ديوان الشاعـر .. حـمـد بن عبدالرحمـن المـغـامــس .. الـوردي

[عبدالله الصالح]

بسم الله الرحمن الرحيم

السلام عليكم ورحمة الله وبركاته

أهلاً بكم في الديوان الشعري للشاعر الكبير حمد بن عبدالرحمن بن علي بن عبدالرحمن بن عبدالعزيز بن حمد المغامس المشرفي الوهبي التميمي ،، وهو من أهالي مدينة الخطامة بسدير حيث ولد فيها عام 1371هـ ،،

للشاعر حمد العديد من المشاركات الشعرية في المهرجانات الوطنية ،، وفي الصحف ،، وفي الإذاعة ،، وفي احتفالات أغلب مدن سدير ،، وله العديد من الأمسيات الشعرية ،، وله كذلك ديوان صوتي متوفر بالأسواق تحت أسم الوردي ،،


اترككم مع الديوان الشعري للشاعر حمد بن عبدالرحمن المغامس .. الوردي

وهذه القصيدة ..



يا الله يا معبود يا الفرد الصمد = تجيب دعوة داعي لآمن دعاك
عبد يعبدك للشهادة ما جحد=مدي حقوقك كلها يرجى رضاك
إلي سكن ها لمملكه شيب وولد =يا ربنا إلي كلنا تحت رجاك
تديم هذا العز بقيادة فهد =والي نوانا بشر تعطيه الهلاك
في عهد الميمون ماشفنا النكد=ما بقى إلا الغيث ينزل من سماك
مليكنا المحبوب طور ها لبلد =ومما عطاه الله بلا منه عطاك
حكم الشر يعه مطبقه حتى ركد =والنور شفته عقب ما انته في عماك
تشوف بعيونك مشاريع جدد=حتى البحر حلاه لك ثم سقاك
يا علنا نسلم من عيون الحسد =كم أجنبي منوته ساكن معاك
نبي نجدد له ولانا والعهد=محظوظ يالي مثل أبو فيصل ورآك
يكفي فخر انه ولد طير السعد =عبد العزيز إلي بعد ربي حماك
ورآه عبد الله عضيد له سند =لاجيت له في مكتبه بأمر شفناك
باليل يسهرماهتنى بنومه رقد=يدرس مواضيع لها سياسه تحاك
فيه الورع والدين واضح مع زهد=وريس حرس خصمه يبي منه الفكاك
وسلطان يلي عندك اخلاص وجلد=يلقى الفرج عقب الولى منهو نصاك
عدونا من هيبتك ذل وهجد =يلقاك ابو فيصل الى منه نخاك
ونايف له فضول كثيرات العدد =قيد يدين اللي يتسبب في شقاك
ضيف على الحاقد ليا منه برد=لولاه بعد الله بسلاحه رماك
البيت ما شاله ياكود اربع عمد=وانته بوسط البيت عايش في رخاك
وختامها عداد من صلى وسجد =صلو على منهو على دينك هداك
محمد الي باشفاعه انفرد=في يوم باعمالك تبي تاخذ جزاك
اما تعيش بجنة فيها رغد =وتنزل مع الاخيار وهذا منتهاك
هذي بيوت قالها الشاعر حمد =ابن مغامس فرصته يومه لقاك
من اجل حكامه نظمها واجتهد =لو ماوفى في حقوقهم ما شي حقاك

.

.

.

[عبدالله الصالح]

بسم الله الرحمن الرحيم

السلام عليكم ورحمة الله وبركاته


صدفه وأنا في طريق سدير=نوره على الفان بوزاني
من دون ما شعر لطمت القير=من خزته لي بالاعياني
سواق بالله هد السيرِ=ارحم مولع وشفقاني
وقفه سريعة بلا تأخير=أعطيه رقمي وعنواني
نوره حنون وتحب الخير=ما تترك أحميد وجعاني
أنا مريض ومعي تقرير=إن حب نوره تبلاني
ظميان والماء بوسط البير=إما شرب منه هلكا ني
ليتك تياسر معي لسدير=البيت أنا فيه وحداني
ترتاح عندي تعين خير=واسمعه زين الالحاني
نبي نتغدى لحمة أبعير=لا سوته هي صحاني
ولا زلت الشمس تالي عصير=ودعتها بقلب ولهاني


الشاعر حمد بن عبدالرحمن المغامس .. الوردي

[عبدالله الصالح]

بسم الله الرحمن الرحيم

السلام عليكم ورحمة الله وبركاته




بداية عام ألف وأربعميه وأربعه وعشرين= ترى الوردي سمح خاطره من حب المزاييني
ياحيثه من ثلاث أيام عمره بادي الخمسين= قصد فيهن يرقصهن وهو يلعب بحبليني
بني ذا الوقت بامكياج والقصات مغرورين= تعدل من ملامحها بأمور تخلف الديني
مع الجوال والانتر طوال الليل هن سهرين= كبار بسنهن وعقولهن مثل البزاريني
والى من جالها الخطيب قالت لامها بعدين= أبدرس مع زميلاتي وشوفتهن تسلين
وأبي شغالة وسيارة مديلها ألفين= وزوج دايم عندي ولا يطلع يخلين
وغدايه مع عشايه من مطاعم شارع الستين= إذا ماهو بيتزا جاهزة من مطعم صيني
أقول واعرف إن إلي سمعني منهن زعلين= ولكن لا عرفن قصدي عليه هن راضيني


الشاعر حمد بن عبدالرحمن المغامس .. الوردي

[عبدالله الصالح]

بسم الله الرحمن الرحيم

السلام عليكم ورحمة الله وبركاته ..




تكشف يشرب الشاهي ونور الشمس في خده = مع السواق في فرت حمر يمشي على هونه
ألا يا ليتني يا سيف ما مريت من عنده =ولا شفت الحلا في خدها والرمش وعيونه
عنود جالس بالخلف ورأسه يلمس التنده =عليه الله من الحساد من ملحه يحسدونه
ترى المزيون واضح نعرف انه زين من زنده = هل الخبره من الشعار من شكله يعرفونه
يعرف المملكة والفيصلية وزايد بنده =مدلع لا بغا حاجه لما قلته يودونه
وشعر مثلج وأشقر وناعم لوما كده = تحت طرحته بين كاسي الأرداف ومتونه
ونهد مرتكز بالصدر يذبح لارحم جده = وخصر نسبته مع نسبة الأرداف موزونة
يا ليته من هل الديرة من هل سدير والبده =ليا جا شايب مثلي يخطبه ما يلدونه
بغيت أغلط بدون شعور أذب الجيب واحده = وأقول الشاعر الوردي يبي يقلط تقهوونه
ليا من قلطه مثلك حلو يقلط ولا عنده =يهمه جلسته وياك وغيرك ما يهمونه


الشاعر حمد بن عبدالرحمن المغامس .. الوردي

[عبدالله الصالح]

بسم الله الرحمن الرحيم

السلام عليكم ورحمة الله وبركاته ..



أنا قررت لأجل البيض امدد زود عشر سنين=لأجل خاطرك لاتزعل على يا قرة العيني
وقلبي قال يا الوردي تأخر وانتظر بعدين=تراك أخطيت في حقي وحق اللي يسليني
ترانا بدونهن نسبة سعادتنا تجي صفرين=من محرم لياها الحين أنا وياك مرضيني
بني ها لوقت ماهن قشر والله يا حميد سمحين=ستر وخلاق لو سلمن من رجال شياطيني
بوسط البيت مشغولات وبعض رجالهن لاهين=مع الشلات ولاكن جاملن لأجل الوراعيني
معاهن فكر واعي يا ولد ماهنه بسهلين =وترى الرجال من دون المره شاف العذابيني
ماهن مثل الرجال لآمن تمكن حط له ثنتين=ليا منه جمع له قرش يجيب لها عمى العيني
نسى شهر العسل معها وهم ما غيرهم اثنين=ليا من صد واحدهم على الجمعات شفقيني
قريد الحظ من توهق وصار له بيتين=وقدره قل عند أحبابه اللي معه وافيني
أنا والعذارى باعتذاري كالعسل صافين=لمدة عشر كان الله كتبها لي متصافيني


الشاعر حمد بن عبدالرحمن المغامس .. الوردي

[عبدالله الصالح]

بسم الله الرحمن الرحيم

السلام عليكم ورحمة الله وبركاته ..



يا معذب الوردي علامك تبرقعت =غاب القمر عنا ولا عاد به نور
ليتك عن أحدود التبرقع تأخرت =مثلك وجنسك يا أريش العين معذور
ما عاد أشوف امبيسمك لا تبسمت = يالي جمالك فيه دقه من الحور
أنا شهد انك زين لوما تزينت =من ملح ربي ما حصل عندك اقصور
على جميع البيض فزت وتروست = من شاف جنسك يرتجف من مبهور
يفز قلبي لالمحتك وسلهمت =والشعر الأشقر فوق الأمتان منثور
يومك صغير السن لاجيت سلمت = مانته على الصدات مرغم ومجبور
والحين يوم انك كبرت وتحشمت =جيتك أبي قربك من الله مأمور
حذراتقول اليوم يا حميد شيبت=لاجلك صبغت الشيب واصبحت مغرور
وان ماكفاك الصبغ بالموس حلقت=واصير لك مطواع ماظهر من الشور


0
0
0
0

الشاعر حمد بن عبدالرحمن المغامس .. الوردي

[بن مغامس]

