المساعد الشخصي الرقمي

مشاهدة النسخة كاملة : ذكرياتنا ..ومواقفنا الدراسيه ..ياليت نستمتع بها ..

الأم الحنون
14-11-2005, 07:31 PM
الأخوه والأخوات الأكارم

السلام عليكم ورحمة الله وبركاته

الكثير منا في حياته الدراسيه قد مر بمواقف كثيره منها المضحك ومنها المبكي

يعني فيه من قد تلقى ضرب ..وفيه من كان متميز واخذ هدايا ..وفيه من كان طالبا عادي ..وفيه اخرين قد

لا ادرك مستوياتهم او تجاربهم ..

وش رأيكم نفضفض شوي من ذكرياتنا الدراسيه ..الجميله والممتعه ..

نعرض مامر علينا ..نعرض الفائده التي تحققت من مواقفنا ..

نعرض توقعاتنا في ذاك الوقت ..


يعني نتحاور ونتحدث عن سنوات الدراسه بلا قيود

يعني نتحدث في اي شئ.


اتمنى ان نتفاعل ونكتب ..لنحقق الفائده والمتعه ...

لاتحرمونا من ذكرياتكم



كل الشكر ..


لن انسى وساكتب لكم ذكرياتي ان شا ءالله تعالى ..
أنــ(تويمي)ــا
14-11-2005, 11:55 PM
الأم الحنون
تسلم يمينك على الموضوع الجميل
اشكرك وتحياتي
وسأبداء بذكرياتي وغالبيتها كان جميلا
+++++++++++++
الصف الاول الابتدائي :
كنت أحب الذهاب للمدرسه طبعا برفقة أخواني كانوا يطلعون قبلي وما بنتظروني وأنا ((ياعمري))كنت أركض وراهم وأبكي وقول وقفوا لي مع أن المدرسه كانت قريبه وليه أبكي (((ما أدري)))

الصف الثالث ابتدائي:
بداية حبي لهوايتي ((الخط وفنونه)) وكانت على يد استاذي الفاضل
ناصر الشايع ((بعدي والله )) بس عليه قرصات ما تنسى ابد إلا اليوم اونس حرها
في يدي<<<< خخخخخخخخخخخخخ

الصف الخامس ابتدائي:
أول شهادة تقدير كانت النصف الاول وحصلت على المرتبه الثانيه على الفصل ::24
أنــ(تويمي)ــا
15-11-2005, 12:10 AM
الأم الحنون
تسلم يمينك على الموضوع الجميل
اشكرك وتحياتي
وسأبداء بذكرياتي وغالبيتها كان جميلا
+++++++++++++
الصف الاول الابتدائي :
كنت أحب الذهاب للمدرسه طبعا برفقة أخواني كانوا يطلعون قبلي وما بنتظروني وأنا ((ياعمري))كنت أركض وراهم وأبكي وقول وقفوا لي مع أن المدرسه كانت قريبه وليه أبكي (((ما أدري)))

الصف الثالث ابتدائي:
بداية حبي لهوايتي ((الخط وفنونه)) وكانت على يد استاذي الفاضل
ناصر الشايع ((بعدي والله )) بس عليه قرصات ما تنسى ابد إلا اليوم اونس حرها
في يدي<<<< خخخخخخخخخخخخخ

الصف الخامس ابتدائي:
أول شهادة تقدير كانت النصف الاول وحصلت على المرتبه الثانيه على الفصل ::24 بعدها توالت الشهادات التقديريه إلى أن أنهيت
المرحلة المتوسطة<<<< دافور ((ما شاء الله علي))

الصف السادس أبتدائي:
المدرسه تجنن نردس في بيت مستأجر ((في الملحق))ونلعب حصص الرياضه بالمقر الحكومي للمدرسه مازال إلا الأن موجود.
بدأت أرسم لوحات زيتيه وشاركت بلوحه بمعرض إدارة التعليم<<لوووول

المرحلة المتوسطه :::
حركات ندرس بصفوف المتوسط زكل شباب التويم يذكرونا في زاوية المدرسه الشماليه الشرقيه
وملعب الكرة خلف الحديقه العامه اللي جنب المدرسه
المشاركه بالمسرحيات المدرسيه على مسرح إدارة التعليم
ذكرياتي الجميله والتي أمنى أنها لا زالت موجوده على جدران المدرسه
((عبارات ترحيبيه بخط يدي بمدرسة التويم )))

المرحلة الثانويه ::
أجمل المراحل الدراسيه على الاطلاق
ولكن هناك ذكرى سيئه حصلت لي بالصف الثالث ثانوي حيث اتهمني أحد زملائي بسرقه كتابه ودفاترة قبل الأختبارات لكوني منافس له واستدعتني إدارة المرسه ولم اكن أعلم لماذا استدعتني الادارة وتفاجئت جدا بالاتهام ولكن الحقيقه دائما لا تخفى وكنت برئا منها وكان صديق ذلك الطلاب هو من سرق كتبه وأتلفها
وكانا غير سعوديين جميعا ....!

وأمل أن أكون لم ازعجكم
تقبلوا تحياتي التويمي
حمد
15-11-2005, 01:13 AM
موضوع رائع ..

اللي عالق بالذاكره

هو ايام المرحله المتوسطه ، كانت أيام حرب الخليج ، وكان يدرس معنا طلاب من الكويت ،

وكانوا متميزين في اللغه الانجليزيه ..

والفتره ذيك كان كل شوي اجازه .. والفتره كانت ملخبطه

المهم

كان يدرسنا الاستاذ / صالح المبارك .. وهو موجود حتى الآن

سأل الطلاب من يحفظ الحروف ..!! محد جاوب ، زعل ، ثم اخذ يسأل الطلاب واحد واحد

طبعا الكويتيين كانوا ممتازين عنده ..

