هل بعد هذه الصوره نقول ان هذا دكتور

[سعد القاسم]

لا حول ولا قوة الا بالله .....

هذا الدكتور او مايحتاج نرفع قدره هذا فلان .....؟!!!!
رفع رجله ولا كأنه سوا شي امام طلابه ....
اي تعليم واي احترام مادام هذا دكتور في جامعة الملك سعود......
الله يرحم الحال بس..........lk: lk: lk: lk: lk: lk: lk:

http://img109.exs.cx/img109/9189/tinbak2or.jpg

__________ معاناة في معاناة _________
lk: lk: lk: lk:

[بن جعيثن]

فضحتا الرجال في كل حته...

أرفق عليه...

ما شفت الظاهر مدرسين أول ابتدائي...

[عاشقة سديـــر]

من جد قدوه حسنه !!lk:

تشكر س ق م ..

تحياتي

[Sub_Zero]

نفسي ومنا عيني اهين هالاشكال اللي يتواجدون وبكثره في جامعة الملك سعود

تدري

ان كانه سعودي ويهينك تمشيها له اما اذا كان اجنبي ويهزائك وش يكون موقفك ؟؟

يالله يجيلهم يوم

[سعد القاسم]

اخوي ابو فارس
اضاهر نشرها في ذاك الموضوع ماينفع
لابد تستقل لحالها
انت خابر....

اخت عاشقه شكرا على الرد ومالنا الا انت نقووووول.......!!!! الله يستر من تاليتها...



صب زيرو
المشكله سعودي من ابناء جلدتنا الله يرحم الحال .....
اما كونه اجنبي ..... ماتوقع بعد هذه الحركه سيكون على قيد الحياه خخخخخ
الله يستر بينذبح....
.....................

ماقول الا اللهم ازل هؤلاء من مقامات التعليم......
لان بحركة هذا عرفنا.... اشياء كثيره يدخرها بما يسمون دكاتره .... هه اي دكاتر...
واي قدوه واي . واي . واي.....
الله يرحم الحال بس........
هذا جزء من معانتنا في الجامعه...........

[ابو دحيم]

تحيه طيبه



سقم الله يصلحك بس .



والله انك اقشر الرجال حفيانه رجله من الصبح على رجل نصابه (( 6 )) محاظرات في الاسبوع ما يفضى يحك خشمه ونا شبه له يوم انه مدد هالرجيلات .

لو في الطلاب خير كان واحد منهم قام همز رجيلاته .



اعطيك قصه صارت لي :

مره اختبر عند دكتور الله يوفقه كنت في مكتبه ولاه ما عنده رافع الرجلين وفاصخ الشماغ مبورد .
الدكتور هذا مرعب جداً مع العلم انه من نجد حنوب الرياض المهم جالس يخترني وانا قدامه على الطاوله وجهي في وجهه يوم ما دريت فر كرسيه شوي ورفع هاك الرجيله جزاه الله خير مقدرني وخرها عن وجهي .
بغيت اقوله بالله غير شراباتك تراها مخيسه بس انه اختبار نهائي وانت خابر المستقبل .
يوم طلعت قالي انت كفو تدرس في الجامعه طلعت قلت راسب راسب ارجع والعن جده بلعتها يوم طلعت النتايج عطاني (( ب ))
ما تشوفني ادعي له .



لك تحياتي

[الصحراوية]

ايه يا س ق م ما شفت شي lk:

بس الله يعافيك فتحت لنا ها الموضوع عشان نطلع حرتنا فيهمlk:

انا احس انه مهما شفتوا من دكاترة الجامعه صدقوني ما راح يكونون اشد من الدكاترة الحريمlk:

ملاحظه:مثل مافيه ها الفئه الظالمه فيه ناس تحط على الجرح يبراء بس للاسف قله

من جد lk: قراوه واعطوا سلطه lk:

انواع الاهانات ورفعه الخشم واذا جت تحاكيك يكافي تقول تحاكي قطوmsha:


والمشكله والمصيبه الفادحه اذا كانت استاذه عاديه وخذت دكتوراه او ماجستير shar:

اجل ذاك اليوم وحده من ها الدكتورات اللي ما تخاف الله معطيه وحده من رفيقاتي حرمان عشانها ترمش في المحاظره ؟؟؟
لا تحسبوني ابالغ والله اني صادقه بس خلاص حطت في بالها بنت ,,وبتطلع عقدها فيهاshar:

وكل هذا يهون عند السيطره على القسم واتخاذ القرارت فيه hgf:


يعني تراجع الاشراف التابع لقسمك تبي تسأل عن حاجه ياله يعطونك وجه ونفس شينه كنك جاي تطرهمasb:

حتى لو سؤال عادي عن الغياب اجل ذاك اليوم وحده من صديقاتي شاكه انه عندها حرمان ويوم راحت تسأل المسؤله عن الغياب قالت والله مدري راجعيني بعدين؟؟؟ الحين ماعندي خبر وما ادري؟؟ ابي اعرف تاخذ راتب على فاضيasb:

شاطرين يجتمعون على قهاوي وبربره في ها الصبحيه وبس كنهم في حديقه lk:

أأأأأأأأأأه بس واشياء اعظم ومعليش تراني صايله وفتحت لنا موضوع يقهرني ,,فمعليش على الاسلوب

استروا ما واجهكمrt:

[سليل المجد]

الله يهديه

[القسام]

إن لم تستحي فأصنع ما شئت

[سعد القاسم]

الصوووره حجبت وارفعها لكم مره اخرى هنااا...
انزل تحت ..

