:..خضّرنا في سدير..: مظاهر بالصور(سديراويه بحته)

[سعد القاسم]

السلام عليكم ياشباب وشيااب لان الموضوع هذا بيعجب الشياب واجد ....
المهم ...
بعد ماجيت بالسلامه ... للرياض ..
قلت لابد ازور الديره حيث اخذني الشوق والتفكير وقمت اسوي مثل ذاك الي يقعد عند الدريشه في الليل ويحط يده على خده ويناظر للقمر وانا انظار للقمر تمر علي صورة المزرعه بدال القمر ومره تمر علي صورة البرتسه البارده ... ومره تمر علي عشة الدجاج الي بالمزرعه << الناس تتذكر حبايبها وذا يذكر عشة دجاج الله يخلف بس خخخخ ...
عاد اخذني الشووق بالحيل وقلت لازم اروح للديره وفعلا تحقق حلمي واستأذنت ذاك اليوم من الدوام بدري ورحت ..
ولا جلست الا يوم في سدير ..
المهم ..
ماودي اطول عليكم ..


التخضير في سدير ...
التخضير هو زراعة الفواكه والخضار الي تطلع في الصيف .. طبعا فترة الصيف هي افضل فتره تزرع فيها الجرو وخاصه الحامض الحلو .. او الروسي السكري ...
وكذالك الجح < اقصد البطيخ وقس على هذا باااقي الخضار والفواكه الصيفيه ..
طبعا تحرث الارض قبل بسنه تضربها الشمس سنه كامله ثم تستخدم للزراعه ..
كذالك الزت ... الي هو البرسيم تستغل اراضي سدير لزراعته لتأكل المواشي منه .. وهناك تربية الابقار والغنم والدجاج (الفراخ<<هذا بالمصري ))
الى اخره ... ولو شئت تسمي سدير بأنها ارض زراعيه اقولك نعم هي كذالك ... وصدقوني الصور ستدل على هذا ..

..

نأتي للصور ... بعد هذا التعريف الموجز
7
7
7

صوره عرضيه للجرو الحامض الحلو
http://sqm.jeeran.com/tkder01.jpg

بسم الله اول الخير
http://sqm.jeeran.com/tkder02.jpg

نقترب قليلا
http://sqm.jeeran.com/tkder03.jpg

اصغر فلاح سديراوي عرفه التاريخ<< مشروع فلاح يحاول قطع جرو حامض حلو
http://sqm.jeeran.com/tkder04.jpg

يقوول بسم الله هاه ياااعمي سقم نقطع ولا لاء ...؟؟؟
http://sqm.jeeran.com/tkder05.jpg
عاد قلتله مانردك اقطع ولا تشووف شر

مبسوط اثناء حمل الجرو <<اهل النعمه يشلوون ورده دب لعبه ... ولا شي << وذا شايلن جرو خخخخخ صوره معبره جدا ..
هذي الطفووله ولا بلااش من اليد الناعمه

http://www.shuf.com/UserData/shufmembers/6/172813/drive/tkder06.jpg

وحده لاقينها متوزيه؟؟؟؟

http://www.shuf.com/UserData/shufmembers/6/172813/drive/tkder07.jpg

وهذي لعب فيها الدود بعدما استوت
http://sqm.jeeran.com/tkder08.jpg

تجربه بسيطه لتحريك الاسنان... << لاحظو تراها بسيطه فقط ... fo:
http://sqm.jeeran.com/tkder90.jpg

http://sqm.jeeran.com/tkder10.jpg
هاه ماقلتلكم انها بسطيه خخخخخ jqm: :)



وهذا الفلفل نسميه بالديره حبحر
http://www.shuf.com/UserData/shufmembers/6/172813/drive/tkder11.jpg
على فكره الصوره معجبتني مع ان كلها اخضر في اخضر

الحمدلله السنبل طلع هالسنه خيالي .. وهذي صوره له مع التحيه لارض سدير واهلها
http://www.shuf.com/UserData/shufmembers/6/172813/drive/tkder12.jpg

تحيه خاصه للتين الاحمر جميله جدا الصوره اعجبتني كنها في سوريا <<خخخخ موب عاقل ارض الشاو الحين كعععع
http://www.shuf.com/UserData/shufmembers/6/172813/drive/tkder13.jpg


للعلم الصور التقطت في سدير تحديدا في مزرعتنا
7
7
7
اتمنى ان تكون اعجبتكم ...
اخوكم سقم

[سعد القاسم]

ارجو عدم وضع التوقيع

[ذيب سدير]

مشالله .. خظره تهبل .. ياليت من يسرق منهاااا..

[أمي الحصي]

حلوووووووووووووووووووة


تسلم أناملك

على هالتصوير

تحياتي

[الجريوي]

ما شاء الله تبارك الله

[بن جعيثن]

ماشاااااااااااء الله ...

يقولون الوانيتات ما تلحق تودي للرياض ...

حتى مصر تستورد خصيصا من مؤسسة س ق م للتجارة والمقاولات ...

