لمـــتــــذوقــي الـــشـــعــــــر [الأرشيف]

عبدالعزيز المعجل

08-12-2001, 06:36 AM

هلا ومرحبا اخواني واخواتي اعضاء المنتدى الغالي

في الحقيقه انا ودي اسوي موضوع اكسر فيه الروتين الي تقريبن كل المنتديات تمشي عليه وهو المشاركه الواحده والردود

في الموضوع هذا انا ادعو جميع الاعضاء دون استثناء للمشاركه هنا باجمل بيتين او ثلاثه ابيات قرؤها ولم تزل عالقه باذهانهم لجودتها وجمالها

وانا اتشرف بان اكون اول المشاركين ببيتين للشاعر / فهد المساعد

ويقول فيها:ـ

جـــا يـشــوف الــحـال كــيـفـه بـعـد مــا هـــزه حـنـيـنـه *** وقـبـل يــسـألــني سـألــتـه كـيـف حـالـك يـالـحـبـيـب
قــــال أنــــا كــــنـي غــريـب ضــيـع دروب الــمــديـنــه *** قـلـت انــا كــني مــديـنـه تـنـتـظـر رجـعـة غــريــب

:)
;)
:p
:p

.

أبو ريان

08-12-2001, 03:01 PM

انا بالنسبه ماعندي مانع ؟؟؟؟؟؟؟
يعني عود من عرش حزمه

ابو حسن

08-12-2001, 06:06 PM

صراحه بيتين حلوات ما اتوقع القاء مثلها

.
اخ هجرس ما عندك مانع حط لك بيتين نعنش بها المنتدى

عبدالعزيز المعجل

08-12-2001, 06:32 PM

اخوي هجرس

انت لك وزنك بالمنتدى الادبي يعني لازم نقرا مشاركتك بالقريب العاجل

:)
;)
:p
:p

.

عبدالعزيز المعجل

08-12-2001, 06:34 PM

اخوي ابوحسن

نبي منك بيتين طيبات مثل توقيعك الجميل

:)
;)
:p
:p

.

ابو حسن

08-12-2001, 06:48 PM

و لا يهمك شاعر سدير

هذي بيتين لمحمد الاحمد السديري

المستريح الي من العقل خالي ** ماهوب بلجات الهواجيس غطاس
مهوب مثلي مشكلاته جــلالي ** ازريت اسجلهن بحبرٍ وقرطـــاس

أبو ريان

08-12-2001, 08:45 PM

مالك الا طيبه الخاطر شاعر سدير 0000000

عيبي هل النخوة تدور محلي 000000 ناس اصادفـهـم وناس مـسايـيـر
الا ومـع ذا مـجـلسي ما يملـي 000000 مانيب دعبول اهروجه خماكير

000 عبدالله ابن صقيه000

الجريوي

09-12-2001, 12:11 AM

طيب وش رايكم بها الأبيات /
أحن لشـوف شـعاب سـديـر *** وســيـل الـخيـر يرويـهـا
واحن لشوف زهر الروض *** وشـيـح ونـفـل يغـطيـهـا
واحن اســــمــع تــغـاريـــداً *** طـيـور الــبـر تـغـنـيـهـا
واحن اشــرب حـلـيـبـاً مـن *** نياق وضيح ومجاهـيما
واحن آطير لارض ســدير *** جـبـال طـويق تـباريهـا
وسلامتكم ،،،،،،،،،،،،

ابو حسن

09-12-2001, 01:40 AM

صح لسانك جريوي :p

الجريوي

09-12-2001, 01:56 AM

الله لا يحرمنا من تشجيعك يابو حسن

ابو حسن

09-12-2001, 02:00 AM

الله يسلمك جريوي لكن هذا مهوب تشجيع هذا ابيات حلوه بدون مجامله

عبدالعزيز المعجل

09-12-2001, 03:25 AM

ياشباب وش رايكم نخلي المجاملات والآراء بعد مايكتبون اغلبية الاعضاء مشاركاتهم؟؟؟؟:confused: ؟؟؟؟؟

:)
;)
:p
:p

.