وأخذت حقي من الضرب

ومن ذاك اليوم ، والحمدلله اصبحت هذه الماده محببه لي
عبدالله المعجل
15-11-2005, 02:53 AM
بصراحه...

ما فيه ذكريات خالده بذهني ايام الابتدائي والمتوسط والثانوي...

لاني بصراحه كنت هادي جداً...

الجامعه... احلى سنين عمري الدراسيه....

وفيها ذكريات كثيره... يصعب علي تذكرها كلها...

لكن من بين المواقف واهمها......

فرحه الوالد الكبيره... وانا أصعد منصه حفل التخرج لاستلام درع مرتبه الشرف...كنت أشوفه طاير من الفرحه... ووده يجي يستلم الدرع عني...

ومشاركه الغاليه الوالده وحضورها لحفل تخرجي مع أخواتي....ما اراح انسى دموعها وفرحتها الكبيره... وتصفيقها الكبير لي بعد ما اذاعوا أسمي....

هذي من احلى المواقف... مو بس بحياتي الدراسيه... بحياتي كلها....


تحياتي....
الملثمة
15-11-2005, 03:31 AM
من المواقف أللي ما أنساها كنت بأول متوسط توي جايه من الأبتدائي قمة البراءة جت إمتحانات الفصل الدراسي الأول وكان إمتحان علوم وكان بالجهه المجاوره لي طالبتين يتبادلون أوراق الإمتحان , شفت المشهد ما قدرت أستحمل صرخت ((يا أستاذه ذولا يغشون )) وكانت المدرسه مصرية خذت القلم الأحمر ومدري وش كتبت على أوراقهم وبعدها ما قدرت أجاوب على الأسئلة جتني نفاظه وجلست على هذا الحال ربع ساعه ويوم هديت كملت الإجابات على الأسئلة وكنت آخر طالبة بالقاعة , ويوم نزلت لقيت ذا البنات اللي غاشين واقفين لي تحت ^v , طاح قلبي وسويت نفسي ما أشوفهم jqm: ومشيت مع قريبتي وشوي ويجوني ثاني مرة ويهوشون msha: يالملقوفة وش دخلك فينا و...الخ وأنا ساكته علماً أنه مالي لسان ويوم راحو جتني أختي أللي أكبر مني وقالت لي لاتحاكينهم laa: ولاتقربين منهم غشو .. سرقو.. ماعليك منهم تراهم يسوون المصايب إذا دخلو أحد براسهم , وهذا موقف ما أنساه أبد.

الموقف الثاني يومي بـ ثاني ثانوي طبعاً هي أجمل مرحلة من مراحل دراستي , وكانت مرحلة هبال magn: مثل مايقولون لأن بعدها مرحلة الجد التوجيهي ta: , ما علينا المهم كان فيه بنات من هاللي يجلسون في الخلف عند المكيف طبعاً هالمكان حق المهبل والمصرقعات وكانت مدرسة الرياضيات في الأربعين (والد) , جتنا مدرسه ثانيه تشرح لنا الدروس ومعصبة بسبب الضغط عليها وتراكم المنهج , أثنا ء الشرح والحماس وهي تكتب على السبورة قامت بنت ((ترقص )) zga:oda: وتهز كذا من غير مناسبة , فجئة طاحت عين المدرسة عليها وكلنا ضحكنا لكن المدرسه رمت القلم على الوح وزعلت ولاعد رجعت . الموقف ماينكت عندكم بس عندي ينكت لأني عايشت لحظاته وإلى يومي هذا كل ماذكرته ضحكت.
أمنا الحنون شكراً على موضوعك أللي رجعنا للوراء شوي وفش خلأنا>>> خلقنا.
سعود الخليل
15-11-2005, 01:57 PM
موضوع جميل جداً ويذكرنا بأيام الدراسة الجميلة .....

ذكريات المدرسة الأبتدائية كثيرة ولكن ما اتذكره جيداً مدرس القراءة في صف ثاني ابتدائي( .......) الله يذكره بالخير والله ياهو يجلد الطلاب جلد يحط القلم بين اصابعي ويرصه ويقول يالله طلع القلم ثمين انواع الصياح ..!! تربية صح kr:

والذكرى الثانية طبعاً ما أنسى اني كنت جيد في الإبتدائي وخذت الأول في صف رابع وخامس ( بس):24.......

والموقف اللي ما انساه أبد يوم كنت في صف ثالث متوسط كان معنا ناس tc: منسمين من جد ولا همتهم الدراسه وحنا اللي نتورط مع المدرسين دايم بسبتهم ... المهم جا ذاك اليوم مدرس الإنجليزي ( .......) الله يذكره بالخير الحين صار دكتور ومنصب كبير المهم (العرابجه) اتفقوا يسوون مقلب عليه لانه مهب يعطيهم وجه قاموا وشالوا السفنج حق كرسي المدرس وحطوا تحته شوك ( قطب) وجلسوا كنهم ما سوو شي ..!! وياويل اللي يعلم :mad: المهم جا المدرس وبدا بالشرح يوم خلص وراح يبي يجلس على الكرسي *@: وينقز ذيك النقزه من حرة اللي جاه .. وتقفل معه ويجلدنا كلنا وينقص علينا درجتين se: نستاهل اكيد ..!!
مشــاعر
15-11-2005, 02:15 PM
السلام عليكم ورحمة الله وبركاته..

مشكوره على الموضوع الشيق اختي الام الحنون ,,

لكن من المواقف ..

