رحلة سريلانكا 2007(راعي الاوله-المغترب-الهدوء)

[سعود الخليل]

تقرير رحلة سريلانكا 2007 (الجزء الأول)


مساكم الله بالخير جميعاً .. هذا تقرير عن رحلة سريلانكا اللي استمتعنا بزيارتها الإسبوع الماضي والحمد لله كانت رحلة اكثر من رائعة .. كنا ثلاثة في الرحلة ( الهدوء - المغترب - راعي الأوله) طبعاً اخونا حمد جزاه الله خير ما قصر في التنسيق مع احد المكاتب في سريلانكا وكانت تكلفة الرحلة لثلاثة اشخاص لمدة ثمانية ايام وسبع ليالي شاملة السكن في فنادق خمس واربع نجوم بالإظافة للسيارة والسواق والمترجم 1400 دولار .. والتذكرة على الخطوط السعودية بـ 1650 ريال ..
إنطلقنا من الرياض بعد تأخر الرحلة بمباركة من الخطوط السعودية حسبنا الله ونعم الوكيل حيث كان موعد الرحلة الساعة الثانية من فجر الإربعاء ولم تقلع الطائرة إلا الساعة الحادية عشر ونصف !!!
عموماً الحمد لله اقلعنا فوق السحاب :
http://a1122.jeeran.com/photos/651341_l.jpg

وكان في إنتظارنا في مطار كولمبو (عبدالعزيز) صاحب المكتب اللي نسقنا معه وكان مطارهم اكثر من رائع ومتطور جداً .
http://a1122.jeeran.com/photos/651342_l.jpg

ركبنا في السيارة مع سواقنا (جانتي) :
http://a1122.jeeran.com/photos/651343_l.jpg

وتوجه بناء إلى فندق( هيلتون) مقر إقامتنا في الليلة الأولى :
http://a1122.jeeran.com/photos/651344_l.jpg

http://a1122.jeeran.com/photos/651376_l.jpg

وفي الصباح وبعد القهوة :
http://a1122.jeeran.com/photos/651345_l.jpg

توجهنا إلى مدينة كاندي واللي تبعد عن العاصمة 150كلم وطبعاً السرعة القانونية في سريلانكا 50 كلم في الساعة !!! وين ربعنا يشوفون .. مرينا في الطريق ببعض محلات الفواكه كالأناناس والمنقا ومزارع الأرز :
http://a1122.jeeran.com/photos/651378_l.jpg

http://a1122.jeeran.com/photos/651379_l.jpg

وكان الطريق زحمه شوي :
http://a1122.jeeran.com/photos/651377_l.jpg

توقفنا في حديقة الفيلة :
http://a1122.jeeran.com/photos/651380_l.jpg

http://a1122.jeeran.com/photos/651399_l.jpg

وجربنا ركوبها !! انواع الروعات بس الحمد لله عدت على خير :
http://a1122.jeeran.com/photos/651400_l.jpg

وبعدها توجهنا لمواصلة المشوار لمدينة (كاندي) وبعد الوصول توجهنا لحديقة ( وكتنكال قاردن)واللي تتميز بأشجارها الغريبة والكبيرة !!:
http://a1122.jeeran.com/photos/651401_l.jpg

http://a1122.jeeran.com/photos/651402_l.jpg

http://a1122.jeeran.com/photos/651403_l.jpg

http://a1122.jeeran.com/photos/651416_l.jpg

http://a1122.jeeran.com/photos/651415_l.jpg

http://a1122.jeeran.com/photos/651413_l.jpg
خفافيش !!
http://a1122.jeeran.com/photos/651414_l.jpg
وبعد الحديقة مرينا مسجد وصلينا فيه الظهر والعصر ثم توجهنا للفندق (إيرلز ريجنسي) وكان موقعه اكثر من رائع يطل على المدينة من فوق الجبل ويتميز بفخامته :
http://a1122.jeeran.com/photos/651417_l.jpg

http://a1122.jeeran.com/photos/651590_l.jpg

وعذراً على الإطالة ..وانتظروا الجزء الثاني من الرحلة..

الجزء الثاني هناااا (http://www.sudeer.com/vb/showthread.php?t=48673&page=3)

الجزء الثالث هنااا (http://www.sudeer.com/vb/showthread.php?t=48673&page=5)

[فهد المنيع]

الحمد لله على السلامة

ماشاء الله وش هالزين

http://a1122.jeeran.com/photos/651400_l.jpg

هع هع هع كان شريت لك واحد صغير تحطه مع الدجاج http://www.sudeer.com/vb/images/smilies/tease.gif


اما ذا الصورة ما ادري وش لون اعلق عليها

7
7
7

http://a1122.jeeran.com/photos/651344_l.jpg

يحس انه شي على هالجلسة هع هع هع




وعذراً على الإطالة ..وانتظروا الجزء الثاني من الرحلة..