بسم الله الرحمن الرحيم

السلام عليكم ورحمة الله وبركاته

هذ القصيده بمناسبة اليوم الوطني لمكافحة الارهاب


يالله المعبود علام السريره=عالم اسرار الخبيث المخبثي
تهدي الاشرار عامين البصيره=قبل سيف العدل يسنن ويعثي
العبث بالأمن ذي حاله خطيره=وشلة الارهاب تقطع وتخسي
شرهم عم البشر في كل ديره=زمرة تمشي بدبرة فسفسي
غاسل مخه على كيفه يديره=بايع روحه كبيل مقييدي
مستغل عقول ورعان صغيره=عاطلين وفاشلين وحقدي
عله بنار توهج بالسعيره=اعدام اجواد لتهجد سجدي
حاقد على الوطن مافيه غيره=بدبرة الشيطان يركض ويعدي
والدينه عينو منه الضريره=هرجهم يافلان ماشفت ولدي
ما لقوا منه صله ولا بريره=مالقوا غير الهموم تنكدي
من عقب ما ابوه يرسم له مسيره=صار صيده للخباث القردي
كيف مسلم يعدمه رمي بذخيره=ماشي بفتوى خشاش هلسي
لا خرج عن ملته يحكم ضميره=لسمعة الاسلام شوره ودنسي
ما أكتفى بالغرب شمل شبه الجزيره=ماعرفنا غايته واللي يبي
جاهل وفتح له ابواب كثيره=شف سلاح الغرب فينا يجربي
مثله وشرواه معروف مصيره=ولا درينا عنه يقطع ويهبي
الوطن يا أهل الوطن مافيه غيره=نانقطع روس كل مخربي
لا عصا علاج العضو ويا الجبيره=كل عضو فاسد له ما نبي
نرفع الرايه مع سيوف شطيره=راية التوحيد وضحها النبي
مع فهدنا عل مولانا يجيره=خادم البيتين وربي يشهدي
وذخرنا حلالها لو هي عسيره=لا أظلمت نمشي على نور الجدي
مع ولي العهد حكيم يستشيره=عينه اللي ساهره ماترقدي
وابو خالد نعرفه مافيه غيره=درعنا بالجيش ضد المعتدي
تمت بذكر الله اللي نستخيره=الواحد اللي عن عبيده مغتني

الشاعر حمد بن عبدالرحمن المغامس .. الوردي


27/12/1425هـ

[بن مغامس]

بسم الله الرحمن الرحيم

السلام عليكم ورحمة الله وبركاته



لسدير اروح ودايم فيه موجود=واللي عنا يم الخطامه لقاني
بين الجماعه ماكر الطيب والجود=الطيب فيهم من قديم الزماني
فيهم كرم للضيف ماهوب محدود=يلقى الصياني بها الهرافا السماني
والمبخره فيها الجمر وازرق العود=نعرف حقوق الضيف لا صار عاني
باب القصر مفتوح ماهوب مردود=من فعل ربعي قلت زين المعاني
عندي على قولي مواثيق وشهود=فعل النشاما للقصايد حداني
مابينهم غيره وحاسد ومحسود=الكل جنب عن طريق الطماني
والدين فيهم وارثينه من جدود=منهم تعلمنا وخذنا امتحاني
يرجون فضل اللي كريم ومعبود=رب رحيم ونشكره باءمتناني
نقوة رجال جنبو كل منقود=من لا يحسب حساب للعيب باني
والهرج مازون ولاعندهم زود=رجالهم عاقل وسيع البطاني
نتحمل الزلات لكن بحدود=بعض الامور الها يجي علم ثاني
يوم السلاح اول مقمع وبارود=خصيمهم عشره تعود ثماني
شعيبهم بالغصب ماهوب مارود=دونه رجال سيفهم صيرماني
تمت بذكر اللي خلق كل مولود=رب يغفر الذنب للمودماني
رب يحشر الخلق في يوم ماعود=يوم الجزا للسيئه والحساني


الشاعر حمد بن عبدالرحمن المغامس .. الوردي

[بن مغامس]

بسم الله الرحمن الرحيم

السلام عليكم ورحمة الله وبركاته ..


يابنت ياللي معك جوال=بروضة خريم تمشيني
اشوف بالخمخمه سلسال=لمحتها دون تدريني
وبالخد الابيض حبة خال=ياليت ماشافته عيني
والطول زايد ثلاث اقفال=ان كان ماهوب متريني
والشعر لونه ثلاث اشكال=غطا على حاجب العيني
والنهد واقف بلا شيال=ما همزوه الوراعيني
والساق فوق كعبه خلخال=رفعت ثوبك توريني
قربت عندك وجاك جفال=والبيض هالوقت سمحيني
ماانيب اغازل ولا محتال=قلبي يحب المزايني
شايب كبير وعندي عيال=والزين ماهوب باغيني
ياأبن قويفل شكيت الحال=صوبه بجيبك موديني
انت الجمل والحمول ثقال=دبره لي كان تغليني
ان كان قربه يجي بالمال=اشره ولو بالملاييني
حيثك عريب وطيب فال=ولا اظن مثلك يخليني


الشاعر حمد بن عبدالرحمن المغامس .. الوردي

[بن مغامس]

العذارى وقفن في روض نوره=خمس فانات وجيب فكس ارا
شفت منهن نقوه بترنق كوره=فرقتين ياحمد قدامي تبارا
فيهن الكبتن عنود ومغروره=لعبت بقلبي لها تالي نهارا
خلت الوردي مريض به حروره=وازعجت شباب ثادق والتمارا
من لمحها غصب يخرج عن شعوره=من الجري خده تبين به حمارا
قلت يالمملوح مانتيب معذوره=شاعر مفتون في حب العذارا
وقفي بالله باخذ لك صوره=جامليني لا تزرين الزرارا
احتفظ فيها ولامنها خطوره=قلبي المقرود به عينه خضارا
قد نصحني مخلص ماطعت شوره=النظر لاترفعه فيها حذارا
جادل معطيه ربي وصف حوره=البني مما عطاه الله غيارا

[بن مغامس]

الزين شفته يسوق الشاص=الفين واثنين ياباني
عيني بعينه وحنا حراص=اشرت له ثم حياني
بالمجمعه عن طريقي حاص=في غفلة راح خلاني
ياليتني للاثر قصاص=اتبعه ياكود يهواني
يصير ليه وليف خاص=غيري حشا مايبي ثاني
مملوح لاهل الهوى قناص=ومفصله رب الاكواني
قلبي حديد وجذبه الماص=مابين رمش وحجاني
ياسيف دور لنا مخلاص=من قبل لااطيح وجعاني

[بن مغامس]

يا لله يا معبـود يـا الفـرد الصمـد= تجيب دعوة داعـي لآمـن دعـاك
عبـد يعبـدك للشهـادة مـا جحـد =مدي حقوقك كلهـا يرجـى رضـاك
إلي سكن ها لمملكـه شيـب وولـد= يا ربنا إلـي كلنـا تحـت رجـاك
تديـم هـذا العـز بقـيـادة فـهـد =والي نوانا بشـر تعطيـه الهـلاك
في عهـد الميمـون ماشفنـا النكـد =ما بقى إلا الغيث ينزل مـن سمـاك
مليكنـا المحبـوب طـور هـا لبلـد =ومما عطاه الله بـلا منـه عطـاك
حكم الشر يعه مطبقـه حتـى ركـد =والنور شفته عقب ما انته في عماك
تشـوف بعيونـك مشاريـع جــدد =حتى البحر حـلاه لـك ثـم سقـاك
يا علنا نسلـم مـن عيـون الحسـد =كم أجنبـي منوتـه ساكـن معـاك
نبـي نجـدد لـه ولانـا والعـهـد =محظوظ يالي مثل أبو فيصـل ورآك
يكفي فخر انـه ولـد طيـر السعـد =عبد العزيز إلي بعـد ربـي حمـاك
ورآه عبـد الله عضيـد لـه سـنـد =لاجيت له في مكتبه بأمـر شفنـاك
باليـل يسهرماهتنـى بنومـه رقـد =يدرس مواضيع لها سياسـه تحـاك
فيه الورع والدين واضح مـع زهـد =وريس حرس خصمه يبي منه الفكاك
وسلطان يلي عندك اخـلاص وجلـد =يلقى الفرج عقب الولى منهو نصاك
عدونـا مـن هيبـتـك ذل وهـجـد =يلقاك ابو فيصل الـى منـه نخـاك
ونايف لـه فضـول كثيـرات العـدد =قيد يدين اللي يتسبـب فـي شقـاك
ضيف على الحاقـد ليـا منـه بـرد =لـولاه بعـد الله بسلاحـه رمـاك
البيت ما شالـه ياكـود اربـع عمـد =وانته بوسط البيت عايش في رخاك
وختامها عـداد مـن صلـى وسجـد =صلو على منهو على دينـك هـداك
محمـد الــي باشفـاعـه انـفـرد =في يوم باعمالك تبي تاخـذ جـزاك
اماتعيـش بجـنـة فيـهـا رغــد =وتنزل مع الاخيـار وهـذا منتهـاك
هذي بيـوت قالهـا الشاعـر حمـد =ابن مغامس فرصتـه يومـه لقـاك
من اجـل حكامـه نظمهـا واجتهـد =لوما وفى في حقوقهم ما شي حقاك

[بن مغامس]

صدفه وأنا في طريق سدير =نوره على الفان بوزاني
من دون ما شعر لطمت القير =من خزته لي بالا عياني
سـواق بالله هـد السـيـرِ =ارحم مولع وشفقانـي
وقفه سريعـة بـلا تأخيـر =أعطيه رقمي وعنواني
نوره حنون وتحـب الخيـر =ما تترك أحميد وجعاني
أنا مريض ومعـي تقريـر =إن حب نـوره تبلانـي
ظميان والماء بوسط البيـر =إما شرب منه هلكا ني
ليتك تياسر معـي لسديـر =البيت أنا فيه وحدانـي
ترتاح عنـدي تعيـن خيـر =واسمعه زين الالحانـي
نبي نتغـدى لحمـة أبعيـر =لا سوته هي صحانـي
ولازلت الشمس تالي عصير= ودعتها بقلب ولهانـي

[بن مغامس]

