه ، أبأمر ربي القدير
مزبان من هو ماتضلله القصور = ستر الصديق وربي العدل الستير
لطامت العيال والفعل أمخبور = كم راس قومٌ راح ماحوله نصير
مقدام قومه راح وربوعه تفور = مثل الجبل نثبة ليا شان النضير
تشهد لنا سبع البيارق ، والجذور = حنا هوازن سيل من قمه حدير
يفلج جلاميد الجحار ولا يشور = ولاقول قاصر فالحمايل والقصير
ولاقلت من شان التعالي والغرور = كلٍ يحث النفس لطيب ويسير

[ناصر بن فهاد]

بعنوان

عيًدي ياكويًت





صلوا على النبي




عيًدي ياكويًت العز وأغلا حبيبه = يابلاد الثقافه والوفى والعطائي
دام شيخ الشيوخ أيبين وقت الصعيبه = أبشري بالأمان وأهنئي في رخائي
ذاك أبو ناصر اللي ماتهنى حريبه = فالسياسيه سياسي للأعادي دوائي
تشهد أم المعارك بعد ذيك المصيبه = بارك الله بأهل السيف وأهل الوفائي
يرحم الله جابر والسعد نقتديبه = والفهد راعي الوقفات شكر وثنائي
شيخنا اللي كفوفه بالمعارك عطيبه = ذخرنا عزنا لبلادنا والولائي
كل مدرك يشط أدواه يُعرف طبيبه = قد خذينا بيارق نصر لا مانرائي
يالله أحفظ بلاد الخير وأخضر شعيبه = وأغسل أنفوس خلقك من حقَد أو عدائي
وأنصر الشام وأهله من جيوشٍ رهيبه = يالله أنك سميعٌ يامجيب الدعائي

[ناصر بن فهاد]

بعنوان

يبقى الحر شامخ












ياصواديف الزمان السم يبقى وسط نابه = مير يبقى الحر شامخ في وقوفه كل هيبه
حنً كسبنا واقع الخبره من الوقت أونصابه = مع مرور الوقت كلٌ يأخذ أبكفه نصيبه
والأسد يخلف أسد والبوم يبقى وسط غابه = والشجاعه لشجاع ، الثعل يرتع في شعيبه
والقناعه كنز بخت اللي كسبها في جرابه = والكرم والطيب والنوماس خُلد في صحيبه
والطمع علة بخيلٌ لضيوف أيصك بابه = والحَسَدً والحقًد نقص النفس، في نمٌ وغيبه
والعدا ماتغدرك مير البلا بعض القرابه !! = يُظًهِر البسمه ودم القلب يطًابخ لهيبه
أيه ياوقتٌ يشيب الطفل من أدنى مصابه = والجبل لو يعلم اللي في فوادي ناح ذيبه
كيف ياذاك الغراب أبيض ولافيها غرابه ؟ = ذا تساؤل من صدوق الحس ماهي بالغريبه!؟
قالوا أهل العرف طِيب الرجل خاله له يشابه = وأن تردا فأعرف أن الخال فعله له يعيبه
أحمد اللي مدنا فالدين وحقوق السحابه = وأحمده عمي وخالي فألقى راس الكتيبه
هيه ياللي تحسبني غافل ، لحضرت جنابه ؟ = والله أنًا مانلد العين لضعوف الشبيبه
أن رمينا نرمي اللحم ونمكن في صوابه = وأنضربنا كسر عظم ، وضربةً تبقى عطيبه
وأنت وضعك فالعرب نكره ! ولايمكن عرابه = كيف تُعًرب نكرةٌ ماهي كما أخرى عريبه ؟

[ناصر بن فهاد]

بعنوان

العمر يمضي




صلوا على النبي





العمر يمضي والسنين إن طالت أتلالها قريب = واحظ من ذكره يحيً الطيب ، مسكانه تراب
الآدمي وش يكتسب لاصار في سن المشيب = يكسب ياليت إن كان قصر فعل في سن الشباب
وياوقتنا اللي تبعد الأقراب وتقرب صحيب = لاهنت والصاحب قريب البعد هم نفس القراب
أحدٍ يداري زلتك وأحدٍ يدور لك سريب ! = وأحدٍ يمثلك ربيع العمر وأحدٍ كالسراب
محدٍ خذاله زود والمكتوب باين بالنصيب = قُل لن يصيب الا مايكتبه الولي هذا صواب
النشمي اللي يكرم أضيوف ولو وقته صعيب = يجزل لمداته ولا يحسب لها أية حساب
ياكود يحسب للمراجل غايته بالذكر طيب = الصالحات الباقيات أمن العمل بعد الذهاب
النشمي يستر أجراحه ولو فيها عطيب = بسمه بوجه أعداه تكفي مثل عنوان الكتاب
الخايب اللي يرمي الأهدافه مايقوى يصيب = يجهل فنون الرمي ولا العين مخلفت النصاب
والطيَب اللي لحتمى الميقاف لايمكن يغيب = يرسي كما مرسى الجبال النايفه عكس الهضاب
العفو عند المقدره من شيمة الشهم المُهيب = اللي ليامن كبرة القاله وقف حل النشاب
والحمد للي كرم الأنسان فالعقل اللبيب = الحمد له والشكر له منشيً حقوقك يالسحاب

[ناصر بن فهاد]

بعنوان

يافكري اللي عرجبي





صلوا على النبي





يافكري اللي عرجبي فوق حد النجوم = أليًن ماطابت أنفوسٍ غدى شرها
العام تقنب قنيب الذيب فوق الرجوم = يجمع قنيبك رجال العز ويسرها
واليوم مثل القطامي للمعالي تحوم = ماعاد تنشد عن الديره ومن مرها
ياسيدي ياطويل الصبر أنت أمخدوم = غلفت مضمونك الألياف مع برها
لاظاق صدرك وباسك يطًبخ بالعزوم = أقدم على البحر حتى تاصل ألدرها
اللي سعى لنوايف واجب أنه يروم = مارده الوقت برده إيه مع حرها
اللي يذوق العسل لايمكن أيذوق ثوم = أقولها والعرب من بعدي أتقرها
مضرب مثل ياذوات الريش فكل اللحوم = كم طير نفسه عزيزه وآخر أيثرها
الصقر والبوم ذات الريش عكس السلوم = الصقر عزة شموخ البوم مامرها
يالسهم يالصايب اللي عن كثير السهوم = تمًكن صواب الهدف والغير في حرها
النصر للي يعد العدل عكس الظلوم = والفايز اللي ذبح لضيف ماصرها
العمر يفنى ويبقى الفعل زان العلوم = الصالحه خيرها يكفيك عن شرها
هذا ومن ينوي الأصحاب بات أمخزوم = اللي يكابر بنفسه هيًه ! وش غرها