كل شي يهون الا الامانه

[سلطان العضيدان]

هاك الحين ... فيه واحدن يرعى بغنمه وكان من بين الغنم اللي يرعى بهن
غنمتن امانة عنده وهو يرعى بالحاله ما معه احد ... ما غير بيمناه
عصى يتسلا بها وهو يرعى ويحوش بها الغنم ....

وفي يوم من الايام طبوا عليه شلة حناشل ... والمسيكين ما عنده
شي يدافع به ضد هالحناشل ويوم اقبلوا عليه وهم يكتفونه ويحطون
يديه ورى أظهره ويربطونهن بحبل ... :(

والحناشل أستانسوا يوم ربطوه ... واتفقوا انهم يذبحون لهم غنمه
ما دام الجو تهيأ لهم ...ويقوم واحدن من هالحناشل رايح لم الغنم يبي
يأخذ له غنمه ويذبحها وديهم يشوون ... ( راعين طويله ) h:

ولعله أختار الغنمه اللي هي امانه عند راعي الغنم ...
وقام يصارخ راعي الغنم ما يبيهم يذبحون هالغنمه لأنها
امانة عنده ... ويقول لهم أذبحوا اي اغنمه الا هذي

ولعله من القهر قام راعي الغنم يحاول يفك الحبل المربوط على يديه
ويمين ويسار لين قدر يفكه ... ويوم فكه وهو يركض للي
راح يذبح الغنمه ويقوله (( كل شي يهون الا الامانه)) ...
وأخذ له عصا وهو يجوده (يمسكه) .. ويدبغ لين خاب ثناه ..asb:

وبعض الحناشل يوم شافوه دبغ خويهم ... أنحاشوا من الروعه
وما بقاء منهم الا اثنين ومن العصبية اللي فيه والقهر
مسك هالاثنين وجلدهم لين قالوا آمين ...

[روح سدير]

هههههههههه

بس والله كفوو قام طقهم يعجبني والله<<<<<< يحب العنف مرررة

مشكوووور أخوي راعي الغاط

على الموضوع الجميل منك يالغالي

[سلطان العضيدان]

روح ســــديـــر

حياااك الله وشااكر لك على مرورك ..

والله يتسافينا شر العنف .. :)

[ســــامـــيـه]

أصيل والله هالراعي...

بس والله مزدي فيهم.. طقهم لين قالو آآمين

مشكور اخوي راعي الغاط

[أمير سدير]

ماشاء الله عليه فك الرباط <<< شكله عدنان

تسلم لي على هالقصه

[القاصف]

يقولُ ربّ العِـزّة والجَـلالة :

( يا أيُّها الذينَ آمَنـوا لا تَخونوا اللهَ والرّسولَ وتخونوا أمـانـاتِـكُم وأنتُـم تعلَمـون )

صدقَ اللهُ العظيم

وقالَ عَزّ مَن قائل :

( والذيـنَ هُم لأمـاناتِـهِم وعَهـدِهِم راعُــون ... أولـئكَ في جَنّـاتٍ مُكـرَمـين )

صدقَ اللهُ العظيم


والله إنّ فِعلة هذا الرّاعي في التضحيَة في حـياتِه لدليلٌ قاطِعٌ على أصالتِه ومروّته

وشهامتِه وطيبِ معدنِه

وأستذكِ الماضي الجميل الزاهِر بأمانة روّاده فيما سمِعت عَن مجيء النوخذا لأسرة

الغوّاص الذي ماتَ غريقاً في مركبِه ، وإعطائهم حِصّته مِنَ اللؤلؤ التي حصلَ عليها

وكان بإمكانه أن يُخفيها عنهم لأنه غرِق ولا أحَد يعرف حصّته إلاّ الله ثمّ النوخذا !

ولكِن الأوّلون كانوا يخافونَ اللهَ ، ولا يأكُلونَ قوتاً .. ليسَ لهم .. كما يفعَل جيلُنا !


أسـتاذ :

[ راعـي الغــاط ]


قصّـة رائـعة تدلّ على وُجوب التحلّي بصِـفة ( الأمانة ) التي ندَرَت هذه الأيّام

كُل الشكـر على نشـر كُل ما هوَ مُفـيدٌ وهادِف

[حمد]

وينه هذا في الأيام هذي

قصه رائعه وتحمل في طياتها المعاني العظيمه

لتلك الأخلاق الاسلاميه التي حثنا عليها ديننا الحنيف


لك الشكر يا راعي الغاط

[لهفة الخاطر]

إيه والله صدقت كل شئ الا الأمانه

الحمد لله على هالحال

يعطيك العافيه راعي الغاط وسلمت

[ذيب سدير]

ههههههههههههههههههه
سالفه مفيده .. الله يضحك سنك يا راعي الغاط ..
شكراا

[سلطان العضيدان]

moon-sudeer
أمير سدير
القاصف
الصيدلي
قلبي المتيم
ذيب سدير


شكراا لكم جميعاً على ردودكم وحضوركم الكريم ..

اتمنى ان القصة حازت على أعجابكم ..

وعافاكم ربي...