المساعد الشخصي الرقمي

مشاهدة النسخة كاملة : سوال وترحيب

ابو عمر
05-08-2002, 05:17 PM
السلام عليكم ورحمة الله وبركاته وبعد
أولاً : انا عضو جديد وحييكم جميعاً في هذا المنتداى الجميل .
ثانياً : سؤالي : اني اذا قطعت الاتصال وانا انتصفح المنتدى وبعدين ارتدت ان اعاود الاتصال للمشاركة مثلا فانه لايعاود الاتصال بالمنتدى يعني لازم اسكر المنتدى وابداء من جديد .
ارجو الفزعه يالربع ولا تواخذونن تراي اعليمي ومعكم علم

ولكم مني جزيل الشكر سلفاً اخوكم ابوعمر
ملاعب الأسنة
05-08-2002, 05:34 PM
وعليكم السلام ورحمة الله

حياك الله ياابو عمر حللت أهلا ووطئت سهلا

أما سؤالك يا اخوي افتحه من جديد الين يجاوبون عليك الاخوان .

وحياك الله مرة ثانية ......ولا تكش من الا سم .
مهاجر
06-08-2002, 08:42 AM
الحل بسيط جدا ...

اذا عاودت الاتصال مرة ثانية ... رح لصفحة المنتدى واضغط على ( تحديث Refresh ) ...

والحلول كثيرة بس هذا يمكن يكون اسهلها واوضحها ...

تحياتي ........
ابو عمر
06-08-2002, 05:29 PM
والله ممنون على تجاوبك .... جزاك الله كل خير ..

لاكن مع الاسف لم افهم التعليمات الذي ذكرت .. ارجو منك الشرح ثانية وبشكل محدد .

وكون شاكر ومنون .

وتقبل تحيات / ابوعمر
ابن ماضي
06-08-2002, 07:04 PM
هلا اخوي ابو عمر

ما تشوف فوق في المتصفح ( بداية ) ( خلف ) ( قف ) ( تحديث ) الخ....



اضغط على تحديث وستعاود الاتصال ان شاء الله
وتحياتي لك


معليش اخوي مهاجر على اللقافه

:D
ابو عمر
06-08-2002, 09:32 PM
اخي المشرف / ابن ماضي والله ما قصرت وشرحك وافي - الله يجزاك خير- .

لاكن سويت اللي قلت وما زالت المشكلة والله تعقدت والفاتورة ما ترحم .

ما ادري وش المشكلة .
مهاجر
06-08-2002, 10:08 PM
طيب ابو عمر يمكن انا ما فهمت سؤالك ....

اللي فهمت انك تتصفح المنتدى وانقطع عليك الاتصال ... بعدين رجعت واتصلت وشبكت مرة ثانية .. وصفحة الموقع موجودة ما قفلتها...تمام

وانت تبغى تكمل تتصفح على نفس الصفحة ولا تضطر انك تقفلها ....

اذا كان فهمي لسؤالك صحيح فالحل اللي قلت لك جدا مناسب ....

طيب بعطيك طريقة ثانية ....

تلقى فوق عنوان الصفحة رح ظلله وبعدين اضغط Enter ....

يمكن تجيك رسالة فيها خيارين (اتصال أو العمل دون اتصال) اختر انت اتصال ...

_________________________________________

ابن ماضي ...

احمد ربك انك مشرف ... ولا عرفت شلون اتفاهم معك .... :D :D :D
ابو عمر
06-08-2002, 10:22 PM
معليش يالمهاجر يمكن ابلشتك . لاكن تحملنا الله يعينك .

المشكلة يا بعدي اني اذا كنت اتصفح المنتدى للقراءة فقط ( طبعاً بهالحالة اقطع الاتصال ) ثمن اذا اردت ان ارد على موضوع او اشارك انتصل بالانترنت لاكن المشكلة انه ما يشبك بالمنتدى اللي انا فاتحه يعني لازم اسكر المنتدى نهائي وبداء من جديد وطبعاً هذي شغلة طويلة ومقرفه .

اذا عاودت الاتصال واردت المشاركة بالمنتدى يطلع لي هذا .


Access to the requested URL is not allowed!



وشكراً الف شكر على تجاوبك
مهاجر
07-08-2002, 09:10 AM
الكلام اللي كتبته يقول لك ان الصفحة مقفلة !!!!!!!!!!!! عجيب والله

لكن مو مشكلة ... نعطيك حل ان شاء الله انه بيمشي معك....
طيب ... افرض انك بترد على موضوع معين ... تمام...تروح تضغط على تعقيب جديد ... صح ... صح

طيب هالمرة لاتضغط على طول .... اضغط على (تعقيب جديد ) بالفارة يمين ... وبتجيك خيارات اختر منها فتح في اطار جديد ...بيتفتح لك صفحة جديدة ... اذا ما ضبط معك يمكن يكون عندك مشكلة بالمتصفح نفسه....

انتظر ردك...

تحياتي .... وبعدين لا شكر على واجب يا أخي ....:)
ابن ماضي
07-08-2002, 12:41 PM
هلا ابو عمر ويجزاك خير ان شاء الله

مهاجر ذكرتني باللي يقول وجدتها وجدتها:D :D
ابو عمر
07-08-2002, 05:06 PM
المشكلة ما زالت Access to the requested URL is not allowed!



Requested page: http://forums.sdair.com/newreply.php?

يكمن لازم اروح للمحل اللي شريته منه .

على العموم الله يعطيكم العافيه و ما قصرتو .

والسلام عليكم ورحمة الله .
أبو ماهر
07-08-2002, 11:05 PM
.


الحل عندي يابعدي هلا والله ببو عمر ياهلا ومسهلا اسفرت وانورة



الحل عندي يابعدي وهو انك تصبر شوي بعد فتحت النت شوي يعني دقيقة ثم اضغط تحديث ويزبط وهذي دايم تصير معي ومع غيري ثم تسلك معك
ابو عمر
09-08-2002, 10:45 PM
لا ابشركم المشكلة انتهت .. وقولكم ما قصرتو ... والله يطيكم العافيه .

وتقبلوا تحياتي .
أبو ماهر
10-08-2002, 09:39 AM
.


بس ماقلت لنا وش الحل عشان نسويه