ديـوانـ الشاعر محمـد بـن عـبد المحـسن العبيـــــــــد .. أبــو عـبد المـحـســــن ..

[( عابرة سبيل )]

//

السلامـ عليكمـ ورحمه الله وبركاتهـ..


شاعر قادمـ بـ قوهـ... حروفهـ غنيهـ .. واطلالته راقيهـ ...


الشاعر القدير .. محمد بن عبد المحسن العبيـــد .. .


هنا ـ ديوانه الشعر .. في منتدياتـ سدير


ادام الله بوحهـ..



بسم الله نبـــدأ



من عافنا ما عاد تنظرله العين= لوه حبيبي أقرب الناس ليه
عندي معزة نفس وقوة سلاطين= والله مااخضع لك ونفسي قويه
لوي فقيرٍ واركم الدين بالدين = كرامتي ماسمح لها بالرديه
مير البلا لا جاك ضيمك من الزين = يصوغها لك صوغ مثل الهديه
وانت عطيته قلب له مابه اثنين = تملكه وحده بليا سريه
الله زرع حبه ولا أشوف له شين = أدمح عن الزلات غصبٍ عليه
أما تصافيني وتنسى العذولين = في شرع رب البيت رب البريه
والا تفارقني وتتبع مولين = كانك تحس اني بقربك اذيه
مسكين تلعب به انجوس وملاعين = يبغون شرٍ بين خل وخويه
وفي تالي القصه علوم وقوانين = ومحدٍ يطب النار بليا خطيه
خلي تنكر لي عنود المزايين = واقفا وخلاني بليا مطيه


الشاعر.. محمد بن عبد المحسن العبيد .. التويم


أضغط هنا للإطلاع على القصيدة في بوح القوافي .... (http://www.sudeer.com/vb/showthread.php?t=31614)

[( عابرة سبيل )]

بسم الله الرحمن الرحيم



أخواني الأعضاء الكرام .. السلام عليكم ورحمة الله وبركاته ..


هذه قصيدة قلتها رثاء في والدتي المتوفاه بتاريخ 2/12/1426هــ غفر الله لها ولجميع المسلمين

000


يا شين علم ٍ هالني بالتيلفون= يوم الخميس الصبح قبل الزوالي
في عشر ذا الحجة خمسة وعشرون=وأربع ميه بعد الف واعزتالي
قالو تجبر وإطلب من الله العون=ما باقي إلا الله عزيز الجلآلي
فزيت وكني في حشى الصدر مطعون=هو حلم وإلا علم هاللي جرالي
يا عين هلي وإذرفي كل مخزون=على فراق اللي من الناس غالي
إمي وأنا من عقبها القلب محزون=جسمي مع العالم وهمي لحالي
غاب الفرح عن بيتنا وأنطفى الكون=والكبد طول الوقت فيها صوالي
حاولت اسج ولكن إبليس ملعون= يقول ما ماتت وهذا محالي
قدام عيني زولها لو تقولون= محمد بتال الوقت صابه هبالي
أشوفها بالبيت تمشي على الهون= في وسط غرفتها تلاعب عيالي
ما عاد أميز وأصبح الحال في دون= ومن يفقد أمه لا تقولون سالي
يا كيف أبنسى من لها القلب مرهون=يهل دمع العين لا جا مجالي
قالو كبير وتذرف الدمع وشلون=قلت الله أقوى عالم ٍ بالحوالي
يا ما جلست جنبي ليا كنت مصخون= إن صرت طيب حزت كل الدلآلي
ماني مجازيها أنا حيل مديون= إلا بدعوات ٍ بجوف الليالي
ماعاد لي قيمه ولا درع وحصون= كلش خسرته والله اللي بقالي
والله لو الدفن ماهوب مسنون= إن كان دفن أمي صعيب المنالي
لكن نهاية كل خلقه يموتون= أمنت به ربي عليه إتكالي
لعل ماجاها من أمراض وشجون= تكفير وتثبيت ٍ بوقت السؤالي
لعلها مع زمرة اللي يصلون= عند الكريم اللي على الناس عالي
قولو معي أمين ياللي توحون= في جنة الفردوس عرض وطوالي
وصلاة ربي عد ناس ٍ يحجون= على الرسول اللي به الشرك زالي


أخوكم محمد بن عبد المحسن العبيد .. التويم



والله لو الدفن ماهوب مسنون 000 إن كان دفن أمي صعيب المنالي (http://www.sudeer.com/vb/showthread.php?t=31591)




رحمها الله رحمة واسعة ،، وجميع المسلمين والمسلمات أجمعين ،، وصلى الله وسلم على نبينا محمد وعلى آله وصحبه أجمعين ،،

[( عابرة سبيل )]

بسم الله الرحمن الرحيم


أخواني أعضاء وزوار منتديات سدير .. السلام عليكم ورحمة الله وبركاته ..



