المساعد الشخصي الرقمي

مشاهدة النسخة كاملة : هاض الفؤاد ....... بدايه

عبدالله الصالح
10-12-2001, 03:28 PM
بسم الله الرحمن الرحيم ...

هذه مشاركتي الاولى معكم اخوتي الكرام واتمنى ان تنال رضاكم واعجابكم


هاض الفؤاد وعاود الجرح مدماه ------- واسترسلة للدمع عينن حزينه
والقلب يومن شاف خله وراعاه ------- كثرة هواجيسه وبيح كنينه
وفز وكسر بالصدر باقي حناياه ------ شفق على خله وشوفة ضنينه
هذي سوايا القلب هذي سوايه -------- ماطاعكم بالقول يا ناصحينه
كم واحد بالحب سارت مطاياه ------- احد يسار الدرب واحديمينه
واحد عنان القلب في وسط يمناه ------ متمكنن يقوا عليه ويهينه
لاشك قلبي ماهقيت اني اقواه -------- بين الرجا والياس ضيع سنينه
يركض ورا شخص هجره وتناساه ---- يطرد سراب ما تطوله يدينه
الصاحب اللي كن طلعة محياه ------ بدر كمل في عالي الكون زينه
يجبر ثقيل العقل بالمشي يتلاه ------ ويرسل سهام الموت من رمش عينه
وانا صويب الخد والعنق وشفاه ------ وليل تلاعب فوق غرة جبينه
دفنت جرحي خايف الناس تلقاه ----- بس فضحت جرحي عيونن حزينه


وسلامتكم جميعا
عبدالعزيز المعجل
10-12-2001, 06:55 PM
الله يعطيك الف عافيه

وصح لسانك


على هالقصيده الجميله وعلى هالبيت الاجمل



وانا صويب الخد والعنق وشفاه **** وليل تلاعب فوق غرة جبينه




:)
;)
:p
:p





.
منيف المنيف
10-12-2001, 09:21 PM
يا سلام عليك يا دفين الجرح من اول نبيك في هذا المنتدي ........سلا سلا لهل العوده خاصه والاهل سدير عامه.
:) :) :) :)
عبدالله الصالح
12-12-2001, 03:29 AM
صح بدنك يا شاعر سدير والله يعطيك العافيه

دخولك لقراءة القصيده هواللذي اضاف للقصيده هذا الجمال

مشكور اخوي وما قصرت

======

هلا اخوي مسافرالله يسلمك ويخليك يا راعي الديره

تحياتي لك
القيصـــر
13-10-2005, 08:16 PM
السلام عليكم


معانقة جميلة .. لحرفٍ عطر
أبيات مميزه .. لها رونق خاص ( أستعذبه )

أبو ميار الغالي طوعت الحروف ... كا هو ( قلبي )


شكرآ لك يا ( صديقي الوفي )


القيصـــر
سليمان بن سريع
14-10-2005, 03:17 AM
وانا صويب الخد والعنق وشفاه ------ وليل تلاعب فوق غرة جبينه
دفنت جرحي خايف الناس تلقاه ----- بس فضحت جرحي عيونن حزينه


صح لسانك ولا هنت


قصدة وابدعت وامتعت


لك زدي وتقديري
السنبلة
15-10-2005, 02:43 AM
صح لسانك.. كفيت ووفيت..

ولا تحرمنا من جديدك..

لك الشكر أخي القيصر أن رفعت هذه القصيدة فنحن بشوق لمعانقة قصيد شاعرنا عبد الله الصالح..
وارث الطيب
16-10-2005, 11:29 PM
عبد الله الصالح


تسلم


وصحححححح لسانك


دمت ودام بوحك الشجي
راعي الروضة
17-10-2005, 02:41 AM
كم واحد بالحب سارت مطاياه=احد يسار الدرب واحديمينه
واحد عنان القلب في وسط يمناه=متمكنن يقوا عليه ويهينه

الله عليك يامبدع


ماذا بعد يا / عبدالله ؟


إلى أي الأتجاهات سارت مطيتك ؟


وهل أنت ممن ذكرت في البيت الثاني أعلاه ؟

أم أنك متأكد أنك :

لاشك قلبي ماهقيت اني اقواه=بين الرجا والياس ضيع سنينه
يركض ورا شخص هجره وتناساه=يطرد سراب ما تطوله يدينه

لا نعلم ولكن لنقف مع روعة أبداعك وندع قلبك يواصل الركض لكي ننعم بأهااااته .


دمت ودامت روعة حرفك ياخال


وتقبل أعجابي الدااااائم


أخــــــــوك

راعــي الــروضـــة
ناصر الحنو
22-10-2005, 08:21 PM
ابو ميار

دائما تنثر الابداع وترسم الجمال

تنبض بالصدق وتغرد بالعذوبه

لك طابعك الخاص وحضورك المميز

مبدع ممتع اينما حللت

صح لسانك وسلم بنانك ولاهنت ياغالي


كل الحب والتقدير


اخوك ناصر
ظماالعشق
غربة الروح
28-10-2005, 03:59 AM
صح لســــــــــــــانك ابو مياااااااااار وعسى الجديد دايم منور المنتدى والله يعطيك العافيه للمزيد