المساعد الشخصي الرقمي

مشاهدة النسخة كاملة : مادرى تقدرون تساعدونى؟

ربى الجنان
02-10-2002, 12:55 PM
هذا انا ياجماعه الخير ايميلى مخترق===>ياكبر هالكلمه ..تراه ايميل مهوب موقع

بس اللى سارقه فيه الخير يفتح الماسنجر ومايكلم احد ولا شى ...
بس الله يهديه ملقوووف شوووى يفتح ايميلاتى :mad: :mad: :mad:

فيه لقافه ....مادرى وش يبى؟؟المهم غيرت كلمه السر مانفع معاااه

الجهاز مليوون فى الميه تمااام ...
زوجى يقول عشان احنا اشتراك ارامكو مايقدرون على الكمبيوتر يجووونه او شى من هالخرابيط...

مادرى هل انا وايميلاتى اللى تهبل مستهدفين:rolleyes: :rolleyes:

على العموم الحمدللله ايميلاتى كلها ادعيه خليه يستفيد منها ...بس المشكله اخاف يرسل من ايميلى لاحد ثانى !!

عندكم حل...؟؟؟؟
هاااه مشرفنا الجديد عندك حل؟====>توهق
مهاجر
02-10-2002, 01:58 PM
موضوعك غريب شوي...

لكن من كلامك اتضح ان الهاكر هذا يبغى يقهرك الظاهر لانه ما غير في كلمة السر ويعني اني اعرف كلمة السر حتى لو غيرتيها...

انا اتوقع والله اعلم ان الهاكر هذا مرسل لك باتش او تروجان على جهازك وفاتح فيه ثغرة يقدر يخش منها على جهازك متى ما دخلتي على النت .....

انصحك انك تشيكيين على الباتشات اللي في جهازك والتروجانات وتستخدمين بعد برامج كشف الفيروسات وازالتها من الجهاز ....

وشيكي بعد على المنافذ المفتوحة في جهازك ... وهذي تقدرين تسوينها عن طريق بعض المواقع اللي تعطيك الخدمة هذي ........

عموما مثل ما قلت لا تاكلي هم ... الموضوع هذا ان شاء ما راح يستمر كثير ...

بس يا ريت توضحين البرامج اللي تستخدمينها للحماية .....
مهاجر
02-10-2002, 02:07 PM
يشيك لك على جهازك اذا فيه تروجانات ولا لا ....

اول ما تخشين الموقع يعطيك عنوان IP حقك

اضغطي على Start Check وهو بيسوي بحث ويعطيك النتيجة ...

الموقع http://www.anti-trojan.net/at.asp?l=en&t=onlinecheck
أبو ماهر
03-10-2002, 06:30 PM
.


أنصحك تسويين فرمات
فتى سدير
03-10-2002, 09:32 PM
على كلامك يا ام عبدالله اعتقد انك يتهيالك ان فية احد يفتح ايميلك

واذا كان جهازك مية في المية تماام اجل ماعندك الا الهوتميل نفسة

الظاهر ان الهاكر هذا يستخدم ثغرات امنية موجودة في الهوتميل نفسة ولا درو عنها الهوت ميل

وتلقينة متة ما بغا دخل على اي ايميل في راسة

لاكن ما اعتقد والله لانة ما يقدر احد يكتشف الثغرات هذي الا هكر محترف مررره مرره

وعااد ذا الكهر ما لقا الا انتي يشيك على ايميلك والله لو انة ايميل بيل جيتكس ولا البنتاجون

خذي نصيحتي وحمليلك نورتون انتي فايروس 2003 مع التحديث المستمر

وانصحك بعد تركبين زون الارم

تقبلي تحياتي
اخوك فتى سدير


:rolleyes: :rolleyes: :rolleyes: :rolleyes: :rolleyes: :rolleyes: :rolleyes:
ربى الجنان
04-10-2002, 12:28 AM
مشكور ياخوى مهاجر على المساعده..

وسوينا طريقتك وعلى الله...