أهدي لكم هذه القصيدة .. راجيا أن تنال أعجابكم ..


قصيـــــدة .. هجر الحبيب ..


الوقت يسرقني مع الزين بالهون = مدري سحر والا مع الزين جذاب
لو راح عمري يا هوى البال بيهون = ما دمت راضي يا بعد كل الاصحاب
حلفت باللي خالق الناس والكون = ما شفت مثلك بالوطن و الا الأقراب
هجرتني وأنت لك القلب مرهون = والهجر ما يصلح ترى بين الأصحاب
أقرب ترى بعدك يسبب لنا طعون = انا شباب والشعر شوف بي شاب
أبنتظر وباطلب من الله العون = كودك تجي عندي ولك نفتح الباب
الله واكبر ياذاب أريش العين وشلون = تبعد ولا حتى توضح لي أسباب


أخوكم أبو عبد المحسن ..


هنا اضغطـ للإطلاع على القصيدة في بــوح القوافي ... (http://www.sudeer.com/vb/showthread.php?t=31925)

[( عابرة سبيل )]

بسم الله الرحمن الرحيم


أخواني أعضاء وزوار منتديات سدير .. السلام عليكم ورحمة الله وبركاته ..



هذه القصيدة قلتهـا في حفـل المدرسة السعودية .. بمناسبة تكريم ابنائنا الطـلاب ..

أتمنى أن تنـال أستحـسانكم ورضاكم ..


قصيـــــدة .. بنات فـكـري تنتشي بشوف الأخيار ..


يــاالله ياللــي للخــطــيـات غـــفـار =ارجـيه وحـدة ما أرتجي مودماني 0
أسـألك أنا الخـيرة ولا نـيـب مخـتار =إنــك تــنـزلــنــا بــعــال الجـــناني
يا مـرحــباً ترحـيـبـه تـمـلا الأقـطـار =مــن شــاعــرٍ يبدع جزيل المعاني
لا مـن بغـيت الشعر ما نيب محـتار = الشـعـر مــا بــه يوم والله عصاني
بنات فـكـري تنتشي بشوف الأخيار =تـمـلـى عـلي واكـتـب بيوتٍ متاني
وشـلون ما اكـتب في وافين الأشبار =اللـي لهـم بالعــز قـصــر ومــباني
الشيخ ابن مـاضـي ومـديـرنا الـبـار =وأبــو محمــد بحــر مــالــه مواني
اللــي تكـفـل بالحـفـل راعــي الكـار = مــده جــزيل ولا يعـــرف الـتـداني
هـذي حــلات الرجل لا نادت الدار = يرفــع بـشـوفــه مــا يــلـد الطماني
يا الله عـسى ما قـدمـو ســر وجهار = يلـقـونـهــا قــــدام والعـمــر فــاني
الكــل فرحــانٍ كـبـيـرين وصــغار = شــف طــالــع الجمهور علمٍ بياني
الله يوفــق مـن سـعى بلفت الأنظار =أبـرز جـهـود الـمدرسـة بحفل ثاني 0
مـا اعرف أجامل والله النافع الضار =غـصب علي يا ناس ينـطق لساني 0
ومـع أول العـطلة أنا بكـشف أسرار =وأحــذر المسكــيـن باللــي لـفـانـي 0
سـمعـت بعض عيالنا وقت الأسحار =كـلٍ عـلـى فــالــه بلـيـا عـــــنـانـي 0
يــدوج فــي الشّرع وفـي يدينه النار =يرســل ويـسـتـقـبل بوقـت الأذاني 0
شــيٍ يخــلي كامــل الـعـقـل يـنهـار=و يــن الـرجــال وين ذاك الزماني 0
كلـش تغـير وأصبح الـوقـت غــدار =المـنـكـر يـشــاهـد وصوت الأغاني 0
لا يا ولـي الأمــر بعطـيـك أنا أفكار =صـاحب ولـدك وشـاركـه بالأماني 0
لا تـتركه يمشي مع الناس الأشـرار =اللــي يـخـرب مـا بـنـيـت بـثـواني 0
إن كان ودك يـنـفـعـك يـكـرم الجـار =وألا تعـيـش بطـول عـمـرك إتعاني 0
وصــلاة ربــي عـد حبات الأمطار =عــلـى الـنـبي اللي بفـضـلـه هداني



