قصيدة الوالد سعد بن سريع

[سليمان بن سريع]

اليكم أحبتي مشاركتي الأولى معكم اتمنى ان تكون بداية خير وان تجدون عندي ما ينال اعجابكم

البارحه ساهر والقلب يجتالي = ما هملجة حيث صالي القلب صاليها
يالله ياخالقي من مدك اسالي = تجيب لي دعوة يالله داعيها
وتيسر امري بفضل منك يا والي = وتكون عوني على حا جاتي اقضيها
درت الفكاير وقست الناس في الحالي = كل على ما جراله راغب فيها
دنياً تشيب الوليد بهول وهوالي = قامت تخبط ولا ادري ويش تاليها
ترثع على الناس تطى خبط وجفالي = سبحان رب على ها لامر مجريها
من يوم ربي خلقها اقفاي واقبالي = دوالين بين اهلها لين تفنيها
واحد مشت في هواه براحت البالي = مطيعة له ورب البيت هاديها
ما نيب طرب على زينات الامثالي = لاشك من عبرة بالقلب كاميها
شيبت قبل المشيب ونشت الحالي = كن ابو صيخان( بالقدوم) باريها
متهيض يوم اشوف الدوب بعيالي = مثل القرافيش مع شاويٍ مخليها
جوعى وعريا ولا لي حيل احتالي = الا على الله نفوس ما يخليها
الله على العيس عيس تقطع الالي = ضباط للشيل ما شد الصعب فيها
نرحل عليها لعل الهم ينجالي = ونفارق الصاع والوزنه وطاريها
ما عاد لي في قرايا نجد مزالي = لعل وبل الحيا والصيف يسقيها
دارٍ على دين رب واحد عالي = من مات منا لعله ميت فيها
صبرت يا دار ما بي فيك الابدالي = وكل المراجل علشانك مخليها
ما باقي الا يقال ان القصر خالي = غايب وانا ملبد بقصى موازيها
هذا العذر منك خليني على فالي = عن مقعد الذل نفسي فيك قاصيها
من قبل نرحل لهاك الدار عزالي = نفسي ضعيفه واخاف ابليس يغويها
لاهل الكياخين واهل الفسق مدهالي = الحق مخذول والباطل ضهر فيها
ما ومر فيها بكلمة حق وعدالي = الا عمل كل فسق شايع فيها
يا مرسل الماء على اسماعيل بالحالي = وامه تردد ونزع الموت حاديها
عجل فرجنا بنوٍ يشعل اشعالي = مزنة خريف والي البيت منشيها
تنثر مطرها وفيّ الظهر ما زالي = لين البطاحي تضيقها مجاريها
ويطيب نومي اذا قيل النخل سالي = وجم الركيه تعلى في مطاويها
وصلاة ربي عدد ما هل همالي = على نبيه عدد ناشي نواشيها

[بن جعيثن]

سعد بن سريع ...

ماغيره اللي جا في شريط ناصر الراجح ...

ودنا بنبذة عنه حيث الرجاجيل ودك تعرف سواليفهم ...

ولاهوب أي رجاجيل ...

سعد بن سريع ...

رجل من الطراز الأول ...

أتحفنا عنه يابن سريع ...

ونحن لك من الشاكرين ...

[القيصـــر]

السلام عليكم



سليمان بن سريع ... سلم بنان والدك الغالي على هذه القصيدة الرائعه .. كم تمنيت أنني لم أنتهي من قرأءه تلك القصيده التي لم أقرأ مثيلها منذ زمن طويل ..!!


سلمت على نقل هذه القصيده ... وصح لسان والدك ..!!



القيصـــر

[سليمان بن سريع]

ابن جعيثن
اسعد الله جميع اوقاتك
وطلبك مجاب وعلى العين والراس

سعد بن سريع

هو سعد بن سريع بن سليمان بن عبد الهادي من آل طفيل من آل براز من الرجبان من الدواسر

ولد عام 1303هـ وتوفي عام 1403هـ رحمه الله وهو أميرا لجماعته وامير للمعشبه التابعه لمنطقة سدير وهي غرب روضة سدير وتبعد عنها بحدود 20 كم

عرف عنه رحمه الله الالتزام والورع وحب الخير والحرص الشديد على امور دينه- كان كريما متواضع وبشهادة من حوله في قريته والقرى المجاوره له

ابتلي فصبر واعطي فشكر

فقد توفي له 8 من الابناء والبنات في شهر واحد فكل ما توفي واحد منهم ذهب للمسجد قبل ان يخبر احد ثم صلي ركعتين 0 وخرج واخبر جماعته

وعوضه الله خير ورزق بعدد ابنائه وبناته وسمى عليهم جميعا كتب عنه وحول قصيدته آنفة الذكر في جريدة الرياض وتم التعقيب من قلبي عليهم ومن ثم جاء تعقيب ثالث وجميعها موجوده وسوف ازودكم بصوره منها

كتب عنه الثميري في كتابه عن التراث الشعبي


ويكفي ان اقول لكم انه عاش مائة عام لم يكتب بيتا واحد في الغزل وله العديد من القصائد التي تحمل المعاناة بجميع اركانها واشكالها

له من الأبناء الأن 6 اربعة اولاد وبنتان

احمد وهو رئيس مركز المعشبه

وناصر وسريع

ومحدثكم آخر العنقود كما يقولون


هذه نبذه قصيره عن الشاعر سعد بن سريع اتمنى ان اكون وفقت فيها

[بن جعيثن]

مهوب هو اللي ذكر في الشريط ...

