ديوان الشاعر ( نياف)

[سعود الخليل]

لاتدور عشق ماباقـي عشاقـه=راح وقت العشق رد العلم عنـي
جاك وقتٍ زاد شره مـع نفاقـه=يستحي الرجال وهنه مأستحنـي
أشحن الجوال تـزداد الصداقـه=وإن رفضت تقول غيرك ممتحني
فيه غيرك مرسلن رقم البطاقـه=قبلهن بيتين شعـر؟؟ يشوقنـي
يشرح ضروفه ويطلبها علاقـه=يرتجي رده عيونـه يسهرنـي
أرسلت له رد في لطف ولباقـه=فيه كم ؟ وكيف؟ واسئلةٍ ؟ترنـي
وأهدته حرفين مع مليون باقـه=وأكتبت تعبير في شوق أنتظرني
وأنبسط مسكين وأركبته حماقـه=ثم سرى للربع يـاذاك وياعنـي
وقام يوصفها ويشـرح للرفاقـه=زينها وعيونها اللـي يذبحنـي
وردفها والصدر مع مدموج ساقه=وعودها ريان جاين لـه تثنـي
وقدها اللي لا متيـن ولا دقاقـه=وعمرها عشرين ما يوم انقصني
وفاهمه فالحب وعلومن رقاقـه=وطردت شخصين من شاني لاني
فاتحٍ فـي قلبهـا الفيـن طاقـه=وأدخلتني بينهـن ثـم سكرنـي
نعنبوا هالعشق يلعن هالطفاقـه=كيف صار الحب سلعة كل جنـي
مات دور العشق ماباقن عشاقـه=راح وقت العشق جاك العلم مني


رابط القصيدة في المنتدى (http://www.sudeer.com/vb/editpost.php?do=editpost&p=107379)

[سعود الخليل]

جاني يعاتبني وفـي عينـه دمـوع=
يخفي عذابـه والدمـوع أفضحنـه
يجمع قواه وكل مـا منـه مفجـوع=
كنً الخطى لحظـة مشـى يسبقنـه
مع حشرجت صوتٍ تقل غير مسموع=
ويجمع حروف العلـم مـا طاوعنـه
قامت تناقشني وانا اقـول مسمـوع=
ودي تخف دموعـه اللـي غشنـه
تقول جالك ولـف فالنـت وربـوع=
اللي على الياهـو هواهـن شكنـه
تحفظ رسايلهن بصندوقـك أسبـوع=
وترسل لهن من شعرك اللـي يبنـه
وانا جداي اللي على الخد جـن زوع=
وأنتـه تناظرهـن بشفقـه ومـنـه
ماكان ظني فيـك يلحقنـي الجـوع=
شـوف العواطـف ميتـه كلهـنـه
أول تقول إن الغـلا فيـك مطبـوع=
وأني غـلاك اللـي تبيـه وتظنـه
واليوم شفني جيت بجـروح مليـوع=
مليـوع وجـروح الهـوى لوعنـه
قالت وأبي ردك على النت مطبـوع=
تذكـر غـلاي اللـي بقلبـك تكنـه
قلت أبشري برضاك هدي من الروع=
اللـي تبيـن يصيـر منـه ومنـه
الله هداك أشفيك سويـت موضـوع=
والسالفـه مـا تستحـق المحـنـه
لكنً على شانك ابـا أولـع شمـوع=
في ملتقى الشعـار شـف نورهنـه
وأكتب لهـا عنـوان دلـوع دلـوع=
دلوعتـي جتهـن ويــا ويلهـنـه
لرضاك لوتبغين أسلم علـى الكـوع=
سلمـت انـا لرضـاك ياسيدهـنـه
بس الجفا والبعد وخصامك أسبـوع=
تكفـى طلبتـك تستخيريـن مـنـه



رابط القصيدة في المنتدى (http://www.sudeer.com/vb/editpost.php?do=editpost&p=106605)

[سعود الخليل]

لـــبـــســـتـــك الـــحــب

لبستك الحب في ثوبـه وجلبابـه=وأثرك خساره لقلبٍ يلتفت يمـك
ياقلب من صد تكفـى لاتشقابـه=لوكان غالي وحبه سار في دمـك
لايشغلك من نساك وغير احبابـه=لاتشتقي منـه لاخالـك ولاعمـك
الحب مايستوي مع نـاس لعابـه=تمشي بوجهين بين الناس وتذمك
منه أنتهينا وكلن سكـر ابوابـه=ودلوي جذبته قبل لايغرقه جمـك
بحاول ارضى بغيـرك وأتسلابـه=مادام حبي ليا مـن راح ماهمـك
وأنته بتلقى سواتك نـاس كذابـه=تسقيك من سمها وتذوق من سمك

