اللي تقول انها طباخة تدخل

[مرهف الإحساس]

يا بناااااااااااااات ويا شباااااااااااب

مليت وحامت سبدي من البيتزا اللي في المطاعم :{:


أبغى وصفه حلوة لبيتزا أقدر أسويها في المايكروييف والا حتى في الفرن se:


بس لا تقولون لي اشتر البيتزا الجاهزة اللي تباع في السوبر ماركتات وحطها في المايكروييف


لأني جربتها وطلعت بااااااااااااااايخة وتلوع الكبد msha:


يالله تكفون أبي همتكم

من انتخا بكم يا بنات ما خاب


تحيااااااااااااااتي للكل

[جورية]

حياك الله اخوي مرهف الاحساس

وابشر بسعدك

اجل تبي بيتزا هاه ؟

هلا والله

صح اني مانيب شاطره مره بالبيتزا بس ازينها وميب شينه

عموما

مكونات العجينه

3 كاسات طحين

3 ملاعق حليب

بيالة زيت

فنجان سكر

رشة ملح

ملعقة ونص خميرة

كاس ونص الى كاسين ماء

وتعجن المكونات مع بعض الى ان تحصل على عجينه خفيفه ولينه

تتركها تخمر وبعد ساعة الا ربع راح يتضاعف حجمها

تكون انت مجهز الحشوة وهي عباره عن فلفل بارد وجزر مبشور وزيتون شرائح وبصل مقطع صغار وطماط صغار وحبة ماجي

تحمسهن مع بعض على النار مع بهارات وفلفل اسود

بعد ما ترتفع العجينه تقسمها خمس كور وتتركها ترتاح لمدة عشر دقايق

بعدين تشتغل باول كوره تفردها وتقطعها الى دوائر وتصفها بالصينية تمسحها بكتشب او ان حبيت صوص انت تسويه بالبيت

عباره عن 3 حبات طماط وبصله و3 فصوص ثوم وبقدونس وكزبرة وصلصة وبالخلاط ثم تحطهم على النار الى ان يغلظ قوامهم

وتمسح فيهن دوائر البيتزا

وتاخذ الحشوة وتحطها فوق السوص وترش فوقها جبنة موزريلا وقليل من الاوريغانوا او الزعتر الناشف نكهتة جدا جميلة

وتدخلها بالفرن

او لو حبيت تسوي العجينه كلها مرة وحده في صينيه كبيرة مافيه مشكله

وعلى فكره تقدر بعد ما تاكل وتشبع منها الباقي تدخل بالفريزر بعد ان تحكم اغلاقها بالقصدير ومتى ما اشتهيتها

طلعها وسخنها بالماكرويف

وبالهناء والعافيه

[بن جعيثن]

ولو أن مالي دخل...

بس فيه وصفة حلوة بالحيل ...

وهي جاهزة قصدي سهلة...

المقادير :

1كيس توست .
جبن شرائح.
فلفل أخضر بارد مقطع شرائح.
زيتون أسود وأخضر مقطع.
صلصة طماطم.
فطر مشروم.
طماطم شرائح .

الطريقة :

صفي شرائح التوست في الصينية وضعي عليها شرائح الجبن ثم غطيها بطبقة أخرى من التوست وضعي عليها صلصة الطماطم ثم ضعي الباقي من زيتون وفطر وفلفل وطماطم ...

[miss sudeer]

هلا بك اخوي مرهف الاحساس ..

طريقه عجينه جوريه ممتازه .. ونفس طريقتي ..

بس الحشو انا اسويه ..
بصل وثوم (احمسهم) ثم طماط مقطع + صلصه طماط + ملح + بهارات +اوريقانو(زعتر بري)<----يعطيك طعم البيتزا الصدقيه..

تدهن ماسبق فوق العجينه.. ندخلها بالفرن..حتى تستوي 80 % يعني تشوفها من تحت ماتحمرت مره..

تطلعها وتصير مجهز فلفل بارد مقطع - زيتون شرائح-واي شئ تحب زياده وطبعا جبن موزاريلا مبشور ..

تحط الخضار اول بعدين الجبنه وتدخلها ثانيه لين تذوب الجبنه ووتتشقر البيتزا خصوصا من تحت ..

وبالعافيه

[Computer GirL]

صراحة

اشتهيت البيتزا

يعطيكم العافية
وصفاتكم حلوووووووووووة

بن جعيثن

أحلى بيتزا حقتك
سهلة مايبيلها عجن ---->>> ماتواطن العجن

[مرهف الإحساس]

جورية

انتي بنت رووووووووووووووعة


وصفتك للبيتزا تكفي انها تخلي طعم البيتزا حلوووووووة في عيوني

بصراحة أنا ما قد شفتك مثل وصفتك لكن أبجربها وأرد لكم عن انطباعاتي ،،،


تحياااااااااااااتي لك يا غالية


بن جعيثن

والله انك رهيييييييييييب سفري ( بيتزاك حلوة ) بس يا خي شكلها ما تشبع !!