أخوكم أبو عبد المحسن ..



اضغطـ هنا للإطلاع على القصيدة في بــوح القوافي ... (http://www.sudeer.com/vb/showthread.php?t=31943)

[( عابرة سبيل )]

بسم الله الرحمن الرحيم


أخواني أعضاء وزوار منتديات سدير .. السلام عليكم ورحمة الله وبركاته ..



أهدي لكم هذه القصيدة .. راجيا أن تنال أعجابكم ..


قصيـــــدة .. أنت مثل جسمي ومن فوقه الراس ..



اشتاق لك وانت بعيد مع الناس = واشتاق لك وانت معي تحت عيني
انت مثل جسمي ومن فوقه الراس = ما ينفصل يا كود موت يجيني
ياللي جمعت الزين من كل الاجناس = تفداك روحي يا بعد كل زيني
مهما وصفتك او رسمتك بقرطاس = موفيت لك حقك بعد يا ضنيني
سيطرت ياغالي على كل الاحساس =امرن قضاه الله مهوفي يديني
فارفق بقلبن جاك من دون مقياس = اعلن ولاه اليوم وكل السنيني




أخوكم محمـــد بن عبد المحسن العبيد ..



اضغطـ هنا للإطلاع على القصيدة في بــوح القوافي ... (http://www.sudeer.com/vb/showthread.php?t=32054)

[( عابرة سبيل )]

بسم الله الرحمن الرحيم


أخواني أعضاء وزوار منتديات سدير .. السلام عليكم ورحمة الله وبركاته ..



أهدي لكم هذه القصيدة .. راجيا أن تنال أعجابكم ..


قصيـــــدة .. عند المواقف يظهرون الرجاجيل ..



عند المواقف يظهرون الرجاجيل = ويبين لك من يدعون الشطاره
مدري ولكن قبلنا قيل ثم قيل = إحذر من النمامِِِ راعِِ ِ العياره
يارب تكشف لي هاللكذب والكيل =أهل القلوب اللي عليها كداره
ومن مدله ربي سنينٍ مقابيل = يجيه عقب الفي برد وحراره
والطيب ما يزرع زراعة محاصيل =ولا يباع ويشترى بالتجاره
هذا زمانٍ كثر فيه الغرابيل = والجو شان وزاد فيه الغباره
ومن يخدع العالم بكذب وتهاويل = لابد له عقب الصعود انحداره
والحنضله لوكان تشرب من النيل = تزيد خضرتها وطعم المراره
والشور ماينفع رجالٍ مهابيل = يسمع ولكن ما يغير مساره
يا الله يا عالم بكل التفاصيل = يا خالقٍ ليله ومجلي نهار
تفضح لنا أهل القصص والتماثيل = اللي تحب الهرج خلف الستاره
والمعذره إن كان في شعرنا ميل = كلٍ يجي شعره بحسب إقتداره
وصلاة ربي عد ما ذكر من سيل = على النبي وإعداد شب المناره




أخوكم محمـــد بن عبد المحسن العبيد ..



اضغطـ هنا للإطلاع على القصيدة في بــوح القوافي ... (http://www.sudeer.com/vb/showthread.php?t=32142)

[( عابرة سبيل )]

بسم الله الرحمن الرحيم


أخواني أعضاء وزوار منتديات سدير .. السلام عليكم ورحمة الله وبركاته ..



هذه القصيدة .. مرثية قلتها في زميلي المرحوم إن شا الله سليمان العمر .. و المتوفى عام 1415هــ ..

