مشاهدة النسخة كاملة : لا يفوتكم طوي هالقليب .. فن معماري ( صور )
فهد المنيع
08-12-2004, 12:31 AM
هذي قليب عندنا في نخل في العوده اسمها ( مليحه )
طاويها شخص يقاله بن حفير وصراحه ما شاء الله ابداع وفن رغم الامكانيات الضعيفه جداً
يعني لو هالشخص عايش هالوقت كان يطوي المملكه والفيصليه زي سلام عليكم خخخخ
اتركم مع الصور ..
http://fam.jeeran.com/toy1.jpg
http://fam.jeeran.com/toy2.jpg
http://fam.jeeran.com/toy3.jpg
سلام ..
سعد القاسم
08-12-2004, 12:42 AM
حلووووه يااحالم ..
الحمدلله انك ماجبت العيد فيه ولا كميرتك جابت العيد .. هناك خخخخخ
مشكووور بكل صراااحه صور حلووووه حلووووه حووووه عسى
الله لا يحرمنا من ابداعاتك ياااحلووووو
... بس البرواز ماخذ حيز ؟
فهد المنيع
08-12-2004, 12:56 AM
خخخخخخخ لا تخاف يا سقم محاتسيك ذيب ..
مشكور على الرد وبالنسبه للاطار هذا ما اكل من الصورة هو عباره عن صورة فارغه باللون الرمادي وضعت عليها صورة القليب وبقى منها الاطراف وتحولت لاطار ..
شاكر ومقدر لك رأيك وردك ..
سلطان العضيدان
08-12-2004, 01:55 AM
ماشاء الله عليك يا حالم ليل
ماتفوتك هالحاجات الجميله ...
الله لا يحرمنا منك ... ولا من عدستك الرائعه
ربى الجنان
08-12-2004, 07:09 AM
ماعليش شباب مداخله صغيره..
وش معني طوي؟؟؟
سعود الخليل
08-12-2004, 01:55 PM
الله المستعان راحوا اللي يطوون القلبان سبحان الله بالرغم من قلة إمكاناتهم إلا انهم استطاعوا أن يبدعوا في تلبية إحتياجاتهم ,,,,
مشكور يا حالم على الصور ..
أبا المياه اعطيك الكمره ورح صور والله ما بعت عمري اروح اصور في القلبان !!!
السم الهاري
08-12-2004, 02:00 PM
شئ رهيب ...
تتجلى فيها الدقة والصبر عند جداننا الأولين ...وكذلك فن العماره ...
والله يخلف علينا يالتوالي ... مافينا صبر ... الى جاء واحد يفك مسمار
حله شوي وكمله بكره ... هههههههههه ...
على العموم شكرا حالم ... ورجاء حار تركز على هذه الأشياء القديمة
وتتحفنا بها ...
تحياتي ...
فهد المنيع
08-12-2004, 02:48 PM
حيا الله راعي الغاط ..
ياجعل ديرتكم للسيل ..
ما قصرت اخوي على الرد ..
ذيب سدير
08-12-2004, 04:30 PM
حالم لليل ....
صوره رجعتني لقصة كان يرويهااا ابي عن شخص اسمه (ابن دريهم )
وهي التحدي بينه وبين شخص اخر اسمه العولي في منطقة سدير طبعااا القصة قديمه جداااا..
وهي ان يبداء كل شخص في وضع الصفه الاولى من الحجر (الطوي) في منتصف القليب(البئر) يعني بدون اساس يرتكز عليه الحجر وهو الاعتماد على الصفه الواحده بحيث يكون الثقل والضغط على تلك الصفه ؟؟ وبدا العولي فلم يستطع .. وكان ابن دريهم استاد (معلم) في طوي القلبان فقام بمحاوله وانجز عمله وفاز في تثبيت الطوي ... فسئلوه كيف صنعة ذلك.. قال بمهرتني وخبرتي .. فسئلوه هل من الممكن ان تقع .. فقال هذه الحكمه الجميله التي تداولهاا الكثير من الناس في وقتهم ووقتنااا الحاظر وهي ( اذا طاحة طيه عد الطوي طاح ) يعني عند سقوط واحده فقط فالبئر سوف تسقط كلهااا ..
شكراااا..
margog
08-12-2004, 06:07 PM
يؤؤؤؤؤؤ
تكفا ياخوكم حالم وين طلع منه ذا الطوي عندكم
من زمان ماشفت قليب مطويه وانا اخوك
تسلم والله
بس اترك عنك فنان ذاللي طاويها
وعلى ماعتقد انهم من شياب المنطقه نفسها
من عندكم حالم ليل
بس فنان والله وسمعت عنها القليب هذي من ناس واجد عدكم بالديرة
تسلم اخوي حالم
ابو عبد العزيز
08-12-2004, 06:30 PM
خخخخخخخ لا تخاف يا سقم محاتسيك ذيب ..
ايه هين يا حالم ليل ذيب اذا شفت كمرتك تسقط من جال الجال ثاني عرفت الذيابه زين بس بيني وبينك صور حلوة مره
ذيب اسدير عز الله اني دايم اسمع عن( ابن دريهم ) وفنه في الطوي وهو على مايقولون استاد مسكت
فهد المنيع
08-12-2004, 06:51 PM
ابا المياه مشكور على الرد وراعي الاوله شاري الكميرا وقاعد يتسدح في الاستراحه خخخ هو فيد كميرات !!
انت القطها منه وعلى اقرب قليب ومحيفره انت والكميره ترا يمدحون المناظر تحت !!
فمان الله ..
فهد المنيع
08-12-2004, 06:55 PM
ربى الطوي هو هالحصى اللي تشوفينه في القليب وللمتطورين هو زي البلاط خخخخخخ
شوفي رد ذيب سدير وتفهمين ..
الف شكر على الرد ..
فهد المنيع
08-12-2004, 07:30 PM
هلا براعي الكميره خخخخخخخ
مشكور على الرد ..
فهد المنيع
08-12-2004, 07:43 PM
شئ رهيب ...
تتجلى فيها الدقة والصبر عند جداننا الأولين ...وكذلك فن العماره ...
والله يخلف علينا يالتوالي ... مافينا صبر ... الى جاء واحد يفك مسمار
حله شوي وكمله بكره ... هههههههههه ...
على العموم شكرا حالم ... ورجاء حار تركز على هذه الأشياء القديمة
وتتحفنا بها ...
تحياتي ...
اشكرك على التعليق الرائع وصدقت والله حنا يالتوالي ما فينا صبر حتى فكت المسمار ما نبي نسويها ..
وابشر باللي تبي ..
فهد المنيع
11-12-2004, 12:09 AM
مشكور على المعلومات يالذيب ..
فهد المنيع
11-12-2004, 12:10 AM
تسلم اخوي مرجوج على الرد الحلو ..
فهد المنيع
11-12-2004, 06:52 PM
اسز للاسف ما عندك شجاعه مثلي ----> قال من شاهدك يا ابا حصين خخخ
الله يعطيك العافيه على الرد ..
vBulletin® v3.8.7, Copyright ©2000-2024, موقع و منتديات سدير © 1422 هـ - 1431 هـ