بداية عام ألف وأربعميه وأربعـه وعشريـن =ترى الوردي سمح خاطره من حب المزاييني
ياحيثه من ثلاث أيام عمره بـادي الخمسيـن =قصد فيهن يرقصهن وهو يلعـب بحبلينـي
بني ذا الوقت بامكياج والقصـات مغروريـن =تعدل من ملامحها بأمـور تخلـف الدينـي
مع الجوال والانتر طوال الليل هـن سهريـن =كبار بسنهـن وعقولهـن مثـل البزارينـي
والى من جالها الخطيب قالت لامهـا بعديـن =أبدرس مـع زميلاتـي وشوفتهـن تسليـن
وأبـي شغالـة وسيـارة مديلهـا ألفـيـن =وزوج دايـم عنـدي ولا يطلـع يخلـيـن
وغدايه مع عشايه من مطاعم شارع الستيـن =إذا ماهو بيتزا جاهزة مـن مطعـم صينـي
أقول واعرف إن إلي سمعني منهـن زعليـن =ولكن لا عرفن قصدي عليه هـن راضينـي

[بن مغامس]

تكشف يشرب الشاهي ونور الشمس في خده= مع السواق في فرت حمر يمشي على هونه
ألا يا ليتني يا سيف ما مريـت مـن عنـده =ولا شفت الحلا في خدها والرمش وعيونه
عنود جالس بالخلف ورأسه يلمـس التنـده =عليه الله من الحساد من ملحه يحسدونـه
ترى المزيون واضح نعرف انه زين من زنده =هل الخبره من الشعار من شكله يعرفونـه
يعرف المملكـة والفيصليـة وزايـد بنـده =مدلع لا بغا حاجـه لمـا قلتـه يودونـه
وشعر مثلـج وأشقـر وناعـم لومـا كـده =تحت طرحته بين كاسي الأرداف ومتونـه
ونهد مرتكز بالصـدر يذبـح لارحـم جـده =وخصر نسبته مع نسبة الأرداف موزونـة
يا ليته من هل الديرة من هل سدير والبـده =لياجا شايب مثلـي يخطبـه مـا يلدونـه
بغيت أغلط بدون شعور أذب الجيب واحـده =وأقول الشاعر الوردي يبي يقلط تقهوونـه
ليا من قلطه مثلـك حلـو يقلـط ولا عنـده =يهمه جلسته وياك وغيـرك مـا يهمونـه

[بن مغامس]

أنا قررت لأجل البيض امدد زود عشر سنين =لأجل خاطرك لاتزعل على يا قرة العينـي
وقلبي قال يا الوردي تأخر وانتظـر بعديـن =تراك أخطيت في حقي وحق اللي يسلينـي
ترانا بدونهن نسبة سعادتنـا تجـي صفريـن =من محرم لياها الحين أنا ويـاك مرضينـي
بني ها لوقت ماهن قشر والله يا حميد سمحين =ستر وخلاق لو سلمن من رجال شياطينـي
بوسط البيت مشغولات وبعض رجالهن لاهين =مع الشلات ولاكن جاملن لأجل الوراعينـي
معاهن فكر واعي يا ولـد ماهنـه بسهليـن =وترى الرجال من دون المره شاف العذابيني
ماهن مثل الرجال لآمن تمكن حط له ثنتيـن =ليا منه جمع له قرش يجيب لها عمى العيني
نسى شهر العسل معها وهم ما غيرهم اثنيـن= ليا من صد واحدهم على الجمعات شفقينـي
قريد الحظ من توهـق وصـار لـه بيتيـن =وقدره قل عند أحبابه اللـي معـه وافينـي
أنا والعذارى باعتـذاري كالعسـل صافيـن =لمدة عشر كان الله كتبهـا لـي متصافينـي

[بن مغامس]

يا معذب الـوردي علامـك تبرقعـت =غاب القمر عنا ولا عـاد بـه نـور
ليتك عـن أحـدود التبرقـع تأخـرت =مثلك وجنسك يا أريش العين معـذور
ما عاد أشـوف امبيسمـك لا تبسمـت= يالي جمالك فيه دقـه مـن الحـور
أنا شهـد انـك زيـن لومـا تزينـت =من ملح ربي ما حصل عندك اقصور
على جميع البيـض فـزت وتروسـت= من شاف جنسك يرتجف من مبهـور
يفـز قلبـي لالمحـتـك وسلهـمـت =والشعر الأشقر فوق الأمتان منثـور
يومك صغير السـن لاجيـت سلمـت =مانته على الصدات مرغم ومجبـور
والحين يوم انـك كبـرت وتحشمـت =جيتك أبـي قربـك مـن الله مأمـور
حذراتقول اليـوم يـا حميـد شيبـت =لاجلك صبغت الشيب واصبحت مغرور
وان ماكفاك الصبـغ بالمـوس حلقـت =واصير لك مطواع ماظهر من الشور

[بن مغامس]

مرثيه الشاعر في والدته رحمها الله



علم لفاني هزنـي ليـل الاثنيـن=من سبّته عيّـت عيونـي تنامـي
هلّت دموع العين والناس ممسيـن=كني صغير السن وقت الفطامـي
أول نجي للدار بالحيـن والهيـن=الوالده تاخـذ وتعطـي كلامـي
واليوم صار البيت كلّـه معزيـن=على عزيز راح عالـي مقامـي
عقب الظهر بالقبر والناس لاهين=أون أنا ونـهّ كسيـر العظامـي
قلبي مع امي والعمر حول خمسين=ومن فارق امه ياعرب مايلامـي
لاشك أهل البيت ياخـوي غاليـن=هم بينهم نـورٍ يزيـل الظلامـي
البارحه بالحلـم عنـدي تصليـن=صـلاه وتـرٍ كاملـه بالتمامـي
ماقدر المعبـود نقبلـه راضيـن=والموت حقٍ ماحمى عنه حامـي
جعل القب يصبح رياض وبساتين=يفوح به ريح النفـل والخزامـى
وبجنه الفردوس علّـك تفوزيـن=والحور من حولك ترد السلامـي
ادعي ويدعولك ضعوف مساكيـن=صارو عقب فرقاك دون إهتمامي
وختمها صلوا على خير النبييـن=صلاه رب البيت مسك الختامـي

[بن مغامس]

المال نقص عند بعـض الرجاجيـل=لا ودعـه بالبنـك وأهمـل زكاتـه
وراعيه ما ينفـق طمـاع وبخيـل=كلمة هلا مـا قالهـا فـي حياتـه
ما يعرف أسعار العويدي ولا الهيـل=ولا حقـوق الجـار مـع واجباتـه
ما شب ناره فـي نهـار ولا ليـل=دايـم بوسـط البيـت ويـا بناتـه
يعرف دجاج يصلته وسـط برميـل=غطـاه فـوق الجمـر بمتبـلاتـه
حتيش لو زادت عليـه المحاصيـل=محروم والمحـروم فعلـه شماتـه
مشغول بين الناس بالقـال والقيـل=يلعب به الهاجوس لو فـي صلاتـه
ما هوب راعي راي بالحيل حلحيـل=لو تكربه بالهـرج حميـة حصاتـه
ولا غثته بقعاء وشـاف الغرابيـل=محسوب كنه وحـدة مـن خواتـه
يستاهله من يذبح الحشـو والحيـل=للضيف مـا كـلٍ يسـوي سواتـه
متسلسل من لابـة تعسـف الخيـل=أفعـال جدانـه قـبـل سابقـاتـه
ومجهـز للقنـص طيـر ودربيـل=مـع موتـر فيـه الدبـل بكفراتـه
يطرد ورى طيره بوسـط الغراميـل=لا صاد له صيد نـزل قـال هاتـه
والى ضواه الليـل حـط المعاميـل=ركـب عشـاه ودلتـه مـع تلاتـه
والجسم صاحي ما يبيلـه تحاليـل=ومراجعـة دكـتـور ومعالجـاتـه
وزهر النبات مشكل الأرض تشكيـل=فيـه الخزامـا بزهرهـا مجملاتـه
نور القمـر يكفيـه متعلـل الليـل=مع واحـد كـل المراجـل صفاتـه
في وسط عرق باسفله ناقع السيـل=في خبـة فيهـا الضبـا وارداتـه
وعلى الفرايض دايم حرص بالحيـل=ما يوم عن فـرض تأخـر وفاتـه
حافـظ كـلام الله يرتلـه ترتـيـل=يطلب رضى المعبود ويـا حسناتـه
والفجر إلى صـلاه سبـح بتهليـل=وقرص الجمر سواه وسط جمراتـه
ياخذ ويعطي حق ما يعـرف الميـل=جنـب عـن الطمـاع ومغالطاتـه
ومن جاه في موضوع يلقى التساهيل=ما يطلـع إلا حاجتـه منـه جاتـه
تمت بذكـر مكمـل الديـن تكميـل=رب يغفـر الذنـب مـع سيئـاتـه

[بن مغامس]

من سدير الى الصمان حنـا تبعنـاك =نمشى ورى الصالون مانتاب داري
في روضة ام اقرين يازين شفنـاك =ماريتـك عليـك جنـز سمـاوي
بالجيب يومنك تمشـى اعترضنـاك =الوردى الى معة سوبـر سفـاري
ماريـد منـك الا تسلـم بيمـنـاك =قدام ربعـى افتخربـك وامـاري
اقهر بك الهبوب انـا لاعـد منـاك =لاشاف زولك يايشـوف العـزاري
خلة معى فـى كـل يـوم يتمنـاك =قلبة على حب المزاييـن ضـاري
ون كان ماودك تـرى ماغصبنـاك =ماكـل قنـاص يصيـد الحبـاري
حقك علينـا يـوم حنـا عرفنـاك =نصبر ولو حبك مع الـدم سـاري

[بن مغامس]

زرت النخل يا زين مع بيته الطيـن=كتمت سـري والدمـوع أحرجنـي
البيت يشكـي يـوم عنـه تغابيـن=والغرس ها مـل عقبكـم ومتثنـي
من عقب مابه ريح طيب ورياحيـن=أصبح خرابـه والغـرف يوحشنـي
يا عمير وين اللي سكن به من سنين=الجادل اللـي بالوصالـه غمرنـي
اول ليا من جيـت عانـي يحييـن=والحين غض العود شـد وهجرنـي
شد ورحل ما ادري انا يمتـه ويـن=الله عليـم بحالتـي مـن تركنـي
الوردي ويالبيت والغـرس حزنيـن=قمنـا نتمنـا ولا يفيـد التمـنـي
ياعمري تدري عن ظروف المحبين=لو اشتكى لغيرك حشا مـا نفعنـي
في وقتها عمره ثلاثـه وعشريـن=مصنف من اللي بزينهـن يذبحنـي
ما كننا بالحـزم ماغيرنـا اثنيـن=يمشي معي مشية دلـع مـع تثنـي
بنور القمر نسمر والاجواد ممسيـن=وخده يعكس النور لـي وجهرنـي

