اتحدي احد يعرف القطعه هذي وش تستعمل

[المصمك]

http://00a00.com/pic/uploads/824b80cde9.jpg



انا اقول مستحيل تعرفون


مو قصور بس

ودي اتحدي المره ذي

[عبدالعزيز]

عن نفسي والله مدري

لكن ننتظر الاخوان الاكثر خبره

يعطيك العافيه المصمك

[سلطان العضيدان]

والله حيرتناا يالمصمك

قطعة غريبة في شكلهاا

بانتظار اهل الخبرات يفيدوناا ..!!

[القاصف]

أهلا بالأسـتاذ :

[ المصـمك ]

إذا كان حجمها حجم الباب الخارجي .. فأظنها تُستعمَل لستر عَورة الحوش

( فيما يسمّى اليوم بـ " البارتِـشن " )

وإن كان غيرُ ذلك .. فأرجو أن تصِف حجمه لنحاوِل معرِفَته


كل الشكر لك ولأمثالك مِمّن أثرَوا قِسـم التـراث بالمواضـيع المُفـيدة

[المصمك]

بحجم الكف صغيره مره


مهيب كبر الباب

[سديم الليل]

سماعة تلفون
او لعبه
مشكور اخوي المصمك بس بسرعه علمني تراني ما احب الانتظار

[القاصف]

أوووووه .. ( بنـت السـويلم ) صـاجّه !!

بس تراهي بحجم نصف الأصبع .. مو الكـف ..

والله ذكّرتونا بهالسمّاعة هذي ..

ولكن سمّاعة الراديو .. مو للتليفون ..

هذيك الأيام كان فيه تليفون الله يهَـداج ؟!!

[ابراهيم الروساء]

اخوووي المصمك مشكور على مشاركاتك الشيقة والممتعه

لكن ودي اتفلسف يوم عاد مريت

واقول يمكن يكون غطا
يعني طباقة لشي مثل حاوية اغراض او شي من هالقبيل

تقبل مروري

[هرمنا]

علبة للنظارات؟

[الصحراوية]

والله شكلها غريب مره ,, بس ابسئلك عشان اتأكد اللي ببالي صح او لا,, الخط الابيض على العلبه هو مطاط ولا حديد!!!

مشكوووووووور على الموضوع الشيق ,, تحياااااتي لك.

[المصمك]

هي طباقه مثل ما قال غشام55


بس طباقة ايش


الصحراويه تقول الخط الاابيض

مطاط لا مو مطاط

هذي بويه عاديه زي اي بويه غضار


ومروركم اسعدني

[فوشيه]

اصبر بس اروح اطبع الصوره واوريها جدتي<<<<<فاااضيه

[ماجد بن إبراهيم]

هذا غطا حق العلبة حقت العدسات اللاصقة منول

[بسمة فرح]

وطاية سيكل ابو ثلاث عجلات القديم

[سليمان الراشد]

هذي الله يسلمكم حقت اشياء صغيره تحفضها مثل المسامير والقروش والاشياء المعدنيه مو زي هالوقت في الزباله
الله يعزكم كانو اول يحضون اشياء مالها فايده وأذا سألتهم طيب ليش يقولون يمكن تجي حاجتها

[صقر سديراوي]

أتوقع غطاء للشنط .....

أو إذا طبقنا اللي فوق بالي تحت صارت حصالة ....

[ذيب سدير]

اتوقع هذي من الاشياء الحديثه والتي تستخدم في الاماكن المتطوره .. ولا سديرر ما اتوقع انهاا فيهاا ولو شفتهاا طايحه كان يمكن اقول هذي كسرت شي ناقصه ..... ثانيااا ابي اعرف القطعتين مع بعض ولا هذاا وجه والثاني خلفه ..

والله هذي ما مرت عليه ولكن اتوقع ..انهااا بدريره..او انهاا حاجه تستخدم في السيارات القديمه ....
وانتظر منك الرد

[المصمك]

كلكم ما عرفتو



طيب هذي كانت تستعمل في الصحيه عند الدختور


لين طعم واحد ببره حط الابره فيها وغطاها

يعني تعقم الابره


والف شكر على مروركم الطيب

[!!أبونايف!!]

الله يرجكــ والله دخت وانا أفكر
مشكوووووووووووووووووووووووووووووور أخوي
!!أبونايف!!

[بسمة فرح]

مرحاض الاولين الاول مفتوح والثاني مابعد فتحوه
هههههههههههههههههههه