اي اطاله يارجال احس اني ماشفت شي وراك مختصر مرررره وخاصة بالشرح والتعريف بالاماكن ... نبي الجزء الثاني يكون دسم وكثر من الصور ..


يعطيك العافية ..

[أبو يزيد]

رحلة موفقة

ونعم الصحبة أنتم

تقرير جميل لكن نتمنى أن يكون الجزء الثاني

أفخم وأرقى من الأول ودسم من الصور والتعليق

[يـــزيـــد]

السلام عليكم

ماشاء الله عليكم رحلة موفقة والحمد لله على سلامتكم >> كني ماشفته

وبصراحة كلن يمدح سيريلانكا واكيد انها احلوت عقبك ،،،

تقرير رائع ياخوي ،، ننتظر الثاني

[( عابرة سبيل )]

/
\


مـــــاشاءالله رحلـــــــــه
موفقــه وجميلـــه.. ومناظــر رائعه ..وتصويــر شيق
بارك الله فيـــــك ..

:
:

ننتظـــر الجزء الثانـــي ..
وبالتوفيق

[أمير سدير]

ماشاء الله تبارك الرحمن

ركبتا فيل اجل هع هع

ودي اعرف شعورك وانت تركبه

بانتظار الجزء الثاني

[مشــاعر]

http://7bna.com/up/uploads/94868c0643.gif
.
.
ماشاء الله تبارك الله ,,

وش هالزين؟؟


بس كل شي ولا صورة الفيل ,, احي اللي راكب مب خاااايف ابد !!:)

مشكور على التقرير ,, ننتظر الجزء الثاني:))


.
.
.

http://7bna.com/up/uploads/c61afae108.gif

[X-Ray]

الحمدلله على السلاامة وعودة حميدة مشرفنا

تقرير جميل ولو اننا نطمع بالمزيد من الصور

نترقب الجزء الثاني

بالتوفيق

[لهفة الخاطر]

http://a1122.jeeran.com/photos/651413_l.jpg



ماشاء الله عليك ياراعي الأوله تقرير مايخرش الميه ...

روعه الصور والمناظر الطبيعيه ...

كانت رحله رائعه من منظرها...

رائعه وتسلم على التقرير وبإنتظار الجزء الثاني من الرحله ...

شكري لك ياراعي الأوله

[سعود الخليل]

هلا حالم ....

لا تخاف موصي على جوز فيله نبي نحطهن في الإستراحه !!!!

[سعود الخليل]

هلابك ابو يزيد ...

والف شكر على التواصل .. ليتك مخاوينا ابرك لك من ابها .....

[سعود الخليل]

يزيد...

هلا وغلا ... وتسلم يا بعدي هذا من ذوقك .... بس لا تخاف ما نسيتك من الشاهي ..

[أنــ(تويمي)ــا]

ما شاء الله

وش ذا الروعة
ما شاء الله وسالفة الفيلة ذي لحالها يبي لها تقرير :)
الموووهم
لا تعاد تختصر حنا نبيك تطولها :) << بيوهقه

الصراحة أهنيكم على ذا الأختيار الموفق
دولة رائعة جدا جدا
عسى الله يوفقنا ونقدر نزورها قريباً << كثر منها :)

تحية طيبة

[سعود الخليل]

دمعة الم


حياك الله ... والله يسلمك .... والحمد لله الرحلة كانت موفقة ...

[ذيب سدير]

الحمدلله على السلامه ...
والله الفله ...
مشاءالله .. تقرير رائع..
وصور رهيبه ..
موفق

[حمد]

ما شاء الله تبارك الله


الحمدلله على سلامتك ياراعي الأوله


وليتك ما حطيت صوره الرجال

:(

بغيت اصيح يوم شفت وجهه .. ياخي الزمن لاعب فيه

:(

http://a1122.jeeran.com/photos/651342_l.jpg


اكتشاف هالدول والسفر لها شئ ممتع و جميل ، والجميع كان يتنبأ لهذه الدوله بمستقبل سياحي مشرق متى ما واكبت التطور اللي نشوفه في المنتجعات والفنادق بـ تطور ولو بسيط نسبيا في الشوارع و حركه النقل .