غفرالله له ولوالدينا ولجميع المسلمين





العقل حار وهلت الدمع عيني =من يوم قالوا صاحبك راح مثواه
ذهلت مدري حلم و الا يقيني = وهلت دموع العين من يوم شفناه
فوق النعش للمقبرة مسرعيني = يبيدفنونه جعل يرحمه مولاه
والموت حق وكلنا خابريني = لكن ياليت الموت ما جاه ما جاه
ليته يدور من قصاراليديني = اللي مفارقهم على النفس ما احلاه
والاخساسٍ كلهم فاسديني = نقصٍ على الدنيا وجوده وفقداه
الله يعدي شر غدر السنيني= يا ما تمزحنا وسولفت وياة
من قبل ما يدفن بلبنٍ وطيني = كلٍ يعرف البيت لاضاق ينصاه
بيته ملاذ وفاتحه كل حيني = مشهور في حيه من ادناه لاقصاه
يابو محيسن لو يفيد الونيني = ونيت ونه تشبه الذيب بعواه
والا كما ونت كسيرٍ رهيني = عند العد ومربوط رجله بيمناه
والحمدلله كلنا قانعيني = ما قدر المعبود لابد نرضاه
هذا من الخاطر وبوح الكنيني = عساه للجنه عقب ترك دنياه
وصلوا على الهادي رسولٍ أميني = أرسله ربه بالهديات وأملاه





أخوكم محمـــد بن عبد المحسن العبيد ..



اضغطـ هنا للإطلاع على القصيدة في بــوح القوافي ... (http://www.sudeer.com/vb/showthread.php?t=32160)




نسأل الله له الرحمة والمغفرة ،، ولجميع المسلمين والمسلمات ،، وصى الله على نبينا محمد وعلى آله وصحبه أجمعين ،،

[( عابرة سبيل )]

الله حسيبك كيف تصبرعلى البعد= وانا على شوفك اعدالثواني
وين الكلام اللي تقوله من ا لجد= يومك تقول الخل حبه غشاني
اثره صحيح ان كل شي وله ضد = وبعدك ترى ضده فقدت الحناني
يازين كل له حدود وله حد = وفي بحرحبك مالقيت المواني
مسكين ياقلبي حبيبه تمرد = عقب المعزه ليه خلي جفاني
اناعزيز وارث العزمن جد = والله ماخضع غيرللي هداني
لكن ترى في القلب باقي لكم ود = والله مانسى واحد مانساني

هنا تـ جدوهـــــــــا (http://www.sudeer.com/vb/showthread.php?t=32071)

[( عابرة سبيل )]

جاني يواعدني ودمعه يهلي = من فوق خدٍ جرحه كثر ماسال
حاولت أكف الدمع للصاحب اللي = حبه مكتفني وأنا فيه مااحتال
عقب البكا والصمت خلي نظرلي = بعيون سود ٍ نظرته تدمر الحال
من نظرتي للزين كنه هرج لي = قريت مافي العين من طيب الفال
قفى وناظرته وأنا في محلي = ودي أشده بس ماهوب ينطال
معزتك يالزين ماتضمحلي = والله ماسمع هرج حاسد وعذال
لا من فقدتك كن جسمي يملي = من فوق جمرٍدلته بأطرف الجال

هنا الروعه والجمالـ... (http://www.sudeer.com/vb/showthread.php?t=32570)

[( عابرة سبيل )]

//

هذه قصيده قلتهاعندما حدثت تفجيرات العليا بالرياض
وشاهدت الاطفال البريئه تموت وكذلك الاباءوالامهات
يبكون على فراق ابنائهم الذين قتلوابدون
سبب
والممتلكات العامه والخاصه تدمربسبب فكرٍمنحرف وتخطيطات
فاشله نسأل الله ان يعز الاسلام والمسلمين وان يحفظ بلادنا من كل مكروه
إنه سميع ٍمجيب