وماندرى وش يصير ...والله لو يكتبون ان فى الكمبيوتر فيروس كبر ابوى مادريت:D :D


ابشرك ابو ماهر اليوم جايبين كمبيوترنا من المصلح ...ومسوين له فرمات ...

اقول يافتى سدير ...مافهمت ولا شى من كلمك الا ان الهاكر معجبه ايميلى وبس...
المستاء
04-10-2002, 03:31 AM
السلام عليكم ورحمة الله وبركاته
أقول ياأم عبد الله ماأدري إنتي تفتحين الإيميل ولا ماتقدرين حتى تفتحيه ..
شي ثاني كيف تعرفين إن الرسائل هو يفتحها أقصد المخترق ...
وحاجة ثالثة إنتي مسجلة دخول فوري للمسينجر ، يعني يوم تفتحين خط الإتصال يتفعل المسينجر ...
إن شاء الله مايكون هناك إختراق والله يسلم الجميع
المستاء
المستاء
04-10-2002, 03:36 AM
السلام عليكم ورحمة الله وبركاته
أوه ،، نسيت العفو ..
هذي صورة للمسينجر ، مع إني أونلاين لكن فيه نفس الإيميل الخاص فيني وهذي ميزة جديدة لشركة مايكروسفت ...
ربى الجنان
04-10-2002, 10:07 AM
اخوى المستء السالفه ومافيها انى افتح ايميلى لما افتح الماسنجر مايطلع لك لديك رساله؟
انا افتحها من هنا ...ويبين ان الايميل مفتوح لان الايميل اللى لسا ماقريته ..يكون جنبه ظرف صغير

واللى فتحته مافيه جنبه شى ...


وانا ماسجلت دخول فورى ..

اقدر افتح ايميلى عااادرى لاكن الرسايل تكوون مفتووحه ...وصديقاتى يقولون احيانا اكوون اون لاين

بس ياحليله هالملقوف مايكلمهم
ملك الظلام
04-10-2002, 01:37 PM
أنا عندي الحل يأم عبدالله ولا يهمك بس أذا تبين الحل أنزلي تحت عشان تكون المساحة كبيرة وأقدر أشرح لك الطريقة ...






















كمان شوي ....
























تعبتي ماعلية من طلب العلا سهر الليالي<<<مدري وش دخل ذا المثل:D























الحل يا طويلة العمر أنة زوجك يخش على الماسنجر من العمل ومسوي لك مقلب وأنتي مسكينة ماتدرين
:D .....على بالة جايب خبر العيد:D ..





















لا تخذين المسألة جد تراي أمزح:D







ملك الظلام:rolleyes:
ربى الجنان
04-10-2002, 10:30 PM
لالالالالا مش معقووووووول

اخيرا لقيت الحل !!!!وش هالذكاء ياملك الظلام؟؟؟

طيب يمكن زوجى مدرس:D :D

ثانيا زوجى مش مسموح بالماسنجر عندهم ...يعنى عنده نت بدوون ماسنجر


واساسا هو اللى معلمنى لانه مررره فى البيت فاتح ماسنجره وعلمنى انى متصله...
ملك الظلام
04-10-2002, 11:28 PM
أثري ذكي ونا مادريت ....شكرا شهادة اعتز بها




طيب يمكن كل واحد يلعب على الثاني هو في غرفة وأنتي في غرفة <<<صارت خبشة ماصار ماسنجر:D :D ......... والله ولقيت الحل ونا أبو هندي :D
مهاجر
05-10-2002, 09:31 AM
بما أنك سويتي فورمات للجهاز ....

نصيحتي لك تغيرين الباسوورد حق ايميلك ....

نصيحة ثانية : لا تستقبلين ملفات من أي أحد الا اذا كنتي واثقة ....

وحتى لو استقبلتي الملفات ... لا تفتحينها على طول ... شيكي عليها بالأول ببرنامج النورتون أو أي برنامج حماية ثاني ....


والله يعطيكم العافية
ربى الجنان
06-10-2002, 02:54 PM
الف شكر لك اخووى مهاجر وفعلا غيرت الكلمه السريه ومابعد شفنل شى

الله يستر