المساعد الشخصي الرقمي

مشاهدة النسخة كاملة : وان مت يابياتي ولا احدن بزاني .. لاتتركيني ضعاف ولا جزيله


ذيب المحمل
07-05-2005, 05:49 AM
السلام عليكم ورحمة الله وبركاته..

يسعدني ان انشر اول قصيده لي في منتداكم ..

متقبل انتقاداتكم بصدر(ن) رحب..

اترككم مع القصيده......



غالي وهجرني مير ربي عطاني = صبرٍ على الهجران والله وكيله
بابكي عليه اسنين والا ثواني=بابكي لين القلب يشفي غليله
اصبحت منه انوح ليلي واعاني = (وافرك يديه وين بلقا بدــيله)
واشيل همي ليه خلي جفاني =كن الفلك والكون همٍ بشيله
كني مثل من سار بالليل عاني = وابطا عن عياله ليالي طويله
حتى لقو جثمان صعبٍ تباني = مبطي عليه الدود محدٍ يزيله
ولولا وجود السيف والخيزراني = دلت عليه ان كان مابه دليله
لو كان حزن عياله اللي طواني= إن كان هانت يوم حزني مثيله
كن القهر والضيق جيش غزاني = له عدة وسيوف سلت صقيله
واجهت جيش الجور شوف العياني = كيف اغلبه ياناس ولا ني عديله
وكني شجاع قرم ماهو جباني=تشهد له الهيجاء بقدح الفتيله
فارس عزيز النفس زين المعاني = خاض الحروب وذاق يوم الرذيله
أصبح اسيرٍ بعد عزه يهاني = ومات بقهر من جور خصم القبيله
استحكمت بالضيق والله بلاني = عساه بعد الضيق يفرج سبيله
اليا غشاني الليل هم غشاني= وان بان نور الصبح غمي يحيله
وأنا اتقلب بين همٍ قواني=وغمٍ يجيني مر والا بجي له
حالي تدنت دون حد الدواني=امن القهر وعظام جسمي نحيله
ملزوم منه أشوف عشري ثماني=وتبقى الثواني بين موتي قليله
# حزني حزن عودٍ عجوزه تعاني = عود وعجوز وشاة شاة هزيله
الشاة رأس المال والذيب داني =والعود شاف الذيب مامنه حيله
حتى هجم هالذيب ماله ضماني=يفرس عجوز وشاة ثم اتهني له
ومرت ثلاث أيام والعود فاني =موووت الجزع قد ذاق ياعزتي له#
كما دليل النار شوف الدخاني =أنا دليلي ليل يكثر عويله
وآخر علاجي كي خلي كواني = لكن بعد هالكي طحت بثميله
وكأس الحلا معدوم خلي سقاني= من كأس مر يدي غصب تهوي له
مانيب هاوي الضيم لكن هواني =وتفعل بي الأيام سو الفعيله
حسبي على اللي جار يومه نواني=وسط الحشا مجروح زود مسيله
لا مهتني ولا نوم ساعه غفاني =جيله عديم احساس لا عاش جيله
يكفي ياقلب هموم تكفى كفاني =لا تنتظر ياقلب وقع الهويله
حاولت ارد القلب لكن عصاني =يبي هموم احزان قلبي فهي له
* يا صاحبي للموت ليه تحداني = ليه تبتغي لي الموت بأية وسيله
وش صالحك لو بت حدر الدفاني =ترضي عذول جاك نفسه ذليله
العاذل ابن فلان وابن الفلاني = ما ينفعك حساد مابه فضيله
(( جزا وفاي ألقاه يوم تهجاني = باشكيك أنا لشعر راعي الجميله))
يا بيات شعري كان خلي نساني=انتي عزاة القلب وانتي عميلة
يا بيات شعري كيف خلي جزاني=جزا الوفا بهموم متني ثقيله
يا بيات شعري دوك حالي تراني = اغسل فراش النوم دمعي غسيله
يا بيات شعري حار جفني وشكاني =ما ذاق نوم الليل حتى مقيله
يا بيات شعري كيف محدٍ رفاني=ولا حدٍ فزع لي بكشف ذيك الجليله
يا بيات شعري ردني ما بغاني = وألبس ثياب الموت بعد الفشيله
يا بيات شعري كيف ماكان كاني=كيف العمي بيخون قلب وفي له
يا بيات شعري كيف حبه عماني=نفسي كريمه مير نفسه بخيله
يا بيات شعري صحت مما دهاني =يومه خدع وانزل بقلبي نزيله
يا بيات شعري ليت عاش بمكاني=لحظه عساه يذوق بالويل ويله
يا بيات شعري ليت يرجع زماني =وأميل عنه القلب والله لا ميله
واصلاه أنا بالنار يومه صلاني =وازود له بالموت كيلٍ بأكيله
يا بيات شعري كان خلي شواني =بنار الجفا يا بخت منهو شوي له
من حب شاف الموت والا الجناني=قاله حكيم الناس ولا خذت قيله
طاح الجواد وطحت وأفلت عناني=واشهر سيوف الموت خلي سليله
يا بيات شعري صابني ما شقاني=والقلب شاف الموت مر ورضي له
يا بيات شعري موت خلي خذاني=واليوم أشوف القلب قرب رحيله
يا بيات شعري يوم خلي رماني=بكلمته قد صاب روح عليله
والحين أذوق الموت لو صاب ثاني =ماضر صلخ الجلد نفس قتيله
وإن كان بعد الموت محد بكاني= هلي علي دموع عينك هميله
انا قتيل اليوم والخل جاني =يا كيف خل اليوم يذبح خليله
بأصير قصة حب كل رواني =والا مجلد بعد كل روي له
ويصير عنواني قتيلك(( )) =ومن الفرات يصاغ إلى حد نيله --------------------

القرم
07-05-2005, 09:41 AM
صح لساااااااانك ........... وماقصرت اخوي ذيب المحمل .......

