مشاهدة النسخة كاملة : سعودي شامبين
عبدالله المعجل
18-11-2005, 09:31 PM
يمكن لاحظ الكثير منكم ممن قرا موضوع مطاعم في مطاعم
ذكر اسم مشروب السعودي شامبين كثيراً...
هذي طريقته
يتطلب منك تجهيز الآتي
عصير راوخ تفاح
مويه غازيه... بيريه "330 مل"
تقاح مقطع
برتقال مقطع
ليمون مقطع
نعناع
قطع كرز "يباع في السوبر ماركت عاده في علب زجاجيه"
ثلج
سفن آب حسب الرغبه
" قراندين....."عصير رمان مركز"
نحط الثلج وقطع التقاح والبرتقال والكرز والنعناع في جيك...
وبعدها نصب البيريه والراوخ مع بعض بنفس الوقت وبعدها نحط فنجال قرانديين ونحركه...
المشروب بصراااااحه ابدااااااااااااع
واحلى شي مع العشاء
تحياتي
أمير سدير
18-11-2005, 09:54 PM
وشذا
مجمع كلش
اكيد زين.......
kaleed
19-11-2005, 12:17 AM
الاخ الرائع / عبدالله
الحقيقه ان هذا العصير رائع وقد جربته في احد المطاعم ولاشك انه مغذي لاحتوائه على العديد من
الفواكه (تفاح-برتقال ليمون...) والاروع من هذا كله ان نقوم باعداده في المنزل وبانفسنا
لكن لى ملاحظه بسيطه على الاسم (سعودي شامبين) اعتقد ان هذا جزء من الغزو الفكري ولو في ابسط الاشياء
وهى الطعام والشراب ولاشك ان المسلم يثور ويغضب اذا عرض عليه احدهم شرب الخمر ولكن عندما يدعوه الى
شرب عصير يحمل نفس مكونات الخمر ولكن بدون مسكر ويحمل نفس الاسم فانه بلاشك سيفرح بل وسيدعو له
لماذا لانسمى هذا العصير ( سعودي مخلط - سعودي مشكل - سعودي شقف ) اوغيرها من الاسماء
مع الشكر لك اخي عبدالله على شرح طريقة الاعداد ( لايدرون اصحاب المطاعم ترى يشتكون عليك )
امعط تحياتي
ابورغد
ابو عبد العزيز
19-11-2005, 12:21 AM
اخي عبد الله المعجل وش السالفة
عبدالله المعجل
19-11-2005, 12:26 AM
أمير سدير...
طبعاً "زين"....
شاكر مرورك
خالد...
شاكر مرورك....
هو بصراحه أشتهر بهذا الاسم... سعودي كوكتيل أو غيره ما ينفع...
لكن فيه أسم رائع وهو سعودي كول...
أعتقد هذا الاسم..أنسب شي لكنه غير مشهور
عموما المطاعم يكتبون سعودي شامبانيا... انا بصراحه حورت الاسم وكتبت سعودي شامبين...
الوالده الله يطولي بعمرها يوم قلتلها السالفه... سمته سعودي أبو شنبين :)
لكنه بصراحه ابدااااااع...... استغنينا عن البيبيسي وغيره... وصار هو المشروب الرئيسي لما يكون عندنا عشاء...:)
ابو عبدالعزيز...
السالفه يا طويل العمر كلها مقتصره على تشريفك (هنيا) :)
تحياتي
عبدالله المعجل
19-11-2005, 01:14 AM
للتذكير فقط....
الطريقه أخذتها بنفسي من الشيف في مطعم جندولا..... بعد الحاح كبير مني
:)
وبصراحه ما قصر.... جندولا هو أفضل من يسويه على الاطلاق.....
miss sudeer
19-11-2005, 01:34 AM
مشكور اخوي عبدالله وسبق وان انزلت عده طرق لهذا الشراب
بناء على طلب احد الاخوه
على هذا الرابط
((هنا)) (http://www.sudeer.com/vb/showthread.php?t=24706)
ويعطيك العافيه على هالجهود في منتدى الطبخ
شكرا لك
عبدالله المعجل
19-11-2005, 01:40 AM
nv:nv:
Miss Sudeer
آسف ما دريت...
بس ترا طريقتي هي أحسن شي وزود على كذا فيها شي مميز وهو القرادنيين :)
تحياتي...
miss sudeer
19-11-2005, 01:52 AM
عادي اخوي .. فعلا طريقتك هي الكامله اعتقد..