في اولى ابتدائي كنت دااااجه وماخذه الترم الاول التاسعه والثاني العاشره:) .. لكن في ثاني المجموع الكلي كامل يعني الاولى على صفي.. واذكر حتى سويت حفله .. بس والله فلله .. وثالث دجيت مره ثانيه واخذت الخامسه .. لكن رابع وخامس سادس ممتاز بس مااذكر الترتيب.. هذا عن الدراسه.. بس المواقف.. اطلق شي اني مره وانا في رابع داخله الفصل في امان الله مادريت الا البنات فجأه صرخوا التفت عليهم ومااشوف الا وهذا الظاطور الي في الجدار يرررروع ويوم جيت بطلع وكنت ملتفته على ورى وامشي مادريت الا وانا صاقعه في بطن الاستاذه عاد انا قصيرونه وهي جثه .. يعني المنظر شي ثاني .. يوم حست اني توهقت قامت تضحك تلفقها لي خخخخخخخ ..



واللي دجيت فيها المتوسط بس من المواقف..

مره في درس الانجليزي.. كان فيه تمثيل والبنات يقولون وش هالفعل الي تسويه وحده من البنات الي اختارتهم الاستاذه واختارت قبلي بنت تبيها تضحك فنغزتها مع جنبها وقامت تضحك وقالوا البنات (( لافينق)) يعني فعل الضحك.. .. المهم نادتني الاستاذه عشان امثل وكنت خايفه انها تنغز جنبي لانها عقدتي يوم جيت قربت لاذني تبي تقولي الكلمه وكل ماقربت ابعد وتقرب وابعد وتقرب وابعد يوم وصلت عند الباب وافتحه واطلع وهي مييييته ضحك علي .. .. فقلبوا الحصه ضحك علي..


والله فيه مواقف كثيييره ب هذا الي يحظرني الحين..


وبس



تحيتي لكم

http://www.0zz0.com/2005/10/03/454938839.gif
القيصـــر
15-11-2005, 02:47 PM
السلام عليكم


موضوع جدآ رائع من الأم الحنون وأنا بصراحه عندي موقف أتذكره ولا راح أنساااه أبد .


الموقف الله يسلمكم ... أول يوم دراسي ... طبعــآ ( ثاني ثانوي ) في حوطة سدير وأغلب الطلاب اللي معاااي بالفصل جدد ولا أعرف إلا بعضهم .


المهم جاااي مواصل للمدرسة وأول مادخلت الفصل طبعــآ قاعد أسترجع تعليمات الوالد الله يحفظة ( خلك بأول الفصل وأنا أبوك وإنتبه للمدرس من أول يوم )


المهم كان أول يوم تخبرووووون مافيه شي .. إلا عند المدرس الفاضل ( ناصر المعجل ) مايعرف أول يوم أو أخر يوم على طووول يشرح جغرافيا .

طبعـــى خذت مكاني أول الفصل ... والنووووم مالي عيوني .. المهم إني نمت شوووووي وأسمع صوووت قووووووي وفزيت أتلفت يمين ويسار والكل يطالعني ناااس أعرفهم ونااااس والله مادري وش هم .. الأستاذ ناصر الله يشفيه ويعافيه ضرب الماصه بيده وفزع الدنيا وفزيت أنا أتلفت وقاموا يضحكون علي الطلاب وأنواع الإحراجااااات ولا أول يوووم ولاتعرف أحد مايمديك تسووووي شي .. ورااااااااحت سااااااااااالفه .


شكرآ للجميع .... وعلى فكره الأستاذ ناصر المعجل مريض ونحن وعلى هذا المنبر نرفع أكف الضرائع إلا المولى عز وجل أن يشفيه ويعافيه .
لهفة الخاطر
15-11-2005, 09:20 PM
تسلمين اختي الأم الحنون على موضوعك الشيق
واللي اذكره من المواقف اللي مو كثيره لاني كنت معروفه بالهدوء
إلين جاء ذاك اليوم في المرحله المتوسطه ((ثالث متوسط))
وفي حصة الفقه وكان الفصل هادئ بالطبع منصتين للدرس وكان فيه وحده من البنات الله يهديها كان في يديها اقلام وتلعب فيها على الطاولة وتدقها وتطلع إزعاج
إلتفت ناحيتها و((حمدت ربي على العافيه)) وفي نفس الجهة اللي كنت اطالع فيها وحده من البنات طالعت فيها وابتسمت لها من الموقف وابتسمت هي بعد
وبمجرد مارجعت انتبه للدرس إلا والمدرسه تقول (( أوقفي )) أنا عاد ماادري ليش (وقفت)
وسألتني : ليه تضحكين ..؟؟
قلت : ما ضحكت ؟؟!! ابتسمت !! قالت : لا ضحكت !!
المهم سكت ماحبيت ارد عليها طبعاً إحتراماً لها ...
بعد كذا وقفت الطالبه اللي ابتسمت في وجها وقالت :
استاذه : تراها ابتسمت لي !!
((والإبتسامه في وجه أخيك صدقه)))
الإستاذه : اقتنعت وجلستني
وهذا الموقف من المواقف اللي تحضرني الحين
واعتذري على طوله ولكم شكري
أمير سدير
15-11-2005, 09:29 PM
موضوع جميل جدا


ومن المواقف اللي قشراء بعض الشي


في سادس ابتدائي


اذكر انه جاي مدرس جديد للتوحيد

وطلب منا دفتر كثيره اوراقه اما 80 صفحه او اكثر

وقاموا الطلاب اللي يقول انا عندي ابو 80 واللي يقول انا عندي ابو 200


عاد انا قلت ابستهبل وياليتني ما استهبلت


قلت للاستاذ ((طبعا وانا مندس في اخر طاولة <<<< بس مو معنى كذا اني كسلان)) انا عندي دفتر ابو مليون يصلح



يوم دريت قالي تعال وهو يبتسم ((ومادريت انها ابتسامة خبث)) وجيت على نياتي ومادريت الا وراسي يفتر من هاك الطراق اللي لفني صح


وعقبها سرت عند هالمدرس مؤدب بس تبون الجد نفعني لان المدرس رحمني بعد الكف وصار يساعدني في الماده




