المساعد الشخصي الرقمي

مشاهدة النسخة كاملة : مفاجئه للاعضاء المتميزين 0


أبو ريان
27-04-2002, 03:47 AM
الاخوة الاعزاء اعضاء منتديات سدير ارجو منكم الاطلاع على القصيدة فهي للاعضاء المتميزين في المنتدى 0

بدينا صفحه الترحيب نقـول آبيات مكـتوبه == لكل اعضاء موقعـنا سلام يشـرح الخاطـر
الى مني ذكـرت سدير مشرف نتـبع دروبه == وهو يـبذل المجهود طول الليل هـو ساهر
اتيكا هـو يـجيب العلم وهـو للصيد مـندوبه == وهـو للبر والـرحلات وللمكشات هو قاطر
ولو يذكر ربيع وخير طلوع الصبح برقوبه == ولو يذكر ربيع تميرنعـيش بجـوه الماطــر
والى ذكرالجريوي قيل عساه ينال مطلوبه == يفوح الطيب بوجودة يعط بـريحه الفاخـر
مسافر طالت الغيبه وكتبت آبيات مسحوبه == ربابة عزفها بركود وصوت يطرب السامر
بعـد غياب أقول اليوم عساها زالت الحوبه == مواضيعك تخص سدير علوم تسعـد الناظر
دفين الجرح لك تقـدير وبالفنجال مصبوبه == دله زعفران وهيل وعلى الموعـد آنا ناطـر
أمير العشق يا لغالي فـداك الـفين مركوبـه == مجاهـيم و مغـاتـيـر فــحـل مع ناقـة فاطـــر
لقيت الصارم المسلول لـقـيـته حـازم ثـوبه == أقول اشفيك متحمس وهدي اللعب ياشاطـر
والى منه ذكر شقران قلت العـفـو والـتوبه == حـرا من نـسل حـوران يـنادب حظـه العاثـر
ابو مشاري كريم أفعال وليتي اتبع أسلوبه == هـدايا للحظـور كـثار ومن فـتـرة وآنا خابـر
ولبو تـميم اشـواقي ومن يـنساه والـكـوبه == عسى الله يذكرة بالخير ولجل سديرهوصابر
والى من قلت سيرينا خفـيفة ظـل رعـبوبه == تراسـلنا مـن الدمام ونـسمع صـوتها العابـر
ضوت لي شمعه بسديرطول الليل مشبوبه == لجل مـن يـطلب التعلـيم بها ويـجـد ويــثـابر
من هجرس تحيات وكاس الجـود مشروبه == لجـل سـدير وهـل سدير يزهى بجوة الساحر

ربى الجنان
27-04-2002, 03:58 AM
الف الف شكر لك اخوى هجرس



:D :D
رعبوب رعبوب ....

ربى الجنان
27-04-2002, 04:40 AM
الان فهمت قصدك ....
اااااسفة صرت بطيئة فهم ...
يعنى الاعضاء اللى كتبتهم هم المتمزين ...
طيب من ساعدك فى اختيارهم ؟؟

أبو ريان
27-04-2002, 04:45 AM
يكفي اني اشاهد مشاركاتهم واقيمها بنفسي ما يحتاج مساعدة

ربى الجنان
27-04-2002, 04:46 AM
:D :D :D

أبو ريان
27-04-2002, 04:55 AM
:rolleyes:

شمعة سدير
27-04-2002, 02:02 PM
بارك الله فيك أخي هجرس بن كليب

كلمات ولا أروع لا فض فوك

الثمــــين
27-04-2002, 02:28 PM
أفا نسيتنا


:eek:

;)

أبو ريان
27-04-2002, 04:34 PM
الاخت شمعه سدير شكرا على المتابعه 0
الاخ سنام الاسلام والله اني حاط لسته كامله للاعضاء بس خانتني الذاكرة ومعليش حقكم في البايت مهوب في الفايت 0 نعوضك انشاء الله في القريب العاجل 0

الجريوي
27-04-2002, 11:39 PM
تسلم تسلم يابو ريان إبداع ما بعده إبداع ...

ومهيب غريبة عليك يابو العلوم الطيبة ، والله يقدرنا على خدمة منتديات سدير الغالية ...

أبو ماهر
28-04-2002, 11:02 PM
.

