قصيدة في وصف الرجال والنســــــاء !

[المحب بصدق]

شفت الرجال انواع وأجناس وأشكال

وكلن على ماحاش معطي ومحـروم

رجـــــــال يســتاهـل اذا قيـل رجـال

ورجــــال لامن قيـل رجـال مظلـوم

ورجــــال مثل الحر يضربـه أمثــال

ورجال فيه بيته مثل مصبـح البـوم

ورجــــال في صعب المهمـات بتـال

ورجــــال في كـل المهمـات مخـدوم

ورجــــــال مايحمـي كلامـه اذا قـال

لانافعٍ قومـن ولا ضـــــــار لـه قـوم

ورجـــــال لا جيتـه يفيــدك بالاقـوال

ورجـــــال لا يأخذ ولا يعطـي علـوم

ورجـال كالانعــــــــام مقفـي ومقبـال

في ليلتـــــه ظلما وفـي يومـه غيـوم

والرجل من يمشي على نهج الابطال

ويعز نفســــــه عن فعـل كـل مذمـوم

ومن النســــاء ذكـرت لباسـة الشـال

وأبختصــر من وصفهن شـي معلـوم

فيهن ستيره تتـرك القيـل والقـــــــال

وفيهن قبيحه تنقـــــل الحكـي ملمـوم

وفيهن كما الجنات للرجـــــــل منـزال

وفيهن جحيــــم الرجل تسقيـه يحمـوم

وفيهن كما الريحــــــان بالفـل والفـال

ممـــزوج مع تنسيم بالمسـك مختـوم

وفيهن عسل حلواً على القلب لا سال

وفيهن بصـــل مخلوط بالملح والثـوم

وفيهن مثل سكر علـى در مشـــــوال

وفيهن كما الغســــلين مخلـوط زقـوم

والجوهره من طاعت الله بالاعمــــال

دين وهدى وأخلاق والعرض معصوم