سديراوي كاشت في ماليزيا....

[ذيب سدير]

السلام عليكم ورحمة الله وبركاته
اليوم ابي اعطيكم تقرير عن سفرتي لماليزيا بس بطريقتي الخاصه..
في البدايه..
ابي اعطيكم نصيحه..لاتكثرون من الاكل في الطياره !! والله ان تسبدي مدخنه الى الحين واذا ذكرت اكل الطياره جاني غلقه وحومة تسبد الله يكرم النعمه..
ابي ا قص لكم قصتنا من البدايه..
طبعا حجزنا من مكتب الطيار ..ثلاث تذاكر لثلاث سديراويه..واحد مخربها والثاني مع الخيل يا شقراء والثالث موسوس..وين الله جمعهم !
بدت المشاكل قبل ما نسافر..الموسوس يقول لازم ناخذ عناوين ولازم نكلم احد هناك يدبرنا ما نعرف شي اخاف نخطف وتشلح دراهمنا..ولا نضيع هناك ..الاوسط ساكت يدربي راسه..الي مخربها يقول يارجال وسع صدرك من زينا يخطفونا فلوسنا نبي نزبنها واذا وصلنا سئلنا . والباقي على الله ..طال الموضوع وصارت الدعوى عناد وبغت توصل لمدة اليد. وفكوهم الشباب ..
المهم اتفقوا على ان الي مخربها هو المسؤل.. وشك توقيع على ورقه بتحمل كامل المسؤليه..
جاء اليوم الي تبي تطير فيه الطياره ..
الموسوس مانام ذيك الليله كلها هواجيس ...المهم بقي على طيران الطياره 4 ساعات والى مخربها نايم يشخر والشباب يتصلون عليه ما يرد..المهم شانت الانفس ..قام الرجال من نومه .. ركب السياره ومغطوها للرياض ..نطلنا موترنا عند حلاق في الرياض وخذنا لموزين ودعسه للمطار..واشوى ان راعي الموزين دبرنا ووصلنا لقسم رحلات ماليزيا ولا الطياره مشغله قاعد الطيار يحميها..المهم قال الموظف في المطار ليش تاخرتوا دخلو ناس بدل عنكم..
و صاح الصياح في المطار وحضر الشيطان وكبرت المسئله وفي الاخير جاء رجال من الموظفين وفزع لنا وضبط لنا مقاعد في درجه اولى..<<موفقين
عاد قام الى مخربها يتنيفش ويتميلح عندنا..ويقول (ما زبط لكم درجه اولى الا انا شفت كيف يجون بالعين الحمر)..<<اقول اسكت بس..
و طارت الطياره ..والحن نتلفت فيها وجايز لنا الوضع..
نصف ساعه ..ويجيبون لنا مجموعه من لوجبات بس غريبه اول مره نشوفها..ودق فيها لين غسلنا صحونهم..ونقول وش يبي يجيبون لنا زياده..ويجيبون كيك وخرابيط مدري وشي ..ونفصفصهن ولو الصحون توكل كان كلناها ..<<جواعا
وبعد دقايق طفوا الانوار الظاهر انهم يبون يتسدحون قلنا ما يخالف ننسدح معهم..وفي هجعت الناس انا اغمض عيوني عشر دقايق وافتحهن وكل ما فتحت عيني لقيت واحد من ربعي موب في مقعده .. وش سالفتهم ؟؟
وثر بطونهم راحت فيها هع
وماقصر كبتن الطياره حجز لنا وحده من دورات المياه ما يدخلها الا الحن خخخخ
المهم يسرها الله ووصلنا مطار ماليزيا نزلنا ندربي روسنا ومن يد نشيط في يد نشيط..اهل التكاسي مصعونا واهل الفنادق ...والحن نبي الفكه بس وعجزنا ..ورفيقنا الي ماسك القطه حاط القطه في حزام ورابطه في بطنه احتياط...
ومع الحوسه مدري كم خذو منا لان الحن ما نعرف كم تعادل عملتهم ... بس الوكاد انهم ضفوا من حق شهر وصكو المطار عقبها..وتقاسم دراهمنا ..
ركبنا التكسي ودانا لغرفتنا في الفندق..<<خواجات
ونلعن امها نومه ما قمنا الا من بكره ..و ساعتنا حوسه الظهر صبح والعصر ليل ..
مشت الامور ...
الان نبي ندور واحد يحتسي عربي نبي نسئله..ما لقينا..
انا اعرف انجليزي بس خانتني الذاكره وصرت اقلب الحروف وانكس الحتسي ..
تعلمنا لغتهم الماليزيه من كثر ما نتناقر معهم بالاشاره..
قلنا لهم نبيكم تمشونا في احسن الاماكن الي عندكم وابشروا بالدراهم <<ايه هين يدفعون
والحمدلله لقينا راعي تكسي اجودي الظاهر ان اخواله سديراويه..ضبط امورنا وصار يمرنا كل يوم ويمشينا ..صح انه ماكلنا بس اهم شي الاخلاق ..
وحسنا ماليزيا حوس ماخلينا شي ما مريناه فيها..والله الجو عندهم رهيب مطر وفله ..
ما ابي افصل الاماكن الي مريناها ..بس ابي اعرض لكم بعض الصور من الرحله ..
ملاحظه.
ترى الحتسي موب كله صدق يعني تصنيف وتبهير ..ولا الحن ذيابه ولو نقعد شهر في ماليزيا غيرنا اسمها وخلينها سديراوتا هههههههه
اعرض لكم بعض صور الرحله ..


