المساعد الشخصي الرقمي

مشاهدة النسخة كاملة : قولي له انب احبه حيل ياجده


بنبان
11-04-2002, 01:53 PM
لا تقول ناسيك مهما طالت المده = وانا كتبتك على الخاطر وفي بالي

قولي له اني احبه حيل يا جده = وانه هو اول غلا وهو اخر الغالي

وانه هو اللي يمد الحبل ويشده = من كل عرق بقلبي يفتل حبالي

وانه هو اللي ينام الصبح في خده = والليل يصبح على شعره وينهالي

وانه هو اللي لبسني بالهوى قده = وانا لبسته دفا وبثوبي اسبالي

وان كان كل الغلا والحب ما سده = اعطيه تفويض في مالي وفي حالي

مهما يبي جاه لو ان خاطري ضده = لعيونه ابكسر الخاطر ولا بالي

وانا ادري انه يحبك حيل ياجده = وانا احبك وهو يدري وش ابالي


بنبان

سلطانه سعود
11-04-2002, 03:23 PM
روعه روعه روعه اخوي بنان
من زمان انت وينك
الله يعطيك العافبه
وتسلم
بس عندي سؤال القصيده هذي من نظمك انت ؟

بنبان
12-04-2002, 04:38 AM
الاخت سلطانه سعود مرحبا
القصيده من نظمي ويسعدني ان تكون على المستوى المطلوب
بس فيه شغله انا اسمي بنبان ولست بنان
وشكرا على مدح القصيده:)

أبو ريان
13-04-2002, 12:28 AM
وانه هو اللي ينام الصبح في خده = والليل يصبح على شعره وينهالي

فعلا اخوي بنبان القصيدة اكثر من رائعه وتسلم على الكلمات الرائعه 0 وننتضر المزيد