يا جماعة الخير كيف اثبت سي دي نوكيا 6600

[ماشي على هون]

بسم الله الرحمن الرحيم

اخوان الاحبه السلام عليكم ورحمة الله وبركاته

اولا الله يعطيكم العافيه على هالمنتدى الجديد الي هو حق الجوالات

وثانيا ياليت الله يرحم امكم وابوكم وكل الي تحبون انكم تعلموني بالشرح المستفيض كيف ممكن اني اثبت جهاز اشعة الليزر تحت الحمراء الخاصة بنقل البيانات من جهاز نوكيا 6600 الباندا الى الكمبيوتر والعكس وكيف ممكن اني انسخ دليل الهاتف الي عندي من الجوال للجهاز وكيف ممكن اني استفيد من كامل الميزات المتاحه في هالوصلة والسيدي الي معها لاني صلعت من كثر ما حاولت ولا قدر

الرجاء المساعدة ولكم خالص التحيات


اخوكم ماشي على هون
والسلام عليكم ورحمه الله وبركاته

[دوده مثقفه]

هلا اخوي ماشي

لو جهازك فيه خاصية البلوتوث اريح واسرع لك ...

ولو ما عندك اشتري ir الانفرا رد ( الاشعه الحمراء ) اول ما تثت الجهاو اللي هو عادة ما يحي كأنه فاره صغيره لها عينين حمر >> ناس ماتجي الا بالعين الحمرا..
ما عليك تثبته من السي دي المرفق واول ما تحب ترسل شئ من جوالك لجهازك ( كمبيوترك ) بس شغل الانفرا رد اول شئ بجوالك والكمبيوتر طيب ثمن ارسل الصورة عن طري
send
by
ir
مو عن طريق اي شئ ثاني ...
>> تعبت
المهم بعدين تقبله وعاشوا عيشة سعيده :)

اي سؤال انا حاضره خيو
اتمنى فدتك

[وراءالكواليس]

اخوي..ماشي على هونه

اول شيء

تثبيت الوصله من السي دي المرفق معها

وهي تحتاج هذا الملف فقط..(ma620.sys)

وبعدين ثبت برنامج pc suite 6600

وهذا موجود في السي دي حق 6600

وبعدين عن طريق هالبرنامج تقدر تنسخ الارقام والرسائل وكل شيء

وانشاء الله بوافيك بشرح له...


وبالنسبه لارسال الملفات فهي سهله جدا


رح للملف او الصوره او البرنامج او اي شيء بترسله

مثلا ناخذ برنامج
رح للبرنامج الي هو بصيغة sis

واضغط عليه بالماوس يمين واختر ارسال الى

واختر من قائمة ارسال الى (كمبيوتر مجاور)

وراح يرسل لك البرنامج للجهاز وراح تلقاه في الرسائل

وبالتحديد في صندوق الوارد

وطبعا هذا بعد ما تشغل الاشعه في الجوال عن طريق

مجلد (اتصال) ثم (infrared) الي هي الاشعه

وتقرب الجوال للوصله وتلقى الكمبيوتر تعرف عليه

بس انتبه ترى الوصله تطفى بعد شوي

يعني لازم تشغلها كل نص دقيقه تقريبا

او اذا جيت ترسل للجوال

وسلامتك

[وراءالكواليس]

وهذا برنامج تركبه على الجوال

ويساعدك على نسخ الاسماء


وتنقلها من الجوال للكمبيوتر او لجوال ثاني



وفيه طريه ممكن انك تحفظ اسمائك على الذاكره حقت الجوال(الميموري)

روح للزيادات>>ثم الميموري>> ثم خيارات >>> ثم عمل نسخه احتياطيه

ورح ينسخ لك ذاكرة الهاتف على بطاقة الذاكره

وباستخدام برنامج السليك تقدر ترسل للكمبيوتر

ملف ال backup

للكمبيوتر

وطريقة الارسال بالنسبه لبرنامج السيلك
افتح برنامج seleq
وروح ل
e\backup
بتلقى ملف اسمه backup.arc

اضغط option>>send>>>via infrared


واذا عندك بلوتوث اختر بلوتوث

وراح يرسلها لك على الكمبيوتر

وممكن تستخدم برنامج الاوكسجين

وهو موجود بالمنتدى ايضا

فهو يقرا الاسماء والرسائل وممكن انك تحفظها في الكمبيوتر

[وراءالكواليس]

تفضل

تثبته على الجوال

[دوده مثقفه]

ما شاء الله عليك والله وراء ما قصرت ابد ابد




من جد يعطيك العافيه والله انا انحرجت مدري ليش!!!

الاخ على هونه يتشكر بعد بس تلقاه ما خش للأن

وراء الكواليس كلك ذوق والمنتدى محظوظ والله بواحد بنشاطك


تحياتي
اختك

دوده

[وراءالكواليس]

تسلمي اختي دوده
والله يعطيك العافيه على جهودك انت بعد



مشاء الله عليك صايره شعله


الله يحرسك ويزيدك

[ماشي على هون]

اخيه دوده مثقفه بارك الله فيه وجزاك الله خير وجعلك على القوه

اخي وراء الكواليس بيض الله وجهك والله يكثر من امثالك وجعلك على القوه يا الغالي الحقيقه انك تفضل علي بوقتك وجهدك ومعلوماتك فجزاك الله عني كل خير ونفع بعلمك الاسلام والمسلمين ...


وعساك على القوه



وانا اسف والله على التاخير عن الرد في وقته بس تراي كنت في مشيوير للعاصمه وتوي راجع الان او قبل شوي.... يا دوبك بس ضربت لي مطبق ولحقته ببسي ثم كتبت هالرد :)

[وراءالكواليس]

ننتظر النتيجه بس

عساه ضبط معاك



وبالعافيه بالنسبه للمطبق


وترى السفن انفع لك

[دوده مثقفه]

ولو ما سوينا شئ>> تمون



عليك بالعافيه ابغا>>دوعااااااااااانه

[ماشي على هون]

اخي وراء الكواليس لاهنت والله ما بعد جربت هالطريقه لاني كل هالايام وانا ابربس في جهاز ماهوب جهازي ولا ودي اتعبث فيه كثير لاني صاحب سابقه معه في تلقيمه فيروسات بس الحمد لله بسيط يعني ما تعدى حل المشكله اكثر من شراء جهاز ثاني ( كمبيوتر طبعا ) *@:وانت خابر ملفك الي عطيتني لازم ينزل على جهاز كمبيوتر وانا والله العظيم جعلي اموت اني مصدق ان ملفك ما به فيروسات بس المساله صارت نفسيه يعني حكه بعيد عنك وعلى كل حال الموضوع محفوظ وبمجرد ما اكون على جهازي المبارك حتعامل معاه على خير وجه وعلى طاري الوجه بيض الله وجهك

اخيه دوده مثقفه ÷÷÷ الله يعافيك وهني على قلبك ان شاء الله وترى المحل على الشارع العام جنب راعي الجوالات بس عاد ودك تغمضين شوي عن النظافه لا لشيئ ولكن من مبدء (( فس تعف ما تسمن ))


اكحشوا كلكم تحياتي المطشمة0!: