رسالة الى .............!!!

[عبدالله الصالح]

بسم الذي لايضر مع اسمه شيئ في الارض ولافي السماء:



فكري براسي والقلم شذرة السيف = ومادون حلقي غير زندي وكفي
يالابسٍ ثوبٍ من العشب ومريف = بعض الاشارة عن عباره تكفي
اسمع مدام الهرج مافيه تحريف = مع ان هرجي معك ماهوب شفي
الخالق الرحمن بالعين ماشيف = لكن مخاليقة على الأرض تكفي
الله عطاك العقل للعلم تصريف = واشوف عقلك للرذيله مقفي
هالك سرابٍ لاح في كنة الصيف = تطرد ورى شيهانةٍ بالتخفي
لاتحسب ان الوقت دايم لك مريف = الله كتب لك مع دفين التوفي
ماكل طيرٍ لحمته طعمها كيف = والوادي الملعون لازم يجفي
لبست لك ثوبٍ مطرز بتزييف = وعشب الوسم يجيه يومٍ يهفي
ان قاله الله لاطعن الطيف بالسيف = وارسم على قبرك مضاريب حرفي

[راعي الروضة]

لاتحسب ان الوقت دايم لك مريف=الله كتب لك مـع دفيـن التوفـي
ماكل طيرٍ لحمته طعمهـا كيـف=والـوادي الملعـون لازم يجفـي .................................................. ...........


عبدالله


صح لساااااااانك


أبومياااار


هل من السهل الحصول على الأبداع ؟


صدقني القصيدة رااااااااائعة جداً


وبجد


رااااقت لي كثيراً


خالي الحبيب


لاعدمت هالحضور الرائع .

وتقبل أجمل عبارات الأعجاب الدائم مني .

أخوك الصغير / راعــي الــروضـــة ؛؛؛

[عزيز]

أخي العزيز والغالي

عبدالله

وراء الأكمة ما وراءها

وأكتفي بالقول

إتق شر الحليم إذا غضب

دمت رائعاً كما أنت دائماً

كل الود لك

عزيز

[عبدالله الصالح]

راعي الروضة



هلابك والله ياخال



وصححح بدنك



والروعة نرتويها من منبعك العذب



لك مني كل الود

[عبدالله الصالح]

عزيز



هلابك والله



كلك ذوووووق




وتلقطها وهي طايره بس الدعوا عوافي انشاء الله





لاهنت على مرورك




لك مني كل الود

[سمسومه]

لاتحسب ان الوقت دايم لك مريف **** الله كتب لك مـع دفيـن التوفـي

صح لسانك ياشاعر سدير

وربي دائماً أوقف عند كلماتك حايره

لأني مهما مدحت أحس بالتقصير

وبعض الصمت أبلغ من كلام وأنا أكتفي به ( ...........)

كل التوفيق والسعادة أتمناها لك يا الغالي على قلوبنا ....

وتقبل خالص تحيات أم تميم ....

[سعد القاسم]

ثصيده كلها حكم ايه يااطويل العمر هذا الي يستاهل ينشد وانا اخوووك اقووول اخوي ابو ميار ... هاه وش رااايك نبدابها عقب ماخلص حق ابو راين لك الخيرا واللخ جميله جدا...
فهل تسمح لنا ....؟؟؟ اتمنى انك فهمتني خخخخ

[همام]

كلها رائعة يا عبدالله ما أقول إلا الله يوفقك

[الأم الحنون]

الأستاذالفاضل عبد الله الصالح

بارك الله فيك ...رساله قيمه جزاك الله كل خير


لاتحسب ان الوقت دايم لك مريف
الله كتب لك مـع دفيـن التوفـي

[أبو ريان]

ابو ميار قصيدة يجب ان نقف لها احتراما وتقديرا من شاعر متمكن يجيد صياغة الحروف بقلم لا يفهمه الا شاعر بمحتواه وانت انشدت فأبدعت وكتبت وتميزت والمعنى لا يحتاج الى تفسير فالقصيدة واضحة المعاني والكلمات فيها تنم عن شاعريتك وفقك الله في ما كتبت وقد اعجبني هذا البيت وما يحتويه من معنى


الله عطاك العقل للعلـم تصريـف
واشـوف عقلـك للرذيلـه مقفـي
هالك سرابٍ لاح في كنة الصيـف
تطـرد ورى شيـهانـةٍ بالتخـفـي




واحب ان اهديك هذه الابيات اعجاب بما كتبت ولك مني كل تقدير واحترام اخوك ابو ريان


لك يا دفين الجـرح ارسل مظاريف
مضمـونها يا صـاحبـي مـا يخفي
ويومك كتبت الشعر ما فيه تحريف
واشهد شهادة حق شعرك يوفي
شعر كتبـته مـاورد فيـه تصـفـيف
واعرف ترى بالشعر شفك وشفي

[ابو عبد العزيز]

الله عطاك العقل للعلـم تصريـف
واشـوف عقلـك للرذيلـه مقفـي
هالك سرابٍ لاح في كنة الصيـف
تطـرد ورى شيـهانـةٍ بالتخـفـي




روعه

[بحر الهوى]

الاخ الفاضل عبد الله الصالح
لك مني كل التحيه والتقدير على القصيده الاجمل من رائعه
تقبل مني خالص تحياتي