المساعد الشخصي الرقمي

مشاهدة النسخة كاملة : بانورما على الرياض تصويري


سعد القاسم
09-12-2005, 11:50 PM
بسم الله
السلام عليكم ...

مقدمه بسيطه ....
هناك مكان في حي التعاون بالرياض اذا رحت لمه ترى جبل ارتفاعه معقول نوعا ما ولكن احذر ان تراك الشرطه فهذا الجبل مشبوه نوعا ما ...
...

اطلاله على الصووره ..
هذي الصوره التقطها قبل اسبوعين الظهر تقريبا وكان الجو معتدل ولكن تبدو الادخنه والشوائب تملا الجو ..
فصعدت لذالك الجبل ... والتقطت 12 صوره بوضع البانورما الي في الكميرا النيكون 8800

الى الصوووره

لا تنسون نقدكم لان هذا اول عمل لي بالبانورما ارجو ان ارى تعليقكم عليه لو سمحتم..


http://www.shuf.com/UserData/shufmembers/6/188168/drive/panorama1.jpg


7
7
الصوره بحجم اكبر
7
7

http://www.shuf.com/UserData/shufmembers/6/188168/drive/panorama.jpg

ودمتم بود

لهفة الخاطر
10-12-2005, 12:45 AM
ماشاء الله عليك سقم سدير
صوره رائعه
بس لو كانت باليل كيف راح يكون المنظر رهيييييييب مو صح
لك شكري على الصوره

ابراهيم الرحيمي
10-12-2005, 01:58 AM
ماشاء الله بانوراما روعه اخوي سقم سدير وبدايه موفقه
الملاحضه الوحيده الي انت اشرت اليها صفاء الجو فقط والتوقيت مثل اخر العصر او الصباح
في انتظار الجديد من الابداعات في البانوراما
كل التقدير لك

أنــ(تويمي)ــا
10-12-2005, 05:16 AM
ما شاء الله لقطه جميلة
جدا وبانوراما موفقة

تقبل مروري

يـــزيـــد
10-12-2005, 08:33 AM
السلام عليكم


يامجرم انت ههههه

اقول لو تصور بالليل يكون افضل ومنظر خيالي

ولكن يعطيك العافية

سعود الخليل
10-12-2005, 02:06 PM
ماشاء الله عليك يا سقم

لقطه حلوه لكن ليت الجو حلو كان تطلع خيالية ...

الإظار عريض شوي مقارنه بالصورة ...

مشــاعر
10-12-2005, 02:12 PM
السلام عليكم..

ماشاء الله تصوير رااائع..

بس والله لو الجو حلو كان طلعت شي ثاني من جد..

مشكور على الصور..

تحيتي لك

http://www.0zz0.com/2005/10/03/454938839.gif

ذيب سدير
10-12-2005, 07:43 PM
محاوله موفقه اخوي سقم ...بس كن الاطار ماثر شوي ..والله يعطيك العافيه ..

عبدالعزيز
10-12-2005, 08:42 PM
اخوس سقم سدير

يعطيك العافيه صوره روووووووعه

سلطان العضيدان
10-12-2005, 10:59 PM
توقيت رائعة للتصوير

لقطة فنيه جميلة

تسلم اناملك يا سقم سدير

ولا عدمنااااك

فهد المنيع
11-12-2005, 09:58 PM
سقم محاوله تستحق الاحترام .. والتجربة مهمة ولو كان فيها عيوب ..


التطبيق العملي للبانوراما اعتبره جيده فالترابط بين الصور رائع .. بقي اختيار المكان والتوقيت ..


الجو جداً سيئ .. عموماً جرب في اماكن ثانية ..


ولك تحياتي ولا تقاطع ..

السيد: نملة
12-12-2005, 01:03 AM
ما شاء الله

الصوره حلووووه

بس ماش طلعت الرياض شينه


على هالدخنه الله المستعان بس

القناص1
12-12-2005, 06:49 PM
ماشاء الله صوره جميله مشكور اخوى سقم

أمير سدير
13-12-2005, 09:55 PM
يعطيك العافيه



صوره رائعه

فجر سدير
13-12-2005, 11:16 PM
ماشاء الله عليك ....



لقطه حلوه ....



يعطيك العافية...

دكتور المنتدى
14-12-2005, 12:04 AM
ما شاء الله صورة رائعة وجميلة

انا اضم صوتي لملاحظات الاخوان من حيث الاطار واختيار المكان والزمان

الله يعطيك الف العافية...

متفائل
14-12-2005, 02:14 PM
روووووعه



ابداع



شكرا لك أخي سقم

سعد القاسم
14-12-2005, 10:47 PM
مشكورين ياجماعه ويعطيكم الف عافيه ولي عوده بحول الله

بن جعيثن
15-12-2005, 01:58 PM
صورة ولا أروع ...

البركة فيك يا بعدي بصور أحلى ...

