مشاهدة النسخة كاملة : ثورة غضب
سليمان بن سريع
07-07-2005, 06:15 AM
الحب كان انه يذل الرجاجيل = ابتركه يا بنت دقه وجله
وأقول روحي وتركيني مع الليل = بين الهموم بين ستين عله
اما قدرت اركب على صهوة الخيل = وإلا يكفيني رفضت المذله
صبرت لين انه طفح عندي الكيل = ودمحت لك يا بنت عشرين زله
واليوم أنا طفيت كل القناديل = ظلما ولا شوفة وجيهٍ مغله
عيشي الجفاء خلي دموعك هماليل = وان قلتي ارجع قلت لله ولله
معاد لك في وسط قلبي مداخيل = ثورة غضب حلة بقلبي محله
وأنا نطقت القول والقول لا قيل = عيب على الرجال يرجع يفله
خلاص روحي جعلها لك تساهيل = يالي نطقتي كلمتك مسفهله
عاقل ولالي في طريق المهابيل = أبوي قال اللي يخليك خله
ولا نيب من يقبل على نفسه الميل = وإلا يصوت ينتظر فزعة له
احلها لا شربكوها الحلاحيل = حبل أرخي له وحبل اتله
يا سيده ماعاد للهرج تكميل = من شان عينك بترك الحب كله
بن جعيثن
07-07-2005, 09:45 AM
شاعر الروح...
هيضت االروح ...
يا سيـده ماعـاد للهرج تكميـل
من شان عينك بترك الحب كلـه
شكرا لإبداعك وبحر شعرك الذي لاساحل له ...
سعود الخليل
07-07-2005, 01:06 PM
الله عليك ..
والله ثم والله إني من زمااااااااااااان ما قريت مثل هالإبداع ...
وأنا نطقت القول والقول لا قيـل=عيب على الرجال يرجـع يفلـه
المدير
07-07-2005, 04:19 PM
عاقل ولالي في طريق المهابيـل
أبوي قـال اللـي يخليـك خلـه
خله
صح لسانك يالغالي على هالقصيده
سليمان بن سريع
08-07-2005, 03:43 AM
ابن جعيثن - راعي الاوله - المدير
صحت ابدانكم ولا هنتوا والابداع الحقيقي متابعتكم
اشكركم جميعا
لكم كل الود والتقدير من محبكم
راعي الروضة
09-07-2005, 05:57 AM
وأقول روحي وتركيني مع الليـل=بين الهمـوم وبيـن ستيـن علـه
اما قدرت اركب على صهوة الخيل=وإلا يكفينـي رفضـت المـذلـه
...........................
الـــلـــــــــــه عــلــيــك ياشاعر الروح .
نص غني بكل فنيات الشعر والشعور .
أجمل تصوير .
لأجمل رفض .
وثق ياعزيزي بأنك لم تركب صهوة الخيل فقط .
بل سيسته وجعلته مطواعٍ لك ليسافربك عن ( دروب المذلة )
أخي وأستاذي / سليمان بن سريع .
تقبل أعجابي الدائم بكل حرفٍ تسطره يدك .
وتقبل أصدق عبارات المودة .
ودمت بخير وعزة .
أخــــوك الصغير .
