ديوان الشاعر محمد بن لعبون (رحمه الله)

[سعود الخليل]

الشاعر الكبير محمد بن حمد بن لعبون

ولد محمد بن حمد بن لعبون سنة 1205 هـ بمدينة ثادق ..وهو يرجع بالأصل إلى بلدة حرمة إحدى مدن سدير ..وسكن بلدة التويم .. بعدها غادر إلى الزبير .. وكان رحيله للزبير عام 1222هـ وكان عمره سبعة عشر عاما ًولم يعد إلى نجد منذ غادرها .. وتوفي في الكويت سنة 1247 هـ بمرض الطاعون ،، وقد ألف العديد من الفنون كاللعبوني وغيره ،، وسنقدم لكم بعضاً من قصائده الرائعة :
...

[سعود الخليل]

هذه القصيدة قالها الشاعر محمد بن لعبون في محبوبته مي ( وهذا اسم مستعار استعاض به عن اسمها الحقيقي ) وقد استحوذت مي على قلب بن لعبون ، وتفردت بذلك ،، فنجد كثير من قصائده قد اشتملت على هذا الاسم ،،،،،، وقد رثاها بعد موتها عندما كانت عائدة من الحج بهذه القصيدة :



سقى صوب الحيا مزن تهـــامى =على قبر بتلعات الحــــــــجاز
يعط بها البختري والخــــــزامى =وترتع فيه طفلات الــجوازي
وغنى راعبيات الحـــــــــــــماما =على ذيك المشاريف النوازي
صلاة الله مني والســــــــــــلاما =على من فيه بالغفــــــران فاز
عفيف الجيب ما داس الملامــــا =ولا وقف على طرق المخازي
عذولي به عنود ما يرامــــــــــا =ثقيل من ثفيلات المــــــــراز
أبو زرق على خده علامــــــــا =تحلاها كما نقش بــــــــغازي
عليه قلوب عشاقه ترامـــــــــى =تكسر مثل تكسير القــــــزاز
ألا يا ويل من جفنه على مـــــــا =مضى له من لذيذ النوم قازي
تكدر ما صفا يا ما ويامــــــــــا =صفا لي من تدانيها المجازي
ومن قلبه إلى هب الولامــــــــا =يجرونه على مثل الخـــــراز
ليالي مشربي صفو المدامــــــــا =وثوب الغي منقوش الــطراز
مضى بوصلها خمـــسة عواما =وعشر كنهن حزاة حـــــازي
بفقدي له ووجدي والــــــغراما =تعلمت النياحة والتعــــــازي
وصرت بوحشـــة من ريم راما =ومن فرقاه مثل الخاز بازي
عذولي في هواها بالملامـــــــا =يعزيني وانا ما نيب عازي
وكل البيض عقبه لو تســــــاما =فلا والله تسوى اليوم غازي
سلينا لا حلال ولا حـــــــــراما =عليهن الطلاق بلا جوازي
حياة الشوق فيها والهيامــــــــــا =وجعد فوق منبوز العجازي
وخد تم به بدر التمامــــــــــــــا =وقد منه يهتز اهــــــــــــتزاز
فلا ابي عقبها لا زاد ولا مـــــا =وجزت من الهوى والغي جازي
وخضت بحور ليعات تطــامى =خلاف الخل ما ادري وين ابا ازي
نكيف الهم في قلبي ترامـــــى =وجيش البين بالغزوان غازي
أريده وانكسر كسر السلامى =بسيف جرّده ما هوب هــازي
على بخت الدهر ليته تــعامى =وخلاها وليته ما يـــــــــوازي
وليتي ما حكيت بها ويامـــــا =بكيت لها وفي قلبي حــــزاز
اظل هايم دوم دوامــــــــــــا =همومي فيه تنحاز انحــــــياز
أباح الله يا من بالملامــــــــا =يسلم يوم ترزاه الروازي
اسلَّم له ولا رد الســــــــلاما =عزيز من عزيزات عـــــزاز
وصلاة الله مني والســـلاما =على قبر بتلعات الحجــــــــاز

[سعود الخليل]

