تأبط شرًا
02-11-2002, 10:55 PM
قصيدة وجهها الشاعر / عبدالله الطشيم للشاعر / جفّــال . يقول فيها :
يقول اللي لزينات المثايل دايمًا عدّال ## أعدّل ميلها وأضبط قوافيها وتركيبه
أنا توي لقيتك يا عميل الخير ياجفّال ## تقنّص والقنص ممنوع وانت الأمر تدري به
بغينا ننصحك لاشك مانت بحسبة الجهّــال ## وانا قلبي بعد موقفك فيه الشك والريبه
إليامن الكبيرأخطا ترا ماعاد به عقّـال ## تعالوا يا جماعه خبروني وش نسوي به
إذا كان النصايح في ضميرك تقبل المدخال ## نصحتك وانت حر وكل شخصًا شايلاً عيبه
وهذا رد الشاعر جفّــال عليه :
ألا يا مرحبا بك يا صديقًا تحسن الأمثال ## أقدم لك ثمانين ألف مع مليون ترحيبه
كلامك فايده ياصاحبي واضح بدون جدال ## نصيحتكم على راسي قبلناها وأهلي به
عسى الله يقبل التوبه ويصلح باقي الأعمال ## ورب البيت للتايب يغفر الذنب ويثيبه
أسألك ثم اسألك من ضميرًا ناويًا باقبال ## تقبّل توبتي ياربي وأنت العفو تحري به
ترا اللي سبب التوبه قريب بسورة الزلزال ## عرفناربنا وش قال بالذرّه وتحسيبه
نبي ناخذ لنا عمره ونترك خطّـة الجهّـال ## وأطوف ببيت رب البيت تايب له وأصلي به
يقول اللي لزينات المثايل دايمًا عدّال ## أعدّل ميلها وأضبط قوافيها وتركيبه
أنا توي لقيتك يا عميل الخير ياجفّال ## تقنّص والقنص ممنوع وانت الأمر تدري به
بغينا ننصحك لاشك مانت بحسبة الجهّــال ## وانا قلبي بعد موقفك فيه الشك والريبه
إليامن الكبيرأخطا ترا ماعاد به عقّـال ## تعالوا يا جماعه خبروني وش نسوي به
إذا كان النصايح في ضميرك تقبل المدخال ## نصحتك وانت حر وكل شخصًا شايلاً عيبه
وهذا رد الشاعر جفّــال عليه :
ألا يا مرحبا بك يا صديقًا تحسن الأمثال ## أقدم لك ثمانين ألف مع مليون ترحيبه
كلامك فايده ياصاحبي واضح بدون جدال ## نصيحتكم على راسي قبلناها وأهلي به
عسى الله يقبل التوبه ويصلح باقي الأعمال ## ورب البيت للتايب يغفر الذنب ويثيبه
أسألك ثم اسألك من ضميرًا ناويًا باقبال ## تقبّل توبتي ياربي وأنت العفو تحري به
ترا اللي سبب التوبه قريب بسورة الزلزال ## عرفناربنا وش قال بالذرّه وتحسيبه
نبي ناخذ لنا عمره ونترك خطّـة الجهّـال ## وأطوف ببيت رب البيت تايب له وأصلي به