خخخخخخ...

مبروووك عليكم هالخضرة وبس ...

[السلمان]

ما شاء الله يا سقم الحقيقة شوقتني للجرو امممممممممممممممم

والله ياعند أهلي في المزرعة جرو يضرب به المثل .....
اما الحبحر فلك الله ياسقم الاسبوع الماضي وانا اكل منه مع اخوي وعمي في المزرعة

تسلم على هالصور الحلوة
ولك تحياتي ...

[فهد المنيع]

ما شاء الله وش ذا الزين


اسوت الجراوه ولا دريت عنها !!


الوعد الليله الساعه 3 بجي انا وذيب سدير نحمل في الشفر هع هع هع


صور حلوه وعقبال ما نعرمش جراوتكم ..


سلام

[دكتور المنتدى]

الله الله الله وش الزين...يا سلام على الخضرة والجراوة السنعة>>شوقتني لمزرعتنا فيها الحبحر والباذنجان الكبار وانا لي فترة ما رحتها

صور رووووووووووعة

يسلموا على الصور

لك تحياتي،،،

اخوك

دكتور المنتدى

[سعد القاسم]

ذيب سدير qs: اعقل ...
خخخخخ
الله يصلحك وش راايك في صورة التينه ؟؟؟

[سعد القاسم]

الله يعافيتس امي الحصي...
ومشكووره على مرووورتس الطيب..

[سليمان الراشد]

magn:

[شعيب سدير]

مشاء الله تصدق ودي اجيكم خخخخخخخخخخخخخ ,.,؟...,.,.,والله المصلحجي وده يا كل خخخخ

بس ما ودك تقلطنا يوم من الايام خخخ



اقول سقم الله يبارك لكم فيها


وتسلم يا الغالي

[سعد القاسم]

مشالله الجريوي انورت الصفحه ياابعدي...
حياك الله .. وتسلم على الرد

[شريك المشاكس]

ما شاء الله


وش ذا الزين وش الحركات


بس عيبك انك قلت في مزرعتنا

خليت حويلم ينهبل ويروح يزرفها


أما الولد الي يقول هاه عمي سقم صراحه من جنبها يا سقيمه خخخخ

لانه بيقول هاه اعمي ثقم << اثرم خخخ


بس الهندي عامل المزرعه بيستانس على الحبحر ، علشان كذا اذا بغيته لا ينبح صوتك وانت تناديه دور اقرب شجره حبحر تلقاه منسدح تحتها خخخخ

تسلم والله يا سقم على الصور الحلوه الي مثلك << اموت في الاحراج

[طالب علم]

جوعتنا ياسقم

والفلاح الصغير الله يخليه لاهله عسا بقيت له شي ولا عبيت بطنك ومشيت


الصراحه شغل عال العال ومشكور على جهدك وعلى تفكيرك بالليل (شكلك مافكرت شكلك كنتsl:



سلام,,,,,,,,,

[سعد القاسم]

الله من الصدص يابن جعيثن اها بس .. لا تقعد تستهبل ... تطنز انت وخشتك خخخخخخ
طيب يجيك يوم تقوول ذوقني من الحامض الحلو .. اوريك ...

<<< ناوي شر ..


تسلم على الرد ياابعدي...

[سعد القاسم]

مشالله يالسلمان اجل انواع سعة الصدر باراادات وانواع التسدح فيذاااك...

لاوسبااحه في ذيك البرتسه الباارده لتطفئ جمرة الصيف ... الله واكبر .. ايام ....

تسلم والله على الرد الطيب واهم شي انك جيت بالسلامه....

[سعد القاسم]

الله واكبر يااحالم تبي تصرق مشالله عليك .. طيب ... علمنا ترى ام خمس والمه ....
بانتظااارك ....

الا وراه متجي مثل العالم ونعطيك الروووسي السكري ؟؟؟؟
وش رايك ..؟؟؟ ...

يالله عرض مغري خخخخخخ

شاكر لك ردك ..

[سعد القاسم]

افا يادكتوور وراه ماتروح يامال ... الي ....
رح فلها وفل والديها في ذيك البرادات ااااه بس يااااسدير ...
....
.. يالله ترانا بانتظار الصووور << خلاص الرجال معادهوب قايل ان عندهم مزرعه ..خخخخ
هلاابك والله ياادختوور يالغالي

[سعد القاسم]

اقوول سلووم عيونك طااايره مدري وش عليه لا تكون ناوي االمزرعه بس اها اعقل .. ترى ام خمس والمه .. مثلك مثل حالم خخخخخخخ
هلابك والله وحياك الله يالغالي

[سعد القاسم]

الاخ شعيب تسلم والله يالغالي على هذه المشاعر الطيبه تجاهي ولكن انت اصمل ومالك الا من يقول تم بس يالله شد حيلك ترى الخاص فاضي ...خخخخ

[العقاري]

الله يهديك يا سقم تاكل ولا تقول اقلطو ياخي اقل شي جب لكل عضو جروه <<<<<<<< سال لعابه يوم شاف الجرو





بصراحة صور جميله والي اجمل المصوراتي بس اخخخخ لو جاب لنا معه شوي <<<<<<<<<<<<< مصمم على الي يبي

[ابو عبد العزيز]

مشاء الله تبارك الله اخي س ق م على اللذي شايلن الجرو (هذي الطفووله ولا بلااش من اليد الناعمه )ولا توصفه مرة ثانيه .