تحيااااااااااااااتي لك



مس سدير

وصفتك راااااااااائعة وبجربها بعد ما اجرب وصفة جورية وإلا أقول لك ابخربها وأزين

الثنتين وياويلهم اذا ما كلوهم

تحيااااااااااااااااااااااتي لك


كميوتر قيرل

أحس انك مالك في الطبخ والا أنا غلطان؟؟؟

شكلك عجاااااااااااااااازة

تحيااااااااااااااتي لك وشاكر لك مروووووووووورك

[طالبة الشهاده]

اول وش رايكم بالصور

http://www.s999s.com/pic/pizza8.jpg

تفضل المقادير

[size=3]
ثلاث ملاعق صغيرة خميرة فورية

ملعقة كبيرة سكر

ملعقة صغيرة ملح

ملعقتين زيت زيتون

كوب وربع الكوب ماء ( قد تحتاجين إلى بعض الماء يمكن زيادته العجينة بالملعقة حتى تحصلي على العجينة المناسبة )

أهم نقطه
نختبر الخميرة بواسطة اضافتها إلى كوب ماء درجة حرارة الغرفة + السكر + زيت الزيتون . عندما تبدأ الخميرة في التفاعل مع الماء والسكر نعلم انها جيدة وغير فاسدة

بعد تفاعل الخميرة .. نضيف الدقيق ونشغل العجانة على السرعة المتوسطة مع اضافة بقية الماء تدريجيا حتى ينعجن الدقيق .. في حالة احسستي ان العجينة جافة وتحتاج إلى زيادة سائل اضيفي القليل من الماء بالملعقة الصغيرة فقط حتى تحصلين على عجينة لينة ( ولكن ) لا تلصق في اليد .. استمري في العجن على السرعة المتوسطة لمدة 5 دقائق اخرى بعد ان تتماسك العجينة ..

الطريقة المثلى للتعرف على ان العجينة عجنت بالقدر الكاف .. خذي قطع وامسكيها بقبضة يديك الاثنتين واسحبيها في اتجاه متعاكس .. إن تشكلت فتحة في العجينة ولم تنقطع الفتحة فهي جاهزة إن انقطعت استمري في العجن لمدة دقيقتين .. وإن لم تتشكل فتحة ابدا واصلي العجن لمدة 5 دقائق .. هذه الحقيقة تنسحب على جميع المعجنات وليس البيتزا فقط

نكور العجينة ونضعها تتخمر لمدة ساعة في وعاء بلاستيكي مدهون بالزيت حتى تتخمر ويتضاعف حجمها

وهذا شكلها بعد التخمير
http://www.s999s.com/pic/pizzazzz.jpg

بعد التخمير نغط على العجينة حتى تصبح مفلطحة ليخرج منها الهواء الناتج من التخمير .. ثم نتركها تنتفخ مرة اخرى لمدة اقل من المرة الاولى ( تقريبا ثلث المرة الاولى ) ثم نفردها ونضعها على صينية مدهونة قليلا بدهن نباتي مرشوش بالسميد وتنضع عليها الصلصة والجبنة والاشياء اللي تحبينها ( ونتركها مغطاة لمدة ثلاث دقائق لتتخمر قليلا إذا حبينا الكرست يكون متين شوي

http://www.s999s.com/pic/pizza5.jpg


أكون في هذه اللحظة مسخنة الفرن على درجة حرارة 220 مئوية .. نبلل منديل كلينكس او اسفنجة بالماء الدافئ ونفتح الفرن ونرشه بالماء وهذه الخطوة مهمة وخصوصا للافران المنزلية لاحداث بخار في الفرن

http://www.s999s.com/pic/pizza6.jpg

[طالبة الشهاده]

آسفه من العجله ما قلت كمية الدقيق
وهي
4 كاسات وهذه الكمية تسوي لك قرصين بيتزا بنفس حجم اللي في الصوره

ونسيت اذكر بعد ان الفرن يشغل قبل ما ندخل البيتزا بعشر دقايق
ويكون على درجة 220

وبعد ما ادخلها بسبع دقايق تقريبا اوطي على النار بدرجة 190
واتركها من 7-10 دقايق او اذا شفتها تحمرت او شقرت

و حشوة البيتزا اللي في الصوره
صلصة البيتزا
جبنة موزاريلا شرائح، مرتدلا، بصل ، فلفل بارد، و حبحر حار مخلل (جلابينو )
وممكن تضيفي زيتون
وبالعافيه عليكم

http://www.s999s.com/pic/pizza2222.jpg

[طالبة الشهاده]

أما العزوبي اذا مستعجل ويبغى شيء زين
مر على اي خباز وخذ منه عجينة من عجينو الخبز
مر بنده وخذ كميه من صلصة البيتزا جاهزه للحاجه و ما عليك الا تدهنها على العجينه بعد فردها على عجل
وبالمره خذ من بنده الزيتون شرايح ، و جبنة موزاريلا المبشوره ، ومرتديلا اذا تفضله
ومشروم (فطر)و ممكن تقطع فلفل بارد ولا مو لازم
و تدخل الفرن
وتطلع احسن من بيزا هت ولا تاخذ وقت

وراح تكون مثل الشكل اللي في الصوره واحسن بعد

[مرهف الإحساس]

اوووووووووه


ما شاء الله عليك يا طالبة الشهادة

وصفتك برضو راح احطها تحت التجربة والله يعينك علي لو ....


لا وجهدك حلو حاطة شي للعزوبيين وشي للعوايل ..


عموووووووووووما ما قصرتي وربي يعطيك ألف الف عافية


تحياااااااااااااتي لك يا غالية