في انتظار الأجزاء القادمه

[سعود الخليل]

أمير سدير


هلا وغلا .. وابشرك صرت خيال !!! قصدي فيال .. اللي هي يعني اعرف اركب الفيل .. والشعور لا تنشد !! المشكله يوم ركبت مسكة معه ياكل !!! هع هع

[سعود الخليل]

مشاعر ...

حياك الله .. وبصراحه الرحله ممتعه وركوب الفيل شي ثاني ..!!

[عبدالعزيز]

ماشاء الله

الحمد لله على السلامة

تقرير ممتاز وننتظر الجزء الثاني

شاكر لك راعي الاوله

[فيحاوي]

ماشاء تبارك الله

الحمدلله على السلامه

ماكنت اتوقع ان سريلانكا بهذه المناظر الخلابه وشكلها لها مستقبل في السياحه

تقرير رائع جداً وبنتظار الجزء الثاني

[أمير سدير]

نحن باحتراء الجزء الثاني

[السنايدي]

الحمد لله على السلامه

وش هالزين يابيوعبدالعزيز

فيله وفنادق وحركات

بس الله الله بالجزء الثاني نبي الشي الزين

[هرمنا]

اول شي الحمد لله على السلامة

لك يا الهدوء و يالمغترب وياراعي الأوله

والله والنعم فيكم جميعا

بجد تقرير راااائع وفي انتظار الجزء الثاني من هذه الرحلة


الله يعطيك الف عافية اخوي ابو عبدالعزيز

[سعود الخليل]

X-Ray

هلابك اخوي وابشر بالمزيد من الصور ....

[سعود الخليل]

لهفة الخاطر ...

ياهلا بك ... وفي الجزء الثاني من التقرير المزيد من الصور ..

[سعود الخليل]

أنــ(تويمي)ــا

ليتك مخاوينا كان تريح راسك من صجة الرياض وزحماته ...

[سعود الخليل]

ذيب سدير ...

هلابك .. وبغيت اجيب لك فيل تحظه في النخل .. يمدحونه في المنحات ..!!

[سعود الخليل]

حمد ... انت عاد جزاك الله خير على التوصية والحجز والتعب اللي ابلشناك به ...

وترى عبدالعزيز يسلم عليك سلام كثير ...

[سعود الخليل]

شيخ شمر ..

هلابك ذيبان ... والمره الثانيه نبيك تخاوينا <<< كثر منها ..

[سعود الخليل]

فيحاوي ..

هلاوغلا .. وسريلانكا تعتبر من الدول الجميله من ناحية الطبيعه ولكن المشكله سوء البنية التحتية عندهم عدا الفنادق .. اللي تعتبر افخم من فنادقنا بكثير ..

[سعود الخليل]

امير سدير

ابشر بالجزء الثاني يالغالي ..

[سعود الخليل]

السنايدي ...

هلابك والله .. وليتك جاي انت والرجال للديرة كان ابرك لكم من ابها ..!!!

[سعود الخليل]

السعبين ...

ياهلابك .. والله يسلمك من كل شر ...

ترى فيه سلاني موصيني لك .... يقول خله يسير علينا ..

[عبدالله الغانم]

مشرفنا القدير

راعي الأوله

حمداً لله على سلامتكم وعوداً حميداًلك ولمن معك" الهدوء , والمغترب"

رحلة رائعة بمناظرها الخلابة فقد أبدعتم في التصويروالتعليق و شوقتمونا

حتى تمنيناأنَا معكم , بس عسى ماتكلفتم؟

لكم مني أطيب تحية.

[سعود الخليل]

الجزء الثاني


اليوم الثاني في مدينة ( كاندي) طبعاً الإستيقاظ لازم يكون بدري .. الساعة خمس ونص تقريباً نصلي الفجر ثمين نزبط القهوة .. وبعدها الفطور << بوفيه مفتوح ولا ناكل الا بيض الباقي ما ندري وشو !!! .. المهم انطلقنا في الساعة السابعة صباحاً مع سواقنا (جانتي ) متوجهين لمدينة ( دمبولا) واللي تبعد عن مدينة (كاندي )90 كلم طبعاً بحسب سريلانكا تحتاج إلى ثلاث ساعات لقطع هالمسافة ... لكن الطريق كان ممتع جداً ..
http://a1122.jeeran.com/photos/658497_l.jpg

http://a1122.jeeran.com/photos/658508_l.jpg

http://a1122.jeeran.com/photos/658498_l.jpg

زهور اللوتس
http://a1122.jeeran.com/photos/658500_l.jpg
وصلنا إلى مدينة (دمبولا) واللي كان فيها اضخم بوذا في سريلانكا ولا دخلنا قالوا بفلوس قلنا مهب لازم :
http://a1122.jeeran.com/photos/658499_l.jpg
طلعنا وواصلنا المشوار وكان الهدف هو الوصول للسفاري اللي هو الرحلات داخل الغابات .. ولما وصلنا كان الموقع ما يسوى المشوار وكان سفاريهم غالي مقارنه بسفاري مدينه (يالا)
http://a1122.jeeran.com/photos/658501_l.jpg

