ابرحل ،،،

[عبدالله الصالح]

السلام عليكم وكل عام وانتم بخير ،،
اشتقت للجميع واتمنا انكم بصحه وعافيه
هذه الابيات لم تكتمل لحاجه في نفسي ولكنها رساله اتمنى ان تصل الى صاحبها وشكرا للجميع
0
0
ابرحل والغلا في وسط قلبي باقي ماغاب........ ابرحل وادفن جروحي بقلبي يا انانيه
ابرحل واتركك مثل البرد بالشمس لامن ذاب......ابرحل واحرمك من شوفة عيوني شقاويه
انا يابنت مثل الريح لاهبت على الابواب .......اكسر كل ماياقف بوجهي يالسنافيه
جرحتي ماحسبتي للغلا والحب اي حساب...... تماديتي على جرحي ابد مافيك حنيه
.
.
.
.
.
.
.
.
.
.
.
.
.................................................. ...................


وللحديث بقيه ،،،،


دفين الجرح
عودة سدير

[أبو ريان]

هلا والله بدفين الجرح وهذي الساعه المباركه اللي رجعت فيها وانا والله شرة عليك بصراحه اقدرك واحترمك ومثلك ينفقد طولت الغيبات يا قاطع وكان في خاطرك شي ترا ما نقوى على زعلك وعلى فكرة تراي ما نسيت قصيدتك الرائعه اللي كتبتها من فترة واللي انت موجهها لي وتم الرد عليها في وقتها واعتقد ان سبب انقطاعك اني تأخرت بالرد ولكن في الحقيقه لم اطلع على القصيدة الا بعد ما قالي عنها مسافر وبامكانك مشاهدة الرد بالرجوع الى القصيدة 0 وتشكر على مشاركتك وانشاء الله في القريب العاجل سأرسل لك قصيدة خاصه موجهه لك يا الغالي

اخوك / مشرف القسم الادبي هجرس

[أبو ماهر]

.

أنا في الحقيقة يوم شفت الموضوع قلت أخينا في الله ناوي يمشي وش معجله وراه من الي مزعله يوم شفت الدعوة كذا أنقلبت الأفكار وأقولك جزاك الله خير حقيقة الأبيات حلوة مو مثل بعض الأعضاء يحط قصيدة طويله عريضة والنهايه مايقراها أحد وخير الكلام ماقل ودل وهذي أبيات جميلة جدا.

[الغالية]

صح لسااانك ..
وسلمت يمنك ولاعدمناك..
اسمح لي اشاركك بهالبيت ..
******
ابرحل وليتني اقوى وانسى لوعة الأحباب ....ابرحل عنك واعاند مشاعر حييل مدميه

*****

:)

[أبو ريان]

اونا اقول يا دفين الجرح 0
دفين الجرح لاترحل ترا فرقاك ما ينطاق == ولا مــن رحـت اوصـديت دخـيلك لاتقاطعنا
انا شاعر وابكتب لك قصيد يبري العشاق == ومن شعرك حفظت ابيات موزونه لها معنا
تعال نعيد صفحات تشابه لـمحت الــبراق == الـى مـنه سـطع نـورة وطـير السعـد به غـنا
نسـيت ايام عـدت كلها افـراح مـع اشـواق == دفين الجرح مع هجرس عسى الايام تجمعنا
حرام تـضيع الـفرصه تخليها جفا وافـراق == ترا شعرك هو اللي باقي لا من غبت يطربنا

[القيصـــر]

السلام عليكم


الله الله يا أبو ميار قصيدة جسّدت الوفاء والحب الكبير

هنيئـــآ لك كل هذا


القيصـــر

[سعود الخليل]

وين لقيتا هالمشاركه فيه يالقيصر ...؟؟!!

صح لسان ابو ميار ... وما ندري عنه هو كملها ولالا ؟!

[سليمان بن سريع]

توكل واترك العقرب لا تقرب لجحر الداب = ترى من هان نفسه ما لقى شرب لا فيه
نصيحة لا تبيع الثوب لو تلقى مية جلباب = ولا تخضع لغير الله ولو نفسك هواويه
ومن باعك فلاتشريه خله يسكن السرداب = تعده لو صرخ يبغيك قل مالك وما ليه

صح لسانك ولا هنت قبل كل شي

ولك ودي وتقديري

[فهد نجد]

الله الله فعلا ص مخزون رائع واختصار جميل 0

اعانك الله وقد يكون الأختصار عنوانا ً يفي ويكفي 0

إلى من له الحرف تمعن جيدا ً ففي الابيات جملة من ؟؟؟؟ 0

اف شكر شاعرنا وزدنا 0

قد نتظر البقية ولكن في أنفسنا نقول الكمال فيها 0

[غربة الروح]

صـــــــــــح لســــــــــــــــــانك ابو مياااااااااار ونورتنااااا برجوعك واهم شي ماتقاطعنااااااااا المنتدى دون اشعارك ماينبغى مثل الشاااااااااي من دون سكر لااااا تقاااااااطع وننتظر الجديد