عمره 18 سنه ويسوا 44 مليون دولار!!!

[سعود الخليل]

وقع اليوم المهاجم الإنجليزي (واين روني) عقداً مع نادي مانشستر يونايتد الإنجليزي ينتقل بموجبه من ناديه الأصلي إيفرتون بمبلغ يفوق الأربعه والأربعون مليوم دولار !!!! ويعتبر المهاجم الإنجليزي روني والبالغ من العمر ثمانية عشر عاماً مكسباً كبيراً لنادي مانشستر يونايتد فهو قناص ومهاجم سريع بالإظافه إلى براعته في الضرب بالرأس ،،هذا وقد لقبته الصحف الإنجليزيه بلقب الملك بعد الجهود الكبيرة والتميز الذي قدمه في بطولة يورو الأخيره،،

http://news.tahrir.net/images/news/_24300_ronney_22-6-2004.jpg

[فهد المنيع]

والله من الهبال يلعبون بالدراهم لعب nv:


لكن من حصل شي يستاهله .. هذا عرف السنع من عقب ما لعب زين في بطولة اوربا باعوه ناديه مهوب مثل اون سوا فيها وعيا ينتقل من ليفربول واخرتها باعوه لريال مدريد برخص التراب ..


عسى الله يرزقنا بس نعرس ونعمر tvm:


مشكور راعي الاوله ومنتب عاقل يالسمسار cb:

[وراءالكواليس]

يستاهل والله


بصراحه فنان

بس ما تلاحظون ان الانجليز تسنهم متعصبين بزود لانديتهم

ما يحبون الروحات والجيات

الا اذا صار نادي كبير مثل مانشستر والا ليفربول



تسلم يا راعي الاوله

[سعود الخليل]

حالم ليل

وراء الكواليس

مشكورين على التواصل ،، والله يخلف على لاعبينا اللي على بالهم انهم نجوم ووخر عن طريقهم ولا فيه واحد منهممحترف في انديه اوروبيه مثل بقية الدول حتى عمان وقطر فيها محترفين في اروربا وحنا مكانك راوح ...!!!!

[Sub_Zero]

ياعيشتن قشرا
rt:rt:


ايه هالبزقه يسوه اربعين مليون ياحياة الشقا

[سعود الخليل]

وش مضيق صدرك يالزيروه ترا فيه اغلى منه بكثيييييييييير ..

هذا توه صغير لكن بتشوفين لو ينتقل لريال مدريد كم يدفعون فهي ؟؟!!

[ذيب سدير]

راعي الاوله اشكرك على هذه المشاركه ... بس كنه غالي شوي هذا حد ولا سوم كانه سوم فبع الله يرزقك وكانه حد فتراي افتح اسوم 100 ريال واذا زاد احد بعه لاترجعلي هههههه
تحياتي ..

[سعود الخليل]

ذيب سدير ...!!!

كيف الحال أقول ؟؟؟

هذا باعوه خلاص لكن كاني تبي لك واحد بمية ريال دورنا لك ،،!!

[ذيب سدير]

خلاص الله لايهينك يا راعي الاوله ابي واحد سعره من 100 الى 200 ريال بس بشرط؟؟؟ انه يرقى النخل ولا يدخن هههه
تحياتي..

[الوحش]

وعلى أيش 44 مليون دولار كل الدعوه لعب كوره

يعني مهوب مخترع علاج ولا مصلح برنامج كمبيوتر

يعني كلها لعب وسعت صدر

بالعربي طقها والحقها

يعطيك العافية ياراعي الاوله

[البرق]

الله يخلف على لاعبينا

هذا بزر وقيمة عقده 44 مليون دولار ويعتبر رخيص

ولاعبينا وصل عقد واحد منهم 9 ملايين وفرحوا انه أغلى صفقة في الملاعب الآسيوية وهو ما يسوى

[سعود الخليل]

خلاص الله لايهينك يا راعي الاوله ابي واحد سعره من 100 الى 200 ريال بس بشرط؟؟؟ انه يرقى النخل ولا يدخن هههه
تحياتي..

نبي نلقا لك بس والله الشرط الثاني صعب كلهم يتتنون ؟؟!! zs:

[فهد المنيع]

خخخخخخخخخخخخخخخخخخخخخخخخخخ


الله يرجك يا ذيب سدير هههه

خابر لك واحد يرقى النخل ومعه سيكل ولا يشرب تتن بس عذروبه 24 ساعه يناظر افلام cb:

[غويمض]

طيب انا عمري واحد وثلاثين سنه واعرف اسوي دبل كيك (كم اسوى)

تدري كم اسوى انا مسلم اسوى هاكفره كلهم
امعط تحيتي
واصحاب العقول في نعمه

[فهد المنيع]

غويمض الحين يمكن ما تجيب سعرن زين اصبر عقب الربيع ان شاء الله والا في وقت الضحايا تجيب لك سعرن زين cb:


قلبناها حراج يا راعي الاوله !!!

[ابوعمر]

وش قصتهم ؟؟؟؟

الفلوس عندهم لعبه و إلا وش؟؟؟؟

هـــــــــــــــــــــــــــــــــــــــــــــــــ ــــــــــاه شــــــــــــــبــــــــــــاب

من يزيد0!:


تراه يعرف يدقدق الكوره بالرأس.spo:

pj:

[ذيب سدير]

راعي الاوله ... اعذرني الي يتتن ما يصلح اخاف ابوي يطرده ؟؟؟؟
حالم لليل ... الله يحلل الي يتتن عند الي يتابع افلام الي يتتن يتتن وهو يشتغل اما الي يناظر افلام ما غير تكد عليه .. يعني مثل اصقه الكلاب مامنه نفع ... شكرا لكم جميعا؟؟؟؟

[غويمض]

حويلم
انا اباصبر اللين يجي الربيع
بس انت وراك ماتسافر لدول اوربا وامريكا ....
امعط تحيتي

[ابو عبد العزيز]

طيب ليه ما حسبو سعره باليورو بس يكفي انه لابس رقم 9 ( الله من التعصب الاعمى )

[السم الهاري]

ليش تستغربون ...

ياخوي فيه تيس مشري بــ 300ألف ريال فقط لا غير . وبالليل مسقطه أخو الي شراه في برميل المندي . على باله تيس عادي ... والغريبه أن الي شراه ما كل منه في ذيك الليله ...ههههههههههههههههههههه .

الجنون يسوي الهوايل ... تحياتي ...