اما في ثاني ثانوي


طلعت انا مع بعض الطلاب مع طلاب اولى ثانوي اللي ماكان عندهم الا 6 حصص وحنا 7 حصص
المهم طلعنا

يوم جاء بكره
ولا المدير ينادينا ويعاقبنا نقعد بالشمس كل اليوم وماندخل اي حصص

واخر الحصه عطاني احد المدرسين ورقة تعهد اني مااتعودها
وقعت التعهد

وانا اضحك
واقول بصوت خفيف ايه مردها الزباله اثر ذا المدرس يسمع بقوه

وقالي تعال

ووداني للوكيل وبهذلوني واخر شي قال المدرس لي ايه عند الطلاب تضحك وعندي هنا ماكل تبن وصاير حمار

عاد انا رديتها وقلت الحمار يعرف نفسه

ثم عصب وعطاني ورقه تعهد ثانيه ويرسلونها للوزاره ((تخويف))

وقعت التعهد


ورجعت للبيت

بس الموقف المحرج ان هالسالفه وصلت كل اقرباي الا ابوي اشوا


وقعدوا يضحكون ويتعيرون



هذا المواقف اللي حبيت اذكرها وفيه غيرها كثير
الأم الحنون
15-11-2005, 10:38 PM
الأم الحنون
تسلم يمينك على الموضوع الجميل
اشكرك وتحياتي
وسأبداء بذكرياتي وغالبيتها كان جميلا
+++++++++++++
الصف الاول الابتدائي :
كنت أحب الذهاب للمدرسه طبعا برفقة أخواني كانوا يطلعون قبلي وما بنتظروني وأنا ((ياعمري))كنت أركض وراهم وأبكي وقول وقفوا لي مع أن المدرسه كانت قريبه وليه أبكي (((ما أدري)))

الصف الثالث ابتدائي:
بداية حبي لهوايتي ((الخط وفنونه)) وكانت على يد استاذي الفاضل
ناصر الشايع ((بعدي والله )) بس عليه قرصات ما تنسى ابد إلا اليوم اونس حرها
في يدي<<<< خخخخخخخخخخخخخ

الصف الخامس ابتدائي:
أول شهادة تقدير كانت النصف الاول وحصلت على المرتبه الثانيه على الفصل ::24 بعدها توالت الشهادات التقديريه إلى أن أنهيت
المرحلة المتوسطة<<<< دافور ((ما شاء الله علي))

الصف السادس أبتدائي:
المدرسه تجنن نردس في بيت مستأجر ((في الملحق))ونلعب حصص الرياضه بالمقر الحكومي للمدرسه مازال إلا الأن موجود.
بدأت أرسم لوحات زيتيه وشاركت بلوحه بمعرض إدارة التعليم<<لوووول

المرحلة المتوسطه :::
حركات ندرس بصفوف المتوسط زكل شباب التويم يذكرونا في زاوية المدرسه الشماليه الشرقيه
وملعب الكرة خلف الحديقه العامه اللي جنب المدرسه
المشاركه بالمسرحيات المدرسيه على مسرح إدارة التعليم
ذكرياتي الجميله والتي أمنى أنها لا زالت موجوده على جدران المدرسه
((عبارات ترحيبيه بخط يدي بمدرسة التويم )))

المرحلة الثانويه ::
أجمل المراحل الدراسيه على الاطلاق
ولكن هناك ذكرى سيئه حصلت لي بالصف الثالث ثانوي حيث اتهمني أحد زملائي بسرقه كتابه ودفاترة قبل الأختبارات لكوني منافس له واستدعتني إدارة المرسه ولم اكن أعلم لماذا استدعتني الادارة وتفاجئت جدا بالاتهام ولكن الحقيقه دائما لا تخفى وكنت برئا منها وكان صديق ذلك الطلاب هو من سرق كتبه وأتلفها
وكانا غير سعوديين جميعا ....!

وأمل أن أكون لم ازعجكم
تقبلوا تحياتي التويمي



الأستاذ الفاضل انا تويمي

اسعدك الله بكل خير

اقدر لك هالمرور الرائع وهالذكريات الجميله والرائعه ..ذكريات متنوعه ومواقف

بديعه ..ومواهب كبيره ماشاء الله ..فنون وخطوط ..زادك الله من فضله ..

كم هي مبهجة احداث ذكرياتك ..استمتعت فعلا بقراءتها ...

كل الشكر على تفضلك بتدوينها


وفقك الله
الأم الحنون
15-11-2005, 10:44 PM
موضوع رائع ..

اللي عالق بالذاكره

هو ايام المرحله المتوسطه ، كانت أيام حرب الخليج ، وكان يدرس معنا طلاب من الكويت ،

وكانوا متميزين في اللغه الانجليزيه ..

والفتره ذيك كان كل شوي اجازه .. والفتره كانت ملخبطه

المهم

كان يدرسنا الاستاذ / صالح المبارك .. وهو موجود حتى الآن

سأل الطلاب من يحفظ الحروف ..!! محد جاوب ، زعل ، ثم اخذ يسأل الطلاب واحد واحد

طبعا الكويتيين كانوا ممتازين عنده ..

وأخذت حقي من الضرب

ومن ذاك اليوم ، والحمدلله اصبحت هذه الماده محببه لي


الأستاذ الفاضل الصيدلي
اسعدك الله برضاه ..كم هو رائع مشاركتك وكم اقدر لك هالمرور

وكم سعدت بذكرياتك الدراسيه والعفويه ...بارك الله في استاذك صالح المبارك


جعل هالماده في بالك واصريت انت انك تتعلمها وتجيدها ..

شكرا لك ولتعقيبك حول الموضوع


وفقك الله
الأم الحنون
15-11-2005, 10:48 PM
بصراحه...

