صور ملقطتهن من حوشنا !!

[مشــاعر]

السلام عليكم..
ادري انكم مليتوا من كثر ماانزل من هالصور الي مالها داعي,, بس تحملوني فاضيه ومااروح ولا اجي ,,
وفي العصريه كنت طالعه في هالفطيس ادور ابوي بطلب منه طلب !!لاتسألون وشو لأن اللقافه مب زينه ,, وعجبني شكل الحوش من برى<<======تصدقين يحسبونه الحوش الي جوى ,, وقمت القط من هالصور ,, الله لايبلاكم في الي بلاني به ,,

http://3arabstar.info/upload/uploads/a09af07247.jpg

هذي الدكه ,, بس مغطينها ,,مثلكم عارف في هالحر ماتنفع ,,
وترى الجدار والدربزين والحواجز مابعد صبغناهم بويه ,, ان شاء الله بعد مانرجع من السفر

http://3arabstar.info/upload/uploads/9bc726996f.jpg

وهذي النخله الي انتوا تشوفونها وش طولها!!ووش عرضها!!في بيتنا ,, والله كأن بيتنا غابه من هالشجر,,


http://www.q8boy.com/uploads/0472dd02bb.jpg
وهذا جذع ماادري عنقوص ماادري وش يسمى والله ,,خخخخخخخخ(تراني اتبع مثل **ماتعرف لفق**))

http://www.q8boy.com/uploads/daffa06d9e.jpg
وهذا الغابه موضحه اكثر,,بس ياليت شفنا شين صاحي من هالغابه ,, ماغير الناموس اعوذ بالله ,, والوسخ في الحوش,,ونقول لابوي شلها يقول لا خليها تعطي شكل للبيت ,, ((ترى الوالد رومنسي ويحب الطبيعه ))خخخخخخخخخخخخخخخخخخخخ

http://www.q8boy.com/uploads/98594f0693.jpg
وهذي قفوص حمام ,, كل جوزين مع بعض ,, واستنوا عليها شوي بتقلعهم امي في السطح:) ,, لانهم مخربين الحوش,,بس انااحس ان احلى شي لما نفتح عليهم اللمبات في الليل, على كل قفل لمبه,,وتطلع اشكالهم حلوه ,,

http://www.q8boy.com/uploads/5b94fad1cd.jpg
وهذا المشب على قولة الوالد ,, بس ماادري وشوله حاطينه ,, ؟؟!!

وبس..

ماتلاحظون بيتنا انه يصلح للشيبان؟؟..

انتظركم,,

تحيتي لكم

[نصراويه11]

هههههههههههههههههه

مشاء الله والله بيتكم غابه صدق يصلح لجدتي <=تحب الخضره على قولتها

مشكوره مشاعر على الصور وعادي كل مابغيتي صوري وحطي ماعليك من احد :)

[ريناد]

حلوه الصور

بس انتبهوا من ذا الحمام لايجيكم منه امراض الله ياكافي

مشكوره عالصور

[ابراهيم الرحيمي]

وعليكم السلام
هلافيك اختي مشاعر
بلعكس الا صوري وكثري صور هذا اسمه منتدى التصوير وشوله محطوط؟!!:)
ماشاء الله تبارك الله حوشكم يشرح الصدر بها الشجر وعشة الحمام والنخل والمشب والدكه ........واتمنى دامك تحبين التصوير تشترين كميرا تخدمك اكثر
سلمت يدينك
تحياتي لك

[لهفة الخاطر]

ماشا ءالله يامشاعر على بيتكم إنتم عندكم حمام
بس وشلون اللي عندهم نحل وش يسوون

يعطيك العافيه وتقبلي شكري

[أنــ(تويمي)ــا]

ما شاء الله عليك ....

<<<< هذي قولتك فااااضيه فذا العصريات

ما شاء الله وش نوع هالنخلة عساها جيده <<< بيوهقها

والمشب ليش كذا برا ماله غرفة ولا شي طيب في البرد تقعدووون في الحوش

والهوا يلفحكم ...... ؟

هههههههـ

على العموم ما شاء الله عليك يا مشاعر

وعلى سعة صدرك وحركاتك المميزه

تقبلي مروري والسلام عليكم .