طيب وين القا القرادنيين هذا ؟؟
انا احبه لحاله مع سفن اب زي حق الريف الايطالي :)
عبدالله المعجل
19-11-2005, 02:03 AM
الريف الايطالي يحط قراندين اذا طلبتي
تحصلينه عاده في اليورمارشيه أو السيفوي
مرهف الإحساس
20-11-2005, 01:08 PM
طريقة حلوة
بس برضو طريقة اسهل واسرع
رح لأي مطعم اتكيت او مقهى حلو واسأل عن سعودي شامبين :)
قبلاتي الحارة لك
عبدالله المعجل
20-11-2005, 01:16 PM
مرهف...
قايل لك بعض خشيمك lk:
بسمة فرح
20-11-2005, 07:28 PM
وااااااااااااااااو هذي طريقته والله زين
بن جعيثن
20-11-2005, 10:00 PM
عندي لك رأي أحسن من هذا اللي فيه قطع فواكه ...
لأنه بيني وبينك لا جيت تشرب جن هالقطع في أول الكأس ما تدري وش تبدي ...
إلا جب لك سفن آب و بيرة موسي و تفاح راني وعصير مرواخ مدري وش اسمه بس ذاك اللي فيه طعم التفاح ومويه غازية والبيرة خلها بالطعم العادي وبطعم الليمون والتفاح والتوت وإن حصل بطعم اليوسف فندي يكون أزين :)...
المهم أخلطهن كلهن و تقدر تستغني عن الموية الغازية بشلخة ثلج ...
وبعدين قدمه في أكواب فيه كسر ثلج صغيرات ...
وبالهناء والعافية almo:der:...
عبدالله المعجل
20-11-2005, 10:57 PM
البنت الدلوعه...
ان شاء الله يكون عجبك.....
بن جعيثن...
يا شينك انت وفلسفتك... حست أبو المشروب...
وبعدين ترا القصد من قطع التقاح والبرتقال... اعطاء الشكل فقط للمشروب....
تحياتي لكما...
عبدالله
مشكله المشروب هذا
انك ما تقدر تصلح كميه بسيطه .. خصوصا للي تمسك معهم مسكات آخر الليل و يدخل المطبخ ما يدري وش يسوي ..
لأن المشروب يتخمر .. وهذي مشكله
عبدالله المعجل
20-11-2005, 11:39 PM
الصيدلي...
لا لا لا ...
ما يتخمر...
اصلاً هو ما يصلح الا بوقته...
لانك اذا خليته من بكره تروح غازاته....
بامكانك تسوي كاس واحد....
وراح اعطيك التفصيل بشكل اكبر...
ثلاث ارباع الجيك "الكاس" راوخ....
ربع الجيك "الكاس" بيرييه...
جربه وبتدعي لي....
تحياتي...
يعطيك الف عافيه على المجهود الغير طبيعي
شكلك ذويق درجه اولى و توسع الصدر في الاكل
بسويه وبستهبل على اهلي لو يموتون ماراح اقول لهم الطريقه************************>>>نذاله
لا هنت اخوي
تراي ما عرفت المقدار بالضبط يعني السفن اب احط قوطي واحد والراوخ والبيريه شكثر احط وفي الاخير كم كاس يطلع
لا تتأخر في الرد علشان يمدي اروح اشتري المقاضي حقته واسويه
يمممممممممممممممممممممممممممممممم يمممممممممممممممممممممممم
حنان المنتدى
25-11-2005, 04:32 AM
fo:
der:
عبدالله المعجل
25-11-2005, 06:18 AM
مهره....
آسف ع التأخير....
توني داخل البيت...
حطي قاروره كامله راوخ.... وقاروره كامله بيرييه (330 مل)... ما يحتاج سفن آب...
وفنجال قهوه قرانديين "عصير الرمان المركز"...
بس.....
عبدالله المعجل
25-11-2005, 06:19 AM
حنان المنتدى....
ذا عصير ما ينوكل... ينشرب بس :)
شاكر مرورك......
سويته من جد رائع========>صرت نشبه
اقول اخوي بما انك تسال الشيف اذا عجبك شي ما قد سألت عن الصوص حق السيزر سلط========>من جد نشبه
عبدالله المعجل
30-11-2005, 09:43 AM
مهره...
الحمد لله أنه عجب الأهل...
بالنسبه للسيزر سلط....
بصراحه ماقد سألته...
لكن أنا اسويها دايم...
تحصلين في السوبر ماركت يبيعونه جاهز اسمه سيزر صوص.....
تحياتي.......
vBulletin® v3.8.7, Copyright ©2000-2024, موقع و منتديات سدير © 1422 هـ - 1431 هـ