ما فيه ذكريات خالده بذهني ايام الابتدائي والمتوسط والثانوي...

لاني بصراحه كنت هادي جداً...

الجامعه... احلى سنين عمري الدراسيه....

وفيها ذكريات كثيره... يصعب علي تذكرها كلها...

لكن من بين المواقف واهمها......

فرحه الوالد الكبيره... وانا أصعد منصه حفل التخرج لاستلام درع مرتبه الشرف...كنت أشوفه طاير من الفرحه... ووده يجي يستلم الدرع عني...

ومشاركه الغاليه الوالده وحضورها لحفل تخرجي مع أخواتي....ما اراح انسى دموعها وفرحتها الكبيره... وتصفيقها الكبير لي بعد ما اذاعوا أسمي....

هذي من احلى المواقف... مو بس بحياتي الدراسيه... بحياتي كلها....


تحياتي....


الأستاذ الفاضل عبد الله المعجل

بارك الله فيك ..سعدت بمرورك الكريم واقدر لك هالمشاركه بطرح


ذكرياتك الجامعيه ..مااجملها من ذكريات ذكريات التميز

استطيع ان اتخيل سعادة الوالدين وفرحتمها بهذا التميز ادامه الله عليك وزادك تألقا ..

ذكريات رائعه ومبهجه للنفس ...ادعو الله لك بالتوفيق


كل الشكر

وفقك الله
الأم الحنون
15-11-2005, 10:56 PM
من المواقف أللي ما أنساها كنت بأول متوسط توي جايه من الأبتدائي قمة البراءة جت إمتحانات الفصل الدراسي الأول وكان إمتحان علوم وكان بالجهه المجاوره لي طالبتين يتبادلون أوراق الإمتحان , شفت المشهد ما قدرت أستحمل صرخت ((يا أستاذه ذولا يغشون )) وكانت المدرسه مصرية خذت القلم الأحمر ومدري وش كتبت على أوراقهم وبعدها ما قدرت أجاوب على الأسئلة جتني نفاظه وجلست على هذا الحال ربع ساعه ويوم هديت كملت الإجابات على الأسئلة وكنت آخر طالبة بالقاعة , ويوم نزلت لقيت ذا البنات اللي غاشين واقفين لي تحت ^v , طاح قلبي وسويت نفسي ما أشوفهم jqm: ومشيت مع قريبتي وشوي ويجوني ثاني مرة ويهوشون msha: يالملقوفة وش دخلك فينا و...الخ وأنا ساكته علماً أنه مالي لسان ويوم راحو جتني أختي أللي أكبر مني وقالت لي لاتحاكينهم laa: ولاتقربين منهم غشو .. سرقو.. ماعليك منهم تراهم يسوون المصايب إذا دخلو أحد براسهم , وهذا موقف ما أنساه أبد.

الموقف الثاني يومي بـ ثاني ثانوي طبعاً هي أجمل مرحلة من مراحل دراستي , وكانت مرحلة هبال magn: مثل مايقولون لأن بعدها مرحلة الجد التوجيهي ta: , ما علينا المهم كان فيه بنات من هاللي يجلسون في الخلف عند المكيف طبعاً هالمكان حق المهبل والمصرقعات وكانت مدرسة الرياضيات في الأربعين (والد) , جتنا مدرسه ثانيه تشرح لنا الدروس ومعصبة بسبب الضغط عليها وتراكم المنهج , أثنا ء الشرح والحماس وهي تكتب على السبورة قامت بنت ((ترقص )) zga:oda: وتهز كذا من غير مناسبة , فجئة طاحت عين المدرسة عليها وكلنا ضحكنا لكن المدرسه رمت القلم على الوح وزعلت ولاعد رجعت . الموقف ماينكت عندكم بس عندي ينكت لأني عايشت لحظاته وإلى يومي هذا كل ماذكرته ضحكت.
أمنا الحنون شكراً على موضوعك أللي رجعنا للوراء شوي وفش خلأنا>>> خلقنا.


الأخت الفاضله الملثمه

حماك الله من كل سوء ...الله يجزاك كل خير يوم علمت عليهن يمكن ان شاء الله صار لهن هذا

درس ..ياهو موقف اختي الكريمه بصراحه كان يخوف هاك الوقت وتوك طالعة من الأبتدائي والله انك

جيده ..وقفت امام الغلط ...بس ترى اخيتك لها دور كبير في دعمك الله لايخليكم من بعض يارب ..


اما الموقف الثاني تراه من جد يضحك وقعدت اتخييله معك .هبال يروع لو ىان المعلمه معلمة الأدراه كان فصلت هالبنت


لها ربك رحيم سبحانه ..


..بس عندي سؤال ليه دايما البنات اللي يقعدون وراء

شيطانيات ؟ولاهن لم الدراسه الله يهديهن ...

كل الشكر ..
الأم الحنون
15-11-2005, 11:04 PM
موضوع جميل جداً ويذكرنا بأيام الدراسة الجميلة .....

ذكريات المدرسة الأبتدائية كثيرة ولكن ما اتذكره جيداً مدرس القراءة في صف ثاني ابتدائي( .......) الله يذكره بالخير والله ياهو يجلد الطلاب جلد يحط القلم بين اصابعي ويرصه ويقول يالله طلع القلم ثمين انواع الصياح ..!! تربية صح kr:

والذكرى الثانية طبعاً ما أنسى اني كنت جيد في الإبتدائي وخذت الأول في صف رابع وخامس ( بس):24.......

