المساعد الشخصي الرقمي

مشاهدة النسخة كاملة : رصيد الأمه


سليمان بن سريع
25-06-2005, 05:54 PM
رصيد آلامـــــــــــه شباب اليوم وأفكاره =بالهــــمة اللـي كـتاب الله منبعها
تعــــلموا. افــــــــــهموا. الأيــام دواره=ولا تــــــسود الأمم ونصير نتبعها
تسألي . ليش حنا نمـــــسك الطـــــاره =والمـــركبة غيرنا بالــــذهن يصنعها
مافيه . فرق نفض عن ذهــنه غــــباره =وعقولنا مثل عــذراء وسط مخدعها
فـكر وجـرب وغاص وجاب محـــــاره =وحنا عــــجزنا عن السبحة نجمعها
الثوب. من يصنعه من يصــنع زراره = واللمبة اللي مــــن الكهرب نولعها
وكروز. وأقـــــــــمار في الأفلاك دواره =وقنابل الموت لا ننــــسى فــواجعها
والحاسب الآلــــــــــــي اللي عز مقداره =الخير و الـــــــشر يجمع لك مواقعها
لازم نعده صديق ونفهم أســـــــــراره =كم بندق ثـورة في صـــــدر صانعها
نبحث عن الخير فيه ونرفــــع أســـواره =والــــــــــشر نقدر مراسيمه نقلــعها
لــكن نــبي هـــــــمة علــــيا وجــــباره =وشباب ما همه أوقاته يضـــــيعها
نـــــــــبي شباب يجد بقطـــــــع مشواره =نفسه على أمـــة الإســـــلام بايعها
هــــــــمه نهوض أمة الآن مـــــحتاره =بين الأمم حايره والعدو موجــــــعها
شـــــــــارون. في شاكلتها دق مسماره =وتكالبة ضــــــــــدها ناس تخادعها
وحنا نبي الــــنوم. وإلا مجلس الحـــاره =وإلا أفــــــــلام على الشاشة نتابعها
الثلث ضايع وهو في نصف مشــــــواره =وثلث يفكر فلوســـــه كيف يجمعها
وثلث مركز على الماضي وعن أخباره =عقولنا. آه .مـــــــــدري مين ضيعها
والله. إما عرفـــنا الوقت وأخـــــــــطاره =ضـــــعنا كما ضاعت ألا بره وبالعها

بن جعيثن
25-06-2005, 06:31 PM
الثلث ضايع وهو في نصف مشـواره وثلث يفكر فلوسـه كيـف يجمعهـا
وثلث مركز على الماضي وعن أخباره عقولنا. آه .مـدري ميـن ضيعهـا

شكرا لك بن سريع ...

على الأبداع ...

جنون
25-06-2005, 06:51 PM
صح لسانك ياسليمان..

عطنا كل جديد ياغالي ..
ترانا ننتظر..

الحب اللي كان
26-06-2005, 02:39 AM
صــح لســانك


وماقصــرت يعطيـك العافيــه

عبدالله بن سعود
26-06-2005, 03:27 AM
الشاعر .... سليمان بن سريع
نعم هذا واقعنــــــــــا وواقع المسلمين
مع الاسف
ولكن الامل في الله كبير
أن يرد هيبة الاسلام والمسلمن


في العوده الى تعليم الدين


صح لسانك
وسلم بنانك

سليمان بن سريع
26-06-2005, 03:42 AM
صحت ابدانكم جميعا ولا هنتوا

لكم مني كل الشكر والتقدير

راعي الروضة
26-06-2005, 02:32 PM
شارون. في شاكلتهـا دق مسمـاره=وتكالبـة ضدهـا نـاس تخادعهـا
وحنا نبي النوم. وإلا مجلس الحـاره=وإلا أفـلام علـى الشاشـة نتابعهـا
الثلث ضايع وهو في نصف مشـواره=وثلث يفكر فلوسـه كيـف يجمعهـا
وثلث مركز على الماضي وعن أخباره=عقولنا. آه .مـدري ميـن ضيعهـا
والله. إما عرفنـا الوقـت وأخطـاره=ضعنا كما ضاعت ألا بـره وبالعهـا

..............................



الشاعر / سليمان بن سعد بن سريع


تحية تقدير وأجلال لشخصك ولفكرك ولقريحتك ولقلمك .


لامست الجرح بكل معنى الكلمة بهذا النص الذي ( يدرس )


تقبل أعجابي الذي سبق أنضمامك لهذا المنتدى والذي سوف يظل إلى أن يشاء الله تعالى .


دمت بألف خير .


ولك صادق ودي .


أخـــــــوك / راعــي الــروضـــة ؛؛؛

سلطان العضيدان
26-06-2005, 02:46 PM
صح لسانك اخوي سليمان السريع

ولا هنت على هالقصيدة التي تصف حالنا في هذا الوقت

سليمان بن سريع
26-06-2005, 02:54 PM
اخي راعي الروضه
اشكرك على كل حرف كتبته واتمنى دائما ان اكن عند حسن ظنك

صح بدنك ولا هنت

سليمان بن سريع
26-06-2005, 02:55 PM
راعي الغاط

اسعد الله جميع اوقاتك

صح بدنك ولا هنت

سعود الخليل
28-06-2005, 12:27 AM
الشاعر / سليمان بن سعد بن سريع

في البداية يطيب لي أن اقدم ترحيباً خاصاً بك في منتديات سدير مع إعتذاري بأنه متأخر ولكن هذا المكتوب ..

قصيدة رائعه سبق أن سمعتها منك شخصياً في أحدى امسياتك ،، فهي تدل على أننا في منتديات سدير قد كسبنا إسماً لامعاً في سماء الشعر في منطقة سدير ...

أكرر ترحيبي بك وننتظر جديدك معنا ..

القيصـــر
28-06-2005, 12:52 AM
السلام عليكم



سليمان بن سعد السريع المبدع
ما أجمل إلهامك
تكتب عن جدارة
تكتب عن ثقة
تكتب عن دراسة
تكتب لتكون أمام عيوننا
الشاعر والمبدع


إذا كان للإبداع إسم
فقد إستمد حروفه
من إسمك ...!!
أبيات تدل كم أنك تحمل فكر أدبي راقي ..!!



القيصــــر

سليمان بن سريع
28-06-2005, 01:35 AM
خي راعي الاوله

اشكرك على ترحيبك وانا بين اهلي وربعي ومهما قدمت لسدير واهله ابقى مقصر في حقهم

صح بدنك ولا هنت


تقبل تحيات اخيك سليمان السريع ((( شااعر الـــروح )))

سليمان بن سريع
28-06-2005, 01:37 AM
اخي القيصر

كلماتك وتعليقك اجمل من القصيده

اتنى اكون عند حسن ضنكم دائما



صح بدنك ولا هنت