فقررنا عدم الدخول فيه وتأجيل السفاري لمدينة ( يالا) رجعنا لمدينة كاندي ولفندقنا الجميل (ريجنسي ) وقلنا نفلها سباحة بلا سفاري بلا بطيخ ...

جلسنا في الفندق ويوم جا بعد صلاة العشاء قلنا نطلع للسوق ونشوف السوق ونتمشى فيه شوي .. قلنا نبي نجرب نركب في ( تكتوت) اللي هو دباب ابو ثلاث كفرات وش حليله ويوسع الصدر وطبعاً الأهم التجربه لان السواق جاهز .. رحنا للسوق الساعة 8.30 ولكن المفاجأه ان السوق كله مسكر !!! ويوم سألنا السواق قال ان الأسواق كلها تسكر الساعة 7!! قلنا افااا اجل رجعنا للفندق والشكوى لله .. ونوم..

في صباح اليوم التالي .. كانت الخطه السفر مغادرة مدينة( كاندي) والسفر إلى مدينة ( نوارإليا)

لقطة وداع لكاندي :

http://a1122.jeeran.com/photos/658510_l.jpg

انطلقنا في الصباح الباكر مودعين مدينة (كاندي) الجميله وكانت المسافة 77 كلم مرينا في الطريق بعدد من الشلالات الجميلة :
http://a1122.jeeran.com/photos/658528_l.jpg

http://a1122.jeeran.com/photos/658512_l.jpg
طبعاً مدينة (نوار إليا) تعتبر مدينة باردة جداً وتشتهر بمزارع الشاي اللي توقفنا عندها :
http://a1122.jeeran.com/photos/658511_l.jpg

ونوقفنا في احد مصاع الشاي واستمعنا إلى شرح من احد الموظفين عن طريقه صنع الشاي من القطف إلى التعليب والتوزيع ..
http://a1122.jeeran.com/photos/658529_l.jpg

http://a1122.jeeran.com/photos/658556_l.jpg

وشرينا منهم بعض الشاي :
http://a1122.jeeran.com/photos/658555_l.jpg

ثم واصلنا المشوار لمدينة ( نوار إليا) وتفاجأنا صراحة بالبرد والمطر وكانت درجة الحرارة فيها 9 درجات تقريباً ..!!!وهذي صورة للمدينة والسحاب :

http://a1122.jeeran.com/photos/658554_l.jpg

وصلنا إلى مقر إقامتنا في المدينة وهو فندق ( قراند هوتيل) وبصراحه فندق قديم شوي لكنه فخم ويعتبر الأفضل في المدينة :
http://a1122.jeeran.com/photos/658552_l.jpg

http://a1122.jeeran.com/photos/658553_l.jpg

وإلى لقاء في الجزء الثالث من الرحلة ...

[طالب علم]

ماشاء الله تبارك الله

اولا الحمدلله على السلامة يا مشرفنا الغالي

والحمدلله على سلامة الاخوين الهدوء والمغترب

تقرير اكثر من رائع

بالذات مزارع الشاي ليتك تفصل فيها <=== راعي شاهي :)

وسريلانكا تستاهل من يزورها

بس عسى الوضع هناك امان ولا فيه مشاكل من ناحية السرقة؟؟

الله يعطيك العافية

بانتظار الجزء الثالث

مشكور على جهدك يالغالي


سلام

[FATA--JALAJEL]

أخوووي راعي الأوله



آآسف على التأخير لأني ما رديت على الجزء الأول لأني مادريت الا اليوم عن المووضووع

لكن عندي تعليق بس على هذي الصورة هع هع :)


http://a1122.jeeran.com/photos/651400_l.jpg


أنا جلست أناظر في الصورة تعجبت صراحة شوف كيف حجم الفيل وحجم اللي راكب عليه

فرق شاسع بقووة لكن الله يستر بس << بيصفقه راعي الأوله هع هع :)