والموقف اللي ما انساه أبد يوم كنت في صف ثالث متوسط كان معنا ناس tc: منسمين من جد ولا همتهم الدراسه وحنا اللي نتورط مع المدرسين دايم بسبتهم ... المهم جا ذاك اليوم مدرس الإنجليزي ( .......) الله يذكره بالخير الحين صار دكتور ومنصب كبير المهم (العرابجه) اتفقوا يسوون مقلب عليه لانه مهب يعطيهم وجه قاموا وشالوا السفنج حق كرسي المدرس وحطوا تحته شوك ( قطب) وجلسوا كنهم ما سوو شي ..!! وياويل اللي يعلم :mad: المهم جا المدرس وبدا بالشرح يوم خلص وراح يبي يجلس على الكرسي *@: وينقز ذيك النقزه من حرة اللي جاه .. وتقفل معه ويجلدنا كلنا وينقص علينا درجتين se: نستاهل اكيد ..!!


الأستاذ الفاضل راعي الأوله ..

اسعدك الله بكل خير ..اشكر لك هالذكريات الجميله واقدر لك مشاركتك معنا في طرحها

اجل خذت نصيبك استاذنا من العنف المدرسي ياكود رص الأصابع بهالطريقه ..الله يهدي مدرس القراءه

شكله مكود عليك ..

ماشاء الله متميز في الأبتدائيه تبارك الله...والأول الله يزيدك ..

اما الموقف الثاني استاذنا بصراحه قمة في المشاغبه والشطانه !!!

مسكيييين ذا المدرس عساه بس يحللكم عن الضرر اللي وقع عليه ...

^x


كل الشكر

سعدت بهالذكريات الجميله

وفقك الله
الأم الحنون
16-11-2005, 02:04 PM
السلام عليكم ورحمة الله وبركاته..

مشكوره على الموضوع الشيق اختي الام الحنون ,,

لكن من المواقف ..

في اولى ابتدائي كنت دااااجه وماخذه الترم الاول التاسعه والثاني العاشره:) .. لكن في ثاني المجموع الكلي كامل يعني الاولى على صفي.. واذكر حتى سويت حفله .. بس والله فلله .. وثالث دجيت مره ثانيه واخذت الخامسه .. لكن رابع وخامس سادس ممتاز بس مااذكر الترتيب.. هذا عن الدراسه.. بس المواقف.. اطلق شي اني مره وانا في رابع داخله الفصل في امان الله مادريت الا البنات فجأه صرخوا التفت عليهم ومااشوف الا وهذا الظاطور الي في الجدار يرررروع ويوم جيت بطلع وكنت ملتفته على ورى وامشي مادريت الا وانا صاقعه في بطن الاستاذه عاد انا قصيرونه وهي جثه .. يعني المنظر شي ثاني .. يوم حست اني توهقت قامت تضحك تلفقها لي خخخخخخخ ..



واللي دجيت فيها المتوسط بس من المواقف..

مره في درس الانجليزي.. كان فيه تمثيل والبنات يقولون وش هالفعل الي تسويه وحده من البنات الي اختارتهم الاستاذه واختارت قبلي بنت تبيها تضحك فنغزتها مع جنبها وقامت تضحك وقالوا البنات (( لافينق)) يعني فعل الضحك.. .. المهم نادتني الاستاذه عشان امثل وكنت خايفه انها تنغز جنبي لانها عقدتي يوم جيت قربت لاذني تبي تقولي الكلمه وكل ماقربت ابعد وتقرب وابعد وتقرب وابعد يوم وصلت عند الباب وافتحه واطلع وهي مييييته ضحك علي .. .. فقلبوا الحصه ضحك علي..


والله فيه مواقف كثيييره ب هذا الي يحظرني الحين..


وبس



تحيتي لكم

http://www.0zz0.com/2005/10/03/454938839.gif


الأخت الفاضله الطموحه

اسعدك الله بكل خير ..وش هالذكريات الزينه ..ماشاء الله عليك

اجل شطوره الله لايضرك يارب ...

شطوره وخوافه ..كل هذا علشان ظاطور ...الله يعين عيالك اجل !!!

الله يحفظك يارب ..ضحكتيني من هالظاطور ...

والا عاد موقفك الثاني ..لو اني معكم كان شفتي وش سويت !!

استمتعت كثيرا

كل الشكر
الأم الحنون
16-11-2005, 02:13 PM
السلام عليكم


موضوع جدآ رائع من الأم الحنون وأنا بصراحه عندي موقف أتذكره ولا راح أنساااه أبد .


الموقف الله يسلمكم ... أول يوم دراسي ... طبعــآ ( ثاني ثانوي ) في حوطة سدير وأغلب الطلاب اللي معاااي بالفصل جدد ولا أعرف إلا بعضهم .


المهم جاااي مواصل للمدرسة وأول مادخلت الفصل طبعــآ قاعد أسترجع تعليمات الوالد الله يحفظة ( خلك بأول الفصل وأنا أبوك وإنتبه للمدرس من أول يوم )


المهم كان أول يوم تخبرووووون مافيه شي .. إلا عند المدرس الفاضل ( ناصر المعجل ) مايعرف أول يوم أو أخر يوم على طووول يشرح جغرافيا .

طبعـــى خذت مكاني أول الفصل ... والنووووم مالي عيوني .. المهم إني نمت شوووووي وأسمع صوووت قووووووي وفزيت أتلفت يمين ويسار والكل يطالعني ناااس أعرفهم ونااااس والله مادري وش هم .. الأستاذ ناصر الله يشفيه ويعافيه ضرب الماصه بيده وفزع الدنيا وفزيت أنا أتلفت وقاموا يضحكون علي الطلاب وأنواع الإحراجااااات ولا أول يوووم ولاتعرف أحد مايمديك تسووووي شي .. ورااااااااحت سااااااااااالفه .


شكرآ للجميع .... وعلى فكره الأستاذ ناصر المعجل مريض ونحن وعلى هذا المنبر نرفع أكف الضرائع إلا المولى عز وجل أن يشفيه ويعافيه .