[ياسمين]

ههههههههههههههههه

حلوه ملاحظاتك انا تويمي خخخخخخ

ماتفوت شيء مشاء الله عليك

والله حلو حوشكم مشاعر

بس الله من جد انتبهوا من الطيوووور الله يحفظنا ويحفظكم وجميع المسلمين


تحياتي لك ياسمينووو

[متفائل]

ما شاء الله


جميل جدا


الفراغ مشكلة

مشكوره مشاعر

[بدر]

ماشالله على بيتكم..

الف شكر لك يا مشاعر...

[منيف المنيف]

البيت رائع تنسيق والدكه اروع .. ما شاء الله اختي مشاعر
..

[مشــاعر]

السلام عليكم..


مشكورين جميعا على المرور,, وماقصرتي,,

**نصراويه **
حياها الله جيبيها خليها تتكي عندنا,,

***************


**ريناد **

الله يحفظنا ,, بسم الله علينا ,,

****************

** ابو زاحم**

والله ماحصل لي اشتري كاميرا ’’ مع ان ابوي عنده انواع واشكال ,, بس مستحيل اللمسهم..
يالله مره ثانيه <<========تسكت روحها,,

****************

**انا تويمي**

:),,, نوعها نخله منزليه تطلع تمر<<======طلعوها برى ,, يعني وش بتطلع بالله ؟؟

والمشب والله بعد ماسووه جاء في بالهم هالشي,,
بس احسن خله يصير نزيف مايتوسخ منهم,,

***************

** متفائل**

قول الحمد لله والشكر بس,,

تحيتي لكم

[ذيب سدير]

والله حوشكم يذكرني باندنوسياء ههههههههههههههه

صور حلوه الله يعطيك العافيه .

[ســــامـــيـه]

أقووووول مشاعر

تذكرين يوم نجلس على الدكة.. وتجيبين الشاهي الماصل

يوم يطير علينا حمام .. ويروعنا>>> صار فلم أمريكي مهجن

خخخخخخخخخخخخخخ

كل اللي بقوله مشكوره على الصور يالغاليه ولاتحرمينا

[عبدالعزيز]

ماشاء الله

منزل مبارك <=== مضيع خخخخخ

يعطيك العافيه مشاعر على الجوله الممتعه

[شذى العبير]

بصراحه مشاء الله مزيون البيت بس الحمام انصحك نصيحه لاتقلعونه بالسطح والله بيخيسكم (( أسألي مجرب ولاتسألي طبيب)) بس أبشرك حطيناه بالمزرعه صاد عن البيت

أما عن الدكه رايقه بصراحه موب دكتنا ارتفاعها كم لاو جنب البركه لاغرقت البركه مويه غرغت الدكه والفرشات


قلبي المتيم

حنا عندنا نحل اسكتي بس والله انه يدخل داخل البيت بس اقعدي راكضي وصارخي بس الحمد الله ماقد قرصني بسم الله علي :)

نرجع للموضوع أختي مشاعر صوري البيت بالكامل شكل تصميمه مشاء الله تبارك الله فله يعني رهيب وصوري نفسك بعد يؤ أمزح لالاتصدقين

[ابو هاجر]

ماشاء الله

منزلً عامر

الا
.
.
.
.
.
.
.
الحمام للبيع :)

[جنون]

اووووووه ماشاء الله..
على هالمشب ماينقصنا الا قلطة عندكم..
<<يلمح..

الف شكر لك اختي مشاعر على الصور لحوشكم..
وبانتظار جديدك..

[مشــاعر]

السلام عليكم..

**ذيب سدير**
والله حوشكم يذكرني باندنوسياء ههههههههههههههه
وبجزر الهونولولو حقت السبعين بعد ههههههههههه,,

*****************

**قمر سدير**

ايه اذكر ,,يوم يجي مطر ويدخل علينا بالغلط واحنا نشوي برتقال ونطبخ مويه ,, خخخخخخخخخخخخ

***************

**شيخ شمر **
الله يعمر بيتك <=======اضيع منك,,

**************

**شذى العبير**

والله ؟؟ اجل بروح اقولهم عن الحمام ,,
وبيتنا مصوره منه المجلس ,.. بس الباقي خليها مستوره خخخخخخخخخخخخ,,

**************

**حيدره**

ايه ينباع تبي؟؟

************

**جنون**

حياك الله ,, البيت بيتك..



مشكورين جميعا على المرور,,


تحيتي لكم

[ماجد بن إبراهيم]

ماشاء الله بيتكم حلو

وصرك مزينته