يالله ياحامي بلاد الحرمين = الخالق اللي ما ماسجدنا لغيره
الواحدالمعبود رب الثقالين = يعلم دبيب النمل وهرج السريره
إنك تجنبنا شرور الحسودين = اللي بلاويهم غزة كل ديره
تلوثت أفكارهم هالمساكين = يفتون لأنفسهم في أمور ٍكثيره
محد ٍسلم منهم شباه الشياطين = شيبان وأطفال ٍ وناس ٍضريره
بافعالكم هذي ترانابريين = يوم الجزا كل ٍيلاقي مصيره
مناب في البصره ولافي فلسطين = تشحن بدنك وموترك بالذخيره
والله ماذي فعلة ٍ للمسلمين = القتل والتمثيل بأرض الجزيره
خوفو من الله وافهموا ملة الديين = ضلمتو بيوتٍ امنول سفيره
اطفيتو شموع الفرح يالبعدين = في عيون شبان ٍوبنت ٍصغيره
حكامنا آل سعودسقم المعادين = ياويل من في حكمهم مال سيره
حنامعاهم صف بالعسرواللين = وعدونايجيه فالأمرحيره
لاصاح صوت الحق جينا ملبين = الموت دون الدين والعرض خِيره
وقت الملاقا للعدو مستعدين = بأرواحناوأولادناوالعشيره
صاف عقيده لانتخوفالميادين = ماشرب للوسكي وذره بيره
وصلاة ربي عدجمع المصلين = على الرسول اللي كسا الناس خيره

مناب في البصره ولافي فلسطين = تشحن بدنك وموترك بالذخيره (http://www.sudeer.com/vb/showthread.php?t=32506)

[( عابرة سبيل )]

البارحه في تالي الليل ونيت = كني سجين ٍينتظر وقت الإعدام
قالواهلي وش فيك قلت آه مليت = كل البلاوي شفتها وسط الاحلام
شفت الحبيب وعقبهاما اسفهليت = الناس نامت وأريش العين مانام
نشدت خلي قلت وشفيك ماجيت = وجاوب حبيبي ودي أ جيك من عام
مانيب ناسيكم سوى حي أوميت =لكن ظروفي يا حبيبي لها احكام
صحيت من نوم العناماتهنيت = حزن ونكدوفراق وحروب صدام
يزيدهمي كل ماأصبحت وأمسيت = صارت حياتي كلها هم وهيام
ودي بشوفك لومع الباب لاجيت = يرتاح قلبي ينتعش بعد الأسقام
ليتك تشوف البارحه يوم فزيت = كني غريق ٍفالبحر عجزماعام
والله والله ياهوى البال ماأخطيت = والله ما اسمع هرج حاسدونمام
لوالتمني فادوالله تمنيت = والحظ لامن طاح يازين ماقام
الله يجيبك يامنى النفس في البيت = نبني علاقة حب ماهيب في أفلام

هنا اضغط... لـ تجدها في بوح القوافي (http://www.sudeer.com/vb/showthread.php?t=32615)

[( عابرة سبيل )]

جلست أفكر وأضرب الكف مهتال = على زمان ٍحيرتني علومه
أحدٍ يعرف العلم في كل الاحوال = يتحمل الزله ونفسه كتومه
واحدٍ عسى ماهوب عمك ولاخال = امضيع ٍدينه وناس ٍسلومه
واحد ٍمع العالم إلى حدثوا قال = يهتم بأحوال البشر مع همومه
واحدٍ يغرك داخل الثوب رجال = واذا قربته خالياتٍ هدومه
يكشخ بثوب وبشت وشماغ وعقال = والمعرفه والطيب فيه معدومه
يعيش في الدنيا على صوت موال = مسكين تايه يخدعنه حلومه
المرجله بأفعال ياطيب الفال = ماهي بلمعت ثوب وزود النعومه
من طاع ربه وارخص النفس والمال = يرضى عنه ربه ولاأحد ٍ يلومه
وصلاة ربي عد ماهل همال = على نبي ٍ خصه الله لقومه

// هنا تجدها // (http://www.sudeer.com/vb/showthread.php?t=32309)

[( عابرة سبيل )]

كلك حلو من بسطة الرجل للراس = ماينتعذرب فيك غيرالمياعه
ياطيب يا ريحان ياعذب الأ نفاس = في حبكم قلبي سريع اندفاعه
كل البنات تزين الجيدبألماس = وأنت تزيد العقد نور ولماعة
أنا اشهدٍمالك مثيل ٍبالأجناس = فيك الحلاوالزين ركب شراعه
مهماوصفتك اورسمتك بقرطاس =يبقى خيالك وسط قلبي وداعه
ودي بشوفك يابعدكل من داس = سعادتي جلسه معك ربع ساعه
ماهمني غيرك كثير ٍ من الناس =حبك منى قلبي وشوفك طماعه
حبي لكم حب قوي على ساس =وعن حب غيرك عند قلبي مناعه
ابحرت في حبك بلا حد وقياس =اعلنتهاصادق لكل الجماعه
صادق مشاعر ماتسلفت الاحاس =اصوغ شعري صوغ حرفة صناع
مانيب من اللي يستلف بنك الافلااس = ماله رصدولايعرف الوداعهه