أبو ريان

09-12-2001, 04:05 AM

محاوله حلوة جيدة منك يا الجريوي وتسلم على هالابيات الي ذكرتنا بالربيع

عبدالله المهيدب

09-12-2001, 04:42 PM

من اجمل الابيات اللى قرأتها باللهجة العامية

يامـنـتـدنا لو سـعـت فـيـك الاشعار *** يعجز جميع الشعر عن وصف طاريك
مـجمـوعـتـك يامـنـتـدنا كـما الــنار *** الصـيـت ذايـع واشـهـد الــكـل هاويك
فيك الشباب اللي على الدرب سيّار *** فيك العـطاء كل العـطاء فـيـك يـحـيـيـك
يـالله يـالــمـعـبـود يـارب الابـرار *** وفقنا درب الخير نـرضـى ونـرضـيــك

ابوعبدالمحسن ;)

أبو ريان

09-12-2001, 07:21 PM

ايه يابو نسب هذا الى انت معودنا عليه جعله دوم من هالون /////////

هجرس يقول اليـوم لاحـل طـريـاك 0000 يابو سعد وقتك علينا ثميني
في منتدى سدير من مثلك وشرواك 0000 يامرحبا وللفين منهو يجيني

ابو حسن

09-12-2001, 07:52 PM

الصراحه هذا افضل موضوع مر على المنتدى الله يعطيك العافيه شاعر سدير

صح لسانك المهيدب

عبدالعزيز المعجل

10-12-2001, 12:48 AM

الف شكر اخوي ابوحسن

والموضوع ماكان بينجح لولا الله ثم مشاركات الاعضاء الطيبين مثلك وشرواك

:)
;)
:p
:p

.

عبدالعزيز المعجل

10-12-2001, 02:39 PM

يا جماعة الخير وينكم؟؟؟؟

والله الموضوع هذا لوه بمنتدى النوادي او النداوي والله ما اقل من 30 مشاركه على الاقل

ادعو الاخوه الي ما شاركو انهم يشاركو ولا يبخلو علينا بالابيات الجيده

:)
;)
:p
:p

.

عبدالله الصالح

10-12-2001, 03:55 PM

السلام عليكم

الموضوع حلو وجميل ويغري الواحد للمشاركه معكم احبتي فيالله

خطاك انك تصدقني الى من قلت انا بنساك
انا لامن نسيت الحمد قل لي ويش اصلي به ..

===

تقول اللي طرف عيني انا مادري هدب او عود
احس اني من اللي صابها ما اشوف قدامي

ضحكت وقلت لاتخافي على بحر العيون السود
على شط الكحل مريت وهذا موضع اقدامي

والقادم احلى انشاء الله

تحياتي للموجودين

عبدالله الصالح

10-12-2001, 04:01 PM

سلام

يقول الشاعر

في ذمتي انك دوا القلب والروح
لاشفت زولك شافت النفس راحه

=====

اشتاق لك مع طلعة الصبح وسهيل
شوق اليتيم اللي نسوه القرابه

=====

ياسعود عقب غياب عامين وشوي
جتني تشاورني بقصة شعرها

تحياتي والقادم احلى انشاء الله

ابو حسن

10-12-2001, 06:37 PM

صح لسانك دفين الجرح ونتمنى منك القادم ان شالله ;)

عبدالله الصالح

12-12-2001, 07:11 PM

تحيه طيبه للجميع

يقول الشاعر /

استغفر الله عسى يغفرلي ذنوبي
مايغفرالذنب غير الواحد الهادي

====

مايلغي التاريخ تظليل الاغراب
الحر يفهم والبهيمه بهيمه

====

مافيه يمنى ناعمه مثل يمناه
هذاك اضيع ان حط كفه بكفي

والمشكل اني لاتعاندت وياه
قلبي وهو قلبي يوقف بصفه

مع خالص الشكر لهذا الموضوع الشيق

عبدالعزيز المعجل

12-12-2001, 07:19 PM

تسلم اخوي دفين الجرح على الابيات الحلوه

والف شكر لاهتمامك بالموضوع

:)
;)
:p
:p

.