[بن مغامس]

دربلت صوب الكواشيت=العصر فوق الرفاعـه
قريب منهـم تخفيـت=قزيتهم نصف ساعـة
لمحـت زول وونيـت=ونات ذيـب المجاعـه
سلهم بعينه وسميـت=والضعط زاد ارتفاعـه
مريـت مسيرتقهويـت=وخليت قلبـي وداعـه
بغيـت اسلـم وذليـت=انجود ومعها جماعـه
قام يتمشـى وحسيـت=جامل وبيـن اذراعـه
عزمني ابـوه بالبيـت=وقلت سمـع وطاعـه
جت لي على ما تمنيت=والرزق جاني بساعـه
قالـت انـا ماتغليـت=والسر خلـه وداعـه
يامرحبا كـل ماجيـت=الحب رفرف شراعـه
يالوردي اللي تمنيـت=شاعر وعنـده لكاعـه

[بن مغامس]

قالو تحرك ياحمد واجمـع فلـوس=بيتـك لياجينـاه مفـتـوح بـابـه
نلقا جيوب موقف حولهـا جمـوس=وفي مجلسك نلقى جميـع القرابـه
قلت الدخل معروف والصرف مقيوس=لكـل علـى قـده يفصـل ثيـابـه
وجدي على روض لياهب نسنـوس=اشم ريحـه والغـدا والعشـاء بـه
واللي يحدالروض صيهد به طعوس=حدره غديـر نـازل مـن سحابـه
والى رفعنا الشوف نلمح لنا سقوس=في وسط ذود منظـره لـه مهابـه
يرعاه رجل بالضحى يعطـي دروس=لاجـاه ضيـف قـال يامرحبـابـه
والى نصينا الضلع نلقى به ونوسـن=لقى الحبارى والمها وسـط غابـه
ماهـوب مدهـول ولكـن مانـوس=كلـه خضـار ولا نعايـن تـرابـه
زاهـد ولا بالبـال هـم وهاجـوس=ولانيب طـلاب ولا راعـي طلابـه
واعمل ليوم تبـي تشيـب الـروس=كل يبي يجـزا علـى مـا سعابـه
علي افوز بحـور جنـات فـردوس=وانزل مع الاخيار هـم والصحابـه
تمت وصلو عدمـا يثمـر غـروس=على النبـي اللـي مفسـر كتابـه

[بن مغامس]

ياليت ما وقفت انـا بالمحطـه=محطةاعشيره ولا شفت لي زول
وجه حسين وجمل الخـد نقطـه=خلت جماله شي ماهوب معقـول
مثله وجنسه بالغناديـر لقطـه=لا وهني من داعب الزين بوصول
له مبسم ما يوم به روج حطـه=لونه طبيعي ما يركب بمحلـول
ياللي كسبت الزيـن بالله غطـه=لا يلسعه بالعين حساد مجهـول
اللي فرق بالملـح كـل يغبطـه=يقوله الوردي وهو منه مذهـول
والى طلب مبلغ فسلمـه ربطـه=لا ينكسر خاطره ويقول ياحـول
لامن تكشف خذت ويـاه غطـه=متوسد خـد حسيـن ومجمـول
يد على نهده والاخرى على ابطه=والشعر منتثر ولاهوب مجـدول
في مامن منتاب واقـع بورطـه=في غرفة بالبيت والباب مقفـول

[بن مغامس]

مل قلب كل مـا شـاف مزيونـي=زاد له ياحميـد عـن دقتـه دقـه
للعـذارى الكاشتـه لاتـودونـي=يالهبوب الـوردي توكلـه علقـه
شاعـر حسـاس لازم تعذرونـي=والبني فيهـن حـلا زايـد فسقـه
لااعرفن جيبي وجن لـي يحيونـي=صرت مثل الذيب الى صيد بالحقـه
وان رفعت الصوت بالشعر سمعوني=ومن عطاني وجه اباصير له لزقـه
مثلـي اللـي بالغناديـر مفتونـي=ينتعش بالحيل الى من لقى رزقـه
خايف لو رحـت حصلـت فتونـي=تنحرج ياحيثهـا لشوفتـي شفقـه
قد طلبت القـرب منهـا ولدونـي=كسبها غيري وجهز لهـا الشقـه
لو مهرها شاص مع نصف مليوني=وفلـة فخمـه فلاهـوب ذا حقـه
صغر سن ووجه ورموش وعيوني=والنحر سحاب ليـل كشـح برقـه
والصدربه جوز في حجم ليمونـي=ليت من يقطف ثمرهن لـو سرقـه
ماعليـه لـو ربعـي يلومـونـي=ابرك من ريال نكسبه فـي صفقـه
ختامـهـا بالله لالا تـمـرونـي=لايتل القلب منـا الغضـي درقـه

[بن مغامس]

الف اولـف شعـر وانظـم ابيـات=دياكود بعض الناس يسمع وياعـي
والبا بلاي اليوم انا شفت حاجـات=هي السبب في ضيقتـي والتياعـي
والتا ترى اللى ما يجي منـه زلات=محبوب عند الناس وامره يطاعـي
والثا ثلاث اشيا ماهيـب صعبـات=خلك وفـي ومخلـص واجتماعـي
والخا خويك لو يجي منـه خمـلات=هرج القفا بالسـب مافيـه داعـي
والجيم جاهد نفسك بكـل الاوقـات=كم والحد طاوع لهـا ثـم ضاعـي
والحا حلالك لايجـي بـه مرابـات=خله نزيه من الدلـس والخداعـي
والدال دبر من طلب منـك فزعـات=من جاك عاني يلزمك لـه تراعـي
والذال ذاكر كـان تبغـي شهـادات=متسلـح بالعلـم فاهـم وواعــي
والرا راعي السو ينشبـك ساعـات=درب الردى يجذبك لـه باندفاعـي
والزا زمـان فـات كلـه مـروات=يوم العرب في قـل دايـم جياعـي
والسين سرك تحفظه دوم بسكـات=لاتكشفه للنـاس يظهـر يشاعـي
والشين شف لك وقت خله زيـارات=من صد عن ربعه يصيرانقطاعـي
والصاد صدك عن هلك بين شـلات=مثل الحلال الـي تـرك للسباعـي
والطا طريق تعرفه بـه مسافـات=امسكه لـو بـه نزلـة وارتفاعـي
والظا ظلام الليل ساس المتاهـات=لو كنت صاحي راس جاك انصداعي
والعين عش مرتاح وانس الذي فات=خلك غني النفـس فيـك اقتناعـي
والغين غير مجلـس فيـه خمـات=اجلس مع الطيب طويـل الذراعـي
والفا فرج ربـي يزيـل الكرابـات=والرجل يصبر لايصيـر انجزاعـي
والقاف قم صل الوتر عشر ركعات=واللي رقد ماقـام وقتـه ضياعـي
والكاف كف وخـل عنـك علاقـات=بين الربع محبوب بالخيـر ساعـي
واللام لاكبر الرجل والعمـر فـات=يصبح كما طفل بسـن الرضاعـي
والميم مال الرجل نقص الى مـات=النقـد يقسـم والعمايـر تباعـي
والنون نفسـك غذهـا بالقـراءات=بالكتب لك رغبة ومعـك اطلاعـي
والها هداك الله على كـل طاعـت=قبل العمر يفنـي يحيـن الوداعـي
والواو وص بثلـث مالـك مبـرات=مشـروع خيـري دايـم مايباعـي
واليا ياعـل الله يغفـر الخطيـات=يالله عسى ربـي لعبـده يراعـي
تمت وصلوا عـد وبـل المخيـلات=على النبي الهاشمي خيـر داعـي

[بن مغامس]

قصيده للوردي في ابنه النقيب/عبدالرحمن عند سفره الى امريكا



ابـدا بذكراللـي خلقنـا ولنـا رب=رب صلاة العبد لـه مـع صيامـه
للمعرفه والعلم كـل ضـرب درب=يبي يحقـق رغبتـه مـع مرامـه
يابو حمد اوصيك في ديرة الغـرب=حتـى تعـود للوطـن بالسلامـه
لوكنت ضابـط فاهـم قـد تـدرب=اعرف ترى مثلك عليـه الملامـه
الرجل الى من راح بعيـد وتغـرب=مارفـق الا طيـب بـه شهـامـه
المنحرف حذرى تجي لـه تقـرب=جنب طريقه واتركه مـع خمامـه
يقولـه اللـى راح قبلـك وجـرب=واللي مجرب لزوم تسمـع كلامـه
احرص على الدوره حذرى تهـرب=خلـك بهـا متمـيـز بالعـلامـه
بالي معك مشغول بالحيل يالـذرب=ابوك يهوجس بك ترى في منامـه
مدة غيابـك يالسنافـي المعـرب=نسلى بها بيـن الربـع بالخطامـه
احرص على لينا وحذرا من الضرب=عطها مطالبهـا ومعهـا ابتسامـه
وحمد سمي جده له القلب يطـرب=حبه بوسط الجوف بانـي خيامـه
تمت بذكر اللي لنا يفـرج الكـرب=رب خلق عبـده وكـون عظامـه

[بن مغامس]

هذه القصيده بمناسبة استعداد المملكه العربيه السعوديه للحج وما تقدمه حكومة خادم الحرمين الشريفين لحجاج بيت الله الحرام من خدمات جليله