رابط القصيدة في المنتدى (http://www.sudeer.com/vb/editpost.php?do=editpost&p=108066)

[سعود الخليل]

اخواني واخواتي

اعضاء منتديات سدير

متواضعه بحاجه لمعانقتكم

اتمنى ان تنال رضاكم

وهي.. للوطن..للوطن



دام جاء الجد فيضـي يامشاعـر=واكتبي من فيض نبعك والمحبـه
أصدحي بالصوت في روس المنابر=وأنذري من قـام شيطانـه يعبـه
لايوسوس له وتخدعـه المظاهـر=يجرفه تيار عاتـي جـوف غبـه
الخطـاء وارد ولكـنْ لانجـاهـر=من رجع قبل الخطاء ذنبه نجبـه
قـد تعلمنـا وصمينـا الدفـاتـر=ناهلين الدين كلـه مـن مصبـه
مايجـوز نشبـه المسلـم بكافـر=ولايجـوز نكفـره يؤمـن بربـه
والقتل عمدا مـن كبـار الكبائـر=والمعاهد يوم يقتل ويـش ذنبـه
وانشقاق الصف موت وشر دامر=منزل التحكيم حـذر مـن مغبـه
والشريعه شرعنا ماضي وحاضـر=وإن تشبهنـا بسيدنـا إنتشـبـه
نتبع أقوالـه وفعلـه بالمصـادر=عن أبي ذر وسعد وأتباع صحبـه
بالدليل أنقيم حجـه مـا نظاهـر=ولانفجر غافلٍ ن مـن دون سبـه
ولايزعزنا وضيع الخلـق حاقـر=صف واحد مثـل بنيـانٍ بصبـه
والوطن دونـه نمـوت ولانكابـر=من نواه بشـر مـا هبـه مهبـه
وارثينـه ورث كابرنـا لصاغـر=باشهب البـارود ماجانـا محبـه
: :
: :

النااااااااااااااااااايف




رابط القصيدة بالمنتدى (http://www.sudeer.com/vb/showthread.php?t=18391)

[عبدالله الصالح]

المشكله من نارها والثلجا= من نارها اللي بالحشا وهاجي
كن العسل من نارها ينثجا=يذوب شوق وينتثر ثجاجي
يدرج غلاها في حشايه درجا=نار الهشيم وجاءلها سراجي
والامريض مخدرٍ بالبنجا=بنجه غشاه وضاعت الابراجي
عليه من ريم المحازه حنجا=العاتق اللي معتدل ماانعاجي
كاسيه ليلٍ مظلمٍ مندمجا=مع شمس صبحٍ نورها منباجي
من الحرار الشقر عينٍ دعجا=موتي دنا لا نهضت بحجاجي
ومن البداوه دلها والهرجا=ومن الحضاره تكتسي بغناجي
القلب منها مالقي له ملجا=ياعزتيله ما لقي له لاجي

........
الناااااااااااااايف



رابط القصيدة في المنتدى (http://www.sudeer.com/vb/showthread.php?t=18692)

[سعود الخليل]

مادام تنشد عن همومي وسبتها=أبشر بعزك ببين كل الأسبابي
أعطيك موجز عن القصه وسيرتها=قدّام يكثر عناي وتكثر أنشابي
مع احتفاظي ببعض رموز شفرتها=في دسك مضغوط ماسجلت بكتابي
السالفه من بدت حتى نهايتها=الله وكيلك وجرح القلب ماطابي
عقب البطا جيتها شفقٍ لشوفتها=أسابق خطاي وجل القلب مرتابي
مدري وش اللي بقي لي من محبتها=مدري بقى ولف والاَ سد الابوابي
قلت أستثيره وحدد ويش غايتها=أهديه وردٍ يقدم بين الأحبابي
كان قبلتْ وردتي عرفت نيتها=وإن ماخذتها وضح ماكان لي غابي
قدمت خطوه وعيني يم نظرتها=أشوف فيها رضا والاَ بها عتابي
لمحت فيها خجل مع زود رعشتها=وأهديت ورده وعض الترف بالنابي
حسبي على الثلج ليه يعضْ شفتها =حسبي على النار ليه الثلج ماذابي
حسبي على الردف يوم يضيم مشيتها=حسبي على الردف يقصر ضاف الاسلابي
حسبي على النود لاهب وتقفتها=ياليل راع الهوى من حظه الهابي
أقفت وهي تلتفت تقصر بخطوتها=تغضي بنجلٍ هزعها طول الاهدابي

: :
: :
.................................................. ................
النااااااااااااااااااايف