المساعد الشخصي الرقمي

مشاهدة النسخة كاملة : !!+× ™رد اعتـ ـبـ ـاري ™ ×+!!


نوض سدير
31-07-2005, 04:17 AM
http://www.khozamanajd.com/vb/images/smilies1/bsm.gif


يسعدنـــي أن أطرحها بين أياديكم....،،

واتمنى ان ترتقي لذائقتكم.....،،





قبل سنتين وفوقها اربع شهور =كان الحزن في وقتها في انتظاري

ناديت باسمي دون احساس وشعور=وقلت اسمعي يانوض آخر قراري

مااستاهلك يانوض والقلب مقهور =وادري اني بفراقك بشوف العزاري

القلب فار ودمع الأعيان منثور=وسليت أنا بصمتي في عز اضطراري

وش لون أعزي خاطر ٍ فيك مكسور=وأنا أهذريبك مع كل طاري

أصبح خفوقي عقبك اليوم مهجور =أنكرت أنا أهلي وأنكرت داري

ياقلب ليتك تسمع النصح والشور=ولاتتبع الغلطه هجوم انتحاري

وبعد السنين اللي مضت ظلم ٍ وجور =جاني يبي قربي ويبغى جواري

وحسسته أني فارشه دربه زهور=وإن القطار اللي لفابه قطاري

وأيام عقب أيام والخافق يثور=إلين صبري ماقوته الذراري

كم كنت أحبه صادقه قبل لايبور=ذاك الزمن ويصير ليلي نهاري

وكم كنت أحبه واكتب ابيات وسطور=من قبل لايقطع بجرحه خياري

واليوم جيت أوفي له أيمان ونذور=ونذر ٍ علي لاأرد فيه اعتباري

جابك لي المولى وأناكلي سرور=دامي قدرت أعلن عظيم انتصاري

وعلمتناك ان الزمن لازم يدور=وبيجيك يوم ٍ مثل يوم إنكساري

عمري مااعيش بمنطق الكذب والزور =وعمري مااحدد بالكذوب اختياري

وبعد الغبينه لامس الخافق النور=أدري كبيرة بس دوك اعتذاري

هالحين رح وابليس صاغر ومدحور=وأنا بحدد في حياتي مساري

نـــــ ـــــو ض سـ ــــديـــ ـــر

فهد نجد
31-07-2005, 01:17 PM
وعلمتنـاك ان الزمـن لازم يــدور
وبيجيك يوم ٍ مثـل يـوم إنكسـاري

عمري مااعيش بمنطق الكذب والزور
وعمري مااحدد بالكـذوب اختيـاري

وبعد الغبينه لامس الخافـق النـور
أدري كبيـرة بـس دوك اعتـذاري

هالحين رح وابليس صاغر ومدحـور
وأنا بحـدد فـي حياتـي مسـاري

.............

الاخت نوض سدير بعد التحية 0

أولا ً تشرفت بمصافحة هذه القصيدة كوني أول من صافحها 0


ثانيا ً عندما يكتب الشاعر بـحاسيس صادقة يستطيع أن يفرض حضوره القوي

ويعلن أن الحرف مهما صعب فهو سهل على المبدع أمثالك 0

ثالثاً المواقف كثيرة ولكن من يستيع أن يمحور الموقف إلى قصيدة فيها السبك والحبك 0

بصراحة للحرف معك نكهة خاصة فقد عانقت حروفها السماء رغم مابين سطورها من الم وحزن لكنها عانقت لتثبت للعالم أن الشعر شعور يترجم واقع المشاعر 0

الف تحية وقد لمس صدق الحرف 0

تحياتي وننتظر الجديد 0

عنقود
31-07-2005, 01:36 PM
نوض سدير

جميل ذلك العطاء والأجمل تواصلك مع منتداك منتدى سدير والله يرعاك

عبدالله الصالح
31-07-2005, 03:07 PM
الله





الله




نوض شعري ساااااااااطع ومبهر





ياقلب ليتك تسمع النصـح والشـور
................... ولاتتبـع الغلطـه هجـوم انتحـاري




استمتعت كثيرا بتواجدي هنا وكنت اعلم ذلك




صحححححح لسااااااااااانك اخت نوض سدير



شاعرة مقتدرة تطمئننا بأن الشعر النسائي بخير



تحياااااتي لخيوط نورك الساطعه




اخوك ابوميار

وارث الطيب
02-08-2005, 10:49 PM
نوض سدير

أعجبني كثيراً هذا البيت


ياقلب ليتك تسمع النصـح والشـور
................... ولاتتبـع الغلطـه هجـوم انتحـاري




تسم يمينك وداااااااااااام بوحك الشجي

القيصـــر
03-08-2005, 03:47 AM
السلام عليكم



كم كنت أحبه صادقـه قبـل لايبـور=ذاك الزمن ويصيـر ليلـي نهـاري

وكم كنت أحبه واكتب ابيات وسطور=من قبـل لايقطـع بجرحـه خيـاري

^^نوض سدير ^^

ما أسعدني هنا
لله دركِ ما أروعكِ
ولا أجد وصفـــآ لكلماتك الرائعة رغم * حزنها *

إلا كما قال الشاعر:


بالله لفظك هذا سال من عسل=أم قد صببت على أفواهنا العسل

سيدتي

أشكر لكِ نقلكِ الكريم لقصائدكِ
فنحن توّاقون لمعـــانقة حرفكِ الأنيق
هنيئـــآ لنا أنتِ
لكِ من المودة الكثير .

سعود الخليل
05-08-2005, 11:43 PM
نوض سدير


صح لسانك وسلمتي على هذه الرائعه ..

حقيقة شدني هذا التصوير الجميل في هذه القصيدة ....

جنون
06-08-2005, 01:29 AM
صح لسانك اختي نوض..
قصيدة ولااروع..
تسلم يمينك..
والله لايحرمنا من ابداعاتك اختي..

ناصر الحنو
08-08-2005, 04:20 AM
الله الله الله عليك يانوض

ابداع يتجدد بحضورك

وجمال يرتسم بأطلالتك

وسحر يعانق ابياتك وكلماتك

هنا شموخ محلق

وكبرياء تغرد

وعزة نفس تعتلي القمم

نسيان ماضي اليم

واستمرار لحياة تسير

بحاظر ملئ بالتفاؤل والامل

كله شموخ وكبرياء وكرامه

صح لسانك وسلم بنانك ولاهنت يابنت الاجواد على هكذا شعر وشعور


كل التقدير والاحترام


اخوك ناصر
ظماالعشق