هنا ريح راسك وانعش احساسك

[عبدالله المهيدب]

هدية للجميع وعطوني رايكم الله لايهينكم

ياعجبي من حال الناس
ذا مبسوط وذا محتاس
والثالث موجوع الراس
غيره ماعنده احساس


عجيبه فعلا دنينا
تتقلب تلعب ويانا
احيانا تصبح معانا
واحيان تمر وتنسانا



يوم يمر تشيل الهم
واحيانا منها تسلم
واحيان تقول لك انطم
واحيان تقول لك ياعم



هذي الدنيا لا ماتكمل
والشاطر من هو يتحمل
يعمل في دنيانا يعمل
حتى ياخذ دور الاجمل



ذا تاجر وذا فقير
ذا سليم وذا كسير
ذا صاحي يتعب كثير
غيره نايم بالسرير




وسع صدرك في دنياك
في بيتك مع اخوياك
خل البسمه تملا فاك
تهوي الدنيا وهي تهواك





لاتنسى تكرم جيرانك
اكرمهم ابرز حنانك
احذر لاتكشر باسنانك
سمعهم صوتك والحانك





خلك ياصاحب متغاضي
عن جملة اخطاء الماضي
تلقا نفسك جدا حاضي
بالرضا الكامل متقاضي





ثم عليك بطاعة الله
والسنه من رسول الله
لاتتركها ياعبدالله
والنتائج حلوه والله


ابوعبدالمحسن
;) ;) ;) ;)

[أبو ريان]

حلوووووووووة بالمرة والله حلوة يابو نسب بس وين الي بيطبق او يتعض (:confused: :mad: :o :p

[الجريوي]

الأخ الكريم : عبدالله المهيدب

هل أنت صاحب الأناشيد ؟

و شـــــكــــــــراً

[منيف المنيف]

الله يعطيك العافيه..........:) :)

[عبدالله المهيدب]

شكرا للاخوان الغالين على شعوركم

الاخ الجريوي جواب سوالك ( نعم )

ابوعبدالمحسن;)

[الجريوي]

للرفع

[الجريوي]

كان عندي إحساس قوي أنك أنت هو


وطالما أنك أنت هو فإني أدعوك لمواصلة مشوارك الناجح


ولي عندك رجاء بأن تتحفنا في إنزال شريط أناشيد للبراعم يعرفهم على مناطق بلادهم الغالية وبالطبع لن تنسى سدير


أخيراً ... الله يعطيك العافية .

[عبدالله المهيدب]

الاخ الجريوي
ياليتك تقوم بكتابة الافكار ونبذه عن كل بلد يمكن الحديث عنه وازهل الباقي لا وينزل اسمك بالشريط

اخوك ابوعبدالمحسن ;)

[الجريوي]

الغالي أبو عبدالمحسن

والله مشروعك قوي ـ وانت قول وفعل ـ وبصراحة الفكرة خشت برآسي وسأبدأ فيها إن شاء الله قريباً قريباً

[الجريوي]

للرفع

[عبدالله المهيدب]

يالله يابو ..... شد حيلك والله يوفق
والكلام للجميع
اللي عنده فكرة مفيده
******يبرز لنا روعة جديدة
انتظرها من بريده
****** مرسله وحنا نفيده


ابوعبدالمحسن;)

[المهيزع]

الاخ ابو عبدالمحسن
السلام عليكم ورحمة الله وبركاته

نسأل الله ان يتقبل منا ومنكم صالح العمل

الله يعطيك العافيه ونريد المزيد من الابداع



العطار/// المهيزع

[عبدالله المهيدب]

المهيزع
اسم جذاب ومملوح **** وين ماتجي وين ماتروح


ابوعبدالمحسن

[سلــطان المشاعر]

يعطيك العافيه اخوي ..