مشكووووووووووووور على التغطية الأكثر من رائعة وصور صراحة خيالية وتصوير نظيف ما شاااء الله تبارك الله





بإنتظار الجزء الثالث




تقبل مروووووووووووووووووري






ولكم خالص تحيات





محبكم /






FATA--JALAJEL

[يـــزيـــد]

السلام عليكم

يامال العافية اخوي راعي الاولة على هـ التقرير الرائع

وبصراحة تسنها جازت لي سيريلانكا على الاقل نجيب شاهي >> منيب اقصد شي تراني ابداُ هع


الله يعافيك ياخوووي

[عبدالعزيز]

ياخي ليتك حاط صورة الفيل مره ثانية << ياشين البزران اذا عرفوا شي :)

تسلم يابعدي على التقرير الممتع

وننتظر الجزء القادم :))

[فيحاوي]

يامال العافيه تقرير ممتاز جداً

اجل مايبيله كلام قطع من ورق الشاهي وصلح اخضر >>>يبيك تختفي

والله يوسع صدوركم بالعافيه

وننتظر الجزء الثالث بالشاهي الاحمر هههههه

[مثل النخيل خلقت]

الحمد الله على سلامتك اخوي راعي الاوله انت والاخوين الهدوء والمغترب ..

تقرير رااائع ومميز ..

وبصراحه ماكنت اتوقع سيرلانكا بهالروعة ..

يعطيك العافية يالغالي على هالتقرير ..


وبانتظار الجزء الثالث ..

[فهد المنيع]

يعطيك العافيه

تقرير يوسع الصدر ..


تحياتي

[حمد]

ما شاء الله


ترتيب جميل و لقطات جميله ومشوقه لهذا البلد الجميل


اعـجبتني جـدا كاندي و جمال الطبيعه فيها


جو نوراليا ينسيك كل متاعب الطريق


وكاس شاهي في مرزعه الشاهي يعلمك ان اللي نشربه في الرياض ما فيه من الشاهي إلا اسمه بس

:))


يعطيك العافيه يا راعي الأوله

[يتيم الحب?f112]

الحمدالله على السلامه وما شأ الله الصور في غاية الروعه

يعطيك العافيه

[الحازم]

الحمد الله على السلامه أبو عبدالعزيز

شوقتنا لزياره سيرلانكا



ما أقول إلا الله يعطيك العافيه

[أمير سدير]

ماشاء الله تبارك الرحمن

جميل والله

بانتظار الجزء الثالث

[سعود الخليل]

استاذي عبدالله الغانم ..

حياك الله اخوي والله يسلمك من كل شر ..

الف شكر على تواصلك هنا ....

[بنت الشيوخ]

راعي الاوله..

http://a1122.jeeran.com/photos/651399_l.jpg
وش يسوي اللي قاعد تحت الحصاه الكبيره
عندي احساس انه يكلم جوال هع هع

ماشاء الله عليك تقرير ممتاز جداً
حتى السواق مصوره..

خضار وزين ماشاءالله..

رحله موفقه وماقصرت يا ابو عبدالعزيز

فمان الله
وبس خلاص

[ابو هاجر]

الحمد لله على السلامة يالغالي

وشلون جوهم ودرجة الحرارة كم توصل

[ابولولو]

مشكور على الصور يا راعي الاوله


الروحة لسريلنكا فينا فينا بعد هذه الدعاية

وشلون الاسعار فيها عسها رخيصه

ماقلت لي أروح معك أشوف الغرفة فيها سريرين

[سعود الخليل]

طالب علم

حياك الله يا بعدي ...

والشاهي لو نفصل له يبي له موضوع كامل لاني مصور كل خطواته في المصنع ،، وبالنسبة للأمان في الديرة تراها منتازه مره والمشاكل اللي عندهم مع نمورا لتاميل كلها في شمال البلاد ولا ندري عنها ابد .. وكل المدن اللي زرناها كانت هاديه وآمنه وأهلها طيبين مرررره ...

[سعود الخليل]

FATA--JALAJEL

هلا وغلا ويا مرحبا بك .. ولا تقارن بين حجم الفيل واللي راكبه ..!! لكن قل لو طحتا من فوق الفيل وش تبي تزين !! كنك في الدور الثاني ..!1

[سعود الخليل]

يزيد ..

هههه يا كثر ما تلمح تبي شاهي !! لكن انا قايل لك سير وابشر بسعدك .. ولو تبي جوز فيله ما تغلا عليك ..

[سعود الخليل]

شيخ شمر ..