راعــي الــروضـــة ؛؛؛
وارث الطيب
09-07-2005, 08:03 AM
عاقل ولالي في طريق المهابيـل
...................أبوي قـال اللـي يخليـك خلـه
ولا نيب من يقبل على نفسه الميل
.....................وإلا يصوت ينتظـر فزعـة لـه
احلهـا لا شربكوهـا الحلاحيـل
.....................حبـل أرخـي لـه وحبـل اتلـه
يا سيـده ماعـاد للهرج تكميـل
.................من شان عينك بترك الحـب كلـه
شاعر الروح
كفو كفو وصحححححح لسانك وقلبك
أبيات جميله ورائعه بروعة حضورك
وتسلم يمناك
ALKUWAITI
09-07-2005, 06:32 PM
السلام عليكم
الله الله الله رائعة وجميلة وقد كانت بلسم لجرح في قلبي
صح السانك
اخوك الشاعر
عبدالرحيم السعيدي
سحر القويعيه
09-07-2005, 08:59 PM
حلوووووووووووووووووو
ALKUWAITI
09-07-2005, 10:04 PM
السلام عليكم
ارجوا قبول مشاركتي
مثــــــــــــــــــل الســــــــــــــــــــراب
الله من قلب على الونه مغصــــــوب
يطرد بولف شوفته مثل الســـــــــــراب
لا هو بناسي ولا يقدر يتــــــــــــــوب
من فرقا عشيره ذاق مرالصعـــــــــــاب
الجادل الي من الزين ماهو مغصــوب
مثل البدر وجهه متحجب وسط السحاب
يصدق بكل شئ الا بموعيده كــذوب
مقدر ارده ولا هو بللي من ذنبه يتــــاب
لولا هالذنب فيه ماعنده عيـــــــــوب
عطرة سيرته بين الاحبـــــــــــــــــــاب
قلتله ياعشيري شف حبي يـــذوب
مثل ما ذاب سكر وسط الشــــــــــراب
من كثر فرقاك تراني منك مرعــوب
اخاف اتباعد وفي وجهي تصك البــــاب
قام يتضحك وهبت من ثناياه الهبوب
عنبر و ورد وانغشيت انا وسط الضــباب
مجبور ابحبه في نص قلبي مكتوب
اسم الحبيب وشوية شعر وحجـــــــاب
عبدالرحيم السعيدي
السويد
rahimalsaedi1@yahoo.com
ALKUWAITI
09-07-2005, 10:04 PM
>
عاقل ولالي في طريق المهابيـل = أبوي قـال اللـي يخليـك خلـه
ولا نيب من يقبل على نفسه الميل = وإلا يصوت ينتظـر فزعـة لـه
احلهـا لا شربكوهـا الحلاحيـل = حبـل أرخـي لـه وحبـل اتلـه
والله ونعم وسبعة انعام
كفو والله يابن سريع
صح لسانك مليون
هكذا تكون المرجله والا فلا
نص جديد ولكن ليس بجديد عليك ياشاعر الروح
لاتحرمنا من الاستمتاع
شكرا لك
وتقبل خالص تحياتي
سليمان بن سريع
17-07-2005, 01:15 PM
راعي الروضه - وارث الطيب - سحر القويعيه - الكويتي
مروركم وتعليقكم على هذه القصيده
وسام على صدري
اشكركم
صحت ابدانكم ولا هنتوا
السنبلة
17-07-2005, 08:44 PM
عاقل ولالي في طريق المهابيـل = أبوي قـال اللـي يخليـك خلـه
ولا نيب من يقبل على نفسه الميل = وإلا يصوت ينتظـر فزعـة لـه
صح لسانك يا شاعر الروح..
والله إنك مبدع.. ما شاء الله عليك..
الله يوفقك ويسهل أمرك..
ناصر الحنو
20-07-2005, 04:36 AM
اما قدرت اركب على صهوة الخيل
وإلا يكفينـي رفضـت المـذلـه
اما قدرت اركب على صهوة الخيل
وإلا يكفينـي رفضـت المـذلـه
اما قدرت اركب على صهوة الخيل
وإلا يكفينـي رفضـت المـذلـه
الله الله الله عليك يامبدع
يالروعة الشموخ هنا
ويالجمال الشعر
ويالصدق النبض
نص يغرد بشموخه كبرياء
يعزف بجماله سحر وشعر
يرتسم بإبداعه تميز وروعه
صح لسانك وسلم بنانك ولاهنت ياغالي على هكذا شعر وشعور
كل الحب والتقدير
اخوك ناصر
ظماالعشق
عبدالله الصالح
26-07-2005, 01:39 PM
خلاص روحي جعلها لك تساهيـل
..........................يالي نطقتـي كلمتـك مسفهلـه
عاقل ولالي في طريق المهابيـل
..........................أبوي قـال اللـي يخليـك خلـه
ولا نيب من يقبل على نفسه الميل
............................وإلا يصوت ينتظـر فزعـة لـه
احلهـا لا شربكوهـا الحلاحيـل
............................حبـل أرخـي لـه وحبـل اتلـه
يا سيـده ماعـاد للهرج تكميـل
.......................من شان عينك بترك الحـب كلـه
الله عليك الله
سليمان والله انك مبدع
مجنوووووووووون
قصيدة في القمة ولا ترضى غير القمة
تقبلني من اكبر معجبيك
اخوك الصغير
vBulletin® v3.8.7, Copyright ©2000-2024, موقع و منتديات سدير © 1422 هـ - 1431 هـ