محبك \\ بن جعيثن ...

طالبة الشهاده
24-12-2005, 07:43 AM
ما شاء الله
تصوير رائع
موفق ان شاء الله
وبالعكس تدرون ان الغبره هي والله مزينه الصوره لانها طالعه كانها ضباب
وتوحي ان المكان مخيم بالغيوم ورذاذ المطر
صراحه خيال ما شاء الله
أخوي سقم
ان شاء الله عزمت اني أبشتري كاميرة نيكون 8800
لقيت موديل 2004، و 2005
وما بيناتهم فرق كبير
ياليت لو تكرمت تقولي كم أخذت كميرتك؟
لاني شفتها 3000 ريال سعودي تقريبا

سعد القاسم
25-12-2005, 03:14 AM
المعذره ياجماعه على التاخير طالبة الشهاده
بالنسبه للكميرا اول مره اعرف ان هناك موديل 2005 و 2004
ولكن كما ذكرتي ليس هناك فرق كبير ...

وددت ان اسالك هل تمتلكين كميرا قبل كذا ..
وبالنسبه للكميرا فهي جيده وايضا عليها عرض الان في الكترو مع الطابعه جميله جدا وسعرها ايضا مقارب للسعر الي ذكرتي ولكن ارجوك ان توضحيلي مالفرق بين ال2005 وال 2004؟؟؟ لكي يتسنى لي معرفة الكميرا ..
المهم عندي هو ثلاثه اشياء الزوم الاوبيتكل والدقه وهل بها نظام VR
كذالك امكانية تصوير راو او لا ؟
تحققي من ذالك وان اضفتي شي علميني لا تبخلين ...
بانتظارك ؟
بحول الله وقوته

سعد القاسم
25-12-2005, 03:20 AM
فعلا ملاحظه في محلها ياقلبي متيم
شكرا لك .. وباذن الله راح اطبقها عن قريب شكرا لك ولذووقك

سعد القاسم
25-12-2005, 03:22 AM
يعطيك الف.. عافيه يابو زاحم وبارك الله فيك .. ومشكور على هذا التواجد يالغالي شكرا لك وملاحظه انا معك فيها

سعد القاسم
25-12-2005, 03:22 AM
انا تويمي شكرا لك وجزاك الله خير ولاهنت يالغالي
وماقصرت ياخلفهم شكرا كل الشكر لك

سعد القاسم
25-12-2005, 03:23 AM
شكرا يزيد وباذن الله احاول ..
...
القطها بالليل واشكرك يالغالي على هذا التواجد لاهنت ياخلفهم

سعد القاسم
25-12-2005, 03:24 AM
باذن الله يابو عبدالعزيز باحاول اعرضها لكم بعد التصوير بالليل مافي مانع اصور بذاك المكان مره اخرى ولكن بالليل شبه جدا ..
شكرا لك على هذا التشجيع يامشرفنا العزيز

سعد القاسم
25-12-2005, 03:25 AM
فعلا يامشاعر شكرا لك ولذوقك الراقي وبارك الله فيك..
.. ووفعلا بالليل لها طعم اخر .. اكيد شكرا لردك ياختي الكريمه

سعد القاسم
25-12-2005, 03:34 AM
الله مير يعافيك اخوي ذيب واشكرك جزيل الشكر على هذا التواجد الثري
شكرا لك ولتشجيعك ونقدك البناء شكرا يا مشرفنا

سعد القاسم
25-12-2005, 03:35 AM
الله مير يعافيك اخوي راعي الغاط وسلمت والله وماقصرت ياخلفهم تواصل جميل منك

سعد القاسم
25-12-2005, 03:36 AM
الله مير ياعفيك يامشرفنا حالم وبارك الله فيك يالغالي
وباذن الله ابحاول اتفدى العيوب والحمدلله ان الدمج جاء مناسب ..
وهذا بعد توفيق الله ماقصرت يامشرفنا العزيز وسلمت والله

سعد القاسم
25-12-2005, 03:37 AM
الشكر لك اخوي شمر سلمت يالغالي

سعد القاسم
25-12-2005, 03:38 AM
شكرا لك يالسيد نمله انت تقوووله شينه وبس ماقصرت والله يابعدي شكرا لك

سعد القاسم
25-12-2005, 03:39 AM
الله مير يعافيك ياوادي وبارك الله فيك ياخلفهم شكرا لتشجيعك يالغالي

سعد القاسم
25-12-2005, 03:44 AM
الله مير يسلمك يالقناص وسلمت والله يالذيب ومااقصرت يالغالي مشكوووور ياخلفهم

سعد القاسم
25-12-2005, 03:56 AM
الشكر لك امير يالغالي وماقصرت والله

طالبة الشهاده
26-12-2005, 09:54 AM
وددت ان اسالك هل تمتلكين كميرا قبل كذا ..