المملكـه تستقبـل اليـوم دفعـات=من جا يزور البيت ماحـد يـرده
بامرك ياابو فيصل جميع الوزارات=حجـاج بيـت الله لهـا مستعـده
حطو لجان عامله كـل الاوقـات=متحمليـن الجـو حـره وبــرده
شرق وشمال معسكر واستراحـات=مـن دون مكـه والمدينـه وجـده
حالة تاهـب بالبحـر والمطـارت=واللي على حدود الوطن زاد جهـده
وسعت بيت الله وحطيت ساحـات=وانفاق ضخمـه للحـرم مستجـده
ومراكز للطب تصرف علاجـات=مع موتر جاهز للاسعـاف نجـده
وكشافه وجنـود عنـد الممـرات=واللي يبي مرشـد يلاقيـه عنـده
وخيام ضخمه شامله كـل ميـزات=تتحمل النيـران والحـرق ضـده
والما يوزع بـارد مـن مبـرات=في كل موقع من بغا الشرب ورده
حتى الطرق سيدين بعدة مسـارات=وباصات ضخمه بالمواقف تكـده
الله يمد بعمـر جـزل العطيـات=مـن يخـدم البيتيـن كـل يـوده
ويحفظ ولي العهد ساس المـروات=والنايـب الثانـي بفضلـه يمـده
ونايف سديد الراي رجل المهمـات=اللي يتابـع كـل نقـص ويسـده
كل الدول تشكر وترسل شهـادات=مجهود يبـذل زايـد فـوق حـده
هذي حقيقـه مادخلهـا محابـات=من شاف بعيونه بهـا بـاح سـده
يالله يالمعـبـود رب البـريـات=عـن مملكتنـا كـل شـر تلـده
ومن حج بيتك تغفرلـه خطيـات=وتحميه من نفس تغـار وتحسـده
وختامها صلوا على كـل حـزات=علـى نبـي الله رسولـه وعبـده

[بن مغامس]

قصيده بمناسبه حلول شهر رمضان المبارك عام 1424هــ




بقدوم شهر الصوم مستبشريني=نستقبله فرحين في كل الاوقات
شهر فضيل وحل ربي يعينـي=هذا الشهر مافيه روحة وجيات
ياالله عسانا به من الغانمينـي=يغفر لنا المولى جميع الخطيات
نبي نعبد الله ولـه خاشعينـي=نطلبه يمسح عنا كـل سيـات
نصيـحـة لله ياسامعيـنـي=لاتشغلون الوقت غير طاعـات
ماكـل عـام لـه مدركينـي=كم واحد نفقده قالوا لنا مـات

القصيده ليست كامله

[بن مغامس]

قصيدة الوردي بمناسبة احتفال اهالي جلاجل بسدير بعيد الفطرالمبارك




سلام مني لاهـل الطيـب والكـار=اللي حضرنا حفلهم ثالـث العيـد
نبي نشارك مع طويليـن الاعمـار=نجي لهم لو فيه سابـق مواعيـد
لامن دعونـا مانعتـذر بالاعـذار=لاهل الصخا والجود من غير تحديد
ربعي هل جلاجل حلاحيل واخيـار=شهادة منـي ولاأنقـص ولاأزيـد
اللي مجالسهم بهـا دلال ووجـار=مدهال للضيفان لا جو مـن بعيـد
من جا لهم يلقـى معـزه ومقـدار=اللابـه اللـي بالملاقـا صناديـد
يلقى الدلال الصفرتركى على النار=ووجار فيه الجمر مثـل الجلاميـد
امقلطين الحيـل بصحـونٍ كبـار=وإلا من الحشوان نقـوة مفاريـد
سلم لهم ماشي على صغار وكبـار=من عهد الاول عهد حاتم وابا زيـد
وخصيمهم من فعلهم دوم محتـار=ماعندهم غير اشهب اللال والقيـد
شجعان الى جا يوم به صار ماصار=لاولعة مـن فعـل نـاس مقاريـد
رجالهـم عاقـل حليـم وصبـار=ما عندهم باالهـرج زود وترديـد
اديارهم ياعلهـا مـزن الامطـار=والما يحيربهـا وتصبـح مواريـد
والغرس الى وقع به الطير ماطـار=في ظلها يلعـب بزيـن التغاريـد
تمت بذكر اللي خلق جنـه ونـار=تعداد ماتثمـر غـروس الكواديـد



الشاعر / حمدبن عبد الرحمن المغامس (الوردي) 3/10/1425هـ

[سعود الخليل]

تهنئة للشاعر ناصر السعيد بمناسبة فوزه في الإنتخابات البلدية ...


ياناصر آل سعيد هالفوز مبروك = أثنين من ربعي أنا اللي كسبوها
أنشهد إنك قدها يوم بدّوك = مثلك يبدّا يوم قرر نواها
من طيب فعلك يا أصبح الوجه حبوك=والناس صعب اليوم تكسب رضاها
ما أنسى الفرح يوم أعلنوها وعدوك= لله در اللي بجداره خذوها
مثبت وجودك بين ناسٍ تحدوك = لوهي بدراهم كان ناسٍ شروها
جلاجل عقب ماهو لمجلسه ولوك= بجهودكم يا يرتقي مستواها
تعمل بجد ومخلصٍ مابك شكوك = ولك سطوةٍ ماكل شخص سطاها
الطيب في جدك ومن قبلك ابوك = سلم المراجل واصلٍ منتهاها
ربعك يودونك وباصوات زكوك= واللي ربوعه دون ذا ما قواها
وصلاة ربي عد ماالفرض نادوك = على نبيٍ لأمته جا وهداها
الشاعر / حمد المغامس ( الوردي )

[( عابرة سبيل )]

شاعر" وردي" ومتمكن"... ابدعـ في الوصف...
وبالمعنى... وصدقـ المشاعر....
"حمد المغامس..."


هبت هبوب الجنوب وجابـت الكـادي=والكادي اللي نشمه مـن جبـل فيفـا
من قبل ازور الجبل والوضع لي عادي=جوالحين قلبي تولع في هـوى هيفـا
غروٍ عسى الله يفكه عيـن حسـادي=مثل الظبي مختفي بحمـاه مـا شيفـا
جيته وقلت اسالـك بالله انـا غـادي=وصف لي الدرب ياحلـو التواصيفـا
جذب شعوري زيادة صوتـه الهـادي=وانـا تماديـت معـهـا باسواليـفـا
ياليت منهو جلس مع بنت الاجـوادي=تحت الصنوبر على روس المشاريفـا
ويقول انا اليوم ممسايه مـع رقـادي=ضيف عليكـم ولا عنـده مصاريفـا
ثم اطلب القرب من مركوز الانهـادي=وكانه حصـل مـا حسبنـا للتكاليفـا

.
.

هنا ... تجد مايسركـ... (http://www.sudeer.com/vb/showthread.php?t=29137&page=3&pp=15)

[( عابرة سبيل )]

مســـــــــــــاء الشعر والاحساسـ.....
.
.
اترككمـ معـ هذه القصيدهـ....



من حـرف الشعـر يانـاس يلـدي=يقرى القصايد يحرف فـي قوافيهـا
هبت هبوب السماد وجابـت البـردي=هبوب أقشـر سمـاده ريحتـه فيهـا
شعف بها فرها ليـه وجـت عنـدي=غصب عليه وأنا يا عمير مـا أبغيهـا
مخزيه ربـي كبـار السـن يوذيهـا=من قرد حظـه تبيـن لـي متحـدي
شيطانها اللي بها ما يعرف الـوردي=مثله وجنسـه تعرقـى بـه علابيهـا
لو كان رجال يخسى مايجـي قـدي=مثلـه علابيـه بالرجليـن اوطيـهـا
ترى الأسد مايصنف منزلـة قـردي=اكالـت المـوز لـو جاهـا يدميهـا
وقت تغير وبه مـا ادري وش نبـدي=لكن نجامل خشاش من اجل اهاليهـا
وللي ملكع يعرف اليوم أنـا قصـدي=ون سلم راشي مـع الأيـام اوريهـا
جرب تحكحك واظن الجرب ما يجدي=كـل واحـد أقيـده بقيـاد منفـردي
لابـد زرنيـخ بـه ياعميـر نطليهـا=من لامني قلت له من شـان اداويهـا
الينـه للـدوى بالحيـل بالجـلـدي=ومن صالحه علتـه بـه مـا نخليهـا
ومن حر مايونسه يصرخ ويستجـدي=مـاحـر داوا وللـعـلات يشفيـهـا
ياكود يشفيـه ربـي خالـق العبـدي=ماعاد نخشى علـى غيـره يعاديهـا
.

.

[( عابرة سبيل )]

قالوا علامك تفتخر رافـع الـراس=متعالـي بالحيـل حيثـك تميمـي
ماكن به بين القبايـل لـك اجنـاس=غيرك حسبهم مع نسبهـم عديمـي
قلت النعم بالكل مع سايـر النـاس=والكل عندي لـه معـزة حشيمـي
يا لايمي علمك غيـور وحسـاس=لا تندفـع بالحيـل خلـك حكيمـي
لا نيب لا واشي ولا نيـب بـلاس=اش دخلك يوم انك تجيلي خصيمي
ان كان بي زود بنيته على سـاس=قبيلتـي معروفـة مـن قديـمـي
انشد عن اللي عندهم قـوة البـاس=لاولعة والروس صارت هشيمـي
في وقعة قشـرا والاريـاق يبـاس=مضاربهم للخصم وسط الصميمـي
مااحـد يثمـن للعواقـب بمقيـاس=في وقتها ما فيـه عاقـل حليمـي
والخيل تصهل كنها قرع الاجراس=من الفجـر لحـد وقـت العتيمـي
خيالها يامـا لـدرب الخطـر داس=ياويـل منهـو للتميمـي غريمـي
وقت مضى يوم الامن فيه محتـاس=عصر الجهالة وافتهم يـا فهيمـي
ذى لابتي للي بعيديـن الارمـاس=اقولـهـا والله فـوقـي عليـمـي
اللي مجالسهـم بهـا دوم جـلاس=ماهوب حالي مجلس اللي كريمـي
اللي لهم بالجـود شـان عظيمـي=اهل الدلال الصفر ونجر ومحماس
فنجالها يجلي همـوم مـع عمـاس=مدراجها صنعا جنـوب البريمـي
وحليب ابكار برغوته حط بطيـاس=من كـل عـلات خفيـة سليمـي
يشهد لنا التاريخ بحبـر وقرطـاس=يقـراه منهـو بالقبايـل غشيمـي
واليوم حنا للوطـن درع حـراس=بدبره ملكنا علـى عـزه يدومـي
رجالنـا يفعـل ولاهـوب هـلاس=للخصم ياصل ولو دونـه جحيمـي
لاثارة الهيـة والاتغـاس حبـاس=والبادي اظلم وارتكى لـه ظليمـي
كل تهول بضرب اخماس واسداس=واللاش يحسب مع حساب الجريمي
وصلاة ربي عد ما يثمـر غـراس=واعداد ما نسنس هبـوب النسيمـي
علـى نبـي المخاليـق نـبـراس=سرنا معه فـي دربـه المستقيمـي


.
.

