ابي رايكم بصراحه وبدون مجامله

[أبو ريان]

الاخوة الاعزاء ارجو ان تنال القصيدة اعجابكم ومن له اي ملاحظه ارجو ان يبادر بذكرها ولا يكون هناك اي مجامله اخوكم ابو ريان


يا علـي صارت حلومي حـقيقه === وانصدمت من الحقيقه في منامي
من زمان صاير بالنفس ضيقه === كـثرت هـمومي ولا عـندي كلامي
من يقـول الزيـن حنا ما نطيقه === يا عسى يلقى على قـول السقامي
العسل صافي يوخذ من رحيقه === والنحل لزهـورة الصفراء يحامي
يا علي مليت من قول الخليـقه === يـوم احـسب اني مـولع بالهـيامي
يحسدون اللي تهنى مع رفيقه === من عـيون ما تصيب آلا بسهامي
واكتفـيت بنـظـرة منها رقـيـقه === وجاوبـت رد التــحـيـه بالســلامي
يوم وادعني تـوجه في طريقه === مـن يـلـومه في وداعـه ما يـلامي
انطـفت في داخلي نار وحريقه === هذي القصه وهي مـسك الختامي

[السلمان]

باقتباس من مشاركة أبو ريان

من يقـول الزيـن حنا ما نطيقه === يا عسى يلقى على قـول السقامي
العسل صافي يوخذ من رحيقه === والنحل لزهـورة الصفراء يحامي



صح لسانك اخوي ابو ريان وفعلا القصيده حلوة وجازن لي هالبيتين
والله يكون بالعون لامست مشاعري بهالابيات الرقيقة السلسة
سجل اعجابي بما سطرته يمناك والله لايحرمنا من ابدعاتك
واعني كل كلمة قلتهـــــــا لك
وتقبل تحياتي

[أبو ريان]

تسلم على ما ذكرت من كلمات تنم عن الاحساس الصادق والشعور النبيل 0 يا عسل

[ابن ماضي]

قصيدة رائعة وابيات سلسة تحرك المشاعر والفؤاد :)


تحياتي لك اخوي ابو ريان

[m3n]

مــــــعـــليش يا ابو ريان ودي اقول رأيي










بــــــــــــــــــــــــــــــــــــــــــــــس.. .................................................









اني ما اعرف شئ في الشعر

ولكن واضح من كلام الشباب ان القصيده {مسكته****** و{رهيبه****** و{عجيبه****** >صارت جوالات وانا ماادري<

[أبو ريان]

الشباب فيهم الخير والبركه وانت قدرك فوق الراس يكفي انك قريت القصيدة :p

[الطبيعي]

عساك على القوة واتحفنا دائماً بالكلام الجميل من هذا وأفضل

[محمد العوهلي]

يا بو ريان قولك ما نطيقه === إرفق علينا خوف الزلالي
كلامك يدمي الجروح الكليمة === لا تشاوت كر عليها بالوجاعي
ما يصبر كود من نفسه كويده === مثبته ربي بزين الدلالي
أما أنحن حالنا ما هي جميلة === النظرة توردنا وادي الضلالي




هذا ما طري لي وآآآآآآآآسف على التعدي
محاوله جيدة يالعوهلي واسمح لي اعدل لك بعض الابيات بعد اذنك طبعا

ارفق يا بوريان قولك ما نطيــقه &&& ارفق علينا خل قــولك زلالي
من كلامك تدمي جروح غريقه &&& لو تشاوت ما تـشافيـها الليـالي
ما يصبر كود من يطفي حريقه &&& ومثبت ن ربي جماله بالدلالي
من نسانا ينـسى خـله مع رفيـقه &&& ياعـسى يـلـقـى رفـيـق ما يبالي

ابوريان

[ديك الجن]

ابو ريان بدون زعل زهورة تكتب زهوره اما القصيدة من ناحية الوزن ما فيها كلام

[أبو ريان]

يخليك ربي ديك الجن

[ديك الجن]

ابو ريان انااسميك الاخطبوط ما شا الله
والمعنى في بطن الشاعر

[محمد العوهلي]

المثل يقول المعني ببطن الشاعر
ولكني لست شاعرا
بس يمكن فيه شئ من المعني في البلعوم والمري
ما نزل للمعدة شئ حتى الآن
أرجوا أن تكون فهمت قصدي أخي (ابو ريان )
وجزاك الله كل خير

[أبو ريان]

القصد واضح والمعاني كثيره 000 واللي فهم قصدك ما اضن يخفاه :D

[محمد العوهلي]

تسلم يا بو ريان يا راعي الجميلة ++راعي العز والشرف وحسن الشكيمة
راعي الأولة وراعي الفضيلة ++ تسلم يا خوي يا راعي الحشيمة


(القصيدة الراعية ) كلها راعي :D :D :D

[سعود الخليل]

بصراحه قصيده جميله وانتقاء اكثر من رائع للكلمات نتمنى ان نرى ابداعاتك في القريب العاجل ..