المساعد الشخصي الرقمي

مشاهدة النسخة كاملة : حــــمــــد المــــعـــــجـــــل

عبدالعزيز المعجل
06-12-2001, 03:42 AM
هذي قصيده للشاعر/المرحوم/حمد عبد الكريم المعجل


وقد قال هذه القصيده بعد ان تمكنت منه الشيخوخه واعياه الهرم متذكراً حيويته ونشاطه ايام الشباب





امــس الـضــحى فـي عـالـي الـرجـم عـديـت **** عــديـت فـي رجـم طـويـل الـشــخـانـيـب
مـــتـذكــــــر عــصـــر مـضـى لـي وجـريـت **** من ضــامري ونة عطـيـب الـمـصـاويـب
يا طــــول مــا فـــوق الـنـجـايـب تــعـــلــيـــت **** اســـــري مـع الـبـيـدا كـمـا سـرية الــذيـب
وياطـــــول مـا ســــنـدت واقـــبـلـت واقـــفـيـت **** ويا طــــول مــا بـيـّت حـــــرش العـراقـيـب
والـــى عــــنـالـي واجــــــــب مــــــا تــتــقــيــت **** قـــدام ربـعـي فـــوق روس الــمــراقــــــيــب
والــيــوم عــــــود طـــــايـح فـي ذرى الـــبــيــت **** ويــش الـحـول فـي الـحــال يا مـنـقـع الطـيـب
وزهـــــــــدت فـي بـــــاقـي حـــــــيـاتي ومــلــيــت **** لا عـــــاد مــــــاني قـــــايــمٍ بــالــمـواجــيــب




رحم الله حمد بن عبد الكريم:(







.
أبو ريان
06-12-2001, 06:36 AM
الله يعطيك العافيه وانا قلت شاعر سدير ( راعيها )

وعز الله اني ما اخطيت يوم اني عرفت وتنقيت
ابو حسن
06-12-2001, 03:13 PM
صح لسانك انت و حمد:D
عبدالعزيز المعجل
06-12-2001, 05:51 PM
تسلم اخوي هجرس


هذا من ذوقك الله يخليك





.
عبدالعزيز المعجل
06-12-2001, 05:51 PM
صح بدنك اخوي ابو حسن
ابو حسن
06-12-2001, 06:46 PM
شاعر سدير

انت ليه ما تكتب قصايد و انت مسمى نفسك شاعر سدير




:p
عبدالعزيز المعجل
06-12-2001, 07:51 PM
اخوي ابو حسن انت لو قريت اول مشاركه لي كنت اقول للكل اني شاعر محاوره بس

وانا في الحقيقه لي مشاركاتي في منتديات كثير بس هنا مالقيت شعار محاوره

علماً اني سويت دعوات لكثير من شعراء المحاوره بمنتدى النوادي والنداوي

بس الكل يرحب بالدعوه في البدايه ولما يدخل المنتدى ويشوف المحاوره مع النظم مع الفصيح مع القصص كلها في منتدى واحد يرجع ويعتذر عن قبول الدعوه وانا ما الومه لان الواحد يبحث عن الموقع الي يتميز فيه مو الي ما يعرفه احد سواء شارك او سكت







.
ابوعبدالكريم
07-12-2001, 04:24 PM
الله يرحمه .
ونبي قصايدك يالشاعر.:D
عبدالعزيز المعجل
07-12-2001, 04:50 PM
مشكور اخوي ابو عبد الكريم على المشاركه


وانشاء الله في اليوم الي اشوف ان قصايدي ترتقي لمستواكم اكيد سوف اقوم بنشرها دون تردد






.