[( عابرة سبيل )]

...هنا لروعهـ.... مكانٍ...

وفيها من الواقعـ الكثير...

.
.

.

.

الناس في ذا الوقت اشكال والـوان
والحر يعرف مقصـدي بالاشـاره
وقت مضى والرجل للطيب عنوان
لا جاه ضيف قلطـه شـب نـاره
فيهم طبايع حضر مع طبع بـدوان
درب المراجـل عارفيـن مسـاره
وفيهم ترابط كلهم ربـع واخـوان
عن طاعة الله مـا شغلهـم تجـاره
الشعر لو تقراه فـي كـل ديـوان
يحرص على الطيب ويرفع وقـاره
يوم الجهل والناس قـوم وعـدوان
فعل الفتى معروف في كل غـاره
ما تستوي بأفعالها طيور حـوران
كم واحد زاد الحمل حمـل جـاره
واليوم صار العلم بيديـن نسـوان
بعض الرجال اليوم نقص وخساره
مدهال للنسـوان وقـت الزيـاره
لو حط وسط البيت مجلس وصيوان
من له قرابه بالمره صـار مـوان
ياخذ ويعطي علم حسـب اختيـاره
نسوان خلت بعض الازاج عوران
ينظـر يميـن ولا يناظـر يسـاره
وختامها طالبـك يـارب الامـوان
تهدي رجـال غيرتهـا الحضـارة

.
.

[( عابرة سبيل )]

قالـــ ... الشاعر ....

بالمجالـس لا تسـب ولاتذمـي=ومن يقصر في لزومك سد بابـه
ومن فعل بعض الاوادم فار دمي=سهمته فـلان منـي ولـد عمـي
عنصري والدين ما يحسب حسابه=كم قريب لك فزعته لك ما تتمـي
وان بدا لك لازم ما ينغـزى بـه=والمـودة مـا تحددهـا القرابـة
جاهل وماسون مـن دون علمـي=منافق يوم رفيق ويـوم خصمـي
ضاري بعلم الردى بـاول شبابـه=وده ان الربع دايـم فـي طلابـه
ما يميـز بيـن لا وبيـن قرمـي=ومن عنا له قال لي ويـش جابـه
للقرابة والربع مـا شـال همـي=النعـم لله مثلـه مـا حظـى بـه
مارد مجهول ناشف مـا يجمـي=مابـه الاحنظـل مغطـي ترابـه
مثله وشر واسلمه غيـر سلمـي=مثل جو يخدعك منظـر سرابـه
غير راعي المصلحة له ما يخدمي=جنس هذا يالربـع ايـش امغابـه
شاعر شعره يخـص ولا يعمـي=حيث شعره لا نشر كـل درا بـه
فيه من هو جيد وقـوي عزمـي=فيه نخـوة للربـع زايـد ذرابـه
مع رفيقه جيـد بالحيـل نشمـي=لا عناله قال له يـا مرحبـا بـه
يرتكي له دايـم لساقتـه يحمـي=ذيب ماخذ قسمتـه بيـن الذيابـه
راجح بالعقل عنـده زود حلمـي=بالمحاضر لا حضر خصمه يهابه
بالمراجل فايـز ماهـوب دقمـي=محصل مطلبه الى منه سعى بـه
ياخذ ويعطي معك ماهوب حرمي=غير ذا بين الربـع فيـه الحبابـه
مخلص للود يبنـي مـا يهدمـي=هو عمار المجلس اليا من لغى به
جلسة ويـاه تجلـي كـل غمـي=تفقده بالحيل فـي حالـة غيابـه
وان حضر له مادبه لازم يعزمي=الكرم والجود طبـع ضـرى بـه

.
.
صح السانهـ.....
.

.

[( عابرة سبيل )]

مساء الشعــ ـ ـ ـ ـ ـــر....والاحساسـ

اليكم هذهـ القيصدهـ ذات الاحساس الرنانـ....
.
.
هذي القصيده قالها الشاعر في حفيده حمد بن خالد بن حمد عبدالرحمن المغامس
عند سفره الى الولايات المتحده الامريكيه مع والده خالد بدوره لمده عام


سافـر حمـد ياشيـن بيتـي بليـاه=ما يدري ان جـده ذرف دمعتينـي
يفز قلبـي كلمـا اوحيـت طريـاه=يوم السفر ماذاقـت النـوم عينـي
اسمع صدى صوته ليـا قـال يابـاه=بالحلم تالـي الليـل دايـم يجينـي
اول ليـا مـنـا بغيـنـاه نلـقـاه=واليوم حـال البعـد بينـه وبينـي
يابو حمـد عطـوه أي شـي يبغـاه=وزيدوا عليـه بعطفكـم والحنينـي
متعـود جـده لـيـا صــاح وداه=صوب البقالة مـا بغـى مشترينـي
لا من بكى ذا الحين انا ما اسمع بكاه=وعينـه تـدور لـي يبكـي يبينـي
متعود لاصـاح اجـي واتراضـاه=اضحك معه وادور بـه دورتينـي
بالجيب نمشي خاطره مـا كسرنـاه=واللـي يبيهـم كلـهـم راكبيـنـي
ياليت خالـد ماخـذه معـه خـلاه=وبشوفته صبـح ومسـى مهتنينـي
ديـروا عليـه البـال يالله يـاقـاه=يا علكـم فـي هالسفـر غانمينـي
عشرة شهور وذى شهر ما رجينـاه=نصبـر بهـا والله لعبـدة يعيـنـي
وان زادت المـدة عنينـا وزرنـاه=في طائـرة بوينـج لـه قاصدينـي
يالله ياللـي كـل خلقـه تـرجـاه=تـرد عيالـي كلـهـم سالميـنـي
وختامها صلـو علـى مـن تبعنـاه=سيد البشر هـو خاتـم المرسلينـي

.

.

[( عابرة سبيل )]

.
.
.



دور على خبيـر للأخيـار طمـام
من لابه معـروف عالـي مقامـه
متخـرج بالطيـب للربـع حشـام
مهيوب عند النـاس ماهـو فدامـه
تلقاه في وقت بـه عنـاد وخصـام
من غرته نفسه كرب لـه خطامـه
عن صاحبه ما صـد خـلاه ينظـام
خـلاه فـي هـم يكـدر منـامـه
رجل ليا منـه بـرك للحمـل قـام
ذرب يعرف المرجلـه والشهامـه
دايم عشر مابه وساويـس واوهـام
ترتاح في مجلسه وتلقـى كرامـه
نفسه عزيزة عن هروج القفا شـام
رجل يحسب حساب لايـة ملامـه
ذليل مـع ربعـه وللخصـم لطـام
ماهوب سهل مـن تهقـواه ضامـه
الطيب فايز به علـى مـر الايـام
يعرف مواجيبـه ويعـرف نظامـه
جزل ولا عنـده حسـاب للاقيـام
ماجاز له بالسـوق شافـه وسامـه
روضة المسجد مع الصـف قـدام
في وقت الفرايض حاضر قبل امامه
والفجر ما خلاه فـي مرقـده نـام
انفاتتـه مـا يهتنـي فـي منامـه
الرجل بامـر الله تكـون بالارحـام
احد يجي مكسب والاخـر ندامـه
احد تحسبـه متبـع ديـن الاسـلام
وطبعه يخالف دينـه مـع كلامـه
ياما توهقنـا مـع انـذال وخمـام
منهم نبي مخـلاص ويـا السلامـه
فيمه ضعيف النفـس تبـل ونمـام
سهمته بيـن النـاس نقـل النمامـه
نقص ليا جالجـد ماهـوب جـزام
عند النوايـب مـا تشيلـه عظامـه
طيب ليا من صار مكشات وخيـام
والمسألة ساعـة صـدر وابتسامـه
ليت الردى يوسم على الوجه بوسام
حتـى نعرفـه لا لمحنـا العلامـة
ماننخدع بالشكل مع كبار الاجسـام
نحسبـه رجـال ولابـه غشـامـه
تمت وصلوا عد مـا صايـم صـام
علـى نبـي الله لشعـري ختامـه
.
.

[( عابرة سبيل )]

.
.

من قدرك قـدره بالـك تخليـه=الدين عـن قـل الترابـط نهانـا
من وجب الدعوه نعـزه ونغليـه=ما نتركه بعديـن لا مـن دعانـا
نمشي مثل ممشاه لازم نجاريـه=نعطيه قدره مثل ماهـو عطانـا
مثله نرحب به ليـا جـا نحييـه=خلى ارتباطه جالنا مـن غلانـا
حيثه رفيق مـا نبيعـه ونشريـه=نحرص عليـه ولا بغانـا لقانـا
نحرص على شوفه ودايم نداريه=ونقول له ارحب ليا مـن لفانـا
ناخذ علومه كل ما حـل طاريـه=ماننشغل عن واحـد مـا نسانـا
واللـي يجافينـا ترانـا نجافيـه=ما همنا لـو راح عنـا وجفانـا
ماله حقوق عندنا مـع مشاريـه=حتيش لو قفـا ولا عـاد جانـا
هذا رفيق المصلحة مـا ندانيـه=نقـص علنـا كلنـا وارفقـانـا
ناقص مراجل ما وقف دون عانيه=يسمع كلام وينقلـه مـن ورانـا
نفسه عليله والحسد واضح فيـه=من شوفته ياضح لنا مـا خفانـا
والقصد واضـح بينـات معانيـه=لو نطلبه فزعه حشا مـا شفانـا

.
.
.
.