قصيدة المهمله( بدون نقط)
احمد المحمود ما دمع همل =او عدد ما حال وادله وسال
أو عدد ما ورد وراد الدحل =او رمى دلوه وما صدر ومال
أو حدا حاد لسلمى أو رحل=سار هاك الدار أو داس المحال
أحمده دوم على حلو العمل =سامع الدعوى ومعط للسوال
ما على راك لعا واعلى ومل=حاول الطاعه على ما صار حال
ما حلا لو لا صدور له وهل =لو ورد ما عده لماله أطال
مارد حاله على حال الوحل =طالما حسه لروحه لا محال
راد روده للمها سمه سحل =عاد صل لسعه سل وآل
ما دعى داع الهوى إلا وسل =روح مطروط الهوى ماله وسال
ما على ما ورد دمعه لو هطل =لا و لا مسراه عاد للهمال
ما ورا ماهو عصى وآل المهل =مالك العالم وعلام الأحول
ماسك صارم هلاكه والكسل =ماسك لعراه معدوم العدال
عادم علم الهدى ماله وهل =هالدهر دوم على طول الأمال
ما وراهم كود هدام الأمل =للملا حراس وللأرواح سال
لو عطاه أو مهله ماله مهل =هل على طول الدهر عمر أطال
ما سعاها سالك إلا رحل =لا ولا له كود لحده والأهوال
لو رأي حاله وماله للملل =لام لوامه على دار الملال
دار لهو مالها طر عدل =ما عداها لهوها دوم وعال
حارس سلال روحه ماسأل =ما على ما راده المولى سؤال
حاكم عادل وما راده حصل =آمر ماراد له راع هاوال
ما عدا كاس المراره مالحول =للورود وما لورد له عطال
وارد كاسه ومع أهل الطلل =مالوا هم له دوم وحال
حال حاله لو روا له ما وصل =عاده أملاك كرام للسؤال
وسط لحد ما معه كود العمل =أو سواد الدود مع سو المآل
واعلى حال عرا ماله سهل =عطله لهو الهوى دوم ومال
سامر أهوال الهوى وأهوى وحل=ما طوى سده وعاده للهمال
حاول السلوى وساوى للاسل =والهوى له ساحر سله سلال
راحمه وآل الملا وآل العدل =صور العالم على حلو الكمال
دوم صلو عدد ما هدهد وهل =او عدد ما حام أو هل الهلال
على محمد هو على كل الملل=وآله ماهل مأمور وسال

[سعود الخليل]

قصيدة ( ابن جلق )

ما طرق فوق الورق يا بن جلق =زور كف فوق كف ما يليق
كلما هب الهوى له واصطفق =حمله بفراقهم ما لا يطيق
حته المضنون به حت الورق =من شفا روحه عليهم في مضيق
تنتحي رايات حربه وانخنق =مع نظير العين في طق وطقيق
ادعته غمس الليالي مطرق =للعدو وان مر في ثوب الصديق
لو رموها بالحرق عقب الغرق =ما سلت يا ابن جلق عن ذا الطريق
فيه مصروف الغواني لو مرق =رايح يطّاف بالبيت العتيق
طاير عاقه مقادير التفق =بالهوى واليوم يا نعم الرفيق
اسأل الأطلال عن سود الحدق =حيث علمك بالطلل علم وثيق
ما عليك إن خلت براق برق =من ثنايا دار أهل وادي العقيق
قانيات العاسهن مثل الدنق=زرقة واجياد تلعات عنيق
محصنات ما علقهن الدبق =ما كشف غراتهن كود الابريق
لفتة العزلان وبطون السلق =والمعارف من خوافي ريش هيق
شايلات مثل شيشات العرق =ناعمات والخمر خمر عتيق
خيلهن تشربك يا حلو المرق =جيشهن ياكلك بالخبز الرقيق
كنهن ياطن على اطباق الزلق =إن علاه الطل أو نوض الطريق
ميسرات بالتماني والجوق =كنهن للي برجواهن شفيق
دوحة البرهام وظلال الغوق =من قعد في ظلهن ما فك ريق
راكبات في طبق عالي طبق =من زعانيف الهوى قلبي خفيق
رحت الومه في هواهن وانطلق =مدمع له سال من بحر عميق
ضارباته في عصاهن وانفلق =كل فرق ظل كالطود العتيق
اترعن كاس الهوى لي واندفق =كاس عذري الهوى راعي الحريق
غرد الحادي بصوته بالبلق =ينهم الاضعان عجلات اللحيق
يا رحي يُلهى لها كف الفلق =دارها الافلاك والدنيا دقيق
ناشت العربان والشمل افترق =في فريق حال من دونه فريق
شتت الخلان وادعتهم طقق =ركبة الماشوم لحصان سبيق
سيف غارات الليالي ونذلق =مغفر السلطان وخوٍ له شقيق