القصه من باب التسليه فقط..
وشكرااا


الصوره رقم واحد هي صورة لعاصمة ماليزيا ليلا...

http://msoeeh.jeeran.com/photos/590563_o.jpg

وهذي صوره ثانيه من العاصمه بس في النهار...

http://msoeeh.jeeran.com/photos/590578_o.jpg

وهذا ناطحة السحاب المعروفه بالتؤم...وهي من اكبر ناطحات السحاب في العالم ..
http://msoeeh.jeeran.com/photos/590603_o.jpg

وهذي صوره لغرفتي في الفندق حوسه بس ونيسه..
http://msoeeh.jeeran.com/photos/590564_o.jpg

وهذي صوره لعمارتين ملونات اعجبني تصميمهم وصورتهم ..العماير في منطقة فنتنق..
http://msoeeh.jeeran.com/photos/590565_o.jpg

وهذي صوره لشلال ماليزيا ..صورت انواع شلالات بس قلت هذي حليوه ..
http://msoeeh.jeeran.com/photos/590576_o.jpg

هذا كوخنا قريب من شلالات ماليزيا..في وسط الغابه ..
http://msoeeh.jeeran.com/photos/590577_o.jpg

وهذي صورة الكوخ والمطر يمطر علينا ..في صن وي لاقونا....
http://msoeeh.jeeran.com/photos/590584_o.jpg


وهذي بحيرة صن وي لاقونا..والسباحه فيها تفتح النفس ..
http://msoeeh.jeeran.com/photos/590585_o.jpg


وهذي مدينة الملاهي في مدينة فنتنق فوق الجبال والغيوم في الاسفل ..
http://msoeeh.jeeran.com/photos/590586_o.jpg


وهذي بعض التراث الي شريته من سوق التراث حقهم ..وانكسر واحد من الروادو في الشحن في المطار الله لايوفقهم ..
http://msoeeh.jeeran.com/photos/590554_o.jpg


هذي صورة بط مخنق..يعني ماذبح مطبوخ وهو حي ..وتعتبر الوجبه الدسمه عندهم ..يعني اذا بغا ماليزي يكرم ضيوفه يجيبله بطه مخنوقه ههه
http://msoeeh.jeeran.com/photos/590587_o.jpg

وانتظروا رحلتي لاندنوسيا الاسبوع القادم ..
وشكراااا

[يـــزيـــد]

السلام عليكم

الحمد لله على السلامة اخوي ذيب سدير ،،، ورحلة موفقة الله يسعدكم

والله يعطيك العافية على هـ التقرير الرائع والصور الي اتحفتنا بها

وكلها حلوة ماشاء الله إلا البط ،، مازد كلناهـ خخخخ

وهذه قمة

http://msoeeh.jeeran.com/photos/590576_o.jpg

[السنايدي]

