ألللللف مبارك تقديم إجازة عيد الفطر..

[السنبلة]

في لحظة هدوء وسكون سمعت منبه رسالة على جوالي

فتحتها فوجدت خبراً طرت له فرحاً.. وأرسلت الرسالة لثلاث من خالاتي (مدرّسات).. وإلى بعض صديقاتي..

المهم.. ما ذا تقول الرسالة؟؟؟


(((ألف مبااارك صدر الآن قرار مجلس الوزراء.. الإجازة يوم الاربعا الموافق 16/9/1426هـ.. والعودة يوم السبت الموافق 19/9/1426هـ .. إجازة سعيدة))

انتهت الرسالة.. ولكن قصتي معها لم تنته.. فلقد تورطت في إرسالها لعدد من صديقاتي.. ولم أكن لأفعل ذلك لو لم تكن قد وصلتني من إحدى الثقات وممن لها صلة قرابة بمعالي الوزير!! ولو لم تكن نفسي مهيأة مسبقاً لخبر الإجازة بحكم تردد الشائعات..


طبعاً عدت واعتذرت من كل من أرسلتها إليهم.. ولكن بعد ماذا؟؟!

إلى متى نظل نردد الشائعات؟!!

للأسف..

[أنــ(تويمي)ــا]

أولا الحمد لله اختي على كل حال

الإجازة أمر سار ينتظرة الكثيرون من الناس

ولكن هناك ايضا من يحب اصدار الشائعات

استغلالاً

فنقول دائما ((( لا حول ولا قوة إلا بالله )))

أما بالنسبة لي فإجازتي ستكون يوم 28/10/1426هـ
إلى يوم 6/9/1426هـ
<<<<< مرتاح من الاشاعات
وتحياتي
دائما تذكر (لا تصدق حتى تتأكد)

[السنبلة]

أخوي التويمي..

أشكر لك مرورك.. وبالفعل ينبغي عدم تصديق الشائعات..

[سعود الخليل]

أعوذ بالله من هالإشاعات ... المشكلة ان هناك أناس ثقات يتكلمون بمثل هذه الإشاعات وكأنهم متأكدون من الخبر مع انه ليس إلا إشاعه ترسل رسائل الجوال ..!!!

الحمد لله اللي خلانا نداوم الأيام اللي راحت يخلينا نصبر هالإسبوع والحمد لله على الصحه والعافيه بس ..

[محمد النفجان]

الله يبشرك بالخير يالسنبلة ... تصدقين كنت بداوم بكرة <<< مصدق هالمخفه خخخخخ
الله يعطيك العافيه على هالموضوع اللي صراحه لعبتي علي فيه .

وتقبلي تحياتي ؛؛

[مشــاعر]

انا انرسلت لي هالرساله كم مره .. بس عارفتها من قبل لان العام نفس الشي سووها ..

بس ترى كللللللل هالكلام اشاعات مابعد صدر شي..

بس الي استغربته !! انو قبل امس رايحه للمستشفى وكنت ابغى اخذ اجازه للاسبوع هذا الي راح والقادم.. فقالت لي بكتب لك اجازه لهذا الاسبوع والجاي يمكن يكون اجازه لان المستشفى قايلين لهم.. ومب اي مستشفى (( مستشفى الملك فهد للعيادات التخصصيه)) ...

لكن انا ماراح اصدق الا اذا قالوه وسمعته انا باذني في التلفزيون..


مشكوره اختي السنبله..

http://www.0zz0.com/2005/10/08/821825339.gif

[أمير سدير]

بالنسبه لي انا معطي نفسي اجازه الاسبوع الجاي

ويسير اللي يسير

[متفائل]

حلووووووووووووووووووووووووه



الجره


هاهاههاهاهاهاهاهاها



هذا زمان الشائعات


وللأسف

[شعيب سدير]

حلوه الجره خخخخخخخخ


والله المخفا صدق خخخخخخ ما يلام



واحنا اصلا في عصر الاشاعات


وشكرااااااا لك اختي

[السنبلة]

أخي راعي الأوله..

صحيح اللي خلانا نصبر الأسبوعين اللي راحت يصبرنا على الأسبوع الأخير.. بس والله كان ودنا تكون إجازة.. يعني معد بقى من رمضان شيء.. الله يتقبل..

[السنبلة]

أخي مشعل الليل.. أنا انلعب علي قبلك.. والله يا إني توهقت بهالرسالة.. حسبي الله على عدوهم..

شاكرة لك مرورك..

[السنبلة]

سديراوية.. عسى ما شر.. سلامات وشو له تاخذين إجازة؟؟!!

هي الشائعات كل سنة تطلع بس هالسنة صدقت والله لأنها جايتني من مصدر موثوق .. للأسف..

شاكرة لك مشاركتك..

[السنبلة]

أمير سدير.. ما شاء الله عليك.. والله لو ما عندي اختبارات كان اغيب بس الله لا يبلانا دراسة واختبارات؟!! رحنا في خرايطها..

الله لا يحرمنا الاجر بس..

[السنبلة]

سلوم عساك بس ما توهقت وصدقت من العنوان؟؟!!

شاكرة لك مرورك..