اما المزرعة فهي جميلة وتغري الواحد يسير عليها خاصة انني عرفت موقعها وام خمس دواها الخرازه



قمة الابداع في لقط الصور وطريقة التصوير



تقبل تحياتي القلبيه

[سعد القاسم]

شريك الله من الفتق الي في هالراس .....

المهم ...
تسلم والله يالغالي .....
حسك عين تتكلم عاد .... هذا الي تشوووف يطبخ وينفخ ويدهر ويشتغل موب مثل البزارين ذا التالي..
اذا بغيت تامر بشي ... ويجيبه لك يقوول سم ويطمر .. بس عاد هو مايعرف حلاه لا حقه حاشي وفوق ...
يعني ماتكافئه بذا الطريقه ماعنده هو طويل العمر خخخخخخخ

يعطيك العافيه على هالمداخله الطيبه شكرا شروكي

[سعد القاسم]

تسلم والله يالمخادع الثقه ولكن ...
وش دراك اني نايم خخخخخ

تسلم يالغالي ..
وهذا اقل شي نقدمه لكم ياابعدي..

[سعد القاسم]

وادي اقوول اثقل بلا عتيقه بلا نخبقه سدير عطااي الله ...
تسلم والله ... وجعلنا ماننحرم منك ياابعدي ...
شاكر لك ردك الحلو يااحلوو ..

[سعد القاسم]

الله مير يسلمك يالعقاااري.. بس عاد انت خااابر ...<<< تورط مالقى تصريفه لا والله يابعدي حقكم اكثر من كذا ولكن ماوفينكم حقكم بعد وابشر بالحق .. متى بس ..؟؟؟؟

وتسلم والله على التوهيقيه الطيبه خخخخخخخ

مشكوور على الرد الحلو ياحلو ..

[مشــاعر]

مشالله .. خظره تهبل .. ياليت من يسرق منهاااا..

صادق ياذيب

[عازف الأحزان]

مشاء الله تبارك الله



يعطيك ألف عافية على الصور




تحياتي لك ..



خبير ..

[سعد القاسم]

الله مير يسلك ياابو عزيز وابشر ماعادنيب واصف ..
بس هاه وراه تطري ام خمس خخخخخخخ ياويلك ان دربيتها عندنا ترى دواه ام ثمان خخخخخ
الله يستر تروع ياا اسز ..
خخخ
تسلم والله يااغالي على هذا الاطراء الطيب ..

[سعد القاسم]

حتى انتي ياسديراويه ناويه على شر خخخخخخ

حياتسالله وهلابتس والله ..
.. ان كان تبين روحنالكم في عربيه ...<< واحد يبي يصرف اصلا قضى وقتها يالنصاب خخخ
شكرا على هذا الرد..

[مشــاعر]

ماشاء الله وش حلوها طبيعه تجنننننننن

ياليتني ساكنه هناك


اجل بعرس على واحد يسكني بسدير

[مشــاعر]

ماشاء الله وش حلوها طبيعه تجنننننننن hay:

ياليتني ساكنه هناك se:


اجل بعرس على واحد يسكني بسدير rolleyes:

[متفائل]

احلى صوره صورة الجروه وهي مقطوعة وعليها الكين




ب:):):):)صراحه اشتهيت الجرو

[سعد القاسم]

الله يخليك ياعازف يالغاالي وهلابك والله تسلم على هذا الرد

[سعد القاسم]

الله يعافيتس يااسديراويه مزيونه تسلمين والله شكرا لك

[سلطان العضيدان]

س ق م سدير

مثل ذاك الي يقعد عند الدريشه في الليل ويحط يده على خده ويناظر للقمر


خخخخخخخخخخخخخخخخخخخخخخخ الله يرجك والله يا قعدت اضحك على هالتخيلات

ماشاء الله خضرتن طيبة يا سقم ... ويا جعله بالعافية ... بس لا تكثر من الجرو تراهم ما يمدحونه cb:

[بدر]

ألف شكر أخوي سقم سدير على صورك الرائعة...

[ابراهيم الروساء]

مشكور اخوي ماقصرت

لازم نجي المزرعة ونسوي مثل هالصغير ؟؟

ههههههههههههههههه

[سعد القاسم]

عافاكم الله يالربع على هذه الردود

[زعــ العودة ــيم]

صووور جميله وحلوه

اشكرك س ق م على الصور

[ماجد بن إبراهيم]

اعقب

كلتا الجرو كله


بغيتا تاكل القشر معه





لكن ماشاء الله صور رهيبه