المساعد الشخصي الرقمي

مشاهدة النسخة كاملة : تحبون ابو فروه؟!؟


miss sudeer
06-01-2005, 02:51 AM
من فينا ما يحب ابو فروه؟؟
خصوصا هالأيام في البرد والجمعه حول الجمر ..
بس وش تعرفون عن ابو فروه؟ ووش احسن طريق لطبخه؟

ابوفروه او مايسمى بالكستناء هو احد انواع الفواكة البندقية التي منها المكسرات و لكنه لا يصنف ضمن المكسرات لانه اقل في محتواه من الدهون ..
وتختلف قيمته الغذائية حسب نوعه وطريقه طهيه .. فيه منه نوع صيني ونوع شرقي ونوع اوروبي ..
وافضل طريقه لطهيه هي طريقة الشواء او التحميص لانها تحتفظ بقيمته الغذائية اكثر من طريقة السلق ..
ويحتوي ابوفروه على البروتين والدهون وقليلا من الالياف وفيتامين (أ ) و (هـ) وشوي فيتامين (ب) المركب وبعض المعادن مثل الفسفور والبوتاسيوم.

سعد القاسم
06-01-2005, 11:59 AM
واله انتس صادقه هخخخخخخ اما عني طريقة طبخنا له فهي سهله ان كان فيه ضو حمسناه عليها .. وان كان مافيه يالله ياخلف في الفرن ... <<< من اشد المعجبين للكستنه <<اسم اخر لها خخخ
مشكووووره يامس سدير موضوع طيب ... شكرا بس تبين الصراحه ذا العالم مغليته على غير سنع اجل كيسه مايجي فيها ولا 20 حبه بــ10 موب معقول ولا عاد الكبيره على 40 وعلى 45 والله قهر

هرمنا
06-01-2005, 02:29 PM
من فينا ما يحب ابو فروه؟؟
خصوصا هالأيام في البرد والجمعه حول الجمر ..


======================

فيه واحد من اعضاء المنتدى اعرفه شخصيا ..ومايحب ابو فروة .. لكنه ياكله بشراهة

((تفسير الجملة السابقة بتعرفونه اذا قلت لكم السالفة كلها ))

الخميس الماضي

بعد صلاة العشاء وانحن متجمعين في استراحة ( العاذرية )حول دفاية قاز دخل واحد من الشباب ومعه خيشة ابو فروة صغيرة وطلع كمية منها وحطه فوق سطح الدفاية

واحد من الموجودين قال ياجماعة انا ما احب ابو فروة (( مهوب سنمار :)))

قلت له ليش؟؟

قال : من زمان صار لي موقف ومن عقبها كرهته

قلت له : وش هالموقف؟ وش صار ؟؟

قال : والله مدري وش صار ..انا نسيت الموقف نفسه ..لكن آثار الموقف مازالت مأثرة فيني . وما اواطن ابو فروة

قلت له : وش هالحتسي :) ..تكره ابو فروة بسبب موقف ماتدري وشو :) ...؟؟

المهم ماقطع سواليفنا الا صوت طقطقة ابو فروة فوق (صفيحة ) الدفاية <<الطقطقة معناها علامات جاهزيتها للاكل

وفعلا ..بدأ الهجوم على ابو فروة .

والغريب ان خوينا اللي يكره ابو فروة كان هو اكثر واحد ياكل منه ..لا وكان كل ما خلصت دفعة ..يقوم ويحط دفعة جديدة :)

<<<ياكثر بربرتك يالسبعين
=====

مسز سدير . مشكور على المعلومات عن ابو فروة

والقفي تحياتي

miss sudeer
07-01-2005, 12:21 AM
ههههههههههههه :D قلتلكم مافيه احد مايحبه..

سقم سدير ....... السبعين ............... تشكرات على التعليق

miss sudeer
08-01-2005, 09:28 PM
هههههههههههه
بالعافيه عليكم اخوي وادي

أمي الحصي
17-01-2005, 09:58 PM
ماأتوقع ان فية احد مايحب ابو فروة
بس نصح مني لاحد يكثر منه لانه يسبب حرقان<<<مجربه

مشكورة أختي miss sudeer

miss sudeer
27-01-2005, 03:15 AM
حياك الله

اصلا المفروض الواحد ما يكثر من اي شئ حتى لو يحبه

وغير الحرقان ابو فروه (يدبل التسبد):)

فهد المنيع
29-01-2005, 01:13 AM
يم يم يم يا زينه ----------> مبطي عنه وبكره بروح اشتريه هع هع هع


الطريقة ننطله في الجمر الين تنفع حبته ونقشره وناكله ---------> بالله احسبكم تاكلونه بقشره ههههههه



مس سدير شكررررررررررا على الموضوع ..

miss sudeer
29-01-2005, 03:00 AM
حياك الله بس لفه بقصدير قبل ماتحطه بالجمر عشان ما ينحاس

نور المنتدى
17-02-2005, 02:01 PM
ياحياتي يا أبو فروه

ألف شكرا توني ادري اني اكل شي موفيد

شذى العبير
17-02-2005, 09:59 PM
أبو فروووه ... بسوي تحريات وأذا عرفته علمتكم زين والى لا ......!!!

miss sudeer
18-02-2005, 02:36 AM
غريـــــــــــبه

طيب بحاول ادور له صوره واوريك اياه إن شاءالله :)

miss sudeer
18-02-2005, 02:57 AM
شوفيه هذا نوع من انواعه لكن اللي يجي بسوقنا تقريبا كله لون واحد (بني)

ويسمونه ابو فروه لان تحت قشره وبر ناعم كنه لابس فروه :)


http://www.parrotsinternational.org/images/Photos/Hyacinths/Hyacinth-Palm-nuts-2.jpg