7
7

7
7

انظر الصوووره ...


7
7
7

7

http://img109.exs.cx/img109/9189/tinbak2or.jpg


لي عوده على التعليق وابشركم فصلو الدكتور هذا من الجامعه<< بالله هذي اشكال دكاتره ... اخ يالقهر...؟؟

[الجريوي]

لا وأزيدك من الشعر بيت يا سقم ...

قلتا مرزوق بن تنباك ... هذا طال عمرك ( حداثي ) وثبت عنه أقوال مخزية بحق الصحابة الكرام رضي الله عنهم ...

لكن ما نقول ألا ( الشكوى لله ) ...

الله يهدي ضال المسلمين .. آمين آمين ،،،

[شريك المشاكس]

س ق م شكله مرسبك خخخخخ


للاسف ثلاثه ارباع الدكاتره من هالاشكال


وان قلنا شي قالوا :أنتم طلاب زاااحفين ما تهتمون بالدراسه


تصدق لو مسوي الحركه قدامي

أقسم بالله لاشرشحه

ترا أهم شي الاخلاق قبل التعليم


((وجه قااابع من العصبيه))

[طرطشلي]

انا اعرف مدرس مشاء الله عليه ما قدر رفع اصبعه بس مع الاسف من شخمه اخوي سقم خلهم انواع الهواجيس لا تقطع حبل افكارهم

[سديراوي مقلع]

اذا بليتم فاستترو واستر على الرجال ياسقم ولا انا غلطان ؟

[السنبلة]

ههههههههه


يعني الحين رجله ذي رافعها بوجيه الطلاب؟؟؟؟ خوش دكتور..


آخخخخخخ لو أقدر أصوّر لكم غرفة الاستاذات عندنا.. تقول بوفيه.. ولا أنسى إني قد دخلت عليهن وهن باسطات بلايز وتنانير الظاهر يبيعن..

=============

والله يا فيه عندنا دكتورات لو لي عليهن سلطة لاسحب منهن شهادة الابتدائي..

ولا ننسى بعض المعيدات اللي مدري وش رافعات خشومهن عليه..

تصدقون إن وحدة منهن ويقالها تخصص عقيدة تسأل البنات فهمتوا؟ قالوا: لا.. قالت: لوا..

ومرة تقول يا غجر يا نوَر*.. بالله هذي تصلح تكون أستاذة فضلاً عن أستاذة عقيدة..

ولو أبي أقعد أعدد مصايبهن والله ما يكفيني مجلد.. بس الله يخلف علينا..

====

زين انهم فصلوا هالدكتور.. أجل فيه دكتور في وحدة من الجامعات (حلولي) ولا زال (رابضاً) على كرسيه الهزاز..

الله يقلع التعليم اللي يجي من ورا ها الاشكال التعبانة..

..

* كلمات ابحث عن معناها في مصطلح الكلمات غير اللائقة..

************************××××<<<<<


* السنبلة * 1425هـ

[سعد القاسم]

ياجماعه الصووره موجوده ولا حذفت علموني علشان ارفعها من جديد ؟؟؟؟

[ابو عبد العزيز]

غريبه هالطلب ليه ماتشوف

[سعد القاسم]

لا ماشوف يابو عزيز ؟؟؟؟:) خخخخخ عسى ماشر شالسالفه ... دقايق بس .؟؟؟

[سعد القاسم]

المعذره يالربع رااح ارجع لردووودكم واحد وااااحد .. خلني اشووف وش قصة الصوووره
الان تأكدت ان الصوره غير موجوده على السيرفر المرفوع عليه ..


اليكم ...
هذه الصوره ..؟؟

http://www.shuf.com/UserData/shufmembers/6/172813/drive/tinbak.jpg

لي رجعه على ردوودكم ...؟؟

[ابو عبد العزيز]

عادي الرجال سهران ويبي ياخذ غطه بالفصل ما فيها شئ

[سعد القاسم]

تسلمين والله يااعاشقه سدير بالعكس كذا يربون الاجيال ؟؟؟؟ صح ولا لاء ..؟؟؟ لا حول ولا قوة الا بالله

شكرا على الرد ...

[سعد القاسم]

سب زيرو شكلتس مغتثه من هالاجاانب خخخخخخ الله يعين كل طالب يطمح لحياة سعيده كعععععع

[سعد القاسم]

ماقول الا الله يرحم حالك يابو دحيم مابقى الا هي نهمز رجله خخخخخخ

اثقل بس ....
وبعدين وراه ما عطرتا شرابته خخخخخخخخخ الله يرج عودك بلااا اعقل ..؟
تسلم واله على هذا الرد ..

[سعد القاسم]

واله يانتي نفضتي الي فيتس ياااااصحراويه خخخخخخ
ارفقي ارفقي ... خخخخ

بس ولو كلن محاسب على مايقدم وعلى ماياخذ ... فالراتب على الجهد المبذول << الله من الصدص اي جهد بس .. خليها على الله ز..
والله يوفقنا وياتس لكل خير يااصحراويه ...
وبردي في مثل هذه المواضيع