احلى طبخه من الشيف حالم ليل ( بالصور )

[فهد المنيع]

سلخير على الكل ..


جايب لكم احلى طبخة في العالم بلا منازع :8m9: اللي هي كبسة اللحم امممم يا زينها tvm:


ما عندي مقادير للاسف انا بوريكم صورة جاهزة لكبسة اللحم وانتم حطوا المقادير اللي تبون cb:




صورة قبل الهجوم

-
-
-
-
-


http://fam.jeeran.com/befor.jpg












صورة بعد الهجوم

-
-
-
-
-
-
-


http://fam.jeeran.com/b3d.jpg









oa:




نشوفكم في طبخات اخرى asb:




مع تحيات الشيف حالم ليل 0!:

[سعد القاسم]

الله يرجك بلا.. اقووول حالم ..
موب كن الصوره هذي في ربيع العام .... والكبسه كانت من يد راعي عواد ولا انا غلطان خخخخخ
الله يقطع سواليفك ..
مشكوووور يالشيف اجل بلا مقادير وحطيتا الزبده على طووول ..
يقطعغ ام الاختصار..كخخخخه

[سمسومه]

الله لايضرك إيه

أعط القوس باريها هذا الطبخ مهوب مطاريسي

ماشاء الله بسم الله عليك

خمسة وخميسة بسم الله ماشاء الله


نفسي أدري بس : كم جلستا تصفف في هالبرتقال....؟

ماشاء الله سلطة روووووووووعه

أموت في السطة اللي قطعها كبيرة<<<حقت أهل سدير

بس وراكم ماأكلتو البصل هااااااااااااه!!!!!
شكلها كشتة معرسين خخخخخخخخخ

تحياااااااااتي للشيف المبدع

عوااااااافي لا حرمنا طبخاتك

يمممممممممممم<<<إشتهت كبسة!!!

[العروي]

أعجبتي ( سلخير على الكل)

أعجبني منظر الطعام وطريقة رص البرتقال

لم يعجبني أن الأكل بدون سفـــــــــــــــرة.

فمتى تُجمع هـذه البقايا من الأطعمــة بعدما اختلطت بالأعشاب.

[سمسومه]

8
8
8
عروي كلامك صحيح بس ماتدري تعال أعلمك....

السفرة كانت قطة صديقة محماس الشفردجي بس نساها ذا الكسلان!!!

لكن خلوه يعرمش العظامة جزاء له ويكنس البر!!!

وأما حالم ما كان عليه إلا الطبخ!!!!!

وإلا هو مؤدب مايرمي الأكل على الخد!!!<<<يعني الأرض خخخخخخ

صح ياحالم ....؟ خخخخخخخخ

[فهد المنيع]

احسنت يا سقم هذي في ربيع العام لكن مالك لوا في الطباخ هع هع هع


ان شاء الله انها جازت لك ..

[فهد المنيع]

سمسومه هع هع هع صفة البردقان جايبين معنا لبناني للبر مخصوص عشان يصفها وش تحسبين انتي هع هع


بس تبطين حيه تطبخين مثلها خخخخخخخخ



متشكرين على الرد الحلو ..

[سمسومه]

الله يرجك خخخخخخخخ

إسمه البرتقال خخخخخخخخخخ

وشلون فهم اللبناني (البردقان)؟!!!!

وإلا صفه بدون لا يسألكم وشو....؟!! خخخخخخخخ

والله من جد مقلع خخخخخخخخ

<<<عجزت تسكت بس تضحك على البردقان لأنك ذكرتها بالبيرندا خخخخخخخخخخخخخخخخخخ

[السنبلة]

شهيتنا يا حالم..


وش الطريقة..


<< من السناعة بتسوي الغداء بكره..



* السنبلة * 1425هـ

[فهد المنيع]

اخوي العروي مشكور على ردك وبالنسبه للبقايا حنا نجمعهن في كيس وخاصتن العضام وقشر البردقان ------> مخصوص عشان تنبسط سمسومه هع هع هع

اما بالنسبه للرز فنخليه للطيور تاكله والقوبع ما يقصر ..


وشاكر لك مرورك الكريم ..

[Sub_Zero]

اخس يالسنع كبسة وحركات



بعدين ترا المنظر غير حضاري عقب الهجوم >> تبي ريال


بما ان سمسومه حفزت عند البردقان وراكم بقيتو بردقانه وحده ليش خليتوها لحالها ؟ ورا مازرطوتها ولا خليتوها تشعر بالوحده ؟؟؟

فاينللي
الحين ذا اللي انتم جالسين تحته هل في بر؟؟؟ ان كانت الإجابه بنعم اين هو هذا البر ؟؟؟

[فهد المنيع]

سمسومه والله يا عطيتيه كور لافه بعد هع هع هع


تعالي وش دراتس عن الخد dft:


لا يكون اسمتس عمشاء بنت مصلوخ لانها هي اللي تقول الخد اخضر كنايتن عن الربيع asi:


لا عدمناتس oda:

[فهد المنيع]

عمشاء asi: البردقان هذا هو الاسم الاصلي للفاكهة الماثله امامكي في الصورة وكلمة برتقال هذي ما جت الا من تالي يعني بعد توقيع معاهدة طنش لحاك ساجو سلقادو في ميونيخ في صيف 1943 م