الأستاذ الفاضل القيصر


وعليكم السلام ورحمة الله وبركاته

سعدت بمرورك الكريم وذكريات ممتعه .

..وش هالنوم ؟؟المفروض انك نايم من عقب صلاة العشاء .(ام تهوش )..

وشوله تواصل ...؟؟يله مايخالف ..بس الله يجزى الأستاذ ناصر المعجل كل خير

اخلاص وتفاني حتى اول يوم يشرح ..ماشاء الله عليه الله يعافيه يارب وينشر عليه الصحه والعافيه ..

شكلك استاذنا حرمت النوم في المدرسه عقبها


وفقك الله
الأم الحنون
16-11-2005, 02:19 PM
تسلمين اختي الأم الحنون على موضوعك الشيق
واللي اذكره من المواقف اللي مو كثيره لاني كنت معروفه بالهدوء
إلين جاء ذاك اليوم في المرحله المتوسطه ((ثالث متوسط))
وفي حصة الفقه وكان الفصل هادئ بالطبع منصتين للدرس وكان فيه وحده من البنات الله يهديها كان في يديها اقلام وتلعب فيها على الطاولة وتدقها وتطلع إزعاج
إلتفت ناحيتها و((حمدت ربي على العافيه)) وفي نفس الجهة اللي كنت اطالع فيها وحده من البنات طالعت فيها وابتسمت لها من الموقف وابتسمت هي بعد
وبمجرد مارجعت انتبه للدرس إلا والمدرسه تقول (( أوقفي )) أنا عاد ماادري ليش (وقفت)
وسألتني : ليه تضحكين ..؟؟
قلت : ما ضحكت ؟؟!! ابتسمت !! قالت : لا ضحكت !!
المهم سكت ماحبيت ارد عليها طبعاً إحتراماً لها ...
بعد كذا وقفت الطالبه اللي ابتسمت في وجها وقالت :
استاذه : تراها ابتسمت لي !!
((والإبتسامه في وجه أخيك صدقه)))
الإستاذه : اقتنعت وجلستني
وهذا الموقف من المواقف اللي تحضرني الحين
واعتذري على طوله ولكم شكري


الأخت الفاضله قلبي المتيم

بارك الله فيك ...ماشاء الله على هالهدوء والمثاليه ...احيانا مثل هالموقف

يسوي ردة فعل لدى الطالبه المظلومه ..والمعلمه احيانا ماتصدق ابدأ

الحمد لله ان صديقتك صححت الموقف والا كان انظلمتي ...

موقف ذكي

استفدت كثير من هالموقف

كل الشكر
الأم الحنون
16-11-2005, 02:29 PM
موضوع جميل جدا


ومن المواقف اللي قشراء بعض الشي


في سادس ابتدائي


اذكر انه جاي مدرس جديد للتوحيد

وطلب منا دفتر كثيره اوراقه اما 80 صفحه او اكثر

وقاموا الطلاب اللي يقول انا عندي ابو 80 واللي يقول انا عندي ابو 200


عاد انا قلت ابستهبل وياليتني ما استهبلت


قلت للاستاذ ((طبعا وانا مندس في اخر طاولة <<<< بس مو معنى كذا اني كسلان)) انا عندي دفتر ابو مليون يصلح



يوم دريت قالي تعال وهو يبتسم ((ومادريت انها ابتسامة خبث)) وجيت على نياتي ومادريت الا وراسي يفتر من هاك الطراق اللي لفني صح


وعقبها سرت عند هالمدرس مؤدب بس تبون الجد نفعني لان المدرس رحمني بعد الكف وصار يساعدني في الماده




اما في ثاني ثانوي


طلعت انا مع بعض الطلاب مع طلاب اولى ثانوي اللي ماكان عندهم الا 6 حصص وحنا 7 حصص
المهم طلعنا

يوم جاء بكره
ولا المدير ينادينا ويعاقبنا نقعد بالشمس كل اليوم وماندخل اي حصص

واخر الحصه عطاني احد المدرسين ورقة تعهد اني مااتعودها
وقعت التعهد

وانا اضحك
واقول بصوت خفيف ايه مردها الزباله اثر ذا المدرس يسمع بقوه

وقالي تعال

ووداني للوكيل وبهذلوني واخر شي قال المدرس لي ايه عند الطلاب تضحك وعندي هنا ماكل تبن وصاير حمار

عاد انا رديتها وقلت الحمار يعرف نفسه

ثم عصب وعطاني ورقه تعهد ثانيه ويرسلونها للوزاره ((تخويف))

وقعت التعهد


ورجعت للبيت

بس الموقف المحرج ان هالسالفه وصلت كل اقرباي الا ابوي اشوا


وقعدوا يضحكون ويتعيرون



هذا المواقف اللي حبيت اذكرها وفيه غيرها كثير



الأستاذ الفاضل أمير سدير

اسعد الله ايامك بكل خير ...بصراحه مواقف ماتحسد عليها ..

الطق وانطقيت والتعهد وكتبت ..الله يهديهم ماسامحوك لو في واحده من هالمواقف

كان مشوا لك موقف ...بس ترى سالفتك مع الوكيل اللي قلت فيها ( الحمار يعرف نفسه)مره خطيره

اشوى انهم ماسووا لك تحقيق ولجنه ...