يعطيك العفية اخوي هجرس وماقصرت وشكلك جلست ايام في نضمها اقول كم جلست في نضمها00

أبو ريان
29-04-2002, 12:10 AM
تبي الصراحه خذت معي يومين متفرقه

هبوب الشمال
29-04-2002, 01:19 AM
مشكور هجرس ابن كليب والله يجعلها في ميزان حسناتك

أبو ريان
29-04-2002, 07:52 AM
تسلم هبوب الشمال وياليت كان تسجيلك معنا بدري كان اضفناك مع الاعضاء المتميزين بس ماعليه نعوضكم في مرات جايه انت وسنام الاسلام تراة زعلان يقول اني ناسيه 0

بنت نجد
29-04-2002, 05:12 PM
مشكور أخوي هجرس على القصيدة الجميلة وننتضر منك جزء ثاني للأعضاء اللي ماذكرتهم

أبو ريان
30-04-2002, 01:30 AM
مالك الا طيبت الخاطر يا بنت نجد وانشاء الله في الجزء الثاني انتى على راس القائمه 0

السلمان
01-05-2002, 08:19 AM
ياليتني سجلت ابكر شوي ......... قهــــــــــر

لكن والله قصيدك حلــــوه وعز الله ان الاخوان بيشدون همهم ويتفاعلون مع المنتدى زود عقب هالقصيده الرائعة
وصح لســانك يا هجرس بن كليب

شقران
01-05-2002, 02:16 PM
مشكور يا هجرس تبي الصراحه قصيدتك رجعتني من جد انحرجت:o

كان ودي اكتب فيك قصيده بس بصراحه ما قدرت لانك اكبر قصيده<< لا تصدق ههههههههههه

أبو ريان
01-05-2002, 06:02 PM
انشاء الله اعد الاخوان الذين لم يتم ذكرهم بالقصيدة بالكتابه مرة اخرى في قصيدة مماثله وعلى راسهم 0
سنام الاسلام
بنت نجد
السلمان
هبوب الشمال
ملك الظلام
ابو منذر
ابو يارا
خالد سدير
الغلا
دعلوج
//////////////
وذكروني اذا نسيت احد 0

الثمــــين
01-05-2002, 06:06 PM
:( :( دايم تنساني ياهجرس :( :(

والا ماحسبتوا لي مكان بينكم :rolleyes:


:mad:


:mad:




:p بانتظار الجزء الثاني ;)

أبو ريان
01-05-2002, 06:18 PM
والله ما نسيتك يا سنام الاسلام وسبق ان قلت لك اني راح اضيفك مع المجموعه الباقيه ولاتزعل يالغالي;)

شقران
01-05-2002, 06:51 PM
اخ هجرس ابي الله لا يهينك قصيده كامله في ملك الظلام والله انه رجال سنافي ويستاهل

أبو ريان
02-05-2002, 02:55 AM
اجل تبي قصيدة في ملك الظلام بس تعال كم تدفع واحط لك فيه قصيدة هجاء يحبها قلب قلبك
:D :D :D

ملـك الـظلام وفـزعـته بالمخاشيـش === ولـو هو تلـقى منـزوي مايـشـيله
لا من نغزت الفيش ما فيه تشويش === نورا كسيف وعـز مـن يرتجـيله
عدا على النقطه وعدا على التـفـتيش === واجحربخوف ورا طعس ونثيله

الله يسلط عليك يا شقران حديتني على الهجاء والله كان ودي امدحه بس بصراحه هذا اللي جا في بالي ساعته

ملاك الظلام تراها من سوايا شقران هو المتسبب الوحيد 0
شكلك والله بتحقد على عقب هالبيتين 0 على فكرة انا مثل اللي يقلد شخصيات ما ينزعل منه 0
:p :p :p

911
03-05-2002, 10:00 AM
;)

الثمــــين
03-05-2002, 01:29 PM
مشكوووور أخوي هجرس :)


وشكرا على تعديلك للأسماء :D وماشاء الله حطيتني الأول :D


شكرا

فتى سدير
15-05-2002, 12:52 PM
هلا والله بصديقي هجرس وراك الله يهديك اذا كنت نسيتنا فترانا مانسيناك

لاكن والله انت عارف اخوي هجرس الكليه ولا القى وقت اني اكتب مواضيع ولا اشارك كل ها الايام دراسه واختبارات

على العمووم اتمنى للجميع التوفيق,,,, وشكرا,,

اخوكم فتى سدير:rolleyes: