راعي الروضة
23-03-2005, 04:40 PM
(( ثـقــل الـحـمـول ))
أيه يكويني فراقك بس مافي اليد حيلة=دامك أنت اللي تبي الفرقا فلا عندي حلول
كل خيطٍ لك يوصلني جعلته لي وسيلة=مابقى غير العذول استعطفه يصبح رسول
قلت يا ذا .. خبروه أنى فلا أدور بديله=بس ما فاد الصعود .. ولا انتفعت من النزول
شلت لجل أرضيك حملٍ صعب غيري لك يشيله=لين صارت نفس من يغليك لحمولك ذلول
اصطبرت لما يسرك .. عاشقٍ دلل خليله=لجل عينك عاسفٍ قلبي كما عسف الخيول
احتمل هزلك وجدك .. وامشي دروبٍ طويلة=وابتسم لوي حزين .. ولاشتكي ثقل الحمول
واهتني ساعة هناك .. ولوتحت رجلي مليلة=والله أني ما اترك محاكاك والهرج معسول
ودام هذا ما شفع لي .. صدق مافي اليد حيلة=والله يعين العمر لاصار زهـره في ذبــول
راعـي الـروضـة
13 / 2 / 1426هـ
أيه يكويني فراقك بس مافي اليد حيلة=دامك أنت اللي تبي الفرقا فلا عندي حلول
كل خيطٍ لك يوصلني جعلته لي وسيلة=مابقى غير العذول استعطفه يصبح رسول
قلت يا ذا .. خبروه أنى فلا أدور بديله=بس ما فاد الصعود .. ولا انتفعت من النزول
شلت لجل أرضيك حملٍ صعب غيري لك يشيله=لين صارت نفس من يغليك لحمولك ذلول
اصطبرت لما يسرك .. عاشقٍ دلل خليله=لجل عينك عاسفٍ قلبي كما عسف الخيول
احتمل هزلك وجدك .. وامشي دروبٍ طويلة=وابتسم لوي حزين .. ولاشتكي ثقل الحمول
واهتني ساعة هناك .. ولوتحت رجلي مليلة=والله أني ما اترك محاكاك والهرج معسول
ودام هذا ما شفع لي .. صدق مافي اليد حيلة=والله يعين العمر لاصار زهـره في ذبــول
راعـي الـروضـة
13 / 2 / 1426هـ