حلوه مره... بدون مجامله

[عبدالله المهيدب]

شكرا جزيلا ياسلطان

مشاعر برزت من سلطان
***** جلبت لي سعدا وأمان

ابوعبدالمحسن;)

[تعب قلـــبي]

الله يسلمك يابوعبدالمحسن وصح لسانك وماقصرت واقول
الله الله بسدير
عطها حقها وخلها فوق تطير

[عبدالله المهيدب]

سدير لو يتكلم الشعر مافويناها حقها يالغالي

ابوعبدالمحسن

[تأبط شرًا]

هلا والله أبوعبدالمحسن

يازينك ويازين أفكارك ومواهبك في الكتابه والشعر والترفيه .

وعندي ملاحظه : ( تعودنا على الحصان الحكيم باللهجة العاميه هو والثعلب والديك والألفاظ المستقاه من الشارع السعودي ( النجدي ) واللغة العربية الفصحى ما تصلح للترفيه والتسلية والضحك ( ما أعرف أضحك بالفصحى ) ياليت لو ترجعونهم كما كانوا ) .

وسلمني على ولدك عبدالمحسن .

وألا طاق طاق طاقيه . . . . . الولد ضرب البنيّه .


:D

[سعود الخليل]

هلا اخوي عبد الله المهيدب مشكور على ابداعاتك الجميله اللي صرنا نتابعها قبل عيالنا ..ههه

ما نقدر نوفيك حقك ولكن اقبل منا كروة اهل سدير (جزاك الله خير)

[عبدالله المهيدب]

حي الله الاخوان اولا
شكرا لكم على شعوركم الرائع والذي يعتبر احد الروافد الداعمة للاستمرار
ثانيا : سدير لها غلاها من زارها جدا بغاها
ثالثا :
الحصان الحكيم الاخيرة ليست من طرحي ولا علاقة لي بها ومثل مافوجئتم بها انا تفاجئت والله المستعان
رابعا : وفق الله الجميع لما يحب ويرضى

اخوكم ومحبكم عبدالله المهيدب

[رغـبـآويه]

مشكووور اخي

على هذه القصائد

[طالبة المعالي]

أخي الكريم ..عبدالله .. ماشالله تبارك الله .. الله يزيدك من فضله ابداع .. وصوت شجي .. وأفكار جميلة ..

ولك شعبية كبيرة .. أسأل الله أن يوفقك .. ويثبتك على طاعته ..



حتى أناشيدك للبراعم أنافس الصغار عليها .. وتعجبني انشودتك

السوسة .. السوسة .. السوسة جات السوسة في فمه .. في فمه .. سوت حوسه



ولاننسى حضورك الجميل .. في المنطقة الشرقية وبالتحديد .. قافلة الخير .. الله يجزاك خير على ماقدمته

وبذلته من جهد .. وتوعية .. ومشاركة ..

[$همس$]

أستاذي / عبدالله المهيدب ...

تبارك الله نصيحة أخويه صغتها في قصيدة نبطية

وسع صدرك في دنياك
في بيتك مع اخوياك
خل البسمه تملا فاك
تهوي الدنيا وهي تهواك

فعلا - لافُض فوك - فلو أننا نرى

للدنيا بمنظار التفاؤل والتسامح

والوجه البشوش لعشنا في سعادة لاتوصف .....

وإن شاء الله من مزيد إلى مزيد

في سماء الإبداع والنشيييييييد .......

وفي حفظ الله .........

[عبق الزهور]

هذي الدنيا لا ماتكمل
والشاطر من هو يتحمل
يعمل في دنيانا يعمل
حتى ياخذ دور الاجمل



ذا تاجر وذا فقير
ذا سليم وذا كسير
ذا صاحي يتعب كثير
غيره نايم بالسرير




وسع صدرك في دنياك
في بيتك مع اخوياك
خل البسمه تملا فاك
تهوي الدنيا وهي تهواك





لاتنسى تكرم جيرانك
اكرمهم ابرز حنانك
احذر لاتكشر باسنانك
سمعهم صوتك والحانك





خلك ياصاحب متغاضي
عن جملة اخطاء الماضي
تلقا نفسك جدا حاضي
بالرضا الكامل متقاضي





ثم عليك بطاعة الله
والسنه من رسول الله
لاتتركها ياعبدالله
والنتائج حلوه والله


ماشــــــاء الله إبداع بحق وحقيقي

ننتظر منك المزيييييييد

جزاك الله خير