بصراحه اقرأ هالمواقف واضحك وحسيت فعلا بشعورك خلال هالمواقف


استمتعت بذكرياتك المدرسيه


كل الشكر


وفقك الله
الأم الحنون
22-11-2005, 02:17 PM
الأخوه والأخوات الأكارم

هذه مواقفي الدراسيه اللي اذكرها ..
موقف الدراسه :::

الكل مر بمواقف وطبعا تختلف مواقفنا وخاصة وان البنات شوي يخافون ماعندهم الجرأه في عمل مواقف مثل الأولاد وهذه حقيقه ان شاء الله مانختلف فيها ...
في الأبتدائيه
المهم تغلب على مواقفنا الدفاره ..يعني لما تكون الواحده شاطره وتخاف ان زميلتها تسبقها بدرجات
انا مواقفي من هالنوع

منذ ان التحقت بالمدرسه وانا ولله الحمد متميزه وكل درجاتي معظمها كامله (قولوا ماشاء الله )
المهم من كثر ماافكر في هالدرجات صار عقلي الباطني يحكي عني ..ففي يوم من الأيام اخذت واحده من زميلاتي درجات اعلى مني وحطت لها المعلمه هاك الوقت والله مااذكرها المهم اني كنت بالخبر بحكم عمل الوالد الله يحفظه ..نجمتين اوثلاث هقوتي ..المهم انا رجعت البيت متنكده ولاعلمت احد ..وجاء الليل ونمت وانا اصيح ..

ويوم جت اميميتي الله يحييها ويطول لنا بعمرها تقومني الاني اصارخ واقول نجمه بس ..نجمه بس ..وهي نجمتين ..ونادت الوالد الله يحفظه وقوموني وسموا علي ...واثر من زود التاثر صرت احم ..علشان كذا صرت اهون على عيالي واسولف معهم اذا نزلت درجاتهم شوي ..اخاف يحلمون بهالليل ..


الموقف الثاني الله يحييكم
في المتوسط ..
مره كان عندنا درس نموذجي ..وكان فيه حضور من جهات متعدده ومن مدارس كثيره ..وللاسف كانت هالمدرسه ماتشرح .بس ودكم تشوفون شرحها قدام هالحضور ..يعني هاك اليوم الدرس فهمناه بكل مقاييس الفهم
علشان هالموجهات قامت هالمدرسه وجابت كل اللي عندها ..والطريف في الموقف انهم سالونا عن الدرس كيفه ؟ومن سوء حظ المعلمه اني جاوبت وقلت لهن اليوم بصراحه احسن يوم عندي فهمت الدرس كله (مفلوته من لساني ..كنت ناويتها بصراحه بس بعدين تحسفت ...ولكن كتبه الله ...عاد عقب ماراحوا الله لايوريكم داني هوش
جعله مايمر عليكم انتهى بنزولي الى المديره وشرحت لها الموقف اللي صار من هالمعلمه والله يجزاها خير وقفت المعلمه عند حدها ..


الموقف الثالث ::

كان عندنا اختبار كيمياء في اول ثانوي ولاذاكرت زين ماادري ليش ؟؟ولاقدامي حل ..قلت لأمي ابغيب قالت لا..من قالس ماتدرسين !!
المهم توكلت على الله ورحت للمدرسه وافكر بطريقه ماامتحن اخاف ازفت والدرجات تنزل ..يعني مستحيل ارضى بهالشيء ..قلت ماقدامي الا التميرض ..وسخنت وقعدت اتلوى وروعت المعلمات وزهمت المديره على اميمتي وجت الله يجزاها الجنه ..واخذتني ورجعنا البيت وفي السياره علمتها اني مافيني الا العافيه ..والله لايوريكم قامت تهوش علي ..وتراني بعدها تحسفت وصار ضميري يؤنبني طول الوقت واقول لنفسي ياليتني سقطت ولاتصرفت كذا !!!


استفدت من هالمواقف بصراحه كثير ..صرت الحين اسولف كثير مع عيالي عن مواقفهم في المدرسه وش سووا والا وش سووا اخوياهم ..وصرت اوجه من بعيد ..ولا الومهم بعض الأحيان ..يوم اهوش ويوم امشي ..


العذر والسموحه وكل مرحله ولها مواقفها


الجامعه كانت اجمل مراحل العمر ..فعلا كان فيها التميز اكثر والتركيز اكثر وتحققت اهدافي وتنورت وصححت الكثير من مفاهيمي ..وضللت ولله الحمد متميزه الى ان تخرجت واخذت الكثير من خطابات الشكر والتميز وكل تيرم احصل على امكافأة للامتياز ...وايامنا يعطون خطابات شكر ..الحين ماادري يعطون خطابات شكر والا لالا !!!اللي اعرفه انهم يعطون مكافأه ..


طولت عليكم ..عذرا ..
عبدالله المعجل
22-11-2005, 02:58 PM
يعطون مكافآت وخطابات شكر في الملف وترسل لولي أمر الطالب der: der: der:
الأم الحنون
22-11-2005, 03:11 PM
الأستاذ الفاضل عبد الله المعجل

بارك الله فيك ..كل الشكر على مرورك واجابتك على

تساؤلي ..جزاك الله كل خير ..

شيء رائع ماتوقعته .. rolleyes:
عبدالله المعجل
22-11-2005, 03:19 PM
ايه ايه...

مكافآت... وخطاب شكر للطالب نفسه وخطاب ثاني لولي الأمر...

غير الحفله الي تصير بالبيت sَsَ

عاد انا انقل بس dُdُ مدري هالشي صدق ولا لا ....
الأم الحنون
22-11-2005, 03:35 PM
الأستاذ الفاضل عبد الله المعجل

بارك الله فيك ..اي تكريم واي تقدير يقدم للطالب المتميز اكيد راح يكون

مردوده بحوله تعالى ايجابي زدافع قوي لمواصلة العطاء


كل الشكر

حماك الله
Computer GirL
23-11-2005, 03:17 AM
بصراااااااااحة مواقفكم تهببببببببببببببببل
والموقف الأول لأمير سدير يموووووت من الضحك

ألف شكر لك أختي على موضوعك
الأم الحنون
23-11-2005, 02:00 PM
الأخت الفاضله Computer GirL

اقدر لك هالمرور الطيب على الموضوع ..واتمنى ان تمتعينا ايضا

بخبراتك المدرسيه


حماك الله