أبو ريان

15-12-2001, 03:19 AM

انشاء الله شاعر سدير مالك الا طيبت الخاطر وراح تشوف عن قريب مشاركات مختارة من شعرا عدة وانشاء الله تحوز على رضاك ورضى الجميع

عبدالعزيز المعجل

06-01-2002, 11:09 PM

السلام عليكم ورحمة الله

اخواني الاعضاء الجدد
اتمنى منكم مطالعة موضوعي ((القديم نوعاً ما))
وعدم التردد في كتابة اجمل الابيات التي مرت عليكم
كما اتمنى مطالعة موضوع الأخت بنت سدير
واثرائه بالمشاركات

ولكم جزيل الشكر

شـــــــــــــاعـــــــر ســـــــــــــديـــــــــــر

:)
;)
:p
:p

.

أبو ريان

07-01-2002, 12:48 AM

اولا مرحبا بك شاعر سدير انا فعلا احد المعجبين بمنتدى سدير الادبي خاصة لان فيه من الشعر الكثير والمتميز
ولقد رديت على موضوعك سابقا وموضوع بنت سدير حاليا وفعلا ترجو الاهتمام بالزاويه الشعريه 0 مشكور يا شاعر سدير00000

عبدالعزيز المعجل

07-01-2002, 12:52 AM

مشكور هجرس ابن كليب على اهتمامك بالمواضيع المطروحه

واتمنى التوفيق لمنتديات سدير عامه والمنتدى الابي خاصه

:)
;)
:p
:p

.

أبو ريان

07-01-2002, 01:38 AM

الاخ شاعر سدير مساء الخير ارجو تسجيل الايميل لديك اريدك في محادثه خاصة jeeb948hotmail.com

عبدالعزيز المعجل

08-01-2002, 03:00 AM

اخواني الاعضاء

بما ان الاخت بنت سدير غيرت من فكرت موضوعها
فأنا اعود واكرر الدعوه لكتابة اجمل الابيات هنا في موضوعي هذا

:)
;)
:p
:p

ولكم جزيل الشكر
شـــــــــــــــــــــــــــــــاعــــــــــــــــ ــر ســــــــــــــــــــديـــــــــــر

مرخان

14-01-2002, 07:18 PM

هذي الابيات من أجمل الابيات اللي قريتها

ترى الابيات مكتوبه من الذاكره (احتمال يكون نقصت أو زدت بعض الكلمات)

شكوت نفسي وكيع سوء حفظي فأرشدني الى ترك المعاصي
وقال اعلم فان العلم نور ونور الله لا يهدى لعاصي

وكذلك الحكمه المكتوبه في التوقيع

مرخان

14-01-2002, 07:20 PM

هذي الابيات من أجمل الابيات اللي قريتها

ترى الابيات مكتوبه من الذاكره (احتمال يكون نقصت أو زدت بعض الكلمات)

شكوت نفسي وكيع سوء حفظي @@@ فأرشدني الى ترك المعاصي
وقال اعلم فان العلم نور @@@ ونور الله لا يهدى لعاصي

وكذلك الحكمه المكتوبه في التوقيع

عبدالعزيز المعجل

14-01-2002, 11:08 PM

مشكور اخوي مرخان على المشاركة بهذا الموضوع

والحقيقه بيتين جميلات

لكن التوقيع كان اجمل بشوي

:)
;)
:p
:p

شـــــــــــــــــــــــــــاعــــــــــــــــــــ ــــــــر
ســــــــــــــــــــــــــــــــــــديـــــــــــ ـــر