راعي الروضة
08-04-2005, 11:28 PM
هذه إحدى المساجلات التي تمت بيني وبين الشاعر/ صالح بن حسين التمامي كل المنى تحوز على رضاكم .
قصيدة / صالح التمامي :
(( بــوح الخـفـايــا ))
آه .. آلا .. وين ابلقا من نهبني وراح=صرت عقبه أسير بين همٍ وآه
رحت أدور عساي ألقاه سيد الملاح=لجل جرحي مع اللي رحت أدور دواه
ما لقيته وقلبي ماسلى واستراح=قلت شفلك بديله قال مارضى سواه
وكنت رايح بجرح وجيت كلي جراح=وقلبي اللي تحطم شفت كلٍ نواه
ذكرياتي وهمي والسهر للصباح=آه .. آلا .. ويل قلبٍ كل حزن احتواه
ومن يلوم المولع لا تهيض وصاح=وعبرته لوقواها .. دمع عينه قواه
يذرف الدمع لامن طيف من حب لاح=كم شكى الخد ياما دمع صادق كواه
يا بومازن عضيدك للخفيات باح=قلت وشفيك ناح والسبب من هواه
كنت مرتاح قبله وزادني بارتياح=والغصن ما يعرفه غير منهو لواه
وشفت عقبه من اللي قلت والحظ طاح=آه .. آلا .. كيف ابنسى من خفوقي رواه
يا بومازن نصيتك ما نفعني كفاح=والصبر مل مني والزمن ما طواه
قل وش اللي ترالي الغلا غصب فاح=مثل نخلٍ تشوفه البداية نــواه
الشاعـر / صالح بن حسين التمامي
1 / 12 / 1424هـ
الرد / راعي الروضة :
(( كاس العوافي ))
القلم لك تعـبّـر والحبر منه ساح=دون مدري لقيت الطرس دمعه ملاه
كل حرفٍ كتبته هزني باجتياح=قام يلعب بفكري بين ارض وسماه
قمت اعدل وابدل في مضيق وبياح=واتلمّس لجرحك طب يشفي عناه
ودي أسقيك من كاس العوافي قراح=مابي العلم يمشي فالطريق بعماه
يوم هم الليالي للرفيق استباح=صاح لي يا بومازن قلت كلي فداه
ذكرياته وهمه كنهن الرماح=يسهر الليل منهن والحشا به غضاه
والليالي يديها للهواوي شحاح=وارثاتٍ من الشعب كل مانع عطاه
كم وكم علـقـنـّا ما عرفنا مراح=ماشكيته رفيقك يا رفيقي شكاه
ومن يحاربه نومه ما نفعه انسداح=دام فكره وقلبه قافيٍ من رماه
ويوم أنا أنشدك ناحف مانشدتك مزاح=والرجل ما يضره طول ضلعٍ رقاه
واسترح لا تعنـّا لكل قنصٍ سلاح=وأنت للنزل مارد منك يروي ضماه
والسمك فالبحر صعبٍ يعمه صلاح=فيه شيٍ يـقـلـقـل .. وابه شيٍ بلاه
راعــي الــروضـــة
5 / 12 / 1424هـ
قصيدة / صالح التمامي :
(( بــوح الخـفـايــا ))
آه .. آلا .. وين ابلقا من نهبني وراح=صرت عقبه أسير بين همٍ وآه
رحت أدور عساي ألقاه سيد الملاح=لجل جرحي مع اللي رحت أدور دواه
ما لقيته وقلبي ماسلى واستراح=قلت شفلك بديله قال مارضى سواه
وكنت رايح بجرح وجيت كلي جراح=وقلبي اللي تحطم شفت كلٍ نواه
ذكرياتي وهمي والسهر للصباح=آه .. آلا .. ويل قلبٍ كل حزن احتواه
ومن يلوم المولع لا تهيض وصاح=وعبرته لوقواها .. دمع عينه قواه
يذرف الدمع لامن طيف من حب لاح=كم شكى الخد ياما دمع صادق كواه
يا بومازن عضيدك للخفيات باح=قلت وشفيك ناح والسبب من هواه
كنت مرتاح قبله وزادني بارتياح=والغصن ما يعرفه غير منهو لواه
وشفت عقبه من اللي قلت والحظ طاح=آه .. آلا .. كيف ابنسى من خفوقي رواه
يا بومازن نصيتك ما نفعني كفاح=والصبر مل مني والزمن ما طواه
قل وش اللي ترالي الغلا غصب فاح=مثل نخلٍ تشوفه البداية نــواه
الشاعـر / صالح بن حسين التمامي
1 / 12 / 1424هـ
الرد / راعي الروضة :
(( كاس العوافي ))
القلم لك تعـبّـر والحبر منه ساح=دون مدري لقيت الطرس دمعه ملاه
كل حرفٍ كتبته هزني باجتياح=قام يلعب بفكري بين ارض وسماه
قمت اعدل وابدل في مضيق وبياح=واتلمّس لجرحك طب يشفي عناه
ودي أسقيك من كاس العوافي قراح=مابي العلم يمشي فالطريق بعماه
يوم هم الليالي للرفيق استباح=صاح لي يا بومازن قلت كلي فداه
ذكرياته وهمه كنهن الرماح=يسهر الليل منهن والحشا به غضاه
والليالي يديها للهواوي شحاح=وارثاتٍ من الشعب كل مانع عطاه
كم وكم علـقـنـّا ما عرفنا مراح=ماشكيته رفيقك يا رفيقي شكاه
ومن يحاربه نومه ما نفعه انسداح=دام فكره وقلبه قافيٍ من رماه
ويوم أنا أنشدك ناحف مانشدتك مزاح=والرجل ما يضره طول ضلعٍ رقاه
واسترح لا تعنـّا لكل قنصٍ سلاح=وأنت للنزل مارد منك يروي ضماه
والسمك فالبحر صعبٍ يعمه صلاح=فيه شيٍ يـقـلـقـل .. وابه شيٍ بلاه
راعــي الــروضـــة
5 / 12 / 1424هـ