هههههههههه تبي صور فيله !!! خلاص قضينا منها .. الفيله تتواجد في مدينة اسمها ( كاندي ) ومن النادر انك تلاقيها في غير هالمدينه ...

[سعود الخليل]

فيحاوي ...

هلا وغلا .. والشاهي حقهم ترا مهب اقطف وتقهو !!! يزينونه في المصنع ويبيله شغله !!

لكنه كايف من جد ..

[سعود الخليل]

مثل النخيل خلقت


هلا وغلا والله يسلمك من كل شر ..


وبصراحه سريلانكا تستحق الزيارة . جرب ولن تخسر ...

[سعود الخليل]

حالم ليل

حياك ربي .. ومشكور عالطله ..

[سعود الخليل]

حمد


حياك ربي وبصراحه مثل ما قلت .. كاندي ونوار إليا من اجمل المدن السريلانكيه من ناحية الطبيعة ... وبصراحه الجو فيها خيالي مررره ويستحق المشوار ..

[سعود الخليل]

يتيم الحب?f112

الله يسلمك يالغالي من كل شر ...

ومشكور على تواصلك

[سعود الخليل]

الحازم ..

الف شكر لك على مرورك ... والحمد لله ان التقرير اعجبك ..

[سعود الخليل]

امير سدير

هلا بك وابشر بعزك ان شاء الله نجهز الجزء الثالث من الرحلة قريباً ..

[سعود الخليل]

بنت الشيوخ

حياك الله والله يسلمك من كل شر ...

واللي تحت الحصاة هذا طاقته الشمس وفيه ضيقة صدر شيب ولا صار كبر الفيل ..!!

[سعود الخليل]

حيدره


الله يسلمك من كل شر وبالنسبة للجو فهو حلو بشكل عام درجه الحراره تقريباً 24 درجه الا في مدينة نوارإليا فهي بارده مرره ودرجة الحراره فيها تقريباً 9 درجات .. لانها فوق الجبل ..

[سعود الخليل]

ابو لولو

هلا بك اخوي .. وبالنسبة للأسعار فهي معقوله جداً يعني انا ذكرت في البداية ان القروب اللي اخذناه شامل السكن في فنادق 5 نجوم مع السيارة والسواق والمترجم لمدة ثمانية ايام وسبع ليالي لثلاثة أشخاص كلفتنا 1400 دولار للمجموعه كلها .
وفي الأسواق والمشتريات فهي تقريباً قريبه لأسعارنا او اقل ..

[سعود الخليل]

الجزء الثالث والأخير

طبعاً وبعد الوصول إلى مدينة ( نوارإليا) واللي قلنا تمتاز بحوها الجميل والبارد كان البرنامج هو قضاء يومين في هذه المدينة .. طبعاً اليوم الأول راح تمشي في ملاعب القولف القريبة من الفندق وفي بعض الأسواق الشعبية المجاوره ...
وهذي صوره لاحد ملاعب القولف :
http://astad33.jeeran.com/photos/684539_l.jpg

صوره لاحد مزار ع الخضار اللي تشتهر بها المدينه :
http://astad33.jeeran.com/photos/684433_l.jpg

واليوم الثاني كان البرنامج زيارة حديقة الزهور واللي تمتاز بكثرة انواع الزهور لكن للأسف كان الفترة اللي زرناها فيها ماهي افضل وقت حيث ذكر لنا المرشد السياحي بأن قبل شهرين كانت افضل والزهور مفتحه .. لكن مع ذلك استمتعنا بجمال التنسيق في هذه الحديقة :
http://astad33.jeeran.com/photos/684434_l.jpg

http://astad33.jeeran.com/photos/684466_l.jpg

http://astad33.jeeran.com/photos/684465_l.jpg

http://astad33.jeeran.com/photos/684462_l.jpg

http://astad33.jeeran.com/photos/684464_l.jpg

http://astad33.jeeran.com/photos/684463_l.jpg

في الصباح ودعنا مدينة (نوارإليا) متوجهين إلى مدينة (دمبولا) واللي يتواجد فيها السفاري داخل الغابات وكانت المسافة بعيده مره (170)كلم تقريباً قطعناها في خمس ساعات تقريباً !!
مرينا في الطريق ببعض مزارع الأرز وشاهدنا طريقة حصد الرز وتنظيفه :
طريقة الحصد:
http://astad33.jeeran.com/photos/684537_l.jpg