قدم عشاء عياله للضيوف وخلى عياله بدون عشاء من كرمه الزائد ...

الله يرحم أيام زمان ...

لكن البركة بعياله إن شاء الله ...

[سليمان بن سريع]

اشكرك اخوي القيصر


وصح بدنك ولا هنت

[سليمان بن سريع]

اخوي ابن جعيثن


الا هو اللي ورد ذكره بشريط


وجزاك الله خير على دعائك

[سلطان العضيدان]

دنياً تشيب الوليـد بهـول وهوالـي ... قامت تخبط ولا ادري ويش تاليهـا
ترثع على الناس تطى خبط وجفالـي ... سبحان رب على ها لامـر مجريهـا

8
8
8

قصيدة جزلة من شاعر جزل
ليس هذا الابداع بغريب على والدك رحمه الله

اشكرك على اتحافنا بمثل هذه القصائد
كما نطمع منك بالمزيد .. http://www.sudeer.com/vb/images/icons/icn7.gif

[النبع]

اشكر الاخ سليمان السريع على اتحافنا بقصيدة والده والتي تحمل في طياتها

معاني الكرم والجود 0

والشيخ سعد بن سريع رحمه الله من الرجال المعروفين بالكرم والجود والفزعه

ولكن الفقر يكسر الجنحان احيانا والفقر ماهوب عذروب ولاعيب 0

وقد التقيت بالاستاذ سليمان السريع في لندن من عدة سنوات وكان يتحفنا يقصائد

والده رحمه الله وقدقال لي فذلك الوقت انه بصدد اخراج ديوان لوالده 0

فجزاه الله خير وبارك فيه وله الف تحيه وتقدير 0

[الحب اللي كان]

قصيــده تحملــ في طيــاتها كثيــر من المعــانأة

كنت ناوي انزلهــا بس سبقتنــي ..

[سليمان بن سريع]

اشكركم جميعا على اطرائكم للقصيدة اولا


وعلى كل حرف كتبتوه في حق والدي رحمه الله واموات المسلمين



وصحت ابدانكم جميعا

[راعي الروضة]

رحم الله سعد بن سريع رحمة واسعة وأسكنه فسيح جناته أنه سميعٍ مجيب .


أخوي / سليمان


ليس أنا من يشيد بقصائد سعد بن سريع .


لذلك لن أقول غير واصل في تقديم دروسه لكي نتعلم منها .

.................................................. ....


ولي طلب منك أخوي سليمان .


ياليت تتحفنا بقصائدك فأنا أعرفك شاعر رائع تخضع لك المسامع والقلوب منصتة .


أعلم مسبقاً بأنك سوف تلبي طلبي لمعرفتي بك .


دمت ياعزيزي بخير .

ورحم الله والدك رحمةٍ واسعة .


وتقبل تحيات أخيك .


راعــي الــروضـــة ؛؛؛

[جورية]

الله يعطيك العافية اخوي بن سريع

ابيات جميل ونقل رائع

اعجبتني سيرته كثيرا رحم الله الوالد واسكنه فسيح جناته

[فارس_سدير]

الأخ سليمان صح لسانك ولسان الوالد الاديب الشاعر


كلمات تعجز عن التعبير ندع اقلامنا وكتاباتنا تعبر عن

مشاعرنا للشعر الرائع للكاتب رحمه الله وسلمت يداك

اللتي نقلت لنا هذه الكلمات؟؟


أخوك:فارس سدير

[سليمان بن سريع]

راعي الروضه - جوريه - فارس

اشكركم على مشاعركم التي زادتني فخر بكم وبسدير عموما

صحت ابدانكم ولا هنتوا جميعا

[جنون]

غفر الله لوالدك ولجميع موتى المسلمين..
الف شكر لك أخوي على هذا النقل الرائع..
وياليت تتحفنا بالمزيد..

[سليمان بن سريع]

الحنون

جزاك الله كل خير على دعائك


وابشروا بالي تبون غالي والطلب رخيص



شااااعر الروح

[سعود الخليل]

رحم الله الوالد سعد بن سريّع

وسلمت أخي سليمان على نقل هذه القصيدة الرائعه ....

استمتعنا بسماعها من قبل واليوم نراها تزين منتديات سدير ...

لي طلب يالغالي وهو إن كان هناك المزيد من قصائد الوالد فيسعدنا ويشرفنا ان يكون لها قسم خاص في دواوين الشعراء ليسهل الرجوع إليها في أي وقت ...

ولك الود .

[سليمان بن سريع]

لاهنت اخوي راعي الاوله ولكن ما تم حفظه من قصائد الوالد معدود للاسف

ولكن اوعدك اني سوف اكتب كل فتره قصيده من قصائده في هذا المنتدى

[مريح الفرحان]

صح لسانك ياسليمان - - - - -


ورحم اللـه والدك واسكنه فسيح جناته - - - - -


كم كنت اتمنا ان اجد هذه القصيده - - - - -


لكن يا أخ سليمان - - - - -


في اي سنه قيلت هذه القصيده تقريبا - - - - -


وعساك سالم - - - - -


تقبل تحيات - - - - -


مريح الفرحان - - - - -