ماشاء الله ماشاء الله

الحمدلله على السلامه وش هالزين

تقرير ولا اروع

اتمنى لك التوفيق اخي محمد

[( عابرة سبيل )]

/
\


تقرير جميل واتمنى تحويل ( ماليزيا ) الى
( سديراوتا ) ^_^مررره حلو الاسم عجيييب
صوووور قمه قمه في الررروووووعه
يعطيــك العافيــه .. اخوي ( ذيب سدير )
وحمدالله على سلامتــكم

:
:

تحيتي لكــم..

[حمد]

http://msoeeh.jeeran.com/photos/590603_o.jpg


الحمدلله على السلامه يا محمد


صراحه هالصوره خباااااال


بس ودك انك تواجر ناس يوخرون هاللي متسحدين عند النافوره


هههه

في انتظار الجزء الثاني واندونيسيا


:))

[فهد المنيع]

هع هع هع الله يقطع بليسك مدري اناظر الصور والا اضحك :)

تمنيت فيه كميرا تصوركم يالثلاثي المجنون انواع الضحك والحوسه :)


جنتنق وراها صارت فنتنق ؟ لايكون غيروا اسمها هههههه



الله يعطيك العافيه على الصور الحلوه واهم شي سعة الصدر :))


والحمد لله على السلامه

[ذيب سدير]

هلا بكم ..
وشكراا على مروركم.. والله يعطيكم الف الف عافيه ..

دمعه ..
تقرير جميل واتمنى تحويل ( ماليزيا ) الى
( سديراوتا ) ^_^مررره حلو الاسم عجيييب
ابشري تامرين امر ..
ان شاءالله السنه الجايه اذا رحت قلبت عليهم وغيرت اسمها ههه

حالم...
جنتنق وراها صارت فنتنق ؟ لايكون غيروا اسمها هههههه
شكلك مبطي عن الديره .. غيرو كل شي يوم جينا عندهم..هع
شكرااا

[عبدالله الفـارس]

..

ما شاء الله

ابدااع يا محمد صورك زادت ماليزيا جمالا ً

فوق جمالها :))

شاكر لك

..

[طالب علم]

ماشاء الله

الحمدلله على السلامة اخوي ذيب سدير

بصراحه قصة تضحك وصور قمه ماشاء الله

الله يوفقك وبانتظار ابداعك في الجزء الثاني :))


سلام

[أبو ريما]

موفق يا محمد جهد رائع وجميل الحمد لله على السلامه بإنتظار صورك الحلوة لا عدمناكـ

[منيف المنيف]

اقول وين ذيب سدير ما ينشاف في المنتدى اثرك رايح لماليزيا حمدله على السلامه
....
اشوف الجهاز معك .... على ذكر الجهاز ماهي الماوس الى شرينها من الرجال ...
...
الله يسلمك ويخليك والله لك وحشه

[تميمية سدير]

الحمدلله على السلامه أخوي ذيب سدير ’’’

تقرير رائع متكامل ’’’

يعطيك ألف عافيه يارب ’’’

بس أحلى شي البدايه ^_^ ’’’

:

:

:

[لهفة الخاطر]

ياعيني على هالرحله يامحمد وبصراحه رووووووووعه ..

بصراحه صور لا يُعلى عليها والله جناااااان

تسلم على هالتقرير وبارك الله فيك

وبإنتظار التقرير الآخر منك ياخوي
___________

[سعود الخليل]

تقرير رائع ويوسع الصدر ....

والحمد لله على السلامه يا ذيب .....


بس ليتك مكثر من الصور ..

[ذيب سدير]

شكرااا لكم جميعاا والله يعطيكم الف الف عافيه ..
اخوي مسافر ...
تسلم والله..
راحت ايام الارطاويه ههه

راعي الاوله ..
مابغينا نغثكم بكثر الصور ..