بردقوق صندقان


واللبناني قال شو هيدا بردئان قلنا له الخلاااااااااء وعض على شحمه !! وصفهن ورجله فوق رقبته 8!:



mla:

[فهد المنيع]

هلا بالسنبله


الطريقة سهله بس ركزي معي

المقادير :
رز - بصل - طماط - بهارات - ملح - حبحر - لحمة غنم - ماء - لومي - دارسين ( نجحوا ابشرتس ) - شوي زبده

كل هذولا تجمعينهم في الكاتم وتشبين النار وتسكرينه واذا تشتش الكاتم اقصري على النار واحسبي له 20 دقيقه وخلاص يطلع مضغوط انما ايه من اللي يستاهلهم بؤك !!

ملاحظه لا تكثرين مويه لان الكاتم ما يحتاج الا مويه شويه


يالله انهجي روحي شبي على غداتس --------> يحتريها

[السنبلة]

(((وكلمة برتقال هذي ما جت الا من تالي يعني بعد توقيع معاهدة طنش لحاك ساجو سلقادو في ميونيخ في صيف 1943 م )))


ما شاء الله عليك يا حالم مثققف توي أدري... شكلي بحطه سؤال من أسئلة المسابقة الثقافية اللي أسويها لاخواني كل سنة.. وعلى مسؤوليتك..





أجل صحيح أنت اللي مزينه dft: طباخ ومثقف..



<<< بتروح تسوّيه عشاء.. بس خايفة تورط بكرة يقومونها بدري تزين لهم غداء من زين طبخها..



* السنبلة * 1425هـ

[فهد المنيع]

سب زيرووووو انعم واكرم بهذا الحضور المفعم بالارتوازيه المفرطه في اللا وعي jup: هع هع هع


البردقانه هذي مخلينها للشاوي عصمان بن جدو لانه قاعد يحوقص حولنا ويسرح بالاباعر ( على وزن يساحر ) وقلنا نعطيهياه لا ينظلنا ويسدحنا جنب صحينَّااااااا 9!:


بالنسبه للمكان فهو الصمان العام الماضي وعلى ما قال الشاعر :
لا صرت بالصمان والقيض حاديك *** افتح واستقبل اصحابك نحن الاطفال

tc:


وعقبال ما تكبسين مثلها لابو العيال oa:

[سمسومه]

الله يهديك بس ياحالم

إن عمشاء من ذيك اللبؤة

إيه تعال أعلمك العلم الزين:


جدتي لا شافت المجلس مصطك<<<يعني ملياااااااان

قامت الله يجزاها خير تريش عليهم وتسوي لي فيها ناقدة خخخخخخخ
<<<<<الله يرجها!!!

المهم ذاك اليوم جت بنت خالتي وسلمت عليها برجه ورهشه شوي

قالت جدتي:



بسم الله على عقلي بشوي شوي

ماتدرين وش يقول الرسول اللهم صلي عليه!!!


يقول الرسول (((والذين يمشون على الخد هونا....)))

خخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخ
خخخخخخخ

<<<<الله يرجها ذا الداعية مهيب عاقلة عبدالعزيز آل شيخ خخخخخخخخ

تقصد الآية :

(((والذين يمشون على الأرض هونا وإذا خاطبهم ..........)))


تحيااااااااتي

[miss sudeer]

*@:


:eek:
:eek::eek:

[أمي الحصي]

*@:*@:

[بسمة فرح]

كبسه ولا اروع يعطيك العافيه حالم

[شريك المشاكس]

هيه يا الدلوعه


وش هالخمة التراثية الي نزلت عليتس فجأة :)


راح معشي الذيب منا طلعتي لنا منا


>> تراه ما كرها على تعليقات حويلم :)


ترفيع المواضيع ممنوع




ذكرت أعضاء الله يرجعهم لنا بالسلامة :(

[شوشة منفوشة]

يا شيف يا شيف يا شيف يا شيف يا شيف ************************>>> أنت شيييييف ما شاء الله عليك ..


ويييييييييييييين الصماط ؟؟؟


ورى الزرع مقطع لا يصر واحد منكم منتفه يحسبه حزمة جرجير ،، يقطع ويخلطه مع الرز !!!!!

[فهد المنيع]

وين طلعتوا ذا الموضوع منه !!

هذا ايام الشباب :(

[بسمة فرح]

شريك المشاكس

والله تو شيخ شمر داز لنا رساله معصب ويقول لا عاد ترفعين مواضيع قديمه

بس والله انا رفعته من اجل الذكريات ووش فيها اذا رفعنا مواضيع زينه مثل هالمواضيع

[بين السطور]

غغغغغغغغغغغغغغغغغغغغغغغغغغغغبببببببببببببببببررررر ررررررررررررررررر
غبر
حالم وشذا وتطلع بدون ما تعلمنا

[أم فيصل]

البنت الدلوعه ..

الموسوعه اللي سويت عشان الاطلاع بس :(

موب تجلسين ترفعين اشياء قديمه !!!!!

ترى بهون ماأكملها :(