قالت قصيـــمي

[الغلا]

قالت قصيمي قلت فخر ومعزة = أهل الكرم والعلم والحلم والبأس

قالت قصيمي قصدها بي تهزة = ما تدري اني بفتخر وارفــع الراس

الحمــــــــــدلله روسنا دوم رزة = اللي خلقنا بس نحني له الراس

صافي نسبنا والحسب فية عزة =أصل أصيل وفصل والعرق دساس

أهل الوفاء والدين صافي منزه = عن كل ما شاب العقيدة من أدلاس

حنا العقيلات انشدي رجال غزه = حنا هل الدنيا وللدين حــــــــراس

حنا سنايد نجد في كل حــــزه = لا خانت حلوق الرجاجيل الأنفاس

حنا اجبال يعجز الريـــح هـــــزه = حنا لنجد حزام وعصابة الــــــراس

نارد حياض المرجـــــلات ونلــزه = ما نمشي دروب الرذيلة والأدناس

من يغلط لسانه علينــا نجــــزه = واللي يحقر قدر الرجاجيل ينداس

منا العدو تكفيه بالعين خــــــزه = يقضي عليه الخوف مع كل هوجاس

من ذكرنا في قلبه تثور نـــــــزه = من طاري القصمان يبلاه وسواس

نومه كوابيس وروعه وفـــــــــزه = دقت نواقيس الخطر له والأجراس

وان هو لقي له من علينا يــوزه = هون له الصعبات وإبليس خنــاس

ما يدري انه للمهالـــــك يــدزه = عجل علي مبناه يمحي من الساس

يا بنت حنا من نخانا نعــــــزه = يأمن بنا الملهوف وتهابنـــا الناس

مرسولنا للخير دايـــــــم نكــزه = ولصرخة المحتاج نرخي الأكياس

تاريخنا مجـــــد لبسناه بــــزه = نمشي بوسط السوق ماندحم الساس

لك ما تركنا بكاس الأمجاد مـزه = واجد عليك ومثلك حثالة الكاس

وش جاب حر الطير لفريـخ وزه = منهو يساوي جوهر الماس بنحاس

لاتحسبين انك لنا مــسـتفـــزه = وش ياخذ الباعوض من ريش قرناس
مــــــــــنقول

[السلمان]

صح لسان الشاعـــر وتسلم على هالقصيد الزين اخوي الغلا

والنعم باهل القصيم واهل نجد عموما

نجد ديرة المجد والله اشتقنالها وصدق الشاعر يوم يقول ليالي نجد ما مثلك ليالي

وتقبل تحياتي وصادق الود

[أبو ريان]

سـميت بللي ينذكر في كل حزة === خالق جمـيع الـكـون والـجـن والـناس
يا عاذلي وش حاجتك بالتنزهة === دامـك على ما قـلـت ما تباري السـاس
اضن خبري فيك راعي معــزة === واظن مادنسـت نـفــســك بالانــجـاس
تسـلـم على ما قـلـت مافـيه بزة === هاذي حـفـظـناها وهــاذي بــقـرطاس
خـلـك كـما حــرا الـى فــز فـزة === طـيـر الـوحـش لا طـار سمـوة قرناس
اشوف لك يا الغلا هيــبه ورزة === عـسى الـولي يا قاك من درب الادناس
واقـدرك فــي كــل شـي تــرزة === مثلك عــزيـز وخــوته تــرفـع الـراس
هجـرس الى من قال قول يعزة === ويخـص مـن قــوله عـلى كــل بــلاس

تسلم حبيب قلبي يالغلا وصدقني انا معجب بما تخنار وتكتب من مواظيع والله ليست مجامله
وقد سطرت هذة الكلمات من اعجابي بك يا بعدي :p :p :p

[الغلا]

صح لسانك

أشكرك على حسن رأيك وطيب كلامك ، وهذا من أصلك الطيب

ابيات أكثر من رائعة و الله يعطيك الف عافيه

عافاك الله ورعاك يا ابو ريان وجعل الى الجنة مثواك