[سعود الخليل]

وهذه القصيدة لها عدة روايات ولا نعلم ما الحقيقة فيها وقيل أن مناسبتها أن امرأة كانت ترقص في حفل مقام في مكان خاص وقد رفعت الحجاب أو الخمار عن وجهها وفجأة رأي الشاعر أخاها مقبلاً فأراد أن يلفت نظرها فقال هذه القصيدة ففهمت المعنى فأعادت وضع حجابها.. وإليكم القصيدة ..


يا علي صحت بالصوت الرفيع =يا مره لاتذبين القنـــــــــــاع
يا علي عندكم صفراً صنيــــــــع =سنها يا علي وقم الربــــــــاع
نشتري ياعلي كان انك تبيــــع =با لعمر مير ما ظني تبــــــــــاع
شاقني يا علي قمرا وربيـــــــع =يوم أنا آمر وكل أمري مطــــــاع
يوم أهلنا وأهل مي ٍ جميـــــــــع =نازلين ٍ على جال الرفـــــــــــاع
ضحكتي بينهم و أنا رضيـــــــع =ما سوت دمعتي يوم الــــــــوداع
هم بروني وأنا عودي رفيـــــــع =يا علي مثل ماتبرى اليــــــــراع
طوعوني وأنا ماكنت اطيـــــــــع =و غلبوني وانا قرم ٍ شجــــــــــاع
دون مي الظبي و ام الوضيــــــع =و الثعالب و تربيع الشــــــــــــراع
راس ريع ٍ دخل في راس ريـــــــع =مستطيل ٍ و وديان ٍ وســــــــــاع

[سعود الخليل]

طقيت بابٍٍٍ على الرعبوب= وايق مع السطح ناباني
يقول لي ما قفك مقضوب= في ربعه البيت عدواني
اطلب عسى اهل الحسد بغيوب=صم وبكم وعمياني
يالله عسى ميتتي محبوب= في حضن مدعوج الاعياني
والى نويت اتركه واتوب= لاقاني الترف واغواني

[سعود الخليل]

وهذه قصيدة من الفن اللعبوني يقول فيها الشاعر :



زل دهرك يا محمد بالغزل =والغزال اللي تهزا بالغزال

والخدود اللي كما وصف السجل =ناكساتك بالسقم نكس الهلال

والجبين اللي بروقه تشتعل =مع زلوف كنهن داجي الليال

رنة الخلخال تحدث بك وجل =مع كمالك ما استحيت من الرجال

عاطلات الريم وادمي الرمل =مع نبات ظلهن عندي ظلال

[سعود الخليل]

قالت فريجه

قالت فريجَــه لــورقٍ نــاح =يـا مَـــالْ ســـلاَّل الأرْواحِ
يالورق عَطْنـي هَواك وشَــاح =واعطيــك طَوقـي و مِسباحِــي
لَي عاد وَصـل الغَريم سفــاح =ودمُـــوع الاعْيَــان سفَّــاحِ
خِذ ما صفَــا لك ترى الأرْوَاح =يَسْــري عَلَيهـــا و يِنــزاحِ
ابر القلـم وادْنِ لـي وضّــاح =واكتـب من القيــل ما لاحــي
واكتـب لعين الغضــي ما لاح =قيــلٍ كما نظـــم مسباحــي
من كوكــبٍ يفـرق السبّــاح =مـا ينزحــــه دون ميّاحــي
سَاعَــة وصّـالٍ وأنا شفّــَاح =تِهـــبّ هَبَّــــات الاريــاحِ
أنـا عَويــنٍ ولـك نَصّــاح =بالغـــي مـا نَــابْ مَــزَّاحِ
أصبِــح واخَلّـِي الهَوى مِسراح =وامْســي عَلـى مَي مِرواحــي
عمهُوجــةٍ جِيدهـا وَضَّــاح =والخَـد مِثـل القُمَــر صاحِــي
قَضَيــت بين الهـوى مــزَّاح =ما فـات مَعهِــن بَالافــراحِ
أسْهَــر إلين الفَجــر ينبــاح =وارقـد إلى اكبر ضَّحى الضَّاحـي
ولا هَقَيــت الوَلَـع يا صــاح =يطرَّنِـــي طَـــرَّةَ اَلْحــاحِ
إلاَّ انت يالــورق ما تِنْصَــاح =فَانَــا عَلـى البّــاب مَــدَّاحِ
فتَحــت قفْــلٍ بـلا مِفتــاح =وأنـــا للَقْفــــال فتّـــاحِ
ضَيــفٍ عنا لك يِريِد مْــراح =يا عِنــق ريميَّــة الضَاحِــي
قالــت مــلاوي عَلى ما راح =يـا مَـــالْ ســـلاَّل الأرْواحِ

