الـوسـم

[اتيكا]

الوسم
http://www.alriyadh-np.com/Contents/02-11-2002/Mainpage/images/T2.jpg

بديت بالي من نعبده سر وجهار = والحمد للي نعمته مقتدرها
الوسم توه جاك يوم الفلك دار = وستبشري ياسهولها مع شجرها
يالله يالمعبود يالوافي البار = بمرك تبي ترعد وينزل مطرها
خمسين ليله بالسحايب والامطار = ما تنعرف قيعانها من بحرها
جاك الربيع وعم في كل الاقطار = وردم على الفطر وغير وبرها
يازين شب النار في وقت الاسحار = برض قفر راع الغنم مادمرها
سويت لك فنجال هيل ومسمار = وساقة رفيق من يمين شمرها
الي يجيب من الحطب يشعم النار = ولا فيه واحد شغلته محتكرها
يا ما حلى الدله مع البن وبهار = في فيضة يعجبك ريحة زهرها
لا صرت جالس تنجلي كل الافكار = افكار وهموم بداخلي محتشرها
في ديرة جابو لنا عنها الاخبار = العشب محتاس ويلاعب ثمرها
مع رفقتن تبادلو قول الاشعار = في ليلة ما غاب عنا قمرها
هذى مناتي قبل قصاف الأعمار = يالله يالمعبود تمم خبرها



شعر : مشاري بن خالد معلا البدراني

[تأبط شرًا]

أشكرك أخي اتيكا على هذه الأبيات الجميله والصورة الرائعه التي نتمنى ونرجو من الله أن لايحرمنا من رؤيتها هذه السنه . والله يعطيك العافيه .

[السلمان]

باقتباس من مشاركة اتيكا
الوسم
http://www.alriyadh-np.com/Contents/02-11-2002/Mainpage/images/T2.jpg


يازين شب النار في وقت الاسحار = برض قفر راع الغنم مادمرها
سويت لك فنجال هيل ومسمار = وساقة رفيق من يمين شمرها
الي يجيب من الحطب يشعم النار = ولا فيه واحد شغلته محتكرها
يا ما حلى الدله مع البن وبهار = في فيضة يعجبك ريحة زهرها
لا صرت جالس تنجلي كل الافكار = افكار وهموم بداخلي محتشرها





شعر : مشاري بن خالد معلا البدراني

صح لسان الشاعر والله يعطيك العافية اخوي اتيكا على الابيات الحلوة والصورة الرائعة ....
والله لايحرمنا فضله ويذيقنا خيراته وينزل علينا بركاته
وتقبل تحياتي

[مفتون صيد]

اشكرك يا اتيكا على هالمشاركة

الابيات جميله وصح لسان قائلها

والصوره رائعه ومنظرها يبهج القلب وبصراحه يخلي الواحد يرتاح

ومشاركاتك ..... عاد هاذي اجمل شيء ودائما صاحب مجهود لا ينسى

الله يوفقك

[اتيكا]

أخواني :
تأبط شرًا
السلمان
مفتون صيد
أشكركم من أعماق قلبي على ردودكم الجميله
وعسى الله يجيب الوسم
وتقبلوا مني هذة القصيدة لشاعر : فواز الديري

عسى الله يجيب الوسم وتربع الأوطان = على شان طراد الولع ينشرح باله
سحابٍ يسوقه واهب الخير من كبشان = إلى خارطة جمران والسرك ورماله
تهلع ثعوله فالتضاريس والجيان = رعوده ترزيله وبرقه يرفاله
عليها لعله ينتشر ما طر الامزان = قرابة شهر ما كف سيله وهماله
يساقي مراتيع الدبش فايض الودان = غرام الحزوم الجرد والعود وعياله
تعج الفياض بزاهر الربل والحوذان = ويطرب خفوق الخبت ويجر مواله
يعوشب سنا واد الرشا مرتع الذيدان = توافد عليه النوق ويطيب مدهاله
تخالف هدير الهرش عن لجة الحيران = قبل لا يثبت راعي الذود منزاله
نسايم عليل النود في صافي الغدران = مثل وجه راع الجود لا ساق فنجاله
تطيح الوسوم وترتع النوق للرعيان = بعد ما قمر عشرين طابت له الياله
ليالي جديد العشب وعساسة البدوان = وسج القدم في خايعٍ خاليٍ جاله
بعدها يطيب الشوق مع قايد الغزلان = ربيع الخفوق ونور قلبي وغرباله
خشوفٍ عليه من الغلاء الوجد والتحنان = وانا قبل اعرفه ما أعرف الحب واعماله
عسى الله يلم الشمل وتربع الأوطان = واعايش حبيب الروح وانزل بمنزاله

[مفتون صيد]

ما قصرت واختيارك كان في محله المناسب

بدون مبالغة انا زرت عدة مواقع صيد لكن عز الله انك تفوقت عليها بقوة خيالية ما شاء الله

والله انك مبدع ثم مبدع ثم مبدع وش قول بس . اخاف ازود تقول لسان مصري

لكن ما اقول الا انت مرضي عليك ما شاء الله