[مشــاعر]

سديراوية.. عسى ما شر.. سلامات وشو له تاخذين إجازة؟؟!!

هي الشائعات كل سنة تطلع بس هالسنة صدقت والله لأنها جايتني من مصدر موثوق .. للأسف..

شاكرة لك مشاركتك..

ما. والله فيني شي مايعلمه الا ربك.. بس ادعـــــي لي .. والله حتى انا مابعد عرفت لاني ماسويت اشعه.. بس الدكتوره صايره متسامحه معي وعطتني اجازه لاني معد اداوم من ضيقة الصدر..

يعني انتي متأكده من الخبر؟؟

ومشكوره على سؤالك عني واهتمامك فيني..
http://www.0zz0.com/2005/10/08/821825339.gif

[فرفوشة]

سنابل حبيبة البي
والله هالرساة ابرك من وحدة جت لي

رمضان كله إجازة





























































عام 1430 لانه يكون في العطلة الصيفية

والمشكلة إني ما كملت الرسالة
رحت دقيت عليها
والبلية انها صديقة اختي وجوالها اصلا
بس لقافة فيني سبحان اللي خلقني
وقلت من وين لتس بهالخبر يا خبلة << أمون
وتهاوشنا نص ساعة
بعدين فهمت السالفة وقلت لا عاد ترسلين مثل هالرسايل
قلبي وقف إلا شوي من الفرحة

المهم انت لا تخلينها عليتس بها
شوكرياتي لتس

[الحب اللي كان]

والله حنا ياطلاب الكليات العسكريه

مايعنينا اجازه ولا لا

نحضر يوم الجمعه وبس

بس حنا اشوى الحربيـه نعطل يوم الثـلاثاء 22

يعني يقالهم معطينا يوم

بس الحمدلله حنا احسن من غيرنا

بس على فكره

الاجازه الي في شهر محرم بين الفصلين .. مهيب عندنا .. يعني لاتحسدونا على هاليوم

[الأم الحنون]

الأخت الفاضله السنبله ..

بارك الله فيك ..ونورت منتدى التربيه والتعليم ..ولاهانوا الجميع طبعا ..دائما تتحفونا بروائعكم..

بصراحه هالأشاعه متوقعه حتى يوم الأربعاء 16|9 الكل متوقع هالأجازه علشان دخول العشر الأخيره

ولكن الحمد لله ..ماحصل الا الخير ..واللي وده يقضي العشر الأواخر في مكه ماله الا الأستثنائي

لمدة خمسة ايام ..والحمد لله ..ترى الأضطراري مايصلح ..

شكار لك على هالموضوع ..حركتي فيه المنتدى


وفقك الله

[سعد القاسم]

ياجماعه خلونا نتمتع بالاجازه باقي يوم ترى هع هع هع خخخخ

فعلا سنبله الشاائعات اليوم كثر التراب

[السنبلة]

سديراوية..

ما تشوفين شر يا رب.. والله يجعله تكفير..

وبالنسبة لي ما أقول إني متأكدة.. لا..

أقول للأسف إن اللي جابت لي الخبر كانت مصدر موثوق لي.. ولكن خاب ظني..

[السنبلة]

هههه يا حبي لك يا أم الفرافيش..

هذي اللقافة وما تسوي.. وش دخلك في جوال أختك..

حتى أنا جتني هالرسالة بس ما مشت علي..

ولا توصين حريص برد لها الصاع صاعين.. :)

[السنبلة]

راعي المعشبة..

حياك الله.. يوم؟!!

ينفع والله. يمديك تروح تاخذ عمرة وترجع.. :)

[السنبلة]

مشرفتنا الغالية (الأم الحنون)..

المنتدى منور بأهله.. الله يسلمك..

المشكلة لا صاروا أذكياء وخلو ا الأسبوع الأخير اختبارات علشان محد يغيب!!!

الله يصبرنا..

ونصيحة كانك معلمة غيبي.. بيفرحون الطالبات ويدعون لك.. << تقيسهم على روحها.. :)

[السنبلة]

أخي شعيب سدير..

أشكر لك مرورك وأعتذر لــ(طمري) ردك سهواً.. :)

[السنبلة]

س ق م سدير.. شاكرة لك مرورك..

قهررر ليته صدق كان باكر ما نداوم..

الله يعين..

[السنبلة]

وادي أبا المياه..

لا أنا وخشتي مكملة الرسالة وقاريتها كلها.. بس ما انتبهت للتاريخ إنه 19/9/1426هـ !!!

:)

[زهرة]

عاد تصدقين اختي السنبله أول ماجتني ماكملتها بس قريت مبروك صدر الان قرار مجلس الوزراء 000
عرفت انا اشاعه فرحت ارسل للي ارسلتها لي وقلت
لاتفرحين بس ،،اقول داومي السبت

مع ان الرساله هاذي مب من نوع الشائعات هي دقه ،،

[السنبلة]

أختي الغالية (زهرة)..

ما شاء الله عليك.. والله أنا اللي رحت فيها الله يخلف علي.. :)

مع إن مهيب عادتي آكل مقالب.. عادتي أوكل.. بس الشكوى لله.. يوم لك ويوم عليك..