[سعود الخليل]

حي المنازل جنوب السيف
حَي المنازل جنوب السيــف =مِمتـدة الطول مصفوفــه
امشِي على زينها واقيـــف =في حبها الروح مشفوفـــه
دار الخدم والكرم والضيف =دار المناعير معروفــــه
دار العجب والطرب والكيـف =والانس والفن ودفوفـــه
علمي بها من ليالي الصيـف =يوم البخت ناشرٍ نوفــه
أيام حظي يقص السيــف =يشرب من المي بكفوفـه
يا دار ربعي عساك الريــف =ترتع جوازيه وخشوفــه
لي فيك غصن يهيف يعِيف=محبتي فيه مخلوفــــه
مثل عظيم البها ما شيـف =مهرة وزيرٍ ومعسوفــه
ما شوف منه لفى تعريــف =يا وجد عيني على شوفـه
ليته يجيني ولو بالطيــف =وتفارق القلب ها اللوفـه

[سعود الخليل]

حي المنازل شمال الكوت
حي المنازل شمال الكـوت =تحية الريم حواشـــــه
منازلٍ يا فهد وبيــــوت =مداهل الحص وقماشـــه
عرايبٍ حسنهن منعـــوت =وعزي لمن هيضن جاشـه
طرادهن ما يذوق القــوت =وعينه عن النوم منحاشــه
وتمر في كل عصر وتفوت =تضحك وهي عاد غشاشـه
أطلب عسى يا ملا ما موت =إلا على شرشف فراشـــه

[سعود الخليل]

نــح ياحمام الهوى بسجـــوع=يـا من يسومــه وانا بيعـــه
ما فيــك كود العنا و فجـــوع =وقــرور قلبي و تصـديعـــه
ياعلى ذالــي شهـر واسبــوع =الطــم كمـا تلطـم الشيعـــه
راعــى الهوى زايده مقطــوع =قلبـــه معلــق بشريعـــه
دُونكْ ثْوَيبــي مِـزوع مْـزُوع =فتــق ظفــوري بترقيعـــه
راعــي الهوى دايـمٍ مسبــوع =بالليــل تكثــر سعاسِيعـــه
وجـدي على الجادل المربــوع =اللــي خذ القلــب تفجيعـــه
أمنــي على شوفتـه و امــوع =والنفــس فيهــا طميميعـــه
وخِْـديــدْ مَي يشـع اشعــوع =مثــل القمـر في ترابيعـــه
تغريــك في قولهـا كعكــوع =حمــر الخواتـم باصابيعـــه
قلــب الخطا يا على مطبــوع =بالصــدر تخفـق بترميعـــه

[سعود الخليل]

حمــام ياللي على نبنـــوب =في شيلــه الفن بيطـــاره
بالله عليك انحــر الرعبــوب =واسجــع بفــنٍ علـى داره
وان قـال وش لك من المطلـوب=قــلْ له من الولــف زواره
الى تبســم حسيــن الـذوب =حــصٍ فلــق عنه محـاره
خده كما بـارقٍ من صـــوب =والا كمــا فــرع جمـاره
والردف نابي يشيــل الثــوب =ينســف كما شـد طــواره