مخرج حوطة سدير ؟ ؟ ؟

[الجريوي]

سمعت من بعض الجماعة أن تنفيذ مشروع مخرج مدينة حوطة سدير على طريق الرياض / سدير / القصيم سيرى النور قريباً ، لا أدري مدى صحة هذا الخبر ؟؟؟؟

[منيف المنيف]

الله يسمع منك.....ويتحقق...

[بن زيد]

نعم خوي الجريوي

حسب ما سمعت ان الأمر متتهي و تم التعاقد مع شركة المقاولات المنفذ و اعتقد أن كلفة المشروع 9 مليون ريال

سأحاول في الأيام القادمة أخذ معلومات اكثر عن الموضوع

أشكركم جميعاً :)

[الجريوي]

أيه تكفى تأكد أخوي ابن زيد ترى الموضوع يهمنا بالحيل

[ابو حسن]

انا حاس ان السالفه مهيب تامه على خير




الله لا يسمع مني :D

[السديراوي]

خبر عمل المخرج صحيح 100/100 بس المشكله متى التنفيذ ؟ الشكله الشي اللي يآخذ سنة يسوونه في 10 سنوات

[هواوي سدير]

يذكر انه رصد مبلغ وقدره ؟؟؟؟؟؟؟؟؟؟
لا نشاء هذا المخرج قبل سنه تقريباً علماً انه حتى الان لم يتم رصد مبلغ لكمال الطريق الموصل لحي النهضه بحوطة سدير







هذا والله اعلم........

[شيخ سدير]

أهالي الخطامة يعارضون فكرة إنشاء مخرج لمدينة الحوطة وذلك لتأثيره السلبي اقتصادياً على مملكتهم ! ! !

[ياخــلفهم]

أسلام عليكم وكل عام وأنتم بخير على الجميع . بخصوص الموضوع المطروح أنشالله بيشوف النور عن قريب لأني متواجد بصفة مستمره وأجد الموضوع مسمين فيه ، وفيه نقطه مهههههههمه جدا وهو أن الطريق بيجي معه خيره ورزقه والمستفيد من هذا هم(أنحن ) بلغه السديراويه و الجيران الي حولنا الله يخليهم لنا وهذي نظره تجاريه وشدو حيلكم ياشباب السدير .:)

[أبو ماهر]

.

أنا مأدري تتكلمون عن تنوير المخرج تبع عشيره الي يوصل إلى الحوطه أو المخرج الي يوصل من الروضه.

أما جعل كبري خاص بمدينة الحوطه فأنا أتوقع هذا مستحيل لأنه يوجد طريقان يؤديان إلى الحوطه طريف عشيره وطريق الروضه.


أما تنوير الخط فأي خط تتكلمون عنه.




محب لكم الخير


أخوكم:-

[ابوكريم]

اقول الله يكتب اللي فيه الخير.

[الجريوي]

أين وعدك يابن زيد بمتابعة الموضوع ؟ !! !

[فهدسدير]

مايحتاج تذكره بالوعد يالجريوي
المقاول يشتغل في الخط0000

[خالـ سدير ــدي]

صدق فهد سدير أنا شفتهم قبل أسبوعين يشتغلون بالمخرج وأعتقد أن المقاول شركة الأومير .

على هالحالة بيصير للحوطة ثلاثة مخارج على الطريق السريع :
1 ) مخرج عشيرة .
2 ) مخرج الحوطة .
3 ) مخرج الروضة .

والله صدق من قال أن السديراوية واصلين

[أبو ماهر]

..



محد جاوب على سؤالي؟؟؟؟؟؟؟؟؟؟؟:( :(

[بن زيد]

السلام عليكم

تحياتي لكم
أمير العشاق
نعم مخرج جديد لحوطة سدير مستقل .

مشرفنا العزيز الجريوي .
أعدك بإذن الله أن ألتقط بعض الصور للمخرج و جميع المنشآت التي تقام في الحوطة .

تحياتي لكم

[شقيران]

والله الي اخبره ولا يهون الموجودين ان المخرج هذا بفضل الله ثم بفضل الشيخ الفاضل صالح الزكري

الله يطول عمره

[أبو ماهر]

.




شفتهم بعيوني الي بياكلها الدود يصلحون ويضبطون المخرج0000:D :D

والخبر انا شايفه محد قاله لي0000

[السلمان]

صحيح كلامك اخوي امير العشاق
انا شفته نهاية الاسبوع اللي راح وما شاء الله شغالين
بس اذا يقدر احد يقول لنا كم طوله تقريبا؟؟ وين يدخل الحوطة معه؟؟

وتقبلوا تحياتي جميعا

[الجريوي]

جار ٍ العمل الآن على قدم ٍ وساق لتنفيذ مشروع مخرج ( حوطة سدير ) على طريق الرياض ــ سدير ــ القصيم ( السريع ) .

وسوف يخدم المشروع سكان الحوطة بالذات الذين كانوا يُعانونَ الأمرّين من اتخاذهم مخرج عشيرة طريقاً يرتادونه ُ إلى مدينتهم ، إضافة ً إلى اختصاره المسافة بين الرياض وحوطة سدير .

الجدير بالذكر أنَّ مخرج ( عشيرة سدير ) والذي يخدم بلدات ( عشيرة ) و ( الخطامة ) و ( العطار ) و ( الجنيفي ) و ( مقبلة ) و ( الجنوبية ) مشهور ٌ بخطورته وسوء تخطيطه نظراً لكثرة منعطفاته وتعرجاته .