قصائد مختارة

[أبو ريان]

لـيـت التـلفـون من جنبك === ما يـنقطع يا بعـد روحي
والهرج لا صار من فمك === يـصـير بالحيل مملوحـي
يا خف روحك على دمك === عندك سواليف ومزوحي
و اللي تـجـرا على ذمـك === من يـمه الأذن ما تـوحي
يا ليت مـنهو ولـد عـمك === يصير له منك مصلو حي

محمد بن ناصر السويلم



يا هـل الهوى حـذرا تمرون خـيطان === الـمـوت فـــيه مـركـزات خـيـامــــه
فـيه المهـار اللي بـلا سـرج وعــنان === بنحورهــن لاهـل الـمودة عـــلامه
نهــود جـلاس تــقـــل طـلـع رمـــان === عـفـر يــشـادن الـبـدر فــي تـمـامه
يمشون ممشى اللي مخيف ومشتان === ما هـمهم بالـسوق كــثر ازدحــامه
بـغيـت أطيح بدربـهم يا ابن رجـعان === لـولا الله ابــرك جـارني بالـسـلامـه
لـولاي صـايم والعـرب فـي امـسيان === واخشى تقول الناس فـسـد صـيامه
لاهــد فـيهم هــدة الـذيـب ســرحـان === واطفي لهيب الجاش وابري غرامه
لا شــك اداري قـولـة فـلان وفــلان === اهــل الــحــكـايا بالـقــفا والـنــمامـه


ابرأهيم ابن مزيد ( حوطه سدير )