هنا رائعهـ من الروائعـ (http://www.sudeer.com/vb/showthread.php?t=32697)

[( عابرة سبيل )]

الاخوه زوار منتديات سدير/
السلا م عليكم ورحمة الله وبركاته اسعد الله ايامكم بالمسرات
تعلمون قلة الامطار هذه السنه على منطقتنا مماجعل عشاق

الكشتات البريه البحث عن المناظرالطبيعيه
وانا واحد من هؤلاء الناس حيث ذهبت إلى روضة النهات
وشاهدت جمال الطبيعه وقلت هذه الابيات التي
اتمنى ان تنال إعجاكم.

يازينها روضة التنهات = الرب بالخيركاسيها

جلسه بهامن أسعد اللحظات = تنسى المشاكل وأهليها

لاواسفابه عمرٍفات = مادجت في وسط أراضيها

والله لاجي لها مرات = مادمت حيٍ أباجيها

عذروبها كلهاصابات = سيارتك من حواليها

الصبح انا جيتها كشات = واثرا لبشر كلهم فيها

شفت الغضي قايدالخفرات = يمشي وغطوته مرخيها

اتابعه واسحب الونات = ودي بفرصه احاكيها

مزيون ويوزع البسمات = مالي جدى غيراراعيها

ماضنتي غيرهازينات = سبحان ربٍ مسويها

راحت وأنا عقبها بشتات = والنفس بعده أعزيها

يالله ياعالم النيات = احفظ بلدنا وأهليها

هنا الجمالـ.... (http://www.sudeer.com/vb/showthread.php?t=33922)

[( عابرة سبيل )]

سلام يارجالٍ لهم عز وأمجاد = أهل التويم أهل الكرم والشجاعه
متوارثين الطيب من عصر الأجداد = يوم الفقر والخوف مجاعه
واليوم في نعمه وكل الأمن ساد = من يوم اخو نوره تثبت شراعه
الله يحييكم جماعات وأفراد = في الملتقى يازين شوف الجماعه
هذي طبايعناوشوفو يا الأحفاد = أمعودين الطيب بسن الرظاعة
جينانا نقول مبروك في احلى الاعياد = عيدالفطر ليته يجي كل ساعه
تكفون قبل الموت ودخل بالأحاد = لم الشمل في العيدونبذ القطاعه
انفوزبرضى الرب وتزول اللأحقاد =وللي كبير انقول سمعٍ وطاعه
شيابانناراحو وحنايالأولاد = في دربهم نمشي تراها وداعه
لمت جماعتناقهركل حساد = صيته بكل اسديرمن دون إذاعه
من فضل ربي صيتنافوق الاشهاد = ولحدٍينال الطيب بلياذراعه
اهل التويم إلى حصل قدح بزناد = يبين فعله من فعول الرعاعه
وصلاة ربي عدماسمع رعاد= على النبي اللي وعدنابشفاعه

هنـــــــــــــــــــــا تجدوهـــــــــــــــا (http://www.sudeer.com/vb/showthread.php?t=33766)

[( عابرة سبيل )]

ياقمر مالك لزومٍ بالسما = لاطاع خلي ترى مالك لزوم
جعل عينٍ ماتشوفك للعما = وعاذلي جعله يقوم مايقوم
العرب تشرب وأنا فيني ضما = الله المعطي ولكني محروم
ياعرب خلي قلبي رما = بالعيون السود حملني هموم
زارع ٍحبه وفي قلبي نما = وعن هوى غيره ترى قلبي معصوم
أنت وحدك بس من دون الملا = دايم أشوفك وأنا بوسط الحلوم
ليه ذالهجران ياروحي لما = أرحم اللي في بحر حبك يعوم
ليت من هو بين الأحضان أرتما = يترك الدنيا ومن فيها يسوم

رائعهـ من الروائعـ خرجتـ لـ نور (http://www.sudeer.com/vb/showthread.php?t=33611)