وياهلا وغلا فيك ........

سعود الخليل
07-05-2005, 01:17 PM
ذيب المحمل



ماشاء الله تبارك الله ....


صح لسانك يالغالي على هذه الرائعه ...

أبيات رائعه وحبك مميز ...


ننتظر منك المزيد والجديد ...


لك الود ...

عبدالله بن سعود
09-05-2005, 07:27 AM
الشاعر ذيب المحمـــــــــل
قصيدة جميله
وحضور بهي
وهذا يدل على شاعرقادم بقوة
وسوف نستمتع بطرحك
إن شاء الله
وننتظر ابداعـك القادم
..
.

صح لسانك

القيصـــر
09-05-2005, 10:36 AM
السلام عليكم


ذيب المحمل قصيدة رائعه
كروعة حضورك

إن لكلماتك عزف جميل على أوتار الحب والرومانسية
نثرتها لنا على شكل سطور ألماسية
يلمع بريقها في أرجاء القسم الأدبي
أخي الغالي إن لشعورك فيض جميل
ولقلمك تميز رائع ... ولذوقك رونقآ خاص لايعرفه سوى من يحب .

تقبل ... إعجاب القيصـــر بقصيدتك .

النبع
09-05-2005, 10:19 PM
مشاء الله عليك يالذيب قصيده حلللللللللللللوه

ياذيب يالي هاضني ب شعره مع احترامي للشاعر ..............

جورية
10-05-2005, 07:52 AM
اخي الشاعر الكبير ذيب المحمل

تحية اجلال واكبار اقدمها لذوقكم الرفيع

صح لسانك وتسلم يمينك

وبانتظار المزيد من الابداع والقريحة الدفاقة

وقف ووادعني
25-12-2006, 03:26 AM
قصيده جميله...


وصح لسان الشاعر ..

شـمـ إمرأة ــوخ
25-12-2006, 06:28 AM
تقف كلماتي .. أعجاب لهذا التدفق الشاعري..
والذي لايمتلكها الاشاعرا يستحق كل
كلمات الاطراء والاعجااااب ..


يابيات شعره خبريه أن الى مثله يفوق الوصوف ..
خيالـــ تقف له كلمات المعاني .. و تنتظم له الحروف ...

يشبكها يزينها يلعب بها وتزين العلوم ..
يغوص البحار ويعانق السحاب ...

ويخرج لنا المنكون ... ويصورلنا المجهولـــــ
بسياق يتلئلئ كأنه عقدا من الماس ...

][®][^][®][...ذيب المحلــــــــ ... ][®][^][®][

أنت أستاذنا هنا أشكر لك تواضعك بأن تطرح قصيدتك
تريد منا أنتقادهااااااااااا ومن نحن ؟؟

طبعا بأستثناء شعرائنا الفضلاء هنا فلهم مكانتهم ولهم نظرتهم الشعريه التي
تتوافق مع ميولهم ..
شاكره لك حضوركــــــ الرائع هنا ..
ونتتظر جديدكـــــــ

( عابرة سبيل )
25-12-2006, 02:52 PM
::

:


شاعرنا ( ذيب المحــل ).. اطربتنا بـ هذه الابياتـ..
المتكاملـــه ..
عالم من المعاني .. وجسور من الانغام ..
تختال عليها الاحرف ..
عيني عليك بارده ..
استمر لا هنت .. ولا تنسانا من لوحاتكـ المميزه ..
اتمنى عوده ( قلمكـ ) لنا ..

::
:

تحيتي المعطرهـ.

:
:

اختــك // دمعة ألــم

وارث الطيب
26-12-2006, 02:13 AM
ذيب المحمل ... ياهلابك وغلا والدار دارك يا الطيب

ابيات معبره ومعاني جزيله ووجدانيه كتبت بقلب ووصلت للقلب
لا اجد في قصيدتك الا العذوبه والجمال ولايوجد لي ملاحظات سوى اثنين فقط
لا تنقص من روعة الابيات وهي

* يا صاحبي للموت ليه تحدانـي ....ليه تبتغي لي الموت بأيـة وسيلـه

هنا الشطر الثاني فيه كسر ولو قلت .. موتي على أيدينك وصدّك وسيله

الامر الثاني تكرار القافيه(له) مثل وفـي لـه ,تهوي له ,ورضي له , وغيرها

ناصر الحنو
26-12-2006, 04:56 AM
هلابك ياذيب المحمل
وياهلا بعطر تواجدك
وياهلا بحضورك المشرق جمال

مصافحة ابداع
واطلالة بهاء
وحضور اول نسعد ونتشرف به

صح لسانك ولاهنت ياغالي

اوافق اخي وارث الطيب من ناحية تكرار القافيه
واخالفه من ناحية الكسر
فالشطر لاارى به كسر

كل الحب والتقدير

اخوك ناصر
ظماالعشق