[( عابرة سبيل )]

مزايين الابل بام رقيبه



.
.

يم المزايين جيت اشـوف المغاتيـر=والشعل ويا الصفر هن والمجاهيـم
يا زينهن يا سيف لا مـرن عصيـر=يمشن ورى الركبي بربيع المواسيم
مع كل خلفه ماشيه حاشي صغيـر=وارقابهـن مرقـمـه بالتواسـيـم
والسقس يتبعهن وهو مهدي السيـر=قدمه فحـل بيديـه قيـد بملازيـم
يا حلـو مظهرهـن وهنـه مناثيـر=في جو غايم لطفه رش مـن غيـم
نقـوه منقيهـا رجــال مناعـيـر=خويهـم لله مـا يعـرف الضـيـم
غز لراعيهـن ولا هـن مخاسيـر=في محكـم القـرآن ذكـر بتعظيـم
وقت مضـى مافيـه أم الجنازيـر=هن جيشنـا برجالهـن الصواريـم
يا ما قطعت هي من بعيد المشاويـر=عراض المواطي تلطم الخد تلطيـم
لا مـن تمطاهـا رجـال مغاويـر=بسيوفهم والشلف شـدو المحازيـم
لو كنت بسكاكـا ونيتـك خرخيـر=تمشي ولا تحتـاج زيـت وبنزيـن
ما بينهـن فاطـر ولابـه معاشيـر=كحلن نواظرهـن ولاهـن مقاطيـم
وعقب الفجر توي مسبـح بتكبيـر=لا فطرت اعس الخد بعالي المراجيم
في قدرة الخالـق نديـر التفاكيـر=وندعيه لانفسنـا بحسـن الخواتيـم
ولتميم ربعي جيت ضمن المساييـر=القى الوناسـة والمعـزة وتكريـم
في صيهد بيـن الوجيـه المسافيـر=عند الحلال مريـح البـال ومقيـم
والنجر يلعلع تقل صوت المزاميـر=في مخيم اللي ينطحـون الملازيـم
فنجال ودلـة والسطـول المزابيـر=حليب ابكـار راعيـه دون تطعيـم
مرباعهن والعشب ما تاكـل شعيـر=عشب من الوسمي وقد علـه الديـم
اسلومهم للضيف حشمـة وتقديـر=مايشغلك بالهرج والسيـن والجيـم
يذبح الحشو ويا الهرافـا مشاهيـر=هل المواقـف منفذيـن الغراريـم
وبعد النتايج هي وفـرز التقاريـر=سلم لهم مشعـل ظـروف مخاتيـم
صاحب سمو نعرفـه كلنـا اميـر=جمال فطره باخـص حيـل وفهيـم
الله عطاه الراي وصرفـه وتدبيـر=من آل سعود وله معـزه وتحشيـم
ابوه من حام الجزيرة كمـا الطيـر=بسيف سنين الحـد مـا بـه تثاليـم
.
.

صحـ...لسانـــكـ
.

.

[( عابرة سبيل )]

بقدوم ابـو تركـي دفعنـا التباشيـر=انقـد بشـرع الله كـل المظالـيـم
قبله قبايـل دينهـا ضعيـف وتغيـر=كل بنا المرقـاب باعلـى الخواشيـم
فعلـه نعرفـه مـا يبيلـه تفاسيـر=يجزاه رب يغفـر الذنـب ورحيـم
خلف لنـا حكامنـا هـا المغاويـر=دستورهم واضـح ولا فيـه تعتيـم
ابـن مغامـس مجتهـد بالتعابـيـر=ابيـات شعـر قالهـا لكـم بتنظيـم
شاعر ولا ينظم شعـر دون تبريـر=الوردي المعروف بسدير ابو دحيـم
ونودع الاخيـار بلقيـا علـى خيـر=فـي موعـد بالطيـب ولا بتحريـم
ونمشي بشاص به سلوقي مع طيـر=وصقار متدرب على القنص وفهيـم
مشيك على زيت المكينة مـع القيـر=لا من دعسته سرعته تسبـق الريـم
بالنفد نمشي هـب طلـوع وتحديـر=زود علـى رفعـه مـزود بترهيـم
مركب له مـن عـراض التواويـر=يشمخ براس الطعس من دون تنسيـم
مجهز بماجلان وكنـود لـه اسبيـر=مفصل على المطلوب ضمن التصاميم
معي ولد قحطـان شـوق الغناديـر=من عيال مفلـح للمعـادي مكاعيـم
راعي سنـا اليـا لفينـا خطاطيـر=ثـور برشاشـه تحـيـة وتسلـيـم
وقرص الجمر سواه لي دون قصدير=سواه راس من الرجـال الشغاميـم
ونلقى القيري مـا نـدور عصافيـر=لا لعلعـن بذنـك سـواة التناغـيـم
وايضا الزبيدي مزمـر دون تحفيـر=نهديـه مـا ينبـاع لـو مننـا سيـم
مسقيه رب البيت ما شرب من بيـر=بالقاع من كبـره تحسبـه مراسيـم
ولا منقضى المقناص عودت لسديـر=لاهل المراجل مـن سنيـن مقاديـم
أهل المواقـف بالليالـي المعاسيـر=ومن يمدح الاهيـار لاشـك ماليـم
زحول الرجال مخرجيـن الدنانيـر=اشهد لهم من دون حيـف وتضخيـم
وختامها بالعذر عـن كـل تقصيـر=ماحد كمل مـن دون نقـد وتعاليـم
وصلوا على منهـو دعانـا بتحذيـر=تعداد وبل طـاح ومشـى المرازيـم
عن يوم ابي ناقـف سويـه طوابيـر=ياعلنها بهـا اليـوم نطلـع غوانيـم
في يوم ما به تاجـر ولابـه فقيـر=نرجي رضى جزل العطيات وكريـم
.
.

صح... لسانكـ..

[( عابرة سبيل )]

.
.

سلام الله على من شب ناره في ظلام الليل=على مجمار جنب الروض فيه دلال مركبه
على خد رفيع منزله جنب طريـق السيـل=ذبح له هرفي علقه فـي شنكـار سحبيـه
الى منه طلع بالنفد كنه فـوق نهـر النيـل=رياض خضر من فضل الولى بالسيل ممليه
معه نقوة رجال ما تعرف القـول ويالقيـل=وخيمة جنبهـا جيـب علاماتـه خليجيـه
وعند عدة القنص من شوزل الـى دربيـل=يعس الخد والوديان يقنص كـل عصريـه
على يمناه ابن عناز من قوم تعسف الخيـل=فهد ولد العقيلـي خوتـه بالحيـل نشريـه
ومن قحطان ابوخالد وسيف مذبحين الحيل=وابوتركي وعايض من بني مفلح وفهديـه
يقوله شاعر شعره عدال ولا يجيه الميـل=من آهل سدير شاعر يعتز عـزوة تميمـه

.
.
صح السانكـ...
.
.

[( عابرة سبيل )]

.

أبتدي باسـم الولـي رب خلقنـا=خلـق خلقـه وخلقـه يعبـدونـه
نبذل المجهـود كلـه مـا ذخرنـا=والشعر لأهـل الوفـا يستاهلونـه
وانظـم بيـوت قويـة مـا اتانـا=اشكر بها واحـد بـي تعرفونـه
منسبه معروف وحنا مـا جهلنـا=مشرفـي تميمـي مـا تاصلونـه
من سلالة شيخ بـه يامـا فخرنـا=عن حقوق الله ما جتـه المهونـة
يوم شفتـه قلـت ذا فينـا ومنـا=وحـده اللـي كلكـم تعرفـونـه
الإمام اللي عـن البدعـة عدلنـا=منهجه بيـن المناهـج تدرسونـه
بعد ربي له فضـل فيـه اعترفنـا=مثله وشـرواه فضلـه تفهمونـه
ذي شهادة حق وحنا مـا جحدنـا=ومن يقول الحـق قولـه تقبلونـه
وصالح آل الشيخ هو محقق طلبنـا=مثل ضلع طويـق للـي يزبنونـه
يوم جينـا مكتبـه عنـده دخلنـا=قال تم للـي حضرتـوا تطلبونـه
مثـل هـذا بالحميـة مـا خبرنـا=اشهد انـه للوفـا رمـز ونمونـه
مثلـه وشـرواه بيحقـق املـنـا=للوفـا سبـاق ماهـم يسبقـونـه
شيخنا قيـدو منـا مهمـا مدحنـا=مثله الشعـار غصـب يمدحونـه
للصخـا والجـود صحونـه تثنـا=حاتـم الطائـي وذا لـه نمـونـه
تحتها السفـره وفيهـا مـا تمنـى=العرب من جـاد فعلـه يذكرونـه
والمباخر جمرها عـوده عمسنـا=ينتقون الزيـن وفيهـا يجدعونـه
ربعـي آل الشيـخ والله واجهتنـا=من يجاريهم حشـا بـي يتعبونـه
بالشعر لامثالهـم مهمـا قصدنـا=فعلهم كايد ونقصر غصـب دونـه
حظنا اللـي قدنـا لمثلـه عرفنـا=بمجلس الاخيار يوم هم يكرمونـه
ساعـة مبروكـة فيهـا حضرنـا=مع وجيه رجال من جا يقدرونـه
والختم صلوا على خاتـم رسلنـا=عد ما نور بـرق هلـت مزونـه
المصطفى اللي لدعوته حنا استجبنا=مرسلـه ربـي لخلقـه يعبدونـه
.
.

صحـ.. لسانكـ
.
.

[( عابرة سبيل )]

حوار جميلـ بين شاعرينـ.. مبدعينـ

."الراوي.. والوردي"


يقولـ الشاعر/ عبد الرحمن الرميح (الراوي)


أنـــا بنشـدك يالـوردي=وخبرني بكل وضـوح
ياحيثك تفهم الوجـدي=وقلبك بالهوى مجروح
عــن اللي بيـح الـدي=بيب زاد فـي الفـوح
الى من شفتـه معـدي=تحير الرجل وين تروح
اشوفه بيـن الصـدي=وهو مابه لنا مصلـوح
تراني واصـلٍ حـدي=زهقت من البكا والنوح
انا وضحت ما عنـدي=وخبرني بكل وضـوح
.
.
صحـ..لسانكـ يالراوي...

ويرد عليهـ الشاعر/ حمد بن عبدالرحمن المغامس (الوردي)
ويقولـ....





لكم يالراوي أبا اهـدي=طريقة تكسب المملـوح
يا حيثك شاعـر قـدي=وكل شي بيننا مسمـوح
اذا زهم وردي الخـدي=تكلم جد بـدون مـزوح
خـذه بالليـن والشـدي=وتأكد وين هـو يـروح
الى من شفتـه مهـدي=فقله يا حبيـب الـروح
تفضل نضبـط المنـدي=بشوفك خاطري مشروح
حذارى من هل الحسدي=ومن عذال ومن مشفوح

صحـ.. لسانكـ يالوردي....
.
.

[( عابرة سبيل )]

حوار اخر ممتعـ ورائعـ.....

يقولـ..الراوي ...


سلام الله على الوردي سلام ما يشيله جمـوس
من اقصى القلب اهلي به واحب اسمع ترانيمه
كريم وشاعر حساس مرهف واضح كالشمـس
يحب اهل الوفى والجود والتقديـر والشيمـه
على كبد الرفيق احلى من الفنجال للي عمـس
وعلى قلـب العـدو احـر مـن صواريمـه
الى منه عطاك العلم كنـه قاضبـه بالخمـس
طلامـه ثابـت مـا فيـه ترجيعـه وتقديمـه
اعرفه من زمان فات ماهي معرفة قبل امـس
وافاخر في رفاقة صاحبـي جعـل الله يديمـه
عسى من يكرهه يطمس على قلبه وفكره طمس
مع العربان يمشـي بالشـوارع كنـه بهيمـه
.
.
صح السانكـ ياراوي..

ويرد عليهـ.. الوردي..بكلـ شفافيه...


تحية خالصة مني عدد حب نثـر للحمـس
نوديها الى الراوي ومعهـا الـف تسليمـه
يا حيثه مرهف بوصفـه نـا عـم الملمـس
بيوت الشعر ينظمها تهامـل كنهـا الديمـه
حبيب عاقل نا يعرف الهمـزات ويالهمـس
نجيه بدكته بالصيف والى جا البرد بالخيمـة
يحب مجالس الخير ولا يعطي وجه للنمـس
ليـا جالـه مسيـر دايـم يفـرح بتكريمـه
عسى من يبغضه في سمن فايح بالقدر يغمس
يا حيثه خايس مايعرف اهل القدر والشيمـه
وسدك لا وصل له يكتمه لك كتمه الترمـس
ويحبونه جميع الربع وله مقدار مـع قيمـه

.
.

صح السانكـ ياوردي

[( عابرة سبيل )]

لأهـل الزلفـي تحـيـة وتقـديـر=اقولهـا مـا دام جالـي مجـالـي
لامـن دعونـي ماتهـم المشاويـر=الكـل منهـم لـه معـزة وغالـي
نجيب دعـوة هالوجيـه المسافيـر=اهل الوفا والجـود روس الرجالـي
العـود الأزرق عندهـم بالمباخيـر=وبهار وعويـدي بصفـر الدلالـي
لاجل الكرم ما حسبـوا للمخاسيـر=ولجل المراجل مرخصين الريالـي
ولا عندهم في واجب الضيف تقصير=كل يحسب حسـاب لايـة خمالـي
قطاعـة الفرجـة بوقـت المغاتيـر=رجالـه يـدوى جنـوب وشمالـي
من جى لهم في لازم له لقى خيـرومن جى يبي فزعات ياهـم لالـي
وان جى مجال العلم منهم مشاهيـر=ماكـر حـرار منزلـه دوم عالـي
وان جى مجال الفعل منهم مناعيـر=خصيمهـم يلقـى الغثـا والوبالـي
يشهد لهمشاعر لفاهـم مـن سديـر=افعالهـم تعـرف مـن اول وتالـي
في مركز صيفي رسم خطة السيـر=نشاطهـم مـدروس فيـه اعتدالـي
ادارته نقوه وغلطـت علـى الغيـر=بالجد والاخلاص مضرب الجلالـي
شهـادة الله مـن غـيـر تـزويـر=ويشهد على ما اقول رب الجلالـي
وختامها تعـداد مـا غـرد الطيـر=صلوا على من حارب اهل الظلالي

.
.

صح السانكـ...

..

.

[( عابرة سبيل )]

.
يا مرحبا باللي لفـى الغـاط زوار=عبد العزيز اللي حضر باختيـاره
اميرنا المحبوب قيـدوم الاخيـار=جده ابـو تركـي موحـد ديـاره
وابوه دايـم للوطـن دره وستـار=من غرته نفسه كرب لـه عيـاره
في عهده الميمون كل الرخا صـار=وخدمة بيوت الله هدفـه وشعـاره
جزل ولد جزل مشاريعـه كبـار=لجل الوطن سهران ليـل ونهـاره
خلف عيال علهم طـول الاعمـار=في خدمته يمشون رهـن الاشـاره
يا اميرنا ياللي من طويلين الاشبار=الله عطاك اسلوب لطـف ومهـاره
يحميك رب البيت من كل الاقـدار=فضلك شمل في كل حـي وحـاره
حتى المريض تزيل همه والاكدار=ونفسيتـه ترتـاح عقـب انهيـاره
يمناك لاجل الخير مداتهـا كثـار=كريـم سبـلا زايـد عنـه شـاره
كم واحد يشكـي الحـال محتـار=باذن الولي علاجه تصدر قـراره
ما هي كثيرة منك يا نسل الاحرار=مثلك وجنسك للوطن هـم عمـارة
حـر ولـد حـر كريـم وصبـار=صاحب سمو مـا تغيـر مسـاره
نبي نقول الحق لو كـان اسـرار=ننصف بها اللي ما يحسب خسـاره
اللي له افعال تجي عنـه الاخبـار=مثل المطر لا طاح بيـن خضـاره
نبي نعبر عـن فرحنـا بالاشعـار=لعبد العزيـز بـن فهـد بالزيـاره
ونعلن فرحنا كلنا كبـار وصغـار=ونمسك ضفوف اللعب لا طق طاره
هذي مشاعر قلتهـا سـر وجهـار=لاميرنا المحبوب سـاس الامـاره
تمت بذكر اللي قهر كل الاشـرار=تعـداد مـن صلـى ببيتـه وزاره

.
.
صح السانكـ
.
.

[( عابرة سبيل )]

هذي القصيده قالها الشاعر عندما سافر ابنه النقيب/عبدالرحمن الى الولايات المتحده الامريكيه بدوره




ابـدا بذكراللـي خلقنـا ولنـا رب =رب صلاة العبد لـه مـع صيامـه
للمعرفه والعلم كـل ضـرب درب=يبـي يحقـق رغبتـه مـع مرامـه
يابو حمد اوصيك في ديرة الغـرب=حتـى تعـود للوطـن بالسـلامـه
لوكنت ضابـط فاهـم قـد تـدرب=اعرف ترى مثلـك عليـه الملامـه
الرجل الى من راح بعيـد وتغـرب=مارفـق الا طيـب بـه شهـامـه
المنحرف حذرى تجي لـه تقـرب=جنب طريقه واتركـه مـع خمامـه
يقولـه اللـى راح قبلـك وجـرب=واللي مجرب لزوم تسمـع كلامـه
احرص على الدوره حذرى تهـرب=خلـك بـهـا متمـيـز بالعـلامـه
بالي معك مشغول بالحيـل يالـذرب=ابوك يهوجس بك ترى فـي منامـه
مـدة غيابـك يالسنافـي المعـرب=نسلى بهـا بيـن الربـع بالخطامـه
احرص على لينا وحذرا من الضرب=عطهـا مطالبهـا ومعهـا ابتسامـه
وحمد سمي جده له القلـب يطـرب=حبه بوسط الجـوف بانـي خيامـه
تمت بذكر اللي لنا يفـرج الكـرب=رب خلـق عبـده وكـون عظامـه.
.
.

[( عابرة سبيل )]

مســــــــــاء الشعـــــــر اخواني..
/
\



كل شاعر ثلاث ايـام لـه يكـرف=مجتهد لا يجي لـه غمـزة ولمـزه
من عـذي الوافـي قايـم يخـرف=يا زن البيت بالكسـرات والهمـزة
من بحور الشعر ذا اليوم ابي نغرف=وظيفنا لا وصـل نفـز لـه فـزه
مرحبا يالوزير اللي حضر شـرف=لـه قـدر عندنـا بالحيـل ونعـزه
شيخنا اللـي لفانـا جـده نشـرف=نور تميـر ومجـزل الـى خـزه
جده اللـي لدينـه قـام وتصـرف=حارب اهل البدع عنا الجهل كـزه
لاحـظ ان العقيـدة كنهـا تحـرف=عدل اللي رضخ لبليس الـى غـزه
ساقـه الله لحاكـم نجـد وتعـرف=كل عاصـي معانـد سيفـه يجـزه
كـل متفـوق بالعـلـم يتـشـرف=يسلمـه جايـزه تدعمـه وتحفـزه
من تمتم النسب ما هوب متطـرف=كنه طويق الى جا الريح مـا هـزه
مجلسه فاتحه والبـاب مـا طـرف=من بحور المعرفـه نظحـه ونـزه
ما تجي لك وجاهة وانت متعجرف=مثل صالح عن اللي قلـت متنـزه
لاجل دينه خصص البند والمصرف=الفهـد وكلـه يـا عـلـه بـعـزه
وكل فايز لمحنـه ظرفـه مظـرف=من ابن سلطان جابـه للحفـل دزه
اشهد انه حرار وانتهـض رفـرف=كـل علـم غانـم عينـه تـخـزه
مانلومه الى منه خسـر واسـرف=يده بيضـى ولا بـه زمـره ورزه

/
\