حب مضى يارجم لاواسفابه .....

[عبدالله الصالح]

مساء الخير جميعا ..


يومن لمحته صوب الطير ونيت
ذكرت قلبي يوم طاح بصوابه

الطير مرتاحن بكفه وهو ميت
لاشك انا اللي عايشن في عذابه

شفته وصحت بعالي الصوت يا ليت
ليت الصواب اللي لجا بي لجا به

ومن قولتي ياليت انا اليوم مليت
مليت من حب تولعت انا به

لاهوب باغيني وانا عنه قفيت
وقلبي معه ياناس راح وغدى به

لامن ذكرته صافي الدمع هليت
وسامرت عند الرجم ذيبن عوى به

واظهرت مافي داخل الصدر خفيت
ومن عبرتي قال الرجم ويش جابه

ياليتني يارجم ماقد تعليت
حتى وانا وياك فكري سرى به

الصاحب اللي في جماله تغنيت
ومنه البدر خجلان خلف السحابه

لامن طلبني قمت ماقد تونيت
حتى ولو العمر روح شبابه

ولامن لمحته قمت يمه وهليت
واخفيه في قلبي عن اللي وشى به

واليوم انا يارجم للقلب عييت
عييت اطيع القلب باللي سعى به

يبي الرجوع وعنه انا اليوم صديت
حبن مضى يارجم لاواسفابه


وسلامتكم

[عبدالعزيز المعجل]

صح لسانك

وتسلم على القصيده الجميله جداً جداً

والله انها من اجمل قصائد المنتدى بشكل عام

دفين الجرح
لا تطول الغيبه





:)
;)
:p
:p






.

[ابو حسن]

صح لسانك
انت صراحه قلت قصيده قوببببببببه مره عللشان كذا ما نبي مستوى القصايد الثانيه يكون اقل منها



ان شالله بيكون فيه تصويت افضل شاعر

[أبو ريان]

مشاء الله عليك دفين الجرح فعلا قصيدة تستحق الاشادة وانا فعلا رائيي من ضمن اراء الاخوان انشاء الله القصيدة الثانيه تكون اروع من هذي وفقك الله والى الامام

[عبدالله الصالح]

مشكورين جميعا ،،،

الله يعطيكم العافيه وما قصرتوا

اتمنى اني اكون عند حسن ظنكم فيما سوف اقدم انشاء الله ،

[رمش الغلا]

تسلم الايـــــــادي



&الله يعطيك العافيه&

[علي القديري]

لاهوب باغيني وانا عنه قفيت
وقلبي معه ياناس راح وغدى به


الاخ عبدالله صح لسانك والله لايهينك

تحياتى

[ســــامـــيـه]

الصاحب اللي في جماله تغنيت
ومنه البدر خجلان خلف السحابه

لامن طلبني قمت ماقد تونيت
حتى ولو العمر روح شبابه

ولامن لمحته قمت يمه وهليت
واخفيه في قلبي عن اللي وشى به

7

7

7

صح لسانك على القصيده الراااااااائعه

تقبل تحياتي