ديجتل لا !! لكن عندي كاميرة فيديو من سوني

ولكن ارجوك ان توضحيلي مالفرق بين ال2005 وال 2004؟؟؟ لكي يتسنى لي معرفة الكميرا

أنا أقصد تصنيعها أو اصدارها في عام 2004 و 2005!!!!! فعذرا على خطأ التعبير
لاني تصفحت على كاميرة نيكون بالنت ولقيت وحده جديده مصنعه هالسنه وراح تنزل بعد شهر ومميزاتها جدا عاليه يعني مابعد نزلت بالسعوديه
nikon 200
وحجم السينسور sensor -الحساس- تقريبا الضعف وسعرها بعد الضعف
وهنا معلومات عنها
http://www.dpreview.com/reviews/specs/Nikon/nikon_d200.asp

المهم عندي هو ثلاثه اشياء الزوم الاوبيتكل والدقه وهل بها نظام VR

شفت نوعين
الأولى : Nikon Coolpix 8800

فيها المواصفات للي قلت عنها لكن السينسور مو عالي
http://www.dardasha.net/imagehost/uploads/0a3b700d27.jpg (http://www.dardasha.net/imagehost)
وهاذي معلومات عنها
http://www.dpreview.com/reviews/specs/Nikon/nikon_cp8800.asp

الثانيه: nikon D50 وهي اللي عاجبتني لان السينسور عالى - وهو مهم عندي
بس مافيها زوم ممكن أشتري لها عدسه إضافيه !!
http://www.dardasha.net/imagehost/uploads/d3d1ef1605.jpg (http://www.dardasha.net/imagehost)
]
وهاذي المعلومات عنها
http://www.dpreview.com/reviews/specs/Nikon/nikon_d50.asp
الله يكتب اللي فيه الخير
بس الله يعافيك ايش تقصد ب VR
هل تقصد تسجيل الصوت-- الفويس ريكورد؟!!

شعيب سدير
01-01-2006, 11:58 AM
اخوي سقم

الصوره رااائعه بس فيه مشكله

المكن مهب منااسب تعاال في مكاان ما حوله شغل مكان وااسع وارفع شوي

ثاانيا التوقيت مهب زين تعااال بعد الفجر <<<<<وعسااك قاايم خخخخخخ

وثاالثاا هلغباار الله يستر بس هتلوث


واخيراا تجربه موفقه


تحيااتي لك اخوي


وشكرااااااا

سعد القاسم
03-01-2006, 05:02 AM
دقيقه ارد على طالبة الشهاده بحكم الاستفسار ولكن المعذره طالبه الشهاده
بالنسبه للي ذكرتيه عن تاريخ صنعها والله اعلم انه في 2005 اذا كانت ذات الموديل 8800 ومانع اهتزاز

اما ماذكرتيه عن السنسور هذا موضوع ثاني فعلا في التو هندرد عند النايكون السنسور فيها ممتاز ولكن الكميرا نوعا ما تعتبر خياليه هي بغنى عن وصفي لها الكميرا احترافيه ومكلفه ايضا مكلفه جدا جدا جدا

وهي تعتبر SLR يعني للاحتراف وليس للهواة ؟
ولكن انتي ذكرتي اهتمامك بالسنسور هو الاول فعلا انا معك من ناحية السنسور انه غير جيد في الكلوبكس 8800
الي معي
واما الدي 50 هي كذالك من فئات السلر

وبالسنبه للعدسات الي ذكرتي والزوم بصراحه كميرات SLR
نوعا ما مكلفه هي وعدستها فمثلا لو جينا لعدسات التليفوتو الي هي الزوم مكلفه نوعا ما كذالك عدسات الماكر ايضا لكل وضع عدسه او لكل منظر عدسه يعني بصراحه مكلفه جدا جدا جدا

واذا كنتي بتبعدين عن الكلافه فأنا مبدئيا انصحك بالمدمجه هذي الي هي 8800 نايكون واما اذا كنتي مصممه على اقتناء سنسور افضل فعليك بالتو هندرد بس مكلفه..

ولا انسى الكميرا المدمجه هذي الي ذكرتها لك ال8800 يها زوم ويعتبر جيد وايضا ماكرو فوق كل ذالك نظام الVR
رائع جدا ... وهذا قلما يوجد في الكميرات المدمجه واما السلر ليس موجود فيها بل يوجد في العدسه ذاتها .. وتأتي مكلفه ايضا ..

سعد القاسم
03-01-2006, 05:05 AM
شكرا فجر وعافاك الله ..

سعد القاسم
03-01-2006, 05:06 AM
سلمت والله يادكتورنا يالغالي
وماقصرت والله

ومعك في الملاحظه تسلم يالغالي

سعد القاسم
03-01-2006, 05:06 AM
الله مير يعافيك ياسلوم وجزاك الله كل خير يالغالي

شموخ الوجدان
04-01-2006, 10:53 AM
منظر اكثر من رائع