التنظيف في احد المصانع على الطريق:
http://astad33.jeeran.com/photos/684536_l.jpg

وصلنا لمدينة (يالا) وريحنا شوي فترة الظهر في احد الفنادق لان الوقت هذا غير مناسب لدخول الغابة لان الحيوانات تكون في فترة راحة .. وكان فيه بحيرة في هالمدينة وفيها قوارب تأجير ركبنا لنا قارب نوسع الصدر فيه لين تجي الساعة 3 وبعدها توجهنا لسفاري (يالا) وركبنا الجيب مع سواق عليمي !!
http://astad33.jeeran.com/photos/684535_l.jpg

http://astad33.jeeran.com/photos/684552_l.jpg

http://astad33.jeeran.com/photos/684556_l.jpg

وهذا تمساح فاق اثمه يترزق الله :

http://astad33.jeeran.com/photos/684553_l.jpg

وين اهل الصيد :
http://astad33.jeeran.com/photos/684555_l.jpg

طلعنا تعبانين من السفاري ومتكسرين من هالجيب الخرده وتوجهنا لمدينة (برويلا) وكان هذا خطأ كبير في برنامجنا لان المسافه بعيدة ولا وصلنا الا الساعة 1 في الليل للفندق وكنا تعبانين مررره وكان السكن في فندق ( إيدن) وهو من اجمل الفنادق اللي شفتها في حياتي من حيث التصميم والموقع الرااائع على البحر :
http://astad33.jeeran.com/photos/684561_l.jpg

شاطئ الفندق :
http://astad33.jeeran.com/photos/684563_l.jpg

http://astad33.jeeran.com/photos/684562_l.jpg

طلعنا الصباح للبحر ثمين توجهنا للسفاري البحري في مدينة ( بنتوته) وهي قريبه من مدينة ( برويلا) تقريباً 15 كلم وركبنا في السفاري البحري وهو قارب يدور بك في احد الأنهار ويمر بك على اكثر من 60 جزيرة !! من ضمنها جزيرة الدارسين واخدنا في هالرحلة ساعتين تقريباً ..
http://astad33.jeeran.com/photos/684564_l.jpg

هع هع هذا القبطان نامق :
http://astad33.jeeran.com/photos/684568_l.jpg

وهذي صور لبعض الجزر اللي مريناها :
http://astad33.jeeran.com/photos/684567_l.jpg

http://astad33.jeeran.com/photos/684565_l.jpg

وبعد هالرحلة الممتعة طمرنا للبحر وركبنا في احد القورب الزجاجية اللي تشوف فيها الأسماك والشعاب المرجانية اللي في البحر ..!!وبعدها مرينا على مزرعة سلاحف :
http://astad33.jeeran.com/photos/684569_l.jpg

بعد ذلك توجهنا لفندق التاج في مدينة ( بنتوته) وكان فندق حلو بس يقلب الراس من كبره وموقعه على البحر خييييالي:
جزء من الفندق والشاطئ الجميل :
http://astad33.jeeran.com/photos/684570_l.jpg

وتشوف آثار تسونامي والبيوت والمباني المتهدمة بعد الكارثه اللي جتهم ..
http://astad33.jeeran.com/photos/684554_l.jpg

المهم امرحنا آخر ليلة في هالفندق ومن الصباح توجهنا للمطار مودعين سريلانكا بعد رحلة ممتعة ورااائعة ..

[المكيظم]

ماشاء الله

وفقكم الله وأمتعك كما أمتعتنا .

ولك من ( المكيظم ) تحية عطرة .

[مشــاعر]

http://7bna.com/up/uploads/94868c0643.gif
.
.
صور خياليـــــــــــــه ,, اثرهم في خضره ونعيم هالسيرلانكيين ,,

الله يوسع صدوركم بالعافيه ,,

بس كله كوم ولا القبطان ,, عليه شكل :) اسمحوووووووا لي ,,


.
.
.

http://7bna.com/up/uploads/c61afae108.gif

[يـــزيـــد]

السلام عليكم

ماشاء الله تبارك الله

بصراحة كفيت ووفيت اخوي راعي الأولة

وبهذا التقرير كاننا رحنا معك ،، يعني مايحتاج نروح >> ايه صح

تسلم والله تقرير وافي ومنتاز مثل راعيهـ

[فهد المنيع]

ماشاء الله ذا الجزء صورة توسع الصدر


عندهم طبيعة سبحان الله العظيم



ليتك منزل كلش جميع لاننا مادرينا عن هالجزء الاخير


يعطيك العافيه

[FATA--JALAJEL]

أخووي راعي الأوله تغطية رائعة ما شااء الله تبارك الله




والله ما كنت متوقع إنها بالشكل هذا




مشكووووووووور على الصووور الجميلة




تقبل مرووووووووووووووووووري




محبكم /





FATA--JALAJEL

[أنــ(تويمي)ــا]

ما شاء الله

طبيعة وأجواء رائعه جدا

سبحان الله

الله يعطيك العافيه

رحلة رائعه وجميلة ومتنوعه ما شاء الله عليكم

تحية طيبة

[سعود الخليل]

المكيظم ..

