مختارات

[راعي المجمعة]

عبد المحسن المقحم

كان يعمل ساقي ماء في مكة على حمارة وفي يوم من الايام لم يجد من يشتري منة الماء

فقال مخاطبا حمارة (اعزكم الله)


الاياعزتي للي غدى سقا يسوق الحمار=يدوج بين السكيك وزفتة ماهيب مشرية



فاجاب نفسة نيابة عن حمارة00



علامك لاتضيم وانت مثل الطيرأبومختار=الى جاء الصبح دخلني بسوق الشريطة


مر الفارس شليوح العطاوي فوجد راعية غنم فطلب منها ان تسقية ماء

فردت علية قائلة:والله لو انك شليوح

فقال00
ياناشد عني تراني شليوح=قلبي على قطع الحرايم اعزومي
أضوي ولوصكت علي النوابيح=واللي قعد عند الركايب مخدومي




ويقول ابراهيم الطويان في صديق لة يدعى فهد المبارك وشهرتة ابو صدام وهو من اوائل قائدي السيارات في المملكة
يقول فيها00
ياحول يا فهيد ابوصدام=يوم الحناتير خلنة
الناس ناموا وهو مانام=يلعى كما تلعى الشنة
الله يجازيك يا الايام=من ضحكنة يبكنة


ويقول نمر بن صنت00


عند الظحى عديت من عقب هوية= في راس مزموم طويل المناهيج
اخذت لي في عالي الرجم عوية= يوم الظعاين ناحرت للفلاليج
من واحد جدد على القلب كوية= من ماسطى بالقلب نومي سواهيج
ورع على قلبي توحد ابطوية= كنة غزال سامع ثورة الهيج
علية مجدول بصير ابحوية= شقر على ناب الردايف دماليج
لو ايحصل لي عقب فرقاة روية= شفق على هاك العيون المداعيج
هي بنت من ياخذعلى الخيل دوية= اليا رفعوا لقطيهن بالمزاريج
غويت في درب الهوى كل غوية= اوعزي المن يدخل ابليا مخاريج
قلبي هوا روحي تنصح ابشوية= مسكين يامرمى ابحب العماهيج
اشكي لبو فيصل ابنقظة اولوية= ريف الركاب اللي لفن عقب تسجيج
ماصك بابة بالدهر يوم خوية= اوبيبان غيرة سكرت بالمزاليج








ويقول شاعر شمري00
ياحمود الي انشدوا عنا=قل ترانا براس تنورة
وقلة ترانا تمدنا=كل يولع بدافورة
لاواحسايف تزينا=ما اشوفهم كود بالصورة
ويقول فهد الازيمع0000
وين انت يالي تبي ظهران=ترى الوعد راس تنورة
وابقيق شبت بة نيران=حساوي شب دافورة


وقال راشد بن كليب عندما سمع الراديو لاول مرة00
يالله ياغافر الزلات=يالله من النار تنجيني
هيهات من يعتبر هيهات= فنيو اهل الصدق والديني
الله يسكنهم الجنات=مع راجحين الموازيني
شفت الراديو والشنطات=حطن بصدر الدواويني
جيل ظهر كلة سيات=جنب طريق المصليني


وسلامتكم00

[خالـ سدير ــدي]

ما أقول ألا والله أنك كذا http://forums.sdair.com/images/icons/icon14.gif
تسلم تسلم ياراعي المجمعة والمنتدى منور بوجودك ياغالي .

[أبو ريان]

تسلم يا راعي المجمعه والله روعه والاروع قصيدة راشد ابن كليب :p :p :p

[عبدالعزيز المعجل]

مشكور اخوي راعي المجمعه على الابيات الطيبه هذي واسمحلي اضيف بيتين من قصيده ما تحضرني كامله بالوقت الحالي




وقصة القصيده انه واحد فارس بين ربعه وابوه من شيوخ ربعه وله كلمته بين الكبار قبل الصغار ومعطيه الله فوق على الفروسيه وطيب النسب والذكر الطيب جمال الوجه .. وكانت كل بنت من بنات ربعه تتمناه زوج لها وهو تقدم بالسن وابوه وربعه ينصحونه بالزواج المهم انه صمل وتخير بين البنات والا هذيك بنت ذاك الشايب الي ساكن بطرف ربعه وماله ولا عليه .. بس ان عنده بنت تزين الارض الي تمشي عليها من عقلها وثقلها بكلامها وتصرفاتها وجمالها وفوق على هذا كله شاعره .. الله كتب لهم وتزوجو لكن هالزواج ماكتب الله له النجاح لان البنت ماعجبها شي بالرجال وطلبت منه الطلاق مع انها كانت تتمناه من قبل .. سئلوها ليه مابغيتي الرجال وهو من اطيب الرجال فعل وقول وماترد على كلامهم .. وعقب كم يوم قالت قصيده تقول بأولها :



ماكل رجال تشوفه برجال *** ولا كل من ركب المطايا يدلي
ولا كل من يركب الخيل خيال *** ولا كل من سولف هروجه تسلي







تقبلو تحياتي
شـــــــــــــاعـــــــــــــر ســــــــــــديـــــــــر

[راعي المجمعة]

اشكر كل من قام بالدخول في هذة الصفحة

وارجو من الله ان تنال اعجابكم هذة المختارات

والقادم مذهل اكثر0000

وتقبلو خالص تحياتي

اخوكم

راعي المجمعة