واشكراا البقيه من اعماق قلبي..
موفقين

[وارث الطيب]

هههههههههههههههه

رحله مميزه وربع ينومسون مخربها وموسوس ومع الخيل يشقراء

ههههههههههههههههههههههههههههههه

وسلمني عليهم كلبوهم

الا ماتاخذوني معكم يمكن اكمل الفريق ونلعب بلوووووووت

هههههههههههههههه


موفقين اخوي ذيب سدير والله يسعدكم ويوسع صدوركم ضحكت من قلب

دمت بود

[ذيب سدير]

اخوي وارث طيب..
هلابك ..
وشكراا على مرورك والله يعطيك الف الف عافيه ..
والقصه من نسج الخيال للتغيير فقط ..
وشكراا

[عبدالعزيز]

:)

الحمد لله على السلامة

وتسلم يابعدي على التقرير الرائع

وننتظر الباقي

[شعيب سدير]

ما شاء الله .. تقرير ورحله مميزه ...

شكرا أخوي ذيب سدير على الصور الجميلة ..

وننتظر التقرير القادم ..

وبالتوفيق ان شاء الله ..,,

[ذيب سدير]

شيخ شمر .... شعيب سدير ...
هلابكم ..
وشكراا على مروركم والله يعطيكم الف الف عافيه ..

[محمد المحارب]

ما شاء الله ما شاء الله
الحمد لله على السلامة.............وتقرير حلووووووووو وصور احلا ..........وننتظر الرحلة القادمة ان شاء الله..............تقبل مروري.

[ذيب سدير]

اخوي محمد ..
هلابك ..
وشكرااا على مرورك والله يعطيك الف الف عافيه ..

[أموَآج الحَنِين]

رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وعه


الصوروالقصه مسليه

الف الف شكر

من جدوناااااااااااااااسه



بس عندي تعقيب
مدري كلمه تعقيب بمكانها ولا لا الموهم

صن وي لاقون مو لاقونا,,

فنتنق قنتق (هايلاند)

[ذيب سدير]

امواج..
هلابك ..
وشكراا على مرورك والله يعطيك الف الف عافيه ..
اما الاسماء فانا قاريها بالانجليزي..
يعني تصنيف هههه
مرتفعات قينتنق .
Genting high land
واثانيه..
صن وي لاقون
Sun Way Lagoon

وشكراا على التوضيح

[X-Ray]

ماشاء الله

كل صورة تقول الزود عندي

ننتظر الباقي على احر من الجمر

تحياتي

[بسمة فرح]

ماشاء الله عليكم رووووووعه


حتى الاشياء القديمه جبتها معك ماشاء الله عليك موهبه

[ذيب سدير]

X-Ray ...البنت الدلوعه ..
هلابك .
وشكراا على مروركم والله يعطيكم الف الف عافيه ..
اصلا انا ما رحت الا عشان ادور تراث هههه
مشكوره

[Sub_Zero]

http://msoeeh.jeeran.com/photos/590563_o.jpg

8
8
ناه عندهم برج تلفزيون مثل حقنا :D

يعطيك العافيه خيو ديب :D

[ذيب سدير]

Sub_Zero ..
هلابك ..
عندهم برج اكبر من برجنا عشرين مره ..
شكراا على مرورك والله يعطيك الف عافيه ..

[سعد القاسم]

ما شاء الله

ابدااع يا محمد صورك زادت ماليزيا جمالا ً

فوق جمالها

شاكر لك

[أبو عوض]

رووووووووووعه


تسلم يمناك


ورحلة موفقة

[ذيب سدير]

سعد القاسم ...ابو عوض ...
شكراا على مروركم والله يعطيكم الف الف عافيه ..

[رغـبـآويه]

امممممممم
رائــعـــه خيووو تسلممممم

[ذيب سدير]

ام سعد ..
شكراا على مرورك والله يعطيك الف عافيه ..

[سلطان العضيدان]

الحمدلله على السلامه يا محمد

وصور تفتح النفس ما شاء الله ,,,

ابدعت في التصوير يا ذيب

ولا هنت

[تفاح أحمر]

الله يعطيك العافيه على الصور الحلوه واهم شي سعة الصدر


والحمد لله على السلامه

[ذيب سدير]

راعي الغاط ...تفاح احمر ..
الله يسلمكم..
وشكراا على مروركم والله يعطيكم الف الف عافيه ..

[هرمنا]

ماشاء الله تبارك الله

والله مدري وش ابدي عليه

على تصويرك الرائع

والا على اسلوب طرح الموضوع


بجد تقرير رووووووووووعة واسلوب اروع خلاني اتخيل اني رايح معكم

الحمد لله على السلامه يالذيب

[$خالد$]

ماشاء الله

[ذيب سدير]

السبعين ...خالد ..
شكراا على مروركم والله يعطيكم الف الف عافيه ..

[سهم 20]

--------------------------------------------------------------------------------

ماشاء الله ماشاء الله

الحمدلله على السلامه وش هالزين

[ذيب سدير]

سهم..
هلابك ..
وشكراا على مرورك والله يعطيك الف الف عافيه ..

[بنت الشيوخ]

ذيب سدير..

الحمد لله على السلامه..
بصراحه مهب صور رحله
هذي صور احتراف ماشاء الله..

سؤال يطرح نفسه..
http://msoeeh.jeeran.com/photos/590564_o.jpg
يعني فاتح الشباح وحاطن كرسي..
يعني تبي تقنعني انك رقيق وهادي وقاعد تتفرج من الشباك.. < < افلقني يا شيخ

سؤال ثاني يطرح نفسه..
http://msoeeh.jeeran.com/photos/590587_o.jpg
مهوب الاوادم
حتى التسلاب ماتآكل ذاا لبطه اللي جلدها متعرعر..

يالله لك الحمد بس

تقرير بطل يا ذيب..
يعطيك العافيه

فمان الله
وبس خلاص

[سديم الليل]

مشاء الله
تصوير ابداعي
مشكور اخي ذيب سدير

[ذيب سدير]

بنت الشيوخ ..
هلابك ..
انا رومنسي وهادي بس شفتوني راعي ترااث وقلتووا شكله جلف وميت قلبه خخخ
الله يسامحك بس ..

البطه هذي ازين من الذبايح عندنا ولو انها مخنوقه في ماليزيا ..
وشكراا على مرورك والله يعطيك الف الف عافيه ..

سديم..
شكراا على مرورك والله يعطيكم الف الف عافيه ...

[عاشق القميري]

الحمد لله على السلامة
ومشكووووووووووور اخوي على التقرير

[عبسون]

أولاً الحمدلله على السلامة


ثانياً: أحس إن الصورة الثانية والثالثة "رسم" يعني مو حقيقة ؛ واللي ودي أعرفه وشلون جت الصورة بهالطريقة .

وشكراً

[مضيعه شباصتا]

يااااااااااااااااااااااااااااااااااه

صوور ترد الرررووح

[fo0fo0]

مشكور اخوي على الرحله ::
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[جود الخبر]

ماشاء الله ماشاء الله

الحمدلله على السلامه وش هالزين

تقرير ولا اروع

اتمنى لك التوفيق اخي محمد

بس اللي اعرفه جوووا مااليزياارطب مثل الخبر :)


مدري كاان تعدل بعد ماارحلانه او انتم رحتوا في

الشتااااااء بس شهر 7 يعني عز الحررررررasb:

الرحله القااامه اللى سويسرا علشان تعرف الجوووو البراددد

وتقول وش مااليزيا وش خبااريهااااا:lipssealed:

[بسمة فرح]

يسلمووووووووووووووووووووووووووووووو


بس اني اذكر قد رديت على هالموضوع من قبل

مدري هل هو رفع او وش السالفه

يعطيك العافيه

[ولد عبدالعزيز]

ما شاء الله
روعة وساعة صدر
بس أبي أعرف يا ذيب سدير
أنت أي واحد من الثلاثة

[ابومشعل]

الحمدلله على السلامه يا محمد

وصور تفتح النفس ما شاء الله

ابدعت في التصوير يا ذيب


تقبل مروري

[$ فيصل $]

الحمد لله على سلامتك



ماشاءالله تقرير مميز




ان شاء الله انك استمتعت في رحلتك إلى ماليزيا





تصوير ولا أروع




تـــــــــــــحــــــــــــــــــيــــــــــــــات ــــــــي





موفق بإذن الله





:))