محب سدير
09-05-2002, 12:51 AM
مره وانا طالع للبر والله ويجينا ذلك المطرة الي يحبها قلوبكم ومير اقوم واطق الدبل واذا انا في هاك الشعيب الي قام يمشي مش يالي يحبه قلوبكم ومير اقوم واطمر هاك التلعه الي قبل الشعيب ومير اقوم وانا الي احط رجلي حط وادعس على البنزين دعسه والله لو دعست واحد كان مات من قوة ذيك الدعسه المهم اني قعدت اطامر مطامر في هاك البران الى واللخ انقلب راسي وبعدين قلت انا وين تصقون اني ماعاد ادري انا وين لأني كنت في الليل لا وابشركم بعد في اول الشهر ين مافيه قمرى المهم واشوف نور من بعيد كنه نور سيارة ومير اروح له واذا هو يبتعد عني وانا قاعد الاحقه ملاحق المهم اني ما قدرت الحقه قلت في نفسي اكيد يكون من ..... يمه والله ولي يدخلني الخوف والي بعد مزودها ان البنزين عقب ذلك الدعسه راح نصه يعني باقي اقل من الربع واقعد الدور ادور والله ما ادري وين الله حاطني فيه وقلت في نفسي اوقف واجلس في الجيب الين يطلع الصبح وبعدين اشوف انا وين والله ووقفت فوق ذيك التلعه واحطيت راسي داخل السيارة علشاننه مطر والله واخذ ذلك الغفورة الي يحبها قلوبكم وقت في نفسي ليه ما اتصل في واحد من الربع الشقردية اخليه يعلم الشرطة والدفاع المدني علشان يدوروني او رسلون طيارة هليكبتر علشان الركب فيها تعرفون الدنيا فرص وهذي هي الفرصه والله واعجبتني الفكرة ومير اقوم اتصال علي أمي واغرف قلبها واقول لها تراني ظايع وسيارتين خرباني وعلمي ابوي خليه يروح للشرطة والدفاع المدني علشان الطيارة يرسلونها لي ويدوروني المهم والله الوالده ماقصرت علمت البوي والبوي ما قصر علم الشرطة والدفاع المدني ويحركون كل السيارات لأني قلت لهم اني ضايع حول حفر الباطن وانا اصلاً ضايع حول الشوكي تدرون ليه علشان يتعبون ويدوروني بالسيارات في هاك المواقع ويملون وبعدين رسلون طيارة علشان الركبها