حياك الله والله يجزاك خير على التواصل ...

[سعود الخليل]

مشاعر ..

حياك الله .. والمشكله اننا اخذنا فكره عن السريلانكيين بسبب العماله اللي تجينا .. لكن ديرتهم غير ومثل ما شفتي في الصور ..!!

اما القبطان هذا ..!! هع هع يوسع الصدر ..

[القيصـــر]

السلام عليكم




روعة الصور يا راعي الأولة وفي 24 أغسطس كنت موجود في سيرلانكا بصراحه خيالية لأبعد درجة
شكراً لك . .

[سعود الخليل]

يزيد ..

حياك ربي .. وليتك رايح معي علشان نفتك من الشاهي ..!!

[ابو عبدالإله]

الحمدلله عالسلامة يالغالي ..

والله الديرة حلوة .. وماشاءالله صور رائعة ..

تحياتي لك ..

[ابو سايل]

والله منتب بسيطين



على العمووم عوده حميده

ورحله موفقه


تقبل مروري اخووووو/ووك

ابو سايل

[عبدالعزيز]

http://astad33.jeeran.com/photos/684568_l.jpg

هع هع

عندهم شنبات :)

الله يعطيك العافية يابعدي على التقرير الرائع الصور الممتعة

[طالب علم]

ماشاء الله تبارك الله

التقرير الثالث روعه الله يعطيك العافية

وطبيعة سريلانكا تغري الشخص لزيارتها

بصراحه تقرير ممتع جدا

ابدعت يامشرفنا

والحمدلله على السلامه مره ثانيه


سلام

[عبسون]

ماشاء الله تبارك الله ، والله ما توقعت إن الديره كذا حلوه ومرتبة وشكلها متطورة بعد ؛ صحيح اللي يقول اللي ما يعرف للصقر يشويه <<< والله شكل ذا المثل ماله دخل في السالفه بس أحس إنه زين .

[سعود الخليل]

بارك الله فيكم اخواني جميعاً ..

ومشكورين على مروركم الكريم والتواصل..

[بدر سدير]

الحمدلله على السلامة ورحلة موفقة مدري تصلح عوائل
يراح لها وبعدين اللغة والاكل وش اخبارة
اهم شي

تحياتي

[سعود الخليل]

حياك الله اخوي بدر سدير

وبالنسبة للديرة فهي مليانه عوائل سعوديين ومن اهل نجد ..وتمتاز بالجو الزين والفنادق الحلوة والشواطئ الجميلة والحدائق العامة الخيالية وك1لك الفيلة ورحلات السفاري ..
لكن ترا مافيها اسواق ومجمعات تجارية مثل ماليزيا ولا مدن ترفيهية للأطفال ..
بالنسبة للأكل فهذي يبيلها قعده <<< متوهق
اذا بغيت تحجز برنامجك فاطلب كل الوجبات من الفندق لان ما فيه مطاعم تفتح النفس في الديرة الا كنتاكي وبيتزا هت بس .. فالأفضل انك تاخذ الفطور والغداء والعشاء من الفندق اريح لك ..

[in my dream]

حلووووووووووووووة

[سعود الخليل]

حياك الله اخوي ومشكور على التواصل ..

وحبيت ارفع الموضوع لقرب موسم الصيف والرحلات واللي يبي يروح لسريلانكا ومحتاج اي استفسار مستعدين :)

[عبدالله بن عبدالعزيز]

ماشاء الله تبارك الله

رحلة موفقة وجميلة جداً

مديرنا العام صح ان ردي جا متأخر ولكن اعجبني الموضوع والتقرير

واضطريت للرد علية ليشاهدوه الاعضاء الجديدين

والله ياسريلانكا جنة الله في ارضه

اختيار موفق للرحلة

[سعود الخليل]

هلا وغلا بك يا عبدالله بن عبدالعزيز ....

وشرفتنا بحضورك ومرورك على هالموضوع ...

<<<< وذكرتنا بايام زمان وهالرحلة الحلوة :) الله يعيد أيامها ..

[بنت الرياااض]

اوووووووووه اش